Стрепсилс со вкусом ментола и эвкалипта таблетки д/рассас. №24 (2 блистера х 12 таблеток)

Стрепсилс®ментол және эвкалиптпен

Жоқ

Дәрілік формасы, дозалануы

Соруға арналған ментолды-эвкалиптті таблеткалар

Респираторлық жүйе. Тамақ ауруларын емдеуге арналған препараттар. Антисептиктер. Басқа препараттар.

АТХ коды R02AA20

- тамақтың ауыруын қоса, ауыз қуысы мен жұтқыншақтың инфекциялық-қабыну ауруларын симптоматикалық емдеу, құрғақ жөтелден және мұрын бітелуінен

Қолдануды бастағанға дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- фруктоза жақпаушылығы, глюкоза-галактоза мальабсорбциясы немесе сахараза-изомальтаза жеткіліксіздігі сияқты сирек туа біткен синдромдары бар пациенттерге;

- 18 жасқа дейінгі балалар (препарат құрамында Индигокармин (Е 132) бояғышы болуына байланысты)

Ауыз қуысында қысқа мерзімді жергілікті қолдану үшін.

Үш күннен артық қолдану ұсынылмайды.

Басқа препараттармен клиникалық маңызды өзара әрекеттесулер анықталған жоқ.

Препаратты басқа жергілікті микробқа қарсы дәрілермен бір мезгілде қолдануға болады.

Егер препаратты 3 күн бойы қабылдаған кезде симптомдар сақталса немесе нашарласа, дәрігерге қаралу қажет.

Қосымша заттар бойынша қосымша деректер

Препарат құрамында сахароза болуына байланысты фруктоза жақпаушылығы, глюкоза-галактоза мальабсорбциясы немесе сахароза-изомальтаза жеткіліксіздігі сияқты сирек туа біткен синдромдары бар пациенттерге осы дәрілік препаратты қолданудан бас тарту керек.

Препараттың құрамында глюкоза бар, ол ұзақ уақыт қолданғанда тістерге зиянды әсер етуі мүмкін.

Әрбір таблеткада шамамен 2.6 г қант бар, оны қант диабеті бар науқастар, сондай-ақ гипокалориялық диета кезінде ескеру қажет.

Педиатрияда қолдану

Препараттың құрамында Индигокармин (Е 132) бояғышы болуына байланысты препарат 18 жасқа дейінгі балаларға қолдануға болмайды.

Жүктілік немесе лактация кезінде

Амилметакрезол, 2,4-дихлорбензил спирті және левоментолды жүктілік кезеңінде қолдану қауіпсіздігі жөніндегі деректер жоқ немесе шектелген.

Жүктілік кезінде Стрепсилс®ментол және эвкалиптпен, соруға арналған ментолды-эвкалиптті таблеткалар қабылдаған кезде сақ болу және қажет болса дәрігермен кеңесу қажет.

Амилметакрезол, 2,4-дихлорбензил спирті, левоментол немесе олардың метаболиттері адамның емшек сүтіне енетіні туралы деректер жоқ. Нәрестелер/сәбилер үшін қауіп жоққа шығарылмайды.

Препараттың қөлік құралдарын және басқа қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын басқару және механизмдермен жұмыс істеу қабілетіне әсер етпейді немесе аздаған әсер етеді.

Қолдану бойынша ұсынымдар

Дозалау режимі

Ересектер

2-3 сағат сайын 1 таблеткадан баяу сору керек. 24 сағат ішінде 12 таблеткадан артық қабылдауға болмайды.

Енгізу әдісі мен жолы

Ауыз қуысында сору үшін. Таблетканы ауызда баяу сору қажет.

Препаратты симптомдарды жою үшін қажетті ең аз мерзім ішінде ең аз тиімді дозада қабылдау керек.

Препаратты қатарынан үш күннен артық қолдану ұсынылмайды.

Пациенттердің ерекше топтары

Балалар

Препараттың 18 жасқа дейінгі балаларға қолдануға болмайды.

Егде жастағы пациенттер

Егде жастағы пациенттерде дозаны төмендету қажеттілігі жоқ.

Бауыр және бүйрек жеткіліксіздігі бар пациенттер

Деректер жоқ.

Артық дозаланған жағдайда қолданылуы қажет шаралар

Симптомдар: асқазан-ішек жолы тарапынан жайсыздық.

Емі: симптоматикалық және демеуші ем.

Дәрілік препаратты қолдану тәсілін түсіндіру үшін медициналық қызметкерге кеңес алуға жүгіну бойынша ұсынымдар

Егер сіз препаратты қалай қолдануға күмәндансаңыз, емдеуші дәрігеріңізбен кеңесіңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жағымсыз реакциялар жиілігі бойынша мынадай түрде топтастырылған: өте жиі (≥ 1/10); жиі (≥1/100-ден <1/10-ға дейін); жиі емес (≥1/1000-нан <1/100-ге дейін); сирек (≥1/10000-нан <1/1000-ға дейін); өте сирек (<1/10000); жиілігі белгісіз (қолда бар деректер негізінде бағалау мүмкін емес).

Жиілігі белгісіз

- аса жоғары сезімталдық (аса жоғары сезімталдық реакциялары бөртпе, ангионевроздық ісіну, есекжем, бронх түйілуі және естен танумен қатар жүретін қысымның төмендеуі түрінде көрініс табуы мүмкін);

- іш ауыруы, жүрек айнуы;

- глоссодиния;

- ауыз қуысындағы жағымсыз сезімдер, сондай-ақ тамақ тітіркенуі, ауыз қуысының парестезиясы, ауыз қуысы ісінуі түрінде көрініс табуы мүмкін.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Соруға арналған бір таблетканың құрамында:

белсенді заттар: амилметакрезол - 0.60 мг, 2,4-дихлорбензил спирті - 1.20 мг, левоментол – 8.00 мг;

қосымша заттар: эвкалипт майы, индигокармин (E132), шарап қышқылы, сұйық сахароза, сұйық глюкоза.

Таблетканың екі жағында S әрпі бейнеленген, өзіне тән дәмі бар, көгілдір түсті, дөңгелек пішінді, ментолды-эвкалиптті соруға арналған таблеткалар. Карамель массасында ақ өңез, біркелкі емес боялуы, ауа көпіршіктерінің болуына және шеттерінің аздап тегіс болмауына жол беріледі.

Поливинилхлорид/поливинилиденхлорид (ПВХ/ПВДХ) үлбір мен алюминий фольгадан жасалған пішінді ұяшықты қаптамаға 12 таблеткадан салады.

Пішінді 2 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл.

Жарамдылық мерзімі өткеннен кейін қолдануға болмайды!

25оС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

Рекитт Бенкизер Хелскэр Интернешнл Лимитед,

Тейн Роуд, Ноттингем, NG90 2DB, Ұлыбритания

тел. +44(0)1482326151; факс: +44(0)1482582532, e-mail: contact_ru@rb.com

Рекитт Бенкизер Хелскэр Интернешнл Лимитед,

Тейн Роуд, Ноттингем, NG90 2DB, Ұлыбритания

тел. +44(0)1482326151; факс: +44(0)1482582532, e-mail: contact_ru@rb.com

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Рекитт Бенкизер Хэлс Казахстан» ЖШС, Қазақстан Республикасы,

050040, Алматы қ., Көктем-1 ы/а, 15 «А» үй, 302 кеңсе.

Тел.: 8-10-800-2000-82-20 (қоңырау шалу тегін),

e-mail: contact_ru@rb.com, KazakhstanDSO@rb.com.