Ангал со вкусом меда пастилки д/рассас. №24 (2 блистера x 12 пастилок)

Ангал®

Жоқ

Бал дәмі бар соруға арналған пастилкалар

Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар.

АТХ коды R02АA20

Жергілікті қолдануға арналған.

- жұтқыншақ және тамақ ауруларын симптоматикалық емдеу.

Қолдануды бастағанға дейін қажетті мәліметтер тізбесі

- белсенді заттарға немесе қосымша заттардың кез келгеніне жекелей жоғары сезімталдық

- 6 жастан кіші балалар

- фруктозаның тұқым қуалайтын жақпаушылығы (құрамында сорбитолдың болуына байланысты)

Антисептиктер микробтарды жоймады; олар жұтқыншақ пен тамақ аймағындағы микроорганизмдердің санын уақытша азайтады.

Медициналық қолдану жөніндегі нұсқаулықты немесе бұрыннан бар ауырсыну мен тітіркенуді жеңілдету үшін қажетті дәрігердің тағайындауын қатаң сақтай отырып, осы дәріні пайдалануын ең аз мөлшерге дейін шектеңіз. Ұзақ уақыт бойы, үздіксіз немесе бірнеше рет пайдалануға болмайды.

Препаратты аллергиялық реакциялардың туындауына бейімділігі бар пациенттерде қолданған кезде сақ болу керек.

Шамадан тыс дозаларды (тәулігіне 20 пастилкадан артық) қабылдағаннан кейін жұту рефлекстері (тыныс алу жолына тағаммен аспирациялануы мүмкін жұту рефлексін бақылаудың төмендеуі) тарапынан бұзылулар болуы мүмкін.

Ангал® препараттың құрамында сорбитол бар. Фруктоза жақпаушылығы сияқты сирек кездесетін тұқым қуалайтын аурулары бар пациенттерге бұл дәріні қолдануға болмайды.

Ангал® препараттың құрамында сульфиттер бар. Сирек жағдайларда ол аса жоғары сезімталдықтың ауыр реакциялары мен бронх түйілуін тудыруы мүмкін.

Өзара әрекеттесудің туындау ықтималдығы себебінен (жағымсыз әсер немесе белсенділігінің жойылуы) жергілікті әсер ететін антисептикалық препараттарды бір уақытта немесе бірізді пайдалануды болдырмау керек.

Холинэстераза тежегіші мен жергілікті анестетикті бірге қолдану ұсынылмайды.

Препаратты қабынудан туындаған тамақтың ауыру және тітіркену симптомдарын қажетінше жеңілдеткенге дейін ғана пайдалану қажет.

Препаратты ұзақ, үздіксіз немесе тым жиі пайдалануға болмайды.

Жоғарғы температурамен біріккен бактериялық инфекция болғанда қосымша ем қажет.

Бал дәмі бар соруға арналған пастилкалардың құрамында қант жоқ және диабетпен ауыратындарға пайдалануына болады.

Педиатрияда қолдану

6 жастан кіші балаларға беруге болмайды.

Жүктілік немесе лактация кезінде

Ангал® препараты жергілікті емдеуге арналған. Сақтық шараларын және арнайы шектеулерді сақтаған жағдайда бұл дәрілік затты жүктілік және бала емізу кезеңінде қолдануға болады. Пациент бұл туралы емдеуші дәрігерге хабарлау ұсынылады.

Дәрілік заттың көлік құралдарын немесе аса қауіпті механизмдерді басқару қабілетіне ықпал ету ерекшеліктері

Әсер етпейді.

Дозалау режимі

Ересектер: ауызда біртіндеп сорып, күніне 6-дан 10 пастилкаға дейін.

6 жастан бастап және одан үлкен балалар: ауызда біртіндеп сорып, күніне 3-тен 5 пастилкаға дейін.

Ересектердегі ең жоғары бір реттік доза 5 мг хлоргексидин және 1 мг лидокаин құрайды.

Ересектердегі ең жоғары тәуліктік доза 50 мг хлоргексидин және 10 мг лидокаин құрайды.

Енгізу әдісі мен жолы

Ауыз қуысында соруға арналған пастилкалар.

Емдеу узақтығы

Препарат симптоматикалық емдеуге арналған, оны 3-4 күннен артық, үздіксіз және тым жиі пайдалануға болмайды. Егер бұл дәрілік затты қолдану кезінде пациенттің жағдайы жақсармаса емдеуші дәрігерге қаралу керек.

Бұл препараттың құрамында уытты дозаның аз бөлігі болатындығына және оны пайдалану жергілікті қолданумен шектелгеніне қарамастан, әсіресе, абайсыз балаларда қолданған жағдайда, артық дозалану мүмкіндігін ескеру керек.

Симптомдары:

Лидокаин орталық жүйке және жүрек-қантамыр жүйесіне әсер ете отырып, жүйелі уыттануға (0,5 г және одан жоғары доза ересектер үшін уытты болды) әкелуі мүмкін:

-қозу, есінеу, күйгелектік, құлақтың шыңылдауы, нистагм, бұлшықет треморы, құрысулар, депрессия, ентігу;

-жүрек бұлшықеті жиырылуының төмендеуі, шеткері қан тамырлардың кеңеюі, гипотония, брадикардия, жүрек ырғағының бұзылуы, жүректің тоқтауы.

Хлоргексидин асқазан-ішек жолынан өте аз мөлшерде сіңеді.

Антидот: жоқ

Емі:

Жүйелі уыттану кезінде:

-препарат қабылдауды дереу тоқтату

-асқазанды шаю және асқазан ішіндегісін аспирациялау, құстыру

-тыныс алу функциясын қамтамасыз ету, сусыздануды болдырмау және қан айналымын демеу мақсатында ауруханаға жатқызу

Тұншыққан кезде:

-ауа берілуін қамтамасыз ету, Хаймлих әдісін орындау

-обструкция сақталған жағдайжа пациентті ауруханаға жатқызу

Ангал® препараттың қолдану тәсілін түсіну үшін медицина қызметкерінің кеңесіне жүгініңіз.

Сирек:

- лидокаин сияқты амидті типтегі анестетиктермен жанаспалы өзара әрекеттесуден туындаған терінің және шырышты қабықтың аса жоғары сезімталдық реакциялары; осы препаратты қолдану аясында бөртпенің және дерматиттің пайда болу жағдайлары туралы хабарланды.

- дәм сезудің уақытша бұзылуы, тілдің ашытып күйдіру сезімі және анафилаксиялық реакциялар туындауы мүмкін.

Хлоргексидинді ауыз қуысында ұзақ және үздіксіз қолданғанда тістің уақытша қоңыр түске боялуы пайда болу мүмкін. Алайда, бұл өңезді кетіруге болады.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір пастилканың құрамында

белсенді заттар – хлоргексидин дигидрохлориді 5.0 мг (3% артығын қоспағанда), лидокаин гидрохлориді 1.0 мг (3% артығын қоспағанда),

қосымша заттар: лимон қышқылы, бал хош иістендіргіші S-169336, стевия, магний стеараты, сорбитол, этанол 96 % (к/к)1.

1 – Өндіру үдерісінде жойылады

Ақтан ақ дерлік түске дейінгі, беті сәл теңбілді, бал дәмі бар, дөңгелек пішінді пастилкалар.

12 пастилкадан алюминий фольгадан және поливинилхлорид/ полихлортрифторэтилен/ немесе поливинилхлорид/полиэтилен/ поливинилиденхлорид үлбірден жасалған пішінді ұяшықты қаптамаға салынады.

2 пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды.

25 С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Квалифар Н.В./С.А., Бельгия

Rijksweg 9, B-2880 Bornem, Belgium

Лек Фармасьютикалс д.д.,Словения

Verovskova 57, 1526 Ljubljana, Slovenia

Тел. +386 1 580 2111, Факс: +386 1 568 3517

e-mail: info.lek@sandoz.com

«Сандоз Казахстан» жауапкершілігі шектеулі серіктестігі

Қазақстан Республикасы, Алматы қ., 050022, Құрманғазы көш. 95

Телефон: +7 (727) 258 10 48

E-mail: patient.safety.cis@sandoz.com (жағымсыз құбылыстар үшін)

E-mail: complaint.eaeu@sandoz.com (сапаға қатысты шағымдар үшін)