Вольтарен Эмульгель

Вольтарен Эмульгель

Диклофенак

Сыртқа қолдануға арналған 1% гель

Сүйек-бұлшықет жүйесі. Буын және бұлшықет ауыруы кезінде жергілікті қолдануға арналған препараттар. Жергілікті қолдануға арналған қабынуға қарсы стероидты емес препараттар. Диклофенак.

АТХ: М02АА15

Ересектерде, жасөспірімдерде және 12 жастан асқан балаларда ауырсынуды, қабынуды және ісінуді жергілікті емдеу:

- тері жабындарының бүтіндігі бұзылуынсыз сіңірлердің, байламдардың, бұлшықеттер мен буындардың жарақаттық (соның ішінде спортпен айналысқанда болатын) зақымдануларында (соғылулар, созылулар, шығып кетулер), спорттық жаттығулардан немесе жазатайым оқиғадан туындаған арқадағы созылулар және ауырсыну

- ревматизмнің оқшауланған түрлерінде: тендинит («теннистік шынтақ» деп аталатын), қолдың альгодистрофиялық синдромы («иық-қол» синдромы), бурситтер, периартриттер

- шеткері буындардың остеоартрозы, теріге жақын орналасқан (мысалы, тізе немесе саусақтар).

Қолдануды бастағанға дейін қажетті мәліметтер тізбесі

- диклофенакқа немесе кез келген қосымша заттарға аса жоғары сезімталдық

- ацетилсалицил қышқылын немесе басқа да стероидты емес қабынуға қарсы препараттарды қолданған кезде бронх демікпесі ұстамаларының, ангионевроздық ісінудің, есекжемнің немесе жедел риниттердің туындауына бейімділік (мысалы, ибупрофен)

- жүктіліктің 3 триместрі

- 12 жасқа дейінгі балалар

Вольтарен Эмульгельді терінің қабынған бөліктері мен ашық жараларға тигізіп алмай, зақымданбаған сау теріге ғана жағу керек.

Препараттың көз бен шырышты қабықтарға түсуіне жол бермеу керек.

Ішке қабылдауға болмайды.

Препаратты қолданғаннан кейін тері бөртпесі пайда болса, емдеуді дереу тоқтату керек.

Герметикалық окклюзиялық таңғыштың астына қолдануға болмайды, бірақ окклюзиялық емес таңғыштың астына қолдануға болады

Вольтарен  Эмульгель «хош иісті крем 45» қосымша затының құрамында бензилбензоат, сондай-ақ кейбір пациенттерде терінің жергілікті сәл тітіркенуін тудыратын пропиленгликоль бар (Е1520).

Вольтарен Эмульгель құрамында хош иістендіргіш (хош иісті крем 45) бар, оның құрамына бензил спирті, гераниол, цитронелл, бензилбензоат, кумарин, цитрал, эвгенол кіреді. Бұл заттар аллергиялық реакцияларды тудыруы мүмкін.

Егер Вольтарен Эмульгель үлкен беткейлерде және ұсынылғаннан ұзақ пайдаланылса, онда жүйелік жағымсыз әсерлердің пайда болуын толығымен жоққа шығару мүмкін емес.

Препаратты қолдану кезінде пациенттер темекі шегу кезінде немесе күйіп қалу қаупіне байланысты ашық от көздерінің жанында сақ болу керек. Вольтарен Эмульгельдің құрамында тіндерде (киім, төсек-орын жабдықтары және т.б.) жиналса, әлеуетті өртену қаупі болуы мүмкін парафин бар. Киімді немесе төсек-орынды жуу маталардағы парафиннің жиналуын азайтады, бірақ оны толығымен кетірмейді.

Препаратты жергілікті қолдану кезінде диклофенактың жүйелік сіңірілуі өте төмен болғандықтан, өзара әрекеттесуінің туындау ықтималдығы аз. Арнайы ескертулер

Педиатрияда қолдану

Вольтарен Эмульгельдің қауіпсіздігі мен тиімділігі 12 жасқа дейінгі балаларда қазіргі уақытта анықталмаған.

Жүктілік немесе лактация кезінде

Жүктіліктің бірінші және екінші триместрінде диклофенакты қолдану ана үшін күтілетін пайда шарана қаупінен асып кеткен жағдайда ғана мүмкін болады.

Вольтарен Эмульгельді емшек емізу кезінде ана үшін күтілетін пайда шарана қаупінен асып кеткен жағдайда ғана мүмкін болады. Бұндай жағдайларда препаратты кеуде аймағына, терінің үлкен аумағына және ұзақ уақыт бойы қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралын немесе басқа қауіптілігі зор механизмдерді басқару қабілетіне әсер етпейді.

