Лизак

Лизак®

Жоқ

Анис және жалбыз дәмімен соруға арналған таблеткалар

Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар.

АТХ коды R02АА20

- препаратқа сезімтал қоздырғыштар туғызған ауыз қуысы мен тамақтың қабыну процестерін жергілікті антисептикалық емдеуде (катаральді, ойық жаралы, фиброзды гингивиттер; афтозды стоматиттер; ауыз қуысы мен жұтқыншақ кандидозы; фарингиттер; тонзиллиттер; ларингиттер және глосситтер)

- ауыз қуысы мен тамаққа операциялық араласуға дейінгі және кейінгі инфекциялардың алдын алуда

Қолдануды бастағанға дейін қажетті мәліметтер тізбесі

- әсер етуші заттарға немесе препараттың қандай да бір қосымша заттарына аса жоғары сезімталдық

- төрттік аммоний қосылыстарына аллергия (мысалы, бензалконий хлориді)

Препарат құрамында қант жоқ, сондықтан оны қант диабетімен ауыратын науқастарды емдеу үшін қолдануға болады.

Инфекция жайылуының негізгі клиникалық симптомдары болғанда жүйелі бактерияға қарсы емдеу тағайындау қажет. Қандай да бір жағымсыз әсерлері пайда болған кезде Лизак® перпаратының таблеткаларын қабылдауды дереу тоқтатып, басқа дәрілік зат тағайындау қажет.

Жергілікті емдеу үшін басқа препараттармен бір мезгілде қолданғанда сақ болу керек.

Анис және жалбыз дәмі бар таблеткалардың құрамында лактоза бар, сондықтан сирек тұқым қуалайтын галактоза жақпаушылығы, лактаза жеткіліксіздігі немесе глюкоза-галактоза мальабсорбция синдромы бар пациенттерге оларды қолдануға болмайды.

Кайексалатпен (гиперкалиемияны емдеуге арналған дәрі) бір мезгілде қолданғанда тері мен шырышты қабықтың, әсіресе асқазан-ішек жолы шырышты қабығында некроздық ауыр зақымданулардың даму ықтималдығы бар.

Деквалиний хлоридінің бактерияға қарсы белсенділігі анионды детергенттерді, мысалы, тіс пастасын бір мезгілде қолданғанда төмендейді.

Препаратты қолдануды холинэстераза тежегіштерін қабылдаумен біріктіруге болмайды.

Лизоцим пенициллин, хлорамфеникол сияқты бактерияға қарсы препараттардың тиімділігін арттырады.

Арнайы сақтандырулар

Педиатрияда қолдану

Осы дәрілік түрдегі препарат аспирацияның даму қаупіне байланысты 4 жасқа дейінгі балаларды емдеу үшін қолданылмайды.

Жүктілік немесе лактация кезінде

Бақыланатын зерттеулер жүргізілген жоқ. Осыған байланысты препаратты жүктілік немесе бала емізу кезеңінде дәрігермен кеңескеннен кейін, балаға қатысты терапиялық әсер ықтимал қауіпті әсерден асып кеткен жағдайда қолдануға болады.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Лизак® препараты жоғары зейін қоюды талап ететін жұмыстарға (көлік жүргізу және қозғалмалы механизмдермен жұмыстарға) әсер етпейді.

Дозалану режимі

Ересектер мен 12 жастан асқан балаларға ұсынылатын дозалар.

Әрбір 2-3 сағат сайын соруға арналған 1 таблеткадан (тәулігіне 10 таблеткадан асырмай) қолдану керек. Қабыну симптомдары азайғаннан кейін -әр 4 сағат сайын 1 таблеткадан.

4-тен 12 жасқа дейінгі балаларға ұсынылатын доза.

Әрбір 3 сағат сайын соруға арналған 1 таблеткадан (тәулігіне 5 таблеткадан асырмай) қолдану керек. Қабыну симптомдары азайғаннан кейін - әр 4 сағат сайын 1 таблеткадан.

Таблетканы шайнамай, баяу сорған жөн.

Препаратты қолданғаннан кейін 30 минут тамақтанбау және сұйықтық ішпеу ұсынылады.

Емдеуді ауру симптомдары жойылғаннан кейін тағы да 1-2 тәулік бойы жалғастыру ұсынылады. Лизак® препаратын аурудың симптомдары жойылғанша қолдану ұсынылады. Егер симптомдар 5-7 тәулік емдеуден кейін жойылмаса, бұдан әрі емдеудің тактикасын белгілеу үшін дәрігерге жүгіну қажет.

Артық дозалануы туралы деректер жоқ.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қолданар алдында дәрігердің немесе фармацевттің кеңесіне жүгініңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Дәрілік заттың жағымсыз реакцияларының даму жиілігін бағалау критерийлері: өте жиі (≥1/10); жиі (≥1/100-ден <1/10 дейін); жиі емес (≥1/1000 <1/100 дейін); сирек (≥1/10000-нан <1/1000 дейін); өте сирек (<1/10000), жиілігі белгісіз (қолда бар деректер бойынша реакцияның пайда болу жиілігін бағалау мүмкін емес).

Мынадай жағымсыз реакциялар болуы мүмкін:

Белгісіз:

- жүрек айнуы, ауыздың құрғауы, ауыз қуысының дисбактериозы (жоғары дозада ұзақ уақыт қолданғанда);

- есекжем, бөртпе, қышынуды қоса аллергиялық реакциялар болуы мүмкін;

- тамақ пен ауыз қуысының шырышты қабығында шымылдатып ашыту және тітіркенуді сезіну.

Сирек жағдайларда, атап айтқанда, шамадан тыс пайдаланған кезде ойық жаралар мен некроз пайда болуы мүмкін.

Кез-келген жағымсыз реакциялар туындаған жағдайда препаратты қолдануды тоқтату және әрі қарай емге қатысты дәрігерден міндетті түрде кеңес алу керек.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді заттар: құрғақ затқа шаққанда лизоцим гидрохлориді - 10 мг, 100 % құрғақ затқа шаққанда деквалиний хлориді - 0,25 мг,

қосымша заттар: лактоза моногидраты (200), маннит (Е 421), повидон, магний стеараты, дәмдік қоспалар: анис және жалбыз.

Сызығы мен ойығы бар, жалпақ беткейлі, анис және жалбыз дәмі бар, ақ немесе ақ дерлік түсті таблеткалар.

10 таблеткадан мөлдір емес поливинилхлоридті үлбірден (ақ пигменттелген) және баспалы лакталған алюминий фольгадан жасалған пішінді ұяшықты қаптамада.

1 немесе 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

2 жыл.

Жарамдылық мерзімі өткеннен кейін қолдануға болмайды.

25 °С-ден аспайтын температурада сақтау керек. Балалардың қолы жетпейтін жерде сақтау керек.

Рецептісіз.

«Фармак» АҚ, Украина, 04080, Киев қ., Кирилловская к-сі, 74.

Тел.: +38 (044) 496 87 87, электронды пошта: info@farmak.ua

«Фармак» АҚ, Украина, 04080, Киев қ., Кирилловская к-сі, 63.

Тел.: +38 (044) 496 87 87, факс: +38 (044) 239 19 40

электронды пошта: info@farmak.ua

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электронды пошта)

Тұтынушылардың шағымдарын мына мекенжайға жолдау керек:

Қазақстан Республикасындағы «Фармак» АҚ өкілдігі

Қазақстан Республикасы, Алматы қ., индексі 050051, Фонвизин к-сі, 22.

Тел: +7 (771) 765 43 94, электронды пошта: phv@farmak.kz