Люголя Спрей д/ротов. полости 1% по 30 мл (флакон)

Дәрілік затты медициналық қолдану

жөніндегі нұсқаулық (Қосымша парақ)

Саудалық атауы

ЛЮГОЛЬ СПРЕЙІ

Халықаралық патенттелмеген атауы

жоқ

Дәрілік түрі, дозасы

Жергілікті қолдануға арналған спрей 1%, 30 мл

Фармакотерапиялық тобы

Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар.

АТХ коды R02AА20

Қолданылуы

- катаралдық баспа

- жедел және созылмалы тонзиллит, фарингит

- афтозды стоматит

Қолданудың басталуына дейін қажетті мәліметтер тізбесі

Қолдануға болмайтын жағдайлар

- йод немесе қосымша заттардың кез келгеніне аса жоғары сезімталдық

- жүктілік кезеңі

- қалқанша безінің гиперфункциясы

- декомпенсацияланған жүрек, бүйрек жеткіліксіздігі

- диагностикалық зерттеулер немесе радиоактивті йодпен емдеу (зерттеуге немесе емдеуге дейін және одан кейін 2 апта кезеңінде)

- Дюрингтің герпетиформды дерматиті

- 8 жасқа дейінгі балалар

Қолдану кезіндегі қажетті сақтандыру шаралары

Гипертиреоз (тиротоксикоз) бар пациенттерде тұрақты пайдаланудан аулақ болу керек. 8 жасқа дейінгі балаларда дәрігермен кеңескеннен кейін қолдану керек. Қалқанша безінің гормондарын зерттеу кезінде зертханалық нәтижелерге әсер етуі мүмкін.

Препараттың көзге түсуіне жол бермеу керек. Егер мұндай жағдай орын алса, көзді көп мөлшердегі сумен немесе натрий тиосульфаты ерітіндісімен шаю керек.

Басқа дәрілік  препараттармен өзара әрекеттесуі

Фармацевтикалық тұрғыдан эфир майларымен, аммиак ерітінділерімен үйлеспейді.

Сілтілі немесе қышқыл реакция, майдың, іріңнің, қанның болуы антисептикалық белсенділікті әлсіретеді.

Йод натрий тиосульфатымен инактивацияланады. Препарат ішке түскен жағдайда, қалқанша безінің қызметін тежейтін дәрілік заттардың әсері төмендеуі мүмкін, сонымен қатар қалқанша безінің жұмысының көрсеткіштері өзгеруі мүмкін. Йод препараттары кейбір дәрілік заттардың (оның ішінде ацетилсалицил қышқылының) ішке кездейсоқ түскен жағдайда асқазан - ішек жолының шырышты қабығына тітіркендіргіш әсерін күшейтуі мүмкін.

Арнайы сақтандырулар

Педиатрияда қолдану

8 жасқа дейінгі балаларда дәрігермен кеңескеннен кейін қолдану керек.

Жүктілік немесе лактация кезінде

Жүктілік кезеңінде қолдануға болмайды. Бала емізу кезеңінде, егер ана үшін болжамды пайда бала үшін ықтимал қауіптен асып кетсе ғана препаратты қолдануға болады. Препаратты бала емізу кезеңінде қолданар алдында дәрігермен кеңесу керек.

Дәрілік препараттың көлік құралын немесе қауіптілігі зор механизмдерді  басқару қабілетіне әсер ету ерекшеліктері

Препарат көлік құралын немесе қауіптілігі зор механизмдерді басқару қабілетіне әсер етпейді.

Қолдану жөніндегі нұсқаулар

Дозалану режимі

Баспаны, тонзиллитті немесе фарингитті емдеу үшін бүріккішті ауыз қуысына 2-3 см енгізіңіз, деміңізді ұстап, бір бүрку оңға, екіншісі солға жасалатындай етіп бүріккіштің басына 2 рет басыңыз.

