Вольтарен Эмульгель гель д/наруж. прим. 2% по 100 г (туба)

Вольтарен Эмульгель

Диклофенак

Сыртқа қолдануға арналған 2% гель

Сүйек-бұлшықет жүйесі. Буын және бұлшықет ауыруы кезінде жергілікті қолдануға арналған препараттар. Жергілікті қолдануға арналған қабынуға қарсы стероидты емес препараттар. Диклофенак.

АТХ: М02АА15

Ересектерде, жасөспірімдерде және 12 жастан асқан балаларда ауырсынуды, қабынуды және ісінуді жергілікті емдеу:

- тері жабындарының бүтіндігі бұзылуынсыз сіңірлердің, байламдардың, бұлшықеттер мен буындардың жарақаттық (соның ішінде спортпен айналысқанда болатын) зақымдануларында (соғылулар, созылулар, шығып кетулер), спорттық жаттығулардан немесе жазатайым оқиғадан туындаған арқадағы созылулар және ауырсыну

- ревматизмнің оқшауланған түрлерінде: тендинит («теннистік шынтақ» деп аталатын), қолдың альгодистрофиялық синдромы («иық-қол» синдромы), бурситтер, периартриттер

- шеткері буындардың остеоартрозы, теріге жақын орналасқан (мысалы, тізе немесе саусақтар).

Қолдануды бастағанға дейін қажетті мәліметтер тізбесі

- диклофенакқа немесе қосымша заттардың кез келгеніне аса жоғары сезімталдық

- ацетилсалицил қышқылын немесе басқа да стероидты емес қабынуға қарсы препараттарды қолданған кезде бронх демікпесі ұстамаларына, ангионевроздық ісінуге, есекжемге немесе жедел риниттердің туындауына бейімділік (мысалы ибупрофен)

- жүктіліктің 3 триместрі

- 12 жасқа дейінгі балалар

Вольтарен Эмульгельді терінің қабынған бөліктері мен ашық жараларға тигізіп алмай, зақымданбаған сау теріге ғана жағу керек.

Препараттың көз бен шырышты қабықтарға түсуіне жол бермеу керек.

Ішке қабылдауға болмайды.

Препаратты қолданғаннан кейін тері бөртпесі пайда болса, емдеуді дереу тоқтату керек.

Герметикалық окклюзиялық таңғыштың астына қолдануға болмайды.

Вольтарен Эмульгель құрамында пропиленгликоль бар, ол кейбір пациенттерде терінің жергілікті тітіркенуін тудыруы мүмкін.

Бутилгидрокситолуол (Е 321), жанаспалы дерматит немесе көздің және шырышты қабықтың тітіркенуі сияқты жергілікті тері реакцияларын тудыруы мүмкін.

Вольтарен Эмульгель құрамында лимонен, гераниол, кумарин, эвгенол, бензил спирті, цитрал, цитронеллол бар хош иістендіргіш бар. Бұл заттар аллергиялық реакцияларды тудыруы мүмкін.

Егер Вольтарен Эмульгель үлкен беткейлерде және ұсынылғаннан ұзақ уақыт пайдаланылса, онда жүйелік жағымсыз әсерлердің пайда болуын толығымен жоққа шығару мүмкін емес.

Препаратты қолдану кезінде пациенттер темекі шегу кезінде немесе күйіп қалу қаупіне байланысты ашық от көздерінің жанында сақ болу керек. Вольтарен Эмульгельдің құрамында тіндерде (киім, төсек-орын жабдықтары және т.б.) жиналса, әлеуетті өртену қаупі болуы мүмкін парафин бар. Киімді немесе төсек-орынды жуу маталардағы парафиннің жиналуын азайтады, бірақ оны толығымен кетірмейді.

Препаратты жергілікті қолдану кезінде диклофенактың жүйелік сіңірілуі өте төмен болғандықтан, өзара әрекеттесуінің туындау ықтималдығы аз.

Педиатрияда қолдану

Вольтарен Эмульгельдің қауіпсіздігі мен тиімділігі 12 жасқа дейінгі балаларда қазіргі уақытта анықталмаған.

Жүктілік немесе лактация кезінде

Жүктілік және бала емізу кезінде қолдануға болмайды. Препаратты дәрігердің тағайындауы бойынша қолданғанда Вольтарен Эмульгельді кеуде аймағына, терінің үлкен аумағына және ұзақ уақыт бойы қолдануға болмайды.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Көлік құралын немесе басқа қауіптілігі зор механизмдерді басқару қабілетіне әсер етпейді.

Дозалау режимі

Сыртқа.

Ересектерге, жасөспірімдерге және 12 жастан асқан балаларға дененің ауырған бөліктеріне теріге жеңіл ысқылай отырып күніне 2 рет (таңертең және кешке).

Қолдану тәсілі

Өңделетін бөліктің мөлшеріне байланысты 2-4 грамм препаратты жағу керек (гельдің шие немесе жаңғақтай мөлшері терінің 400-800 см2 бөлігіне жағу үшін жеткілікті) күніне 2 рет (негізінен таңертең және кешке) және жеңіл қозғалыстармен жағыңыз.

Препаратты қолданғаннан кейін алдымен қолыңызды құрғақ қағаз сүлгімен сүртіп, содан кейін қолды жуу ұсынылады (саусақтарды емдеуді қоспағанда). Пайдаланылған қағаз сүлгіні тұрмыстық қоқыспен бірге утилизациялау керек. Душ немесе ванна қабылдағанға дейін пациент теріге қолданылатын препараттың кебуін күтуі керек. Егер препаратты қолдану басталғаннан кейін 7 күн ішінде жағдайдың жақсаруы байқалмаса немесе жағдайы нашарласа, ауырсынудың басқа ықтимал себебін болдырмау үшін дәрігермен кеңесу керек.

Емдеу ұзақтығы емнің көрсетілімдері мен тиімділігіне байланысты.

Препаратты 14 күннен артық қолдануға болмайды.

Артық дозалану жағдайында қабылдануы қажет шаралар

Жергілікті қолдануға арналған диклофенактың жүйелік қолжетімділігінің төмендігіне байланысты артық дозалану ықтималдығы өте аз.

Қажет болғанда дәрілік препаратты қолдану тәсілін түсіндіру үшін медициналық қызметкерге кеңес алуға жүгіну ұсынылады

ДП стандартты қолдану кезінде байқалатын жағымсыз реакциялардың сипаттамасы және мұндай жағдайда қолданылуы керек шаралар.

Жиі

- бөртпе, экзема, эритема, дерматит (оның ішінде жанаспалы), қышыну

Сирек

- буллезді дерматит

Өте сирек

- іріңді бөртпе

- Квинке ісінуі

- аса жоғары сезімталдық реакциялары (есекжемді қоса)

- демікпе

- фотосенсибилизация реакциялары

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 г препараттың құрамында

белсенді зат – 23,2 мг диклофенак диэтиламині

20.0 мг диклофенак натрийіне баламалы

қосымша заттар: изопропилді спирт, пропиленгликоль, кокоил каприлокапрат, сұйық парафин, цетостеаромакрогол, карбомерлер, диэтиламин, олеилді спирт, эвкалипт иістендіргіші, бутилгидрокситолуол, тазартылған су

Сыртқы түрінің, иісінің, дәмінің сипаттамасы

Ақтан сарғыш түске дейінгі біртекті жұмсақ, крем тәрізді масса.

50 г препараттан дөңгелек пішінді бұралатын полипропилен қақпағы бар ламинатталған алюминий сықпаға (сыртқыдан ішкі бетіне қарай құрамы: тығыздығы төмен полиэтилен, алюминий, тығыздығы жоғары полиэтилен) немесе ламинатталған алюминий сықпаға (сыртқыдан ішкі бетіне қарай құрамы: тығыздығы төмен полиэтилен, алюминий, тығыздығы төмен желілік полиэтилен мен тығыздығы жоғары полиэтилен және тежеуді бұғаттауға қарсы қасиеттері бар толықтырғыштың қоспасы) салынған.

100 г препараттан полипропиленнен жасалған қысқыштар тәрізді қақпақтың жан-жақтарында орналасқан алғашқы ашылуы бақыланатын полипропилен және термопластикалық эластомерден жасалған «flip-top» типті қайырмалы қақпағы бар немесе бұралатын үшбұрышты пішінді және алғашқы ашылуы бақыланатын пропилен қақпағы бар ламинатталған алюминий сықпаға салынған (сыртқыдан ішкі бетіне қарай құрамы: тығыздығы төмен полиэтилен, алюминий, тығыздығы жоғары полиэтилен) немесе ламинатталған алюминий сықпаға салынған (сыртқыдан ішкі бетіне қарай құрамы: тығыздығы төмен полиэтилен, алюминий, тығыздығы төмен желілік полиэтилен мен тығыздығы жоғары полиэтилен және тежеуді бұғаттауға қарсы қасиеттері бар толықтырғыштың қоспасы)

1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

3 жыл

Жарамдылық мерзімі өткеннен кейін қолдануға болмайды.

30 °С-ден аспайтын температурада

Балалардың қолы жетпейтін жерде сақтау керек!

Рецептісіз

Haleon CH SARL,

Route de l’Etraz 1260, Нион, Швейцария

Тел/факс: +410225672000 /+410225674842

www.haleon.com

Haleon CH SARL,

Route de l’Etraz 1260, Нион, Швейцария

Тел/факс: +410225672000 /+410225674842

www.haleon.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Haleon Kazakhstan» ЖШС

Алматы қ., Манас көш., 32А.

тел. +7 (727) 2446999,

факс +7(727) 2446997

SafetyReportingEMEA@haleon.com (жағымсыз құбылыстар туралы хабарламалар үшін)

CIS.LOC-PQC@haleon.com (препараттың сапасына шағымдар туралы хабарламалар үшін)