Клодифен гель д/наруж. прим. 5% по 45 г (туба)

Клодифен

Диклофенак

Гель 5 %

Сүйек-бұлшықет жүйесі. Буын және бұлшықет ауыруы кезінде жергілікті қолдануға арналған препараттар. Жергілікті қолдануға арналған қабынуға қарсы стероидты емес препараттар. Диклофенак.

АТХ коды М02АА15

Клодифен гель ауыру, қабыну және ісінуді жергілікті емдеуге арналған:

- тері жабындарының бүтіндігі бұзылуынсыз сіңірлердің, байламдардың, бұлшықеттер мен буындардың жарақаттық (соның ішінде спортпен айналысқанда болатын) зақымдануларында (соғылулар, созылулар, шығып кетулер), арқаның ауыруында

- ревматизмнің оқшауланған түрлерінде: тендинит («теннистік шынтақ» деп аталатын), қолдың альгодистрофиялық синдромы («иық-қол» синдромы), бурситтер, периартриттер

- шеткері буындардың остеоартриті (мысалы, тізе немесе саусақтар)

Клодифен гелін балалар мен жасөспірімдерде қолдану ұсынылмайды.

Қолдануды бастағанға дейін қажетті мәліметтер тізбесі

- белсенді затқа немесе препараттың қосымша заттарының кез келгеніне аса жоғары сезімталдық

- ацетилсалицил қышқылына және басқа қабынуға қарсы стероидты емес препараттарға бронх демікпесі, есекжем немесе жедел ринит сияқты аса жоғары сезімталдық реакциялары

- жүктіліктің үшінші триместрі

- терінің ашық зақымдануы, терінің қабыну немесе инфекциялық аурулары, экзема.

Клодифен гелі шырышты қабықтарға жағуға арналмаған.

Клодифен гелін тек сау тері аймақтарына жағу керек. Препаратты жараларға немесе ашық зақымданулары бар тері аймақтарына қолдануға болмайды.

Жергілікті қолданған кезде диклофенак жүйелі қан ағымына аз ғана енеді, сондықтан препаратты қолданған кезде дәрілік өзара әрекеттесу күтілмейді.

Препаратты ұзақ уақыт бойы тері беткейінің үлкен аймағына қолданған жағдайда, жүйелі жағымсыз реакциялардың даму қаупін жоққа шығаруға болмайды (диклофенакты медициналық қолдану жөніндегі тиісті нұсқаулықты қараңыз, онда оның жүйелі әсерлері туралы ақпарат бар).

Препаратты қолданған кезде гельдің көзге немесе шырышты қабықтарға түсуіне жол бермеу үшін абай болу керек. Клодифен гелін ішке қабылдауға болмайды.

Егер препаратты қолданғаннан кейін теріде бөртпе пайда болса, оны қолдануды тоқтату керек.

Клодифен гелін неокклюзиялық таңғыштардың астында қолдануға болады және ауа өткізбейтін окклюзиялық таңғыштардың астында қолдануға болмайды.

Егер препаратпен емдеуді бастағаннан кейін 3 күн ішінде жағдай жақсармаса, пациент дәрігермен кеңесу керек.

Қосымша заттар

Клодифен гельдің құрамында аллергиялық реакциялар (оның ішінде кешеуілдеген) тудыруы мүмкін метилпарагидроксибензоат бар.

Клодифен гельдің құрамында теріні тітіркендіретін пропиленгликоль бар.

Балалар мен жасөспірімдер

Клодифен гельді пациенттердің берілген санатында препаратты қолдану туралы деректердің болмауына байланысты балалар мен жасөспірімдерде қолдану ұсынылмайды.

Жүктілік немесе лактация кезінде

Жүктілік

Жергілікті қолданғанда қан плазмасындағы диклофенак концентрациясы жүйелі қолданумен салыстырғанда айтарлықтай төмен болады.

Простагландиндер синтезінің тежелуі жүктілікке және/немесе эмбрион/шарананың дамуына теріс әсер етуі мүмкін. Эпидемиологиялық зерттеу деректері жүктіліктің ерте кезеңінде простагландин синтезінің тежегіштерін қолдану өз бетімен аборт қаупінің жоғарылауымен, жүрек ақауларының және гастрошизистің дамуымен байланысты екенін көрсетеді. Жүрек-қантамыр жүйесінің туа біткен ақаулары дамуының абсолютті қаупі 1%-дан 1,5%-ға дейін өсті; доза мен терапия ұзақтығының жоғарылауымен қауіп артады деп болжануда.

Гестация кезеңінде (шарана органогенезі кезеңі) жануарларға простагландин синтезінің тежегіштерін енгізу кезінде әртүрлі даму ақауларының, соның ішінде жүрек-қантамыр ақаулары жиілігінің жоғарылауы байқалды.

Жүктілікті жоспарлайтын әйелдерде, сондай-ақ жүктіліктің бірінші және екінші триместрінде Клодифен гелін мүмкіндігінше қысқа уақыт ішінде ең аз дозада өте қажет болған жағдайда ғана қолдану керек.

