Стопангин

Стопангин-Тева

Гексэтидин

Ауыз қуысының шырышты қабығына арналған спрей, 30 мл

Респираторлық жүйе. Тамақ ауруын емдеуге арналған препараттар. Антисептиктер. Басқа да препараттар.

АТХ коды R02АА20

Антибиотиктер мен сульфаниламидтерді тағайындауды қажет ететін ауыз қуысы мен жұтқыншақтың ауыр қызбалық немесе іріңді ауруларын кешенді емдеу кезінде

- тонзиллит

- баспа (оның ішінде бүйір валиктері зақымданған баспа, Плаут-Винцент баспасы)

- фарингит

- гингивит және қызыл иектің қанағыштығы

- периодонтопатиялар (периодонт аурулары және олардың симптомдары)

- суперинфекция профилактикасы мақсатында стоматит (ауыз қуысының шырышты қабығының қабынуы), глоссит (тілдің қабынуы), афтозды ойық жаралар (тіндердің беткейлік ақаулары бар ауыратын қабыну)

- тістерді жұлғаннан кейін альвеолалардың (тіс қуыстары) инфекция жұқтыруы

- ауыз қуысы мен жұтқыншақтың зеңдік инфекциясы, әсіресе кандидозды стоматит (уылуы)

- ауыз қуысы мен жұтқыншақ операцияларына дейін және кейін

- жалпы аурулар кезіндегі ауыз қуысының қосымша гигиенасы

- ауыздағы жағымсыз иісті кетіру, әсіресе ауыз қуысы мен жұтқыншақты бұзатын ісіктер жағдайында

- суық тию ауруларын емдеу кезінде қосымша дәрі.

Қолданудың басталуына дейінгі қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- атрофиялық типті құрғақ фарингит

- 3 жасқа дейінгі балалар

- жүктіліктің I триместрі

Белгісіз.

Препаратты дәрігердің кеңесінсіз қабылдауға болмайды.

Препаратты көзге тигізбеу керек.

Құрамында 64% этанол бар.

Жүктілік және лактация кезеңі

Препаратты жүкті және бала емізетін әйелдерде қолдану туралы жеткілікті деректер жоқ, сондықтан оны сақтықпен және қолданудың болжамды пайдасы ана мен бала үшін потенциалды қауіптен асып түскен жағдайда ғана қолдану керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Стопангин-Тева көлік құралдарын басқаруға және жоғары зейін қоюды қажет ететін әрекеттерге әсер етпейді.

Қолдану бойынша ұсынымдар

Дозалау режимі

Ересектер мен 3 жастан асқан балалар

Бір реттік доза 1-2 секунд ішінде енгізіледі.

Егер басқаша көрсетілмесе, күніне екі рет, дұрысы таңертең және кешке қолданылады. Гексэтидин шырышты қабықта адгезияланады және осының арқасында тұрақты әсер көрсетеді. Осыған байланысты препаратты тамақтан кейін қолдану керек.

Препарат жиі қолданған кезде де қауіпсіз.

Жалпы кіріспе бойынша нұсқаулар

Препаратты ауыз қуысында немесе жұтқыншақта шашыратады. Аэрозольдің көмегімен зақымданған бөліктерді оңай және тез өңдеуге болады. Мына қадамдарды орындау қажет:

- аэрозольді баллонға бүріккіш қондырманы кигізіңіз;

- бүріккіш қондырманың ұшын ауыз қуысының немесе жұтқыншақтың зақымданған бөлігіне бағыттаңыз;

- препаратты енгізу кезінде құтыны үнемі тік күйде ұстау керек;

- 1-2 секунд бойы бүріккіш қондырманың бастиегін баса отырып, препараттың қажетті мөлшерін енгізіңіз, аэрозоль енгізген кезде дем алмаңыз.

Емнің ұзақтығы дәрігермен анықталады.

Жергілікті.

Препаратты 7 күннен артық қолдануға болмайды.

Артық дозаланғанда қабылдануы қажет шаралар

Стопангин-Тева-мен артық дозаланудың бірде-бір жағдайы туралы хабарланған жоқ.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

- ауыз қуысының шырышты қабығын уақытша күйдіру сезімі

- сезімталдығы жоғары адамдарда айрықша жағдайларда аллергиялық реакциялар, оның ішінде ларингоспазм болуы мүмкін

- жүрек айнуы (препаратты кездейсоқ жұтып қойған кезде)

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

30 мл препараттың құрамында

белсенді зат – 0.0577 г гексэтидин,

қосымша заттар: анис эфир майы, эвкалипт эфир майы, апельсин ағашы (Нероли) гүлдерінен алынған эфир майы, бұрыш жалбызының эфир майы, левоментол, метилсалицилат, натрий сахаринат моногидраты, 85% глицерин, 96% этил спирті.

Өзіне тән иісі бар мөлдір, түссіз немесе түссіз дерлік сұйықтық.

30 мл препараттан механикалық бүріккішпен және бүріккішті қорғайтын қақпақпен жабдықталған ақ түсті пластмасса құтыда. Әр құты аппликатормен жиынтықта медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

2 жыл.

Жарамдылық мерзімі өткеннен кейін қолдануға болмайды!

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

Teva Czech Industries s.r.o.

Остравска, 29\305 Опава – Комаров, Чех Республикасы

Тел.: 420272182832

info@tevapharm.com

Teva Pharmaceutical Industries Ltd.

124 Dvora HaNevia St., 6944020, Тель-Авив, Израиль

Тел.: 972-3-9267267

info@tevapharm.com

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, электронды пошта)

«ратиофарм Казахстан» ЖСШ, 050059 (А15Е2Р),

Алматы қ., Әл-Фараби д-лы 17/1, Нұрлы Тау БО, 5Б, 6 қабат.

Тел.: (727)3251615;

е-mail: info.tevakz@tevapharm.com; веб сайт: www.kaz.teva.