Ибуфен Д

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Ибуфен Д

Халықаралық патенттелмеген атауы

Ибупрофен

Дәрілік түрі, дозалануы

Ішуге арналған суспензия, 100 мг/5 мл

Фармакотерапиялық тобы

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы препараттар, стероидты емес. Пропион қышқылының туындылары. Ибупрофен.

АТХ коды M01AE01

Қолданылуы

Әртүрлі генездегі дене температурасының жоғарылауы:

- суық тию аурулары

- жедел респираторлық вирустық инфекциялар

- тұмауда

- дене температурасының жоғарылауымен бірге жүретін балалар инфекциясы

- екпеден кейінгі реакциялар

Шығу тегі әртүрлі, әлсіз және орташа қарқындылықтағы ауырсыну синдромы:

- құлақтың ауыруы (ортаңғы құлақтағы қабыну процесі кезінде)

- тіс ауыруы

- тіс шыққан кездегі ауырсыну

- бас ауыруы, бас сақинасы

- созылу кезіндегі ауырсыну және ауырсынудың басқа түрлері

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- ибупрофенге немесе препараттың басқа компоненттеріне, сондай-ақ басқа стероидты емес қабынуға қарсы препараттарға жоғары сезімталдық

- ацетилсалицил қышқылын (салицилаттар) немесе басқа ҚҚСП қабылдау арқылы туындаған бронх демікпесі, есекжем, ринит

- циклооксигеназа-2 спецификалы тежегіштерін қоса, басқа ҚҚСП бір мезгілде қолдану

- асқазан-ішек жолының ойықжаралы зақымдануы (асқазанның және он екі елі ішектің ойықжара ауруы, ойықжаралы колит)

- асқазан-ішектен қан кету

- анамнезінде ҚҚСП терапиясымен байланысты асқазан-ішектен қан кетудің немесе перфорацияның болуы

- геморрагиялық васкулит

- қан аурулары (қан кетуге бейімділік, гемофилия, гипокоагуляция)

- бүйрек немесе бауыр функциясының ауыр жеткіліксіздігі

- жүрек функциясының ауыр жеткіліксіздігі (NYHA бойынша IV класс – Нью-Йорк кардиологтар қауымдастығының жіктеуі)

- фруктозаның тұқым қуалайтын жақпаушылығы

- жүктіліктің үшінші триместрі

- 3 айға дейінгі балалар

Қолдану кезіндегі қажетті сақтандыру шаралары

Егер ең аз тиімді дозаларды және симптомдарды жою үшін қажетті қысқа уақыт ішінде пайдаланса, жағымсыз әсерлердің пайда болу қаупін азайтуға болады.

Препаратты келесі пациенттерге қолданғанда сақ болу керек:

- анамнезінде әсіресе қан кетумен немесе перфорациямен асқынған ойықжара ауруы бар, сондай-ақ егде жастағы адамдарда. Бұл пациенттер ең аз тиімді дозаны қабылдауы керек.

- бір мезгілде кортикостероидтар, ұюға қарсы препараттар (варфарин), серотонинді кері қармаудың селективті тежегіштері немесе антиагреганттар (ацетилсалицил қышқылы) сияқты басқа дәрілік препараттарды қабылдайтындар

- бауыр және бүйрек аурулары бар

- анамнезінде бронх демікпесі бар

- ішектің созылмалы қабыну аурулары бар (спецификалы емес ойықжаралы колит, Крон ауруы)

- жүйелі қызыл жегі және дәнекер тіннің басқа аурулары бар

- анамнезінде артериялық гипертензиясы және (немесе) жүрек функциясының жеткіліксіздігі бар

- инфекциямен - төмендегі «Арнайы сақтандырулар» бөліміндегі «Инфекциялар» тақырыбын қараңыз.