Жүктіліктің үшінші триместрінде қолданылған кезде простагландин синтезінің барлық тежегіштері теріс әсер етуі мүмкін:

- шаранаға - жүрек-өкпе уыттылығы (артериялық түтіктің мерзімінен бұрын жабылуы және өкпе гипертензиясының дамуы); бүйрек функциясының бұзылуы, кейде бүйрек жеткіліксіздігі мен олигогидрамнионның дамуымен;

- ана мен шаранаға (жүктіліктің соңында) - қан кету уақытының ұлғаюы мүмкін (антиагрегантты әсер тіпті өте төмен дозада қолданылса да көрініс табуы мүмкін); жатыр жиырылуының төмендеуі, бұл босанудың кідіруіне және ұзақтығының ұлғаюына әкелуі мүмкін.

Сондықтан препаратты жүктіліктің үшінші триместрінде қолдануға болмайды.

Лактация

Басқа да қабынуға қарсы стероидты емес препараттар сияқты, диклофенак аз мөлшерде емшек сүтіне енеді. Дәрілік зат емдік дозаларда жергілікті қолданғанда емшек еметін балаға әсер етеді деп күтілмейді.

Емшек емізу кезінде әйелдерде препаратты қолданудың клиникалық зерттеулері жүргізілмеген, сондықтан мұндай жағдайларда Клодифен гелін дәрігермен кеңескеннен кейін ғана қолдану керек. Бұл жағдайда препаратты кеуде аймағына немесе тері беткейінің үлкен аймағына қолдануға немесе ұзақ уақыт бойы қолдануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Жергілікті қолданған кезде препарат көлік жүргізу және механизмдерді басқару қабілетіне әсер етпейді.

Дозалау режимі

Клодифен гелін күніне 2-3 рет қабыну ошағының үстіндегі теріге жұқа қабатпен жағу керек.

Клодифен гелін ионофорез процедурасын жүргізу кезінде қолдануға болады, бұл ретте оны теріс полюске (катодқа) жағу керек.

Енгізу жолы және тәсілі

Препарат сыртқа қолдануға арналған.

Препаратты қолданғаннан кейін алдымен қолыңызды құрғақ қағаз сүлгімен сүртіп, содан кейін қолыңызды жуған жөн (қол саусақтарын емдеуді қоспағанда). Душ немесе ванна қабылдағанға дейін пациент теріге қолданылатын препараттың кебуін күтуі керек.

Препараттың артық дозалануы екіталай, өйткені жергілікті қолданған кезде диклофенак жүйелі қан ағымына аз мөлшерде енеді.

Препаратты кездейсоқ ішке қабылдаған кезде (бір сықпада 2,25 г диклофенак натрий бар) жағымсыз реакциялар дамуы мүмкін, олар диклофенактың пероральді түрлерінің артық дозалануымен байқалады.

Егер препаратты кездейсоқ ішке қабылдағаннан кейін айқын жүйелі жағымсыз реакциялар пайда болса, олардың терапиясы улануды емдеудің жалпы принциптеріне негізделуі керек.

Асқазанды шаю және белсендірілген көмірді қолдану туралы мәселені қарастыру керек, әсіресе егер дәрілік затты қабылдаған сәттен бастап аз уақыт өтсе.

Дәрілік препаратты қолдану туралы сұрақтар туындаған жағдайда дәрігермен немесе фармацевтпен кеңесу керек.

Жиі

- дерматит (оның ішінде жанаспалы дерматит), бөртпе, эритема, экзема, қышыну

Сирек

- буллезді дерматит;

Өте сирек

- аса жоғары сезімталдық (соның ішінде есекжем), ангионевроздық ісіну

- фотосенсибилизация реакциялары

- пустулезді бөртпе

- бронх демікпесі

Жиілігі белгісіз

- жаққан жердегі шымылдату сезімі, терінің құрғауы.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

100 г гельдің құрамында

белсенді зат – натрий диклофенагы 5.0 г,

қосымша заттар: этанол 96%, пропиленгликоль, гидроксиэтилцеллюлоза, метилпарагидроксибензоат, тазартылған су.

Бір текті, көпіршіктері жоқ, иісі аздап спиртке ұқсас, мөлдір түссіз немесе аздап сарғыш гель.

45 г препараттан тығыздығы жоғары полиэтиленнен жасалған қалпақшасы бұралмалы эпоксидті жабыны бар алюминий сықпаларға салынады.

1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

«Уорлд Медицин Илач Сан. ве Тидж. А.Ш.»

ЧОСБ Г.О. Паша Мах. 6. Джад. № 30 Черкезкёй, Текирдаг, Түркия

Тел: +90 (212) 474 70 50, факс: +90 (212) 474 09 01

Эл.пошта: info@worldmedicine.com.tr

«УОРЛД МЕДИЦИН ЛИМИТЕД»

Граунд Фло, Гадд Хаус, Аркадия Авеню, Финчли, Лондон қ., N3 2JU, Ұлыбритания

Тел: +44 (0) 845 0 66 33 00

Факс: +44 (0) 845 0 66 33 01

Эл.пошта: info@worldmedicine.co.uk

«РИН Фарм» ЖШС, Қазақстан Республикасы, Алматы қ., Сүйінбай д-лы, 222Б

Тел/факс: 8 (7272) 529090, электронды пошта: rin_pharma@mail.ru

«РИН Фарм» ЖШС, Қазақстан Республикасы, Алматы қ., Сүйінбай д-лы, 222Б

Ұялы телефон: +7 701 786 33 98, электронды пошта: pvpharma@worldmedicine.kz