Стопангин Плюс-Тева таблетки д/рассас. №20 (блистер)

СТОПАНГИН ПЛЮС-Тева

Жоқ

Соруға арналған таблеткалар

Тыныс алу жүйесі. Тамақ ауруларын емдеуге арналған препараттар. Антисептиктер. Деквалиний хлориді.

АТХ коды R02АА02

-препаратқа сезімтал қоздырғыштар туындатқан ауыз қуысы мен көмейдегі жеңіл қабыну үдерістерін жергілікті антисептикалық емдеу: катаральді, ойық-жаралы, фиброзды гингивиттер, афтозды стоматит, ауыз қуысы шырышты қабығының кандидозы, фарингит, тонзиллит, ларингит, глоссит

- ауыз қуысына және тамаққа жасалған операциялық араласуларға дейінгі және одан кейінгі инфекциялар профилактикасы

- антибиотиктермен немесе сульфонамидтермен қосып, ауыз қуысы мен жұтқыншақтағы инфекциялық үрдістерді кешенді емдеу.

Қолдануды бастағанға дейін қажетті мәліметтер тізбесі

- әсер етуші заттарға немесе қосымша заттардың кез келгеніне аса жоғары сезімталдық

- лактозаны көтере алмаушылық, глюкоза-галактозаның мальабсорбциясы синдромы

- 6 жасқа дейінгі балалар

Кайексалатпен (гиперкалиемияны емдеуге арналған препарат) бірге қабылдағанда тері мен шырышты қабықта, әсіресе асқазан-ішек жолында ауыр некроздық зақымданулар дамуы мүмкін.

Препаратты ауыруды басатын компоненттің жоқ болуына байланысты оны айқын аурумен қатар жүретін қабыну үдерістерінде қолданбау керек.

Жергілікті қолдануға арналған басқа препараттармен бір мезгілде сақтықпен және  емдеуші дәрігердің бағалауынан кейін қолданған жөн.

Қант құрамының төмен болуына (742.7 мг) қарамай, препаратты қант диабеті бар пациенттерге аса сақтықпен қолдану керек.

Инфекция таралуының клиникалық симптомдары болған жағдайда, дәрігердің кеңесі қажет.

Әлдебір жағымсыз реакциялар пайда болғанда, СТОПАНГИН ПЛЮС-Тева препаратын қабылдауды тоқтатып, басқа ем тағайындау керек.

Тұқым қуалайтын лактоза жақпаушылығы бар пациенттерге препаратты қолданбаған жөн.

Препаратпен емдеу нәтижелері болмаған жағдайда, дәрігермен кеңесу керек.

Педиатрияда қолдану

Препаратты аспирация қаупіне байланысты 6 жастан кіші балаларға қолдануға болмайды.

Жүктілік немесе лактация кезінде

Осы кезеңге дейін СТОПАНГИН ПЛЮС - Тева препаратының жүктілікке әсеріне қатысты қауіпсіздігі мен тиімділігі жөнінде деректер жоқ. Сондықтан жүктілік кезінде препаратты сақтықпен қабылдаңыз.

СТОПАНГИН ПЛЮС-Тева емшек емізу кезеңінде ұсынылған дозаларда және сақтықпен қолдануға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автомобиль жүргізу және қауіптілігі зор механизмдерді басқару қабілетіне әсер етпейді.

Дозалау режимі

Ересектерге ұсынылатын дозалар

Әр 2-3 сағат сайын сору үшін бір таблеткадан тағайындайды (тәулігіне 8-10 таблеткадан аспайды).

6 жастан асқан балаларға

Әр 2-3 сағат сайын сору үшін бір таблеткадан қолданады (тәулігіне 4-6 таблеткадан аспайды).

Таблеткалар шайнамайды. Препаратты қабылдаған соң, пациент жарты сағат бойы тамақтанбауы және сусындар ішпеуі керек.

Клиникалық симптомдары жойылған соң, емдеуді 1-2 күн бойы жалғастыру ұсынылады.

Емдеу курсы дисбактериоздың даму қаупіне байланысты 5–7 күннен аспауы тиіс.

Артық дозаланған жағдайда қабылдануы тиіс шаралар

СТОПАНГИН ПЛЮС - Тева препаратымен артық дозалануы туралы деректер жоқ.

Сирек

- жүрек айнуы, құстыру

Өте сирек

- аллергиялық реакциялар, ашыту және тітіркендіруді сезіну, ауыз қуысының құрғауы

- дисбактериоз (ұзақ қолданған кезде)

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді заттар: 0,25 мг деквалиний хлориді, 30 мг аскорбин қышқылы.

қосымша заттар: глюкоза моногидраты, натрий сахарині, пектин, ванилин, сахароза, какао ұнтағы, лактоза моногидраты, магний стеараты.

Дөңгелек пішінді, екі жағынан ойылған және бір жағы кертілген қоңыр түсті, какао мен ванилиннің иісі бар, диаметрі 13.0 мм жуық таблеткалар.

20 таблеткадан ПВХ/ПВДХ мөлдір түрлі-түсті үлбір мен алюминий фольгадан жасалған пішінді ұяшықты қаптамада.

1 пішінді ұяшықты қаптамадан қазақ және орыс тіліндегі медициналық қолдану жөніндегі нұсқаулықпен бірге картон қорапқа салынады.

3 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

«Балканфарма-Разград АД»,

7200 Разград қ.

«Апрельского восстания» бул. 68.

Болгария Республикасы

«Балканфарма-Дупница АД»,

2600, Дупница қ.,

«Самоковское шоссе» №3

Болгария Республикасы

Телефон: + 359 701 58 477

dupoperations@actavis.bg

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғ. 17/1, Нұрлы-Тау БО, 5Б, 6 қабат.

Телефон: (727)3251615;

е-mail: info.tevakz@tevapharm.com;

веб-сайт: www.kaz.teva