Терінің ауыр жағымсыз реакциялары (тыртықтар)

Эксфолиативті дерматит, мультиформалы эритема, Стивенс Джонсон синдромы, уытты эпидермалық некролиз, эозинофилиямен және жүйелік симптомдармен дәрілік реакция (DRESS), ибупрофенмен емдеумен байланысты жедел жайылған экзантематозды пустулезді (AGEP) қоса терінің ауыр реакциялары туралы хабарланды. Ибуфен Д препаратын қолдануды тоқтатыңыз және «Жағымсыз реакциялардың сипаттамасы, ...» бөлімінде сипатталған осы ауыр тері реакцияларына байланысты қандайда бір симптомдарды байқаған болсаңыз, дереу медициналық көмекке жүгініңіз.

Жүрек-қантамыр жүйесі мен ми қанайналымы тарапынан бұзылулар.

Ибупрофен сияқты қабынуға қарсы/ауырсынуды басатын дәрілерді қабылдау, әсіресе жоғары дозада қабылдаған кезде, жүрек ұстамасы немесе инсульттің даму қаупінің шамалы жоғарылауымен бірге жүруі мүмкін. Ұсынылған дозадан және емдеу ұзақтығынан асырмау керек. Егер пациентте келесілер болса, Ибуфен Д препаратын қабылдағанға дейін дәрігермен немесе фармацевтпен емдеуді талқылау керек:

- жүрек аурулары диагнозы қойылса, оның ішінде жүрек функциясының жеткіліксіздігі (NYHA II-III класы), стенокардия (кеудедегі ауырсыну), сондай-ақ егер пациентте бұрын жүрек ұстамасы, коронарлық қантамырларға операция жасалған, кез келген түрдегі инсульт (оның ішінде «мини-инсульт» немесе «ТИШ» транзиторлық ишемиялық шабуыл) болса немесе пациентте шеткергі артериялардың ауруы (артериялардың тарылуы немесе бітелуі салдарынан аяқтардағы нашар циркуляция) болса;

- бақыланбайтын артериялық жоғары қысым, қант диабеті, қандағы холестерин деңгейі жоғары, отбасы мүшелерінде жүрек ауруы немесе инсульт болса немесе егер пациент шылым шегетін болса.

Тыныс алу проблемаларын, бет пен мойын аймағының ісінуін (ангионевроздық ісіну), ибупрофен қабылдаған кезде кеудедегі ауырсынуды қоса, осы дәріге аллергиялық реакцияның белгілері туралы хабарланды. Ибуфен Д қабылдауды дереу тоқтатып, осы белгілердің кез келгенін байқаған болсаңыз, дереу дәрігерге немесе кезек күттірмейтін медициналық көмекке жүгініңіз.

Басқалары

Ибупрофенді қолданған кезде уытты амблиопияның бірлі-жарым жағдайлары байқалды.

Сусызданған балалар мен жасөспірімдерде бүйрек функциясының бұзылуының даму қаупі бар.

Басқа дәрілік  препараттармен өзара әрекеттесуі

Ибуфен Д (ҚҚСП тобындағы басқа дәрілік заттар сияқты) бір мезгілде қолдануға болмайды:

- ацетилсалицил қышқылымен: дәрігер тағайындаған төмен дозаларды (тәулігіне 75 мг артық емес) қоспағанда, өйткені бірге қолдану жанама әсерлердің пайда болу қаупін арттыруы мүмкін

- басқа ҚҚСП, әсіресе циклооксигеназа-2 селективті тежегіштерімен: бір мезгілде екі немесе одан да көп ҚҚСП қолданудан аулақ болу керек, өйткені бұл жағымсыз әсерлердің пайда болу қаупін арттыруы мүмкін.

