Анзибел со вкусом лимона и меда таблетки д/рассас. №30 (3 блистера х 10 таблеток)

АНЗИБЕЛ®

Жоқ

Лимон және бал дәмі бар соруға арналған таблеткалар

Респираторлық жүйе. Тамақ ауруларын емдеуге арналған препараттар. Антисептиктер. Басқа препараттар.

АТХ коды R02AA20

Ауыз қуысы мен тамақтың инфекциялық және қабыну ауруларында.

Жергілікті және симптоматикалық емдеу

Қолдануды бастағанға дейін қажетті мәліметтер тізбесі

- препарат компоненттеріне жоғары сезімталдық

- 6 жасқа дейінгі балалар

- жүктілік және лактация кезені

- тұқым қуалайтын фруктоза жақпаушылығы бар адамдар үшін

Ұсынылған дозадан артық қолдануға болмайды.

65 жастан асқан пациенттер

Егде жастағы және әлсіреген адамдарда жергілікті анестетиктердің жүйелі уыттылығы пайда болуы мүмкін, сондықтан бензокаиннің одан төмен концентрациясы қажет болуы мүмкін. Егде жастағы адамдарда Эноксолон жоғары дозада (күніне 60 мг-ден жоғары) және үздіксіз емдеу кезінде натрийдің іркілісін, ісінуді және гипертензияны тудыруы мүмкін.

Күрделі эфир түріндегі жергілікті анестетиктер (әсіресе парааминобензой қышқылының туындылары (ПАБҚ), парабендер немесе парафенилендиамин (шашқа арналған бояу) жақпаушылығы бар адамдарға сақтықпен қолдану керек.

Қауіп пен пайданың арақатынасын мынадай жағдайларда бағалау керек:

- Шырышты қабықтың ауыр жарақаты (анестетиктің сіңуін арттырады).

- Кескіштердің пломбалары; егер пломбаның беті немесе оның шеттері кедір-бұдыр болса, хлоргексидин осы аймақты түспен бояу мүмкін

Пародонтитпен ауыратын пациенттерде хлоргексидин қызылиек үсті тастың көбеюіне әкеледі.

Ауыз қуысының гигиенасын сақтау, хлоргексидиннен туындаған тіс тасының жиналуы мен тістің түспен боялуын азайту үшін тіс тасының пайда болуына қарсы арнайы тіс пастасын қолдану ұсынылады.

Таблеткаларды шайнауға немесе жұтуға болмайды, өйткені олардың әрекеті толығымен жергілікті және олардың белсенділігі өнім зардап шеккен аймақпен тікелей байланыста болған жағдайда ғана көрінеді.

Сорбитол

Тұқым қуалайтын фруктоза жақпаушылығы бар пациенттерге қолдануға болмайды. Орташа әлсірететін әсер етуі мүмкін.

Калий

Бүйрек функциясы нашарлаған адамдарға немесе калийдің тамақпен түсуі бақыланатын пациенттерге сақтықпен қабылдау керек.

АНЗИБЕЛ® препаратын құрамында антисептиктер бар басқа препараттармен бірге қолдануға болмайды.

Холинестераза тежегіштері бензокаиннің метаболизмін оның жүйелік уыттылығы қаупінің жоғарылауымен бәсеңдетеді.

Бензокаин метаболиттері сульфаниламидтердің бактерияға қарсы белсенділігіне қарсы әсер ете алады.

Диагностикалық сынақтарға араласу

Сондай-ақ, ұйқы безінің функциясын анықтау үшін диагностикалық тестке бентиромидті қолдану арқылы араласу бар. Нәтижелер жарамсыз, өйткені бензокаин ариламиндерге де метаболизденеді және қалпына келтірілген ПАБҚ көрінетін мөлшерін көбейтеді. Тесттен кем дегенде 3 күн бұрын емдеуді тоқтату ұсынылады.

Педиатрияда қолдану

АНЗИБЕЛ® препаратын 6 жасқа дейінгі балаларға дәрігермен алдын ала кеңес алмай қолдануға болмайды. Балалар бензокаинге егде жастағы және әлсіреген адамдарға қарағанда сезімтал болуы мүмкін

Жүктілік және лактация кезеңі

Эноксолон жоғары дозада, күніне 60 мг-ден жоғары және ұзақ уақыт қолдану натрийдің сақталуын, ісінуді және артериялық гипертензияны тудыруы мүмкін, оны жүкті әйелдерде ескеру қажет. Жүкті әйелдерде хлоргексидин мен бензокаинді қолдану туралы деректер жеткіліксіз, сондықтан АНЗИБЕЛ® препаратын жүктілік кезінде қолдануға болмайды.

Препаратты емшек сүтімен шығару бойынша зерттеулер жүргізілген жоқ. Адам үшін ықтимал қауіп белгісіз, сондықтан қолдану ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұсынылған дозада препарат автокөлікті басқару қабілетіне және жоғары зейін аударуды талап ететін өзге де қызметке әсер етпейді.

