Диклофенак-Тева гель д/наруж. прим. 1% по 40 г (туба)

Диклофенак-Тева

Диклофенак

Сыртқа қолдануға арналған гель

Сүйек-бұлшықет жүйесі. Буын және бұлшықет ауыруында жергілікті қолдануға арналған препараттар. Жергілікті қолдануға арналған қабынуға қарсы стероидты емес препараттар. Диклофенак

АТХ коды М02АА15

Ересектерде, жасөспірімдерде және 12 жастан асқан балаларда ауыруды, қабынуды және ісінуді жергілікті емдеу:

- сіңірлердің, байламдардың, бұлшықеттер мен буындардың жарақаттық (оның ішінде спорттық) зақымдануларында (соғылулар, созылулар, шығып кетулер), арқаның ауыруында

- ревматизмнің оқшауланған түрлерінде: тендинит («теннистік шынтақ» деп аталатын), қолдың альгодистрофиялық синдромы («иық-қол» синдромы), бурситтер, периартрит

- шеткері буындардың остеоартроздарын симптоматикалық емдеуге арналған (мысалы, тізе немесе қол саусақтары)

Қолдануды бастағанға дейін қажетті мәліметтер тізбесі

- диклофенакқа, ацетилсалицил қышқылына және басқа қабынуға қарсы стероидты емес дәрілерге, изопропил спиртіне немесе дәрілік препараттың басқа қосымша заттарға аса жоғары сезімталдық

- ацетилсалицил қышқылына (аспирин) немесе қабынуға қарсы стероидты емес дәрілерге анамнезде туындаған демікпе, есекжем немесе жедел ринит ұстамасы

- жүктіліктің ІІІ триместрі (ауқымды беткейлерге немесе ұзақ уақыт бойы жағу кезінде).

- 12 жасқа дейінгі балалар мен жасөспірімдер

Гельді терінің үлкен беткейіне ұзақ қолданған кезде жүйелі жағымсыз әсерлердің болу мүмкіндігін жоққа шығаруға болмайды.

Пероральді қабылданатын ҚҚСП және құрамында диклофенак бар басқа препараттарды бір мезгілде пайдаланудан аулақ болу керек, өйткені жағымсыз әсерлердің жиілігі, әсіресе жүйелі жағымсыз әсерлер артуы мүмкін.

Гельді тері жарақатына немесе ашық жараға емес, зақымданбаған теріге ғана жағу керек. Көзге немесе шырышты қабыққа тигізуге және ішке қабылдауға болмайды.

Тері бөртпесі пайда болған кезде гельді пайдалануды тоқтату керек.

Гель окклюзиялық емес таңғыштармен пайдаланылуы мүмкін, бірақ ауа өткізбейтін окклюзиялық таңғышпен пайдаланылмауы тиіс.

Кейбір жағдайлар анамнезінде пациенттердің асқазан-ішектен қан кету мүмкіндігі туралы асқазан-ішектен қан кету туралы хабарланған.

Жергілікті қолдануға арналған диклофенактың жүйелі сіңуі төмен, және сол себепті өзара әрекеттесу қаупінің мүмкіндігі аз.

Педиатрияда қолдану

Қажет болса, 12 жастан асқан балаларда қолдану керек, егер 7 күннен артық қолдану қажет болса, дәрігермен кеңесу керек.

Жүктілік немесе лактация кезінде

Бірінші және екінші триместрде диклофенак өте қажет болған жағдайда ғана тағайындалады, диклофенак дозасы мүмкіндігінше төмен және емдеу ұзақтығы мүмкіндігінше қысқа болуы керек. Диклофенакты ерте қолданған кезде түсік түсіру, жүрек ақаулары, гастрошизис қаупі артады. Үшінші триместрде қолдануға болмайды. Диклофенак толғақтарды басуы мүмкін, артериялық түтіктің мерзімінен бұрын жабылуына және өкпе гипертензиясына, ана мен шаранада қан кетудің жоғарылауына, ананың ісінуіне әкелуі мүмкін. Лактация кезеңінде диклофенакты қолданбаған жөн, өйткені оның аздаған мөлшері емшек сүтіне бөлінеді. Гельді тек емдеуші дәрігер ұсынысымен пайдалану керек, бұл жағдайда гельді сүт безіне, сондай-ақ дененің үлкен бөлігіне жағуға және ұзақ қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Дозалау режимі

Ересектерге: Ауырған аймақтың көлеміне байланысты 2-4 г гель (диаметрі шамамен 2-2,5 см дөңгелек пішінді масса) жағылады және теріге күніне 3-4 рет ысқылап жағады. Гельді жаққаннан кейін, егер олар емдеуге жататын бөлігі болмаса, қолды жуу ұсынылады.

Гель ультрадыбысты өткізеді, сондықтан ультрадыбыстық еммен біріктірілімде қолданылуы мүмкін.

Терінің үлкен аймақтарына гельді пайдаланған кезде, жүйелі абсорбция жоғары болады және жағымсыз реакциялар қаупі артады.

Балалар: 12 жастан бастап қолдану қажет болғанда және егер 7 күннен астам қолдану талап етілсе, дәрігермен кеңесу керек.

Егде жастағы адамдар: дозаны түзеу талап етілмейді.

Дәрігердің ұсынымынсыз гель жұмсақ тіндер зақымдануы кезінде 2 аптадан астам және артритке байланысты ауыру кезінде 4 аптадан артық қолданылмауы тиіс.

Симптомдары: препаратты жергілікті қолданғанда артық дозалану ықтималдығы аз. Ішке кездейсоқ қабылдағанда гипотензия, бүйрек жеткіліксіздігі, құрысулар, асқазан-ішек жолдарының тітіркенуі және тыныс алудың бәсеңдеуі сияқты асқынулар бақыланды.

Емі: асқазанды шаю, белсендірілген көмір қабылдау, симптоматикалық ем.

Жиі

- бөртпе, экзема, эритема, дерматит (оның ішінде жанаспалы), қышыну

Сирек

- буллезді дерматит

Өте сирек

- іріңді бөртпе

- Квинке ісінуі

- аса жоғары сезімталдық реакциялары (есекжемді қоса алғанда)

- демікпе

- фотосенсибилизация реакциялары

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

100 г гельдің құрамында

белсенді зат - 1,0 г натрий диклофенагы,

қосымша заттар: диизопропил адипаты, гидроксипропилцеллюлоза, 90% сүт қышқылы, натрий дисульфиті, изопропил спирті, инъекцияға арналған су

Изопропанолдың өзіне тән иісі бар мөлдір түссіз гель

40 г, 100 г гель тығыздығы жоғары полиэтиленнен жасалған қақпағы бар алюминий сықпада. 1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

4 жыл

Сықпаны ашқаннан кейін сақтау мерзімі - 12 ай.

Жарамдылық мерзімі өткеннен кейін қолдануға болмайды.

25ºС -ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

«Меркле ГмбХ», Graf-Arco-Str. 3, 89079, Ульм, Германия

+49(0)7071 757-3245 / info.teva-deutschland@teva.de

«ратиофарм ГмбХ», Graf-Arco-Str. 3, 89079, Ульм, Германия

49 731 40202 / +49 (0)731 402-78 32 / info.teva-deutschland@teva.de

«ратиофарм Қазақстан» ЖШС, 050059 (А15Е2Р),

Алматы қ., Әл-Фараби даңғ. 17/1, Нұрлы-Тау БО, 5Б, 6 қабат.

телефон: (727)3251615;

е-mail: info.tevakz@tevapharm.com;

веб сайт: www.teva.kz