Бір мезгілде қолданған кезде сақ болу керек:

- антигипертензивті препараттармен: өйткені олардың тиімділігі төмендейді

- диуретиктермен: өйткені олар ҚҚСП нефроуытты әсерін арттыруы мүмкін

- антикоагулянттармен: ҚҚСП тағайындаған кезде варфарин сияқты қанның ұюын төмендететін препараттардың әсерін күшейту

- литиймен және метотрексатпен, фенитоинмен, жүрек гликозидтерімен: ҚҚСП осы препараттардың плазмадағы концентрациясын арттыруы мүмкін (олардың сарысудағы құрамына мерзімді бақылау жүргізу ұсынылады)

- зидовудинмен: ибупрофенмен және зидовудинмен бір мезгілде емделген пациенттерде қан кету уақытының ұлғаюы туралы деректер бар

- антиагрегантты дәрілік препараттармен, серотонинді кері қармаудың селективті тежегіштерімен (СКҚСТ) және кортикостероидтармен: асқазан-ішектен қан кетудің даму қаупі жоғары

- мифепристонмен: ҚҚСП мифепристонды қабылдағаннан кейін 8-12 күн ішінде қолдануға болмайды, өйткені ҚҚСП оның әсерін әлсіретуі мүмкін

- такролимуспен, циклоспоринмен: нефроуыттылық әсер ету қаупі осы препараттарды бір мезгілде қолданғанда артады

- хинолондық антибиотиктермен: ҚҚСП және хинолондардың біріктірілімін қабылдайтын пациенттер құрысулардың пайда болу қаупіне ұшырауы мүмкін

- ритонавирмен: ҚҚСП плазмалық концентрациясының жоғарылауы

- аминогликозидті антибиотиктермен: ҚҚСП аминогликозидтердің шығарылуын азайтуы мүмкін

- пероральді диабетке қарсы дәрілермен: сульфонилмочевина туындылары метаболизмінің төмендеуі, жартылай шығарылу кезеңінің ұзаруы және гипогликемия қаупінің артуы мүмкін

- пробенецид және сульфинпиразонмен: ибупрофеннің шығарылуын баяулатуы мүмкін

- холестираминмен: ибупрофеннің сіңу дәрежесін баяулатуы немесе төмендетуі мүмкін (25%). Осыған байланысты ибупрофенді холестираминді қабылдардан кемінде бір сағат бұрын немесе қабылдағаннан кейін 4-6 сағаттан соң тағайындау ұсынылады.

- вориконазол немесе флуконазолмен: вориконазол мен флуконазолды (CYP2C9 тежегіштері) бір мезгілде қолданған кезде S(+)-ибупрофен экспозициясының шамамен 80-100% - ға жоғарылауы байқалды. Күшті CYP2C9 тежегіштерімен бір мезгілде тағайындау кезінде ибупрофен дозасын төмендету қажеттілігін, әсіресе препарат вориконазолмен немесе флуконазолмен жоғары дозаларда тағайындалған жағдайларда қарастыру керек.

Арнайы сақтандырулар

Егер баланың жасы 3 айдан кіші болса немесе салмағы 5 кг-ден аз болса, бұл өнімді бермеңіз.

Инфекциялар

Ибуфен Д ысыну және ауыру сияқты инфекциялардың белгілерін жасыруы мүмкін. Сондықтан Ибуфен Д инфекцияның тиісті емін кейінге қалдыру асқыну қаупінің жоғарылауына әкелуі мүмкін. Бұл бактериялардан туындаған пневмонияда және желшешекпен байланысты бактериялық тері инфекцияларында байқалды. Егер сіз бұл дәріні инфекция кезінде қабылдасаңыз және инфекция симптомдары сақталса немесе нашарласа, дереу дәрігерге қаралыңыз.

Қосымша заттар

Ибуфен Д құрамында сұйық мальтитол (E965) бар, осыған байланысты препаратты сирек тұқым қуалайтын фруктоза жақпаушылығы бар пациенттерге қолдануға болмайды.

Ибуфен Д құрамында 1 мл суспензияда 1,89 мг натрий (5 мл-де 9,44 мг натрий) бар, оны диетада натрий мөлшерін бақылайтын пациенттерде назарға алу керек.

Жүктілік және лактация кезеңі

Простагландин синтезінің тежелуі жүктілік ағымына және/немесе эмбрионның/шарананың дамуына жағымсыз әсер етуі мүмкін. Эпидемиологиялық зерттеулер деректері жүктіліктің ерте кезеңінде простагландин синтезінің тежегіштерін қолданғанда өздігінен түсік түсіру, жүрек ақаулары және гастрошизис қаупінің жоғарылауын растайды. Дозаның жоғарылауымен және емдеудің ұзаруымен қауіп артады деп болжанады. Жүктіліктің 20-шы аптасынан бастап Ибуфен Д препаратын қолдану шарананың бүйрек функциясының бұзылуына байланысты қағанақ суының азаюын тудыруы мүмкін. Бұл емді бастағаннан кейін көп ұзамай пайда болады және әдетте оны тоқтатқаннан кейін басылады. Сонымен қатар, жүктіліктің екінші триместрінде емдеуден кейін көпшілігі емі тоқтатқаннан кейін басылған артериялық түтіктің тарылу жағдайлары туралы хабарланды. Сондықтан, Ибуфен Д препараты өте қажет болған жағдайларды қоспағанда, жүктіліктің бірінші және екінші триместрінде қабылданбауы керек. Егер Ибуфен Д препаратын жүкті болғысы келетін әйел қолданатын болса немесе ол жүктіліктің бірінші және екінші триместрінде қолданылатын болса, доза мүмкіндігінше аз болуы ал, емдеу ұзақтығы мүмкіндігінше қысқа болуы тиіс. Ибупрофенді жүктіліктің 20-шы аптасынан бастап бірнеше күн бойы қолданғаннан кейін қағанақ суы азаюының және түтік стенозының бар-жоғына босанғанға дейінгі бақылауды қарастыру керек. Ибуфен Д препаратын қабылдауды қағанақ суының азаюы немесе артериялық түтіктің тарылуы кезінде тоқтату керек.

Жүктіліктің үшінші триместрінде простагландин синтезінің кез келген тежегіштерін қолдану келесі жағымсыз салдарға әкелуі мүмкін:

Шарана үшін:

- кардиопульмональды уыттылық (артериялық түтіктің мерзімінен бұрын жабылуымен және өкпе гипертензиясының дамуымен);

- бүйрек жеткіліксіздігіне дейін үдейтін бүйрек дисфункциясы және олигогидрамнион.

Жүктіліктің соңында ана үшін мен жаңа туған нәресте үшін:

- қан кету уақытының ықтимал ұзаруы, тіпті, өте төмен дозаларды қабылдау кезіндегі антиагрегациялық әсер;

- босанудың басталуының кешігуіне және босану ұзақтығының ұзаруына әкелетін жатыр бұлшықеттерінің жиырылуының тежелуі.

Нәтижесінде жүктіліктің үшінші триместрінде ибупрофенді қабылдау қарсы көрсетімді.

Лактация

Ибупрофен және оның метаболиттері емшек сүтіне аз мөлшерде енеді. Қазіргі уақытта еметін нәрестелерге теріс әсер ететіні туралы деректер жоқ, сондықтан ауыруды мен қызбаны басу үшін ұсынылған дозаларды қысқа мерзімді қабылдау кезінде емізуді тоқтату қажет емес.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұсынылатын дозаларда және ұзақ емдегенде көлікті басқару қабілетіне әсер ету күтілмейді.

Қолдану жөніндегі нұсқаулар

Тек қысқа мерзімді қолдануға арналған! Ең аз тиімді дозаны симптомдарды жеңілдету үшін қажет ең қысқа уақыт ішінде қолдану керек.

Жағымсыз реакциялардың пайда болу қаупін препаратты қысқа уақыт ішінде, симптомдарды жою үшін қажетті ең аз тиімді дозада қабылдау арқылы азайтуға болады.

Препараттың тәуліктік дозасы әр 6-8 сағат сайын бөлшек дозада дене салмағының 20-30 мг/кг құрайды (дозалар арасындағы ең аз аралық 4 сағатты құрайды). Дозалау үшін үшін өлшеуіш шприцті қолданыңыз.

Емдеу ұзақтығы

Ыстықты басатын дәрі ретінде 3 күннен аспайды.