Дозалау режимі

Сыртқа.

Ересектерге, жасөспірімдерге және 12 жастан асқан балаларға дененің ауырған бөліктеріне теріге жеңіл ысқылай отырып күніне 3-4 рет.

Қолдану тәсілі

Өңделетін бөліктің мөлшеріне байланысты 2-4 грамм препаратты жағу керек (гельдің шие немесе жаңғақтай мөлшері терінің 400-800 см2 бөлігіне жағу үшін жеткілікті) жеңіл қозғалыстармен күніне 3-4 рет жағыңыз.

Препаратты қолданғаннан кейін алдымен қолыңызды құрғақ қағаз сүлгімен сүртіп, содан кейін қолды жуу ұсынылады (саусақтарды емдеуді қоспағанда). Пайдаланылған қағаз сүлгіні тұрмыстық қоқыспен бірге утилизациялау керек. Душ немесе ванна қабылдағанға дейін пациент теріге қолданылатын препараттың кебуін күтуі керек.

Егер препаратты қолдану басталғаннан кейін 7 күн ішінде жағдайдың жақсаруы байқалмаса немесе жағдайы нашарласа, ауырсынудың басқа ықтимал себебін болдырмау үшін дәрігермен кеңесу керек. Емдеу ұзақтығы емнің көрсетілімдері мен тиімділігіне байланысты. 2 аптадан кейін симптомдардың жақсаруы болмаған жағдайда емдеу режимін қайта қарау ұсынылады. Препаратты 14 күннен артық қолдануға болмайды.

Артық дозаланған жағдайда қабылдануы тиіс шаралар

Жергілікті қолдануға арналған диклофенактың жүйелік қолжетімділігінің төмендігіне байланысты артық дозалану ықтималдығы өте аз.

Қажет болғанда дәрілік препаратты қолдану тәсілін түсіндіру үшін медициналық қызметкерге кеңес алуға жүгіну ұсынылады

Жиі

- бөртпе, экзема, эритема, дерматит (оның ішінде жанаспалы), қышыну

Сирек

- буллезді дерматит

Өте сирек

- іріңді бөртпе

- Квинке ісінуі

- аса жоғары сезімталдық реакциялары (есекжемді қоса)

- демікпе

- фотосенсибилизация реакциялары

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

100 г препараттың құрамында

белсенді зат - 1,16 г диклофенак диэтиламині

1.00 г диклофенак натрийіне баламалы

қосымша заттар: карбомерлер (карбопол 974 Р), макрогол цетостеарил эфирі (цетомакрогол 1000), кокоил каприлокапраты (цетиол ЛС), диэтиламин, изопропил спирті, сұйық парафин, минерал майы (сұйық ауыр парафин), хош иісті крем 45, пропиленгликоль (1,2- пропиленгликоль дистилденген), тазартылған су.

Ақтан сарғыш түске дейінгі жұмсақ, біртекті крем тәрізді гель.

20 г және 50 г препараттан сыртқы жағында жарғақшаны тесуге арналған ұшы бар, бұралып жабылатын пластмасса қақпағы, қорғаныс алюминий жарғақшасы бар алюминий сықпаларда немесе иықты және тығыздығы жоғары полиэтиленнен жасалған тұтас құйылған пішінді қорғайтын жарғақшасы және бұралып жабылатын полипропилен қақпағы бар ламинацияланған сықпаларда (тығыздығы төмен полиэтилен, алюминий, тығыздығы жоғары полиэтилен және тығыздығы төмен полиэтилен желілік қоспадан, тығыздығы жоғары полиэтилен және блоктауға қарсы қасиеттерімен). Қақпақ сыртқы жағынан сықпаның қорғаныс жарғақшасын ашуға арналған кілтпен (шығыңқы жері бар қуыс) жабдықталған.

1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды.

30 ºС-ден аспайтын температурада.

Балалардың қолы жетпейтін жерде сақтау керек!

Рецептісіз

Haleon CH SARL,

Route de l ' Etraz 1260, Нион, Швейцария

Тел / факс: +41313220370/ +41313220419

www.haleon.com

Haleon CH SARL,

Route de l ' Etraz 1260, Нион, Швейцария

Тел / факс: +41313220370/ +41313220419

www.haleon.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Haleon Kazakhstan» ЖШС

Алматы қ., Манас көш., 32А.

тел. +7 (727) 2446999,

факс +7(727) 2446997

SafetyReportingEMEA@haleon.com (жағымсыз құбылыстар туралы хабарламалар үшін)

CIS.LOC-PQC@haleon.com (препараттың сапасына шағымдар туралы хабарламалар үшін)