Ингалипт-Н

Ингалипт-Н

Жоқ

Ауыз қуысына арналған спрей, 30 г

Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар. АТХ коды R02AA20.

- ауыз қуысының, көмейдің және мұрынжұтқыншақтың жедел және созылмалы инфекциялық-қабынбалы ауруларында: тонзиллитте, фарингитте, афтоздық және ойық жаралы стоматитте.

Қолданудың басталуына дейін қажетті мәліметтер тізбесі

- сульфаниламидтерге немесе қосымша заттардың кез келгеніне аса жоғары сезімталдық

- жүктілік және бала емізу кезеңі

- 6жасқа дейінгі балаларға

Аллергияға бейім адамдар үшін қолданар алдында дәрігердің кеңесі қажет.

Қан түзу жүйесінің аурулары, нефроздар, нефриттер, базедов ауруы, препараттың компоненттеріне жоғары сезімталдық кезінде қолдану ұсынылмайды.

Басқа дәрілік  препараттармен өзара әрекеттесуі

Ингалипт-Н препаратын парааминобензой қышқылының туындылары препараттарымен (новокаин, анестезин, дикаин) бірге қолданғанда сульфаниламидтердің бактерияға қарсы белсенділігі жойылады.

Әсер ету спектрін кеңейту және тиімділігін арттыру мақсатында, микробқа қарсы басқа жергілікті дәрілермен бір мезгілде қолдануға болады.

Ингалипт-Н қолданар алдында ауыз қуысын қайнаған жылы сумен шаю қажет; ауыз қуысының зақымданған бөліктерінен некроздық өңездерді стерильді тампонмен сүртіп тазарту ұсынылады.

Препараттың құрамында этанол бар болғандықтан, оны бауыр ауруы бар пациенттерге сақтықпен тағайындау керек.

Препараттың құрамында сахароза болады, мұны қант диабеті бар пациенттер ескеруі керек.

Препараттың құрамында қосымша заттар ретінде эвкалипт майы мен бұрыш жалбызы майының болуы шырышты қабықтардың тітіркенуіне ықпал етуі және балаларда бронх түйілуін тудыруы мүмкін.

Балаларды емдеуді ересектердің қадағалауымен жүргізу керек.

Педиатрияда қолданылуы

6 жастан асқан балаларға қолдану керек.

Жүктілік немесе лактация кезінде

Жүктілік

Ингалипт-Н препаратын жүктілік кезінде және бала емізу кезеңінде қолдануға болмайды. Препараттың құрамына сульфаниламидтер кіреді, олар плацента арқылы өтеді және шарананың қанында анықталады.

Бала емізу

Препаратты бала емізу кезеңінде пайдалану қажет болса, бала емізуді тоқтату қажет, өйткені сульфаниламидтер емшек сүтіне өтеді және жаңа туған нәрестелерде ядролық сарғаюды тудыруы мүмкін.

Препараттың көлік құралын немесе қауіптілігі зор механизмдерді  басқару қабілетіне әсер ету ерекшеліктері

Препарат автокөлікті немесе қауіптілігі зор механизмдерді басқару кезінде реакция жылдамдығына әсер етпейді.

Дозалану режимі

Ересектер мен 6 жастан асқан балаларға ауыз қуысының шырышты қабығын бүркіп сулау үшін жергілікті тағайындайды.

ДП алғаш қолданар алдында бүріккішін дисперстік ағын пайда болғанға дейін бірнеше рет басу керек. Пайдаланар алдында құтының сақтандырғыш қалпақшасын алып тастайды және клапанының стерженіне қоса берілген бүріккішті кигізеді. Бүріккіштің бос ұшын ауыз қуысына кіргізеді және бастиегін 1-2 секунд басады. Препаратты пайдаланғаннан кейін мойнындағы бүріккішін штоктан шешіп алу және оны жылы сумен жуып-шаю керек. Пайдалану кезінде баллонды қатаң түрде тігінен ұстау керек.