Келесі жастағы балаларға медициналық көмекке жүгіну керек:

- 3-6 ай - баланың жағдайы нашарлаған жағдайда, симптомдар жалғасса (24 сағаттан кешіктірмей);

- 6 айдан асқан - баланың жағдайы нашарлаған жағдайда, симптомдары жалғасса, (3 тәуліктен кешіктірмей).

Пациенттердің ерекше топтары

Егуден кейінгі реакциялар (иммунизациядан кейінгі қызба): 1 жасқа дейінгі балаларға 2,5 мл (бір шприц). 1 жастан асқан балалар, қажет болған жағдайда, 6 сағаттан кейін тағы 2,5 мл (бір шприц). 24 сағат ішінде 5 мл - ден артық қолданбаңыз!

3 айға дейінгі және салмағы 5 кг-ден аз балаларда қолдануға болмайды.

Қолдану тәсілі

Ішуге арналған.

Асқазан сезімталдығы жоғары пациенттерге препаратты тамақтану кезінде қабылдау ұсынылады.

Шприц-дозаторды қолдану жөніндегі нұсқаулық

1. Құтының қақпағын бұрап алу керек (төмен басу және сағат тілінің бағытына қарсы бұру керек).

2. Дозаторды құтының саңылауына қатты басу керек.

3. Құтыны біртекті суспензия алынғанға дейін қатты шайқау керек.

4. Дозаторды толтыру үшін құтыны төңкеріп, содан кейін суспензияны өлшеу шкаласындағы қажетті жерге дейін толтыра отырып, поршеньді ақырын төмен тартыңыз.

5. Құтыны бастапқы қалыпқа аударып, дозаторды абайлап бұрап, құтыдан шығару керек.

6. Дозатордың ұшын баланың аузына салу керек, содан кейін поршеньді баяу басып, дозатордың ішіндегісін ақырын басып шығарыңыз.

7. Қолданғаннан кейін құтыны бұрандалы қақпақпен жауып, дозаторды жуып, кептіру керек.

Артық дозалану жағдайында қабылдау қажет болатын шаралар

Балаларда 400 мг-ден жоғары дозаны бір рет қабылдау артық дозалану симптомдарын тудыруы мүмкін. Ересектерде мұндай симптомдарды тудыруы мүмкін доза дәл анықталмаған. Артық дозаланғанда жартылай шығарылу кезеңі 1,5-нан 3 сағатқа дейін.

Симптомдары: іштің ауыруы, жүрек айну, құсу, диарея, бас ауыруы, құлақ шулау, бас ауыруы, АІЖ қан кету. Ауыр интоксикация кезінде орталық жүйке жүйесіне әсер етуі мүмкін: ұйқышылдық, қозу, бағдарсыздық, құрысулар, метаболизмдік ацидоз, кома. Бүйрек функциясының жедел жеткіліксіздігінің дамуы, бауырдың зақымдануы, бронх демікпесінің өршуі мүмкін. Бүйректің тубулярлы ацидозы мен гипокалиемия жедел артық дозаланғанда және ибупрофен препараттарын ұзақ уақыт бойы ұсынылған тәуліктік дозадан асатын дозаларды қоса, жоғары дозада (әдетте 4 аптадан астам) қабылдайтын пациенттерде пайда болуы мүмкін.

Емі: асқазанды шаю (препаратты қабылдағаннан кейін бір сағат ішінде ғана), белсендірілген көмір қабылдау, сілтілі суды ішу, симптоматикалық және демеуші ем. Қажет болса, жүрек қызметі мен өмірлік маңызды функцияларға мониторинг жүргізу. Арнайы антидот жоқ.

Дәрілік препараттың бір немесе бірнеше дозасын өткізіп алған кезде қажетті шаралар

Препараттың кезекті дозасын өткізіп алған кезде оны мүмкіндігінше тезірек қабылдау керек. Егер келесі дозаны қабылдауға дейін аз уақыт қалса, оны жоспарланған уақытта қабылдау керек. Өткізіп алған дозаның орнын толтыру үшін препараттың қос дозасын қабылдауға болмайды.