Дозалау режимі

Ересектер және 12 жастан асқан балалар:

Әдеттегі доза: әр 2-3 сағат сайын 1 таблетка.

Барынша көп доза: күніне 8 таблетка.

6-дан 12 жасқа дейінгі балалар

Әдеттегі доза: әр 4-5 сағат сайын 1 таблетка.

Барынша көп доза: күніне 6 таблетка

Енгізу әдісі мен жолы

АНЗИБЕЛ® таблеткаларын шайнамай және жұтпай, толық сорылғанға дейін аузында ұстау керек.

Егер симптомдар нашарласа немесе 2 күннен кейін сақталса, дәрігер клиникалық көріністі бағалауы керек.

Артық дозаланған жағдайда қабылдануы тиіс шаралар

Симптомдары: эноксолонмен артық дозаланғанда натрийдің кідіруі және калийдің жоғалуы, ісіну, артериялық қысымның жоғарылауы және альдостерон-ренин-ангиотензин жүйесінің бәсеңдеуі бар гиперминералокортицизм көрінісі пайда болуы мүмкін.

Хлоргексидиннің артық дозалануы, әсіресе балаларда, алкогольді мас болу симптомдарын тудырады (түсініксіз сөйлеу, ұйқышылдық немесе тәлтіректеп жүру). Бензокаиннің сіңуі өте аз болғанымен, шамадан тыс жүйелік сіңу жағдайында симптомдар көрудің анықтылығының төмендеуімен, бас айналумен, құрысулармен, құлақтағы шуылмен, қозумен (ОЖЖ-ны стимуляциясы), кейіннен ұйқышылдықпен (ОЖЖ-ны баәсеңдеумен), қатты терлеумен, төмен қан қысымымен, брадикардиямен, сондай-ақ жүрек-қантамыр жүйесінің бәсеңдеуімен көрінеді.

Емі: симптоматикалық. Емдеу оттегін немесе қажет болған жағдайда қосымша тыныс алуды енгізуді, ал қан айналымы бәсеңделгенде тамыр тарылтатын дәрілер менвенаішілік сұйықтықтарды енгізуді қамтиды. Сондай-ақ емдеуі метилен көгін енгізуді құрайтын метгемоглобинемия (ентігу, бас айналу, шаршау, шаршау, әлсіздік) пайда болу мүмкін.

Дәрілік препаратты қолдану тәсілін түсіну үшін медицина қызметкерінен кеңес алуға  бару жөнінде нұсқаулар

Дәрілік препаратты қабылдамас бұрын дәрігер немесе фармацевт            кеңесіне жүгініңіз.

Хлоргексидин:

Белгісіз

- препарат компоненттеріне аса жоғары сезімталдық реакциялары

- ауыз қуысының беткейлі қабаттарының қайтымды пигментациясы, тіске қатты өңездің жиналуы

- дәм сезуінің өзгеруі, ауыздағы немесе тілдің ұшындағы тітіркену

Бензокаин

Белгісіз

- жоғары сезімталдық реакциялары

- ангионевроздық ісіну (аллергиялық реакция немесе жанаспалы дерматит салдарынан)

- ауыз қуысында немесе айналасында қышу, ісіну, қызару

Эноксолон

Ұсынылғаннан дозалардар артық жоғары дозаларда және ұзақ мерзімді емдеуде ісіну (сұйықтықтың іркілісіне байланысты ісіну) және қан қысымының жоғарылауы мүмкін.

Ұсынылған дозаларды пайдалану кезінде сипатталған жанғымсыз әсерлердің байқалуы екіталай. Алайда, егер жағымсыз реакциялар байқалса, препаратты қабылдауды тоқтату керек.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында:

белсенді заттар - 5,00 мг хлоргексидин гидрохлориді,

4,00 мг бензокаин,

3,00 мг эноксолон

қосымша заттар - сорбитол (Сорбидекс S 16606), калий ацесульфамы, лимон хош иістендіргіші, бал хош иістендіргіші, магний стеараты

Сыртқы түрінің, иісінің, дәмінің сипаттамасы

Дөңгелек пішінді, екі жағы дөңес, лимон және бал дәмі бар піл сүйегі түсті, бір жағында «ƞ» таңбасы бар таблеткалар

10 таблеткадан поливинилхлоридті үлбірден және баспа алюминий фольгадан жасалған пішінді ұяшықты қаптамаға салынады.

1, 2 немесе 3 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге өндіруші фирманың голограммасы бар картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

25°C-ден аспайтын температурада, құрғақ, жарықтан қорғалған жерде сақтау керек.

Балалардың қолы жетпейтін жерде сақтау керек!

Рецептісіз

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі, 162 Е

Тел.: (+7 727) 399-50-50

Факс: (+7 727) 399-60-60

Электронды пошта: nobel@nobel.kz

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі, 162 Е

Тел.: (+7 727) 399-50-50

Факс: (+7 727) 399-60-60

Электронды пошта: nobel@nobel.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі, 162 Е

Тел.: (+7 727) 399-50-50

Факс: (+7 727) 399-60-60

Электронды пошта: nobel@nobel.kz