Стоматитті емдеу кезінде ауыз қуысының шырышты қабығын сулау керек.

Енгізу әдісі мен жолы

Жергілікті, сыртқа.

Емдеу ұзақтығы

Қолдану ұзақтығы аурудың сипатына, оның айқындылығына байланысты және дәрігермен анықталады.

Артық дозалану жағдайында қабылдау қажет болатын шаралар

Симптомдары: жоғарғы тыныс алу жолдарының тітіркенуі (күйік, ларинго-, бронх спазм); ішке түскен кезде - АІЖ шырышты қабығының тітіркенуі, гемолиз, гемоглобинурия; өлімге әкелетін дозасы - шамамен 3 г.

Емі: асқазанды 0,5% натрий тиосульфаты ерітіндісімен, натрий гидрокарбонаты ерітінділерімен, в/і натрий тиосульфатымен 30% - 300 мл-ге дейін шаю.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Дәрігердің кеңесінсіз ұзақ уақыт бойы препаратты қолдануға болмайды.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Өте жиі (>1/10)

- жергілікті тітіркендіргіш әсері (ашыту)

Сирек (>1/10 000-нан <1/1 000 дейін)

- аллергиялық реакциялар (қышыну, гиперемия, есекжем)

Өте сирек

- йодизм (металл дәм тату, тұмау, есекжем, Квинке ісінуі, сілекейдің ағуы, жас ағуы, асқазан-ішек жолдарының бұзылысы, безеу)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 г препарат құрамында:

белсенді зат – 0,01 г йод;

қосымша заттар: калий йодиді, глицерин 85%, тазартылған су.

Сыртқы түрінің, иісінің, дәмінің сипаттамасы

Йод иісі бар қызыл-қоңыр түсті мөлдір шәрбат тәрізді сұйықтық.

Шығарылу түрі және қаптамасы

30 мл препараттан механикалық бүріккішімен және помпада және бүріккіш түтігінің ұшында қорғаныш қақпағы бар бұрандалы мойнымен қара шыныдан жасалған құтыларға салынады. Құтыны пластикалық пакетке салады. Бір құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге хром-эрзац картоннан жасалған картон қорапшаға салынған.

Әр құтыға заттаңбалық, немесе жазба қағазынан не өздігінен жабысатын заттаңба жапсырылады.

Сақтау мерзімі

2 жыл.

Бүріккішпен жиынтықтағы құтыны ашқаннан кейін қолдану кезеңі - 28 тәулік.

Жарамдылық мерзімі өткеннен кейін қолдануға болмайды.

Сақтау шарттары

Жарықтан қорғалған жерде, 25˚С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«DOSFARM» ЖШС, Қазақстан Республикасы, 050034, Алматы қ., Жетісу ауд., Чаплыгин көш., 3 үй

тел./факс: +7 (727) 253 03 88

е-mail: dosfarm@dosfarm.kz

Тіркеу куәлігінің ұстаушысы

«Житофарм» ЖШС, Қазақстан Республикасы, 050035, Алматы қ., Әуезов ауд., 10 ш.а., 23 үй, 35 пәтер

тел.: +7 (727) 276 08 08, +7 (727) 276 06 06

е-mail: jf_apteka@mail.ru

Қазақстан Республикасы аумағында тұтынушылардан дәрілік заттар сапасы туралы шағымдар (ұсыныстар) қабылдайтын ұйымның атауы, мекенжайы және байланыс деректері

«DOSFARM» ЖШС, Қазақстан Республикасы, 050034, Алматы қ., Жетісу ауд. Чаплыгин көш., 3 үй

тел.: + 7 (727) 364 84 31

е-mail: kachestvo@dosfarm.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«DOSFARM» ЖШС, Қазақстан Республикасы, 050034, Алматы қ., Жетісу ауд. Чаплыгин көш., 3 үй

тел.: + 7 (727) 364 84 27

е-mail: pharmacovigilance@dosfarm.kz