Дәрілік препаратты қолданар алдында дәрігермен немесе фармацевтпен кеңесіңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Егер Сіз келесі симптомдардың кез келгенін байқаған болсаңыз Ибуфен Д препаратын қабылдауды тоқтатып, дереу дәрігерге хабарласыңыз:

- денедегі нысанаға ұқсас, қызарған, құрғамаған немесе көбінесе ортасында күлдіреуіктер болатын,терінің қабыршақтануымен, ауыз, тамақ, мұрын, гениталий мен көздің ойық жараларымен бірге жүретін дөңгелек дақтар. Бұл ауыр тері бөртпелерінің алдында қызба және тұмауға ұқсас симптомдар болуы мүмкін [эксфолиативті дерматит, мультиформалы эритема, Стивенс-Джонсон синдромы, уытты эпидермалық некролиз].

- жайылған бөртпе, дененің жоғары температурасы және лимфа түйіндерінің ұлғаюы (DRESS-синдромы)

- тері астындағы бұдырмен және күлбіреуіктермен, қызбамен бірге жүретін қызыл, қабыршақты жайылған бөртпе. Симптомдар әдетте емдеудің басында пайда болады (жедел жайылған экзантематозды пустулез).

Ибупрофенмен емдеу кезінде пайда болуы мүмкін басқа жағымсыз реакциялар:

Жиі

- іштің ауыруы, жүрек айнуы, диспепсия, диарея, метеоризм, іш қату, қыжыл, құсуды қоса, асқазан-ішек жолы тарапынан бұзылулар және сирек жағдайларда анемияға әкелетін асқазан-ішек жолынан қан кету

Жиі емес

- аса жоғары сезімталдық реакциялары: спецификалық емес аллергиялық реакциялар және анафилаксиялық реакциялар, демікпе, демікпенің өршуі, бронхтың түйілуі, ентігу, әртүрлі типтегі бөртпе, қышу, есекжем, пурпура, ангионевроздық ісіну

- бас ауыруы, бас айналу, ұйқышылдық, ұйқысыздық, қозу, ашушаңдық немесе шаршауды қоса, орталық жүйке жүйесі тарапынан бұзылулар

- көру қабілетінің бұзылулары

- тесілумен немесе қан кетумен асқазан-ішек жолының ойық жаралары, ойық жаралы стоматит, колиттің өршуі және Крон ауруы, гастрит

- тері бөртпелерінің әртүрлі түрлері

Сирек

- құлақтың шыңылдауы

- бүйрек тінінің зақымдануы (бүйрек бүртікшелерінің некрозы), қандағы мочевина мен несеп қышқылы концентрациясының жоғарылауы

- гемоглобин деңгейінің төмендеуі

Өте сирек

- инфекциямен байланысты қабынудың өршуі (мысалы, некроздық фасцииттің дамуы), сирек жағдайларда препаратты желшешек кезінде қабылдағанда терінің ауыр инфекциялары мен жұмсақ тіндер тарапынан асқынулары дамуы мүмкін

- гемопоэздің бұзылуы (анемия, лейкопения, тромбоцитопения, панцитопения және агранулоцитоз). Бірінші белгілер болып табылады: қызба, тамақ ауыруы, ауыз қуысының беткейлік ойық жаралары, тұмауға ұқсас симптомдар, айқын әлсіздік, мұрыннан қан кету, қан құйылу және шығу тегі белгісізқанталау. Мұндай жағдайларда препаратты қабылдауды тоқтату, анальгетиктермен және ыстықты басатын дәрілермен өз бетінше емделуден бас тарту және дәрігерге жүгіну ұсынылады

- беттің, тілдің және тамақтың ісінуі, ентігу, тахикардия және гипотензия (анафилаксия, ангионевроздық ісіну немесе ауыр шок)түрінде көрінетін ауыр аса жоғары сезімталдық реакциялары

- демікпенің өршуі

- психоздық реакциялар, депрессия

- асептикалық менингит: ҚҚСП қабылдау аясында асептикалық менингиттің даму механизмі толық анық емес, бірақ қолда бар деректер иммундық реакцияны көрсетеді (препаратты қабылдаумен уақытша байланыс негізінде және препаратты тоқтатқаннан кейін симптомдардың жоғалуы). Асептикалық менингит симптомдары дамуының жекелеген жағдайлары (мысалы, желке бұлшықетінің сіресуі, бас ауыруы, жүрек айнуы, құсу, қызба немесе сананың бұлыңғырлануы) ибупрофенді қабылдау кезінде аутоиммунды аурулары бар (мысалы, жүйелі қызыл жегі және дәнекер тінінің аралас ауруы) пациенттерде байқалғанын атап өту керек.

- жүрек жеткіліксіздігі, жүрек қағуының жиілеуі, ісіну, миокард инфарктісі

- артериялық гипертензия, васкулит

- эзофагит, ішектің жарғақшалық құрылымдарының қалыптасуы, панкреатит

- бауыр дисфункциясы, әсіресе ұзақ уақыт қабылдаған кезде бауырдың зақымдануы, бауыр жеткіліксіздігі, жедел гепатит

- алопеция

- ісіну, әсіресе артериялық гипертензиясы немесе бүйрек жеткіліксіздігі бар пациенттердегі ісіну, невроздық синдром, жедел бүйрек жеткіліксіздігімен бірге жүруі мүмкін интерстициальды нефрит

Белгісіз

- Кунис синдромы деп аталатын ықтимал ауыр аллергиялық реакцияның белгісі болуы мүмкін кеудедегі ауырсыну

- фотосезімталдық реакциялары.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

100 мл суспензияның құрамында

әсер ететін зат: ибупрофен 2.000 г

қосымша заттар: гипромеллоза, ксантан шайыры, глицерин, натрий бензоаты, сұйық мальтитол, натрий цитраты, лимон қышқылы моногидраты, натрий сахаринаты, натрий хлориді, құлпынай хош иістендіргіші, тазартылған су.

Сыртқы түрінің, иісінің, дәмінің сипаттамасы

Құлпынай иісі бар біртекті дисперсиялы ақ немесе ақ дерлік түсті суспензия.

Шығарылу түрі және қаптамасы

100 мл немесе 120 мл адаптері бар ПЭТФ құтыларда, «алғашқы ашу» кепілдік сақинасы және балалардың құтыны ашуына кедергі келтіретін қауіпсіздік құрылғысы бар бұрандалы полиэтилен қақпақпен тығындалған. Әрбір құтыға заттаңба жапсырылады.

1 құтыдан қолдану жөніндегі қазақ және орыс тілдеріндегі нұсқаулықпен және шприц-дозатормен картон қорапшаға салынады.

Сақтау мерзімі

3 жыл

Бастапқы қаптаманы ашқаннан кейін сақтау мерзімі - 6 ай.

Жарамдылық мерзімі өткеннен кейін қолдануға болмайды!

Сақтау шарттары

25°С-ден аспайтын температурада жарықтан қорғау мақсатында түпнұсқалық қаптамасында сақтау керек. Тығыз жабылған құтыда сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«ПОЛЬФАРМА» АҚ Фармацевтикалық зауыты

Серадзедегі Медана бөлімі

Владислав Локетка көш. 10, 98-200 Серадз, Польша

Телефон нөмірі: +48 58 5631600

Факс нөмірі: +48 58 5622353

Электрондық пошта: phv@polpharma.com

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ, Рашидов көш., 81

Телефон нөмірі: +7 7252 (610151)

Автоматты жауап беру нөмірі: +7 7252 (561342)

Электрондық пошта: infomed@santo.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Химфарм» АҚ, Қазақстан Республикасы, Шымкент қ, Рашидов көш., 81

Телефон нөмірі: +7 7252 (610150)

Автоматты жауап беру нөмірі: +7 7252 (561342)

Электрондық пошта: complaints@santo.kz; phv@santo.kz