Қабылдау уақытын көрсете отырып қолдану жиілігі

Бүркіп сулауды тәулігіне 3-4 рет, тамақтан кейін 2-3 сағаттан соң немесе ас ішулер арасындағы үзілістерде жүргізеді.

Емдеу курсы 7 күннен аспайды.

Симптомдары: терідегі бөртпе, қышыну, препаратпен жанасқан жердің ісінуі түрінде аллергиялық реакциялар. Препараттің бір бөлігін жұтып қойған жағдайда жүрек айнуы, құсу болуы мүмкін.

Емі: препаратты қолдануды тоқтату және дәрігерге қаралу керек, симптоматикалық ем, арнайы антидоты жоқ.

Дәрілік препараттың бір немесе бірнешедозасын өткізіп алған жағдайда қажетті шаралар

ДП қолдану режимінің бұзылуы емнің сәтті аяқталуына қауіп төндіруі мүмкін.

Тоқтату симптомдары қаупінің бар-жоқтығы жөніндегі нұсқау

Бұл ДП қолданғанда тоқтату симптомдары болмайды.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Препаратты әрдайым осы қосымша-параққа немесе емдеуші дәрігер мен дәріхана қызметкерінің нұсқауларына толық сәйкестікпен қабылдаңыз. Күмән пайда болған жағдайда, емдеуші дәрігермен немесе дәріхана қызметкерімен кеңесіңіз.

ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдау керек шаралар

Барлық дәрілік препараттар сияқты, бұл ДП жағымсыз реакцияларды тудыруы мүмкін, бірақ олар барлығында бірдей туындай бермейді.

Жиілігі белгісіз (қолда бар деректердің негізінде бағалау мүмкін емес)

- аллергиялық реакциялар (тері бөртпелері, қышыну, препаратпен жанасқан орындардың ісінуі)

- дімкәстану сезімі

- бас ауыруы

- жүрек айнуы және құсу

- диарея

- балаларда рефлекторлық бронх түйілуі дамуы мүмкін

- қысқамерзімді шымылдатып ашыту немесе жыбырлату

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір баллонның (30 г) ішінде

белсенді заттар: еритін стрептоцид 0,750 г, сульфатиазол натрий гексагидраты 0,750 г.

қосымша заттар: тазартылған су, глицерин, 96% этил спирті, сахароза, полисорбат 80, тимол, эвкалипт майы, бұрыш жалбызы майы.

Өзіне тән иісі бар, ашық-сарыдан күңгірт-сары түске дейінгі мөлдір сұйықтық.

Мойын қондырмалары және қорғаныш қалпақшаларымен жабдықталған, дозалау әсері бар механикалық сорғысымен аэрозольді моноблокты, ішкі фенолды-эпоксидті қорғағыш жабынымен алюминий баллондарда 30 г-ден.

Баллонға ТШ 29- 02-888-79 бойынша бояумен трафареттік баспа әдісімен мәтін жазылады немесе өздігінен жабысатын заттаңбаларға арналған материалдан жасалған заттаңба жапсырылады.

1 баллон бүріккішімен, қорғағыш қалпақшасымен және медициналық қолдану жөніндегі қазақ және орыс тілдеріндегі нұсқаулықпен бірге тұтыну ыдысына арналған картоннан жасалған қорапшаға салынады.

2 жыл.

Жарамдылық мерзімі өткеннен кейін қолдануға болмайды!

25 ˚С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

«Микрофарм» ЖШҚ.

Мекенжайы: Украина, 61013, Харьков қ., Шевченко к-сі, 20.

Тел./факс: +38(057) 714-20-80, e-mail: info@microfarm.com.ua

«Микрофарм» ЖШҚ.

Мекенжайы: Украина, 61013, Харьков қ., Шевченко к-сі, 20.

Тел./факс: +38(057) 714-20-80, e-mail: info@microfarm.com.ua

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Алимбаева Жанна Нуртаевна ЖК,

Қазақстан Республикасы, 050040, Алматы қ.,Көктем-3 ш/а, 12 үй, 50 пәтер.

Тел.: +7 701 645 9012, e-mail: info@microfarm.com.ua