Бруфен Ретард таблетки по 800 мг №20 (2 блистера х 10 таблеток)

Бруфен®Ретард

Ибупрофен

Босап шығуы ұзаққа созылатын қабықпен қапталған таблеткалар, 800 мг

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы, стероидты емес препараттар. Пропион қышқылының туындылары. Ибупрофен.

АТХ коды M01A E01

- ревматоидтық артрит (ювенильді ревматоидтық артрит немесе Стилл ауруын қоса), шорбуынданатын спондилоартрит, остеоартрит және басқа ревматоидтық емес (серо-теріс) буын ауруларын емдеу кезінде ауыруды басатын және қабынуға қарсы дәрі ретінде.

- иық-жауырын периартриті (капсулит), бурсит, тендинит, тендовагинит және белдің ауыруы сияқты буынға қатысты зақымдануларда буыннан тыс ревматизм ауруларын емдеуде; Бруфен® Ретард препаратын созылып кету және шығып кету сияқты жұмсақ тіндер жарақаттарында да қолдануға болады.

- дисменорея, тіс ауыруы және операциядан кейінгі ауыру сияқты жеңілден орташаға дейінгі ауыруды жеңілдету үшін және бас сақинасын қоса, бас ауыруын симптоматикалық емдеу үшін.

Қолданудың басталуына дейінгі қажетті мәліметтер тізбесі

- әсер етуші затына немесе кез келген қосымша затқа аса жоғары сезімталдық

- ибупрофен, аспирин немесе басқа ҚҚСП қабылдаудан кейінгі аса жоғары сезімталдық реакциялары (бронх демікпесі ұстамалары, есекжем, ангионевроздық ісіну немесе ринит)

- анамнездегі ҚҚСП қабылдаумен астасқан асқазан-ішектен қан кету немесе тесілу. Ағымдағы немесе бұрын өткерген қайталамалы пептидтік ойық жара немесе асқазан-ішектен қан кетуі (дәлелденген ойық жаралану немесе қан кетудің екі немесе одан көп жекелеген көріністері) бар пациенттерді емдеу үшін Бруфен® Ретард препаратын қолдануға болмайды.

- қан кетудің жоғары даму қаупімен қатар жүретін жай-күйлер немесе қатты қан кету

- жүректің ауыр жеткіліксіздігі (Нью-Йорк Жүрек қауымдастығының (NYHA) критерийлері бойынша IV функционалдық класс)

- бауырдың ауыр жеткіліксіздігі

- бүйректің ауыр жеткіліксіздігі (шумақтық сүзілу жылдамдығы < 30 мл/мин)

- жүктіліктің соңғы триместрі

- бала емізу кезеңі

- балалар мен 18 жасқа дейінгі жасөспрімдер

Егер Сізде инфекция болса, өзіңіздің фармацевтпен немесе дәрігермен сөйлесіңіз.

Жалпы сақтандыру шаралары

Басқа ҚҚСП сияқты Бруфен® Ретард препараты қызу және ауырсыну сияқты инфекциялардың белгілерін жасыруы мүмкін. Сондықтан Бруфен® Ретард препараты инфекцияның тиісті емін кейінге қалдыруы мүмкін, бұл асқыну қаупінің артуына әкелуі мүмкін. Бұл бактериялардан туындаған пневмонияда және желшешекке байланысты бактериялық тері инфекцияларында байқалды. Егер сіз бұл дәріні инфекция кезінде қабылдасаңыз және инфекция симптомдары сақталса немесе нашарласа, дереу дәрігерге қаралыңыз.

Кез-келген ауыруды басатын дәрілік заттарды ұзақ уақыт қолданған кезде, дәрілік заттардың жоғары дозаларымен емдеуге болмайтын бас ауыруы пайда болуы мүмкін.

ҚҚСП-мен алкогольдің шамадан тыс мөлшерін бір мезгілде қолдану, оның ішінде ибупрофенді қоса алғанда, аддитивті әсерге байланысты болуы ықтимал, асқазан-ішек жолдарының жанама әсерлерінің қаупін арттыруы мүмкін, мысалы, асқазан-ішек жолынан немесе орталық жүйке жүйесінен қан кету.

Егде жастағы пациенттер

Егде жастағы адамдарда ҚҚСП жағымсыз реакциялары, әсіресе, өлімге ұшыратуы мүмкін асқазан-ішек қан кетулері немесе тесілуі жиірек байқалады.

Бүйрек жеткіліксіздігі бар пациенттер

Бүйрек функциясының жеңіл және орташа бұзылуы бар пациенттер үшін дозаны төмендету талап етілмейді.

Бауыр жеткіліксіздігі бар пациенттер

Бауыр функциясының жеңіл және орташа бұзылуы бар пациенттер үшін дозаны төмендету талап етілмейді.

Балалар жасындағы пациенттер

Балалар мен жасөспірімдерде сусызданумен жүретін бүйрек функциясының бұзылу қаупі болады.

Асқазан-ішек қан кетуі, ойық жарасының түзілуі және тесілуі

Ибупрофен, осы жай-күйлердің өршуі мүмкін болғандықтан, анамнезінде пептидтік ойық жарасы және асқазан-ішек жолының (АІЖ) басқа аурулары бар пациенттерге сақтықпен тағайындалу керек. Ойық жаралардың түзілуі немесе қан кету қаупінің жоғары болуына орай, ибупрофен мен циклооксигеназа-2 (ЦОГ-2) селективті тежегіштерін қоса, басқа ҚҚСП бір мезгілде тағайындалмау керек.

Анамнезінде АІЖ аурулары бар, әсіресе, егде жастағы пациенттер емдеудің бастапқы сатыларында кез келген әдеттен тыс абдоминальді симптомдар туралы (әсіресе, асқазан-ішектен қан кету жөнінде) мәлімдеуі тиіс.

Ибупрофен, мысалы, пероральді кортикостероидтар, варфарин сияқты антикоагулянттар, серотонинді кері қармайтын селективті тежегіштер немесе, мысалы, ацетилсалицил қышқылы/аспирин сияқты антитромбоциттік препараттар сияқты ойық жараның немесе қан кетудің даму қаупін арттыруы мүмкін препараттармен қатарлас ем қабылдап жүрген пациенттерге сақтықпен тағайындалу керек. Ибупрофен алатын пациентте асқазан-ішектің қан кетуі немесе ойық жарасы дамыған жағдайда препаратты тоқтату керек.

ҚҚСП ойық жаралы колиті бар немесе анамнезінде Крон ауруы бар пациенттерге сақтықпен тағайындау керек, себебі бұл жағдайлар өршуі мүмкін.

Респираторлық бұзылыстар

Ибупрофен бронх демікпесінен, созылмалы риниттен немесе аллергиялық аурулардан зардап шегетін пациенттерге, анамнезінде осындай аурулары бар пациенттерге сақтықпен тағайындалу керек, өйткені ибупрофеннің осындай пациенттерде бронх түйілуін, есекжем, ангионевроздық ісінуді тудыруы мүмкін екені хабарланған.

Жүрек, бүйрек және бауыр функциясының бұзылуы

Ибупрофен жүрек, бүйрек және бауыр функциясының бұзылуы бар пациенттерге сақтықпен тағайындалу керек, өйткені ҚҚСП қолдану бүйрек функциясының нашарлауына әкелуі мүмкін.

Жүрек-қантамырлық және цереброваскулярлық аурулар

Ибупрофен анамнезінде жүрек жеткіліксіздігі немесе артериялық гипертензиясы бар пациенттерге сақтықпен тағайындалу керек. Бақыланбайтын артериялық гипертензиясы, жүректің іркілісті жеткіліксіздігі (NYHA критерийлері бойынша II-III функционалдық класс), диагностикаланған жүректің ишемиялық ауруы, шеткері артериялар ауруы және/немесе цереброваскулярлық аурулары бар пациенттерге ибупрофен оқиғаны мұқият талдаудан кейін тағайындалу керек, сондай-ақ ибупрофеннің жоғары дозаларын (тәулігіне 2400 мг) қолданбау керек.

Жүрек-қантамыр ауруларын дамытатын қауіп факторлары (артериялық гипертензия, гиперлипидемия, қант диабеті, шылым шегу сияқты) бар пациенттерге, әсіресе, ибупрофеннің жоғары дозаларын (тәулігіне 2400 мг) қабылдау қажет болған жағдайда ибупрофенмен ұзақ уақыт емдеуді бастар алдында, оқиғаны мұқият талдау қажет.

Ибупрофен қабылдайтын пациенттерде Коунис синдромының жағдайлары туралы хабарланды.

Бүйрек тарапынан бұзылулар

Ибупрофенмен емдеуді елеулі дегидратациясы бар пациенттерде абайлап бастау керек. Бүйрек жеткіліксіздігінің даму қаупі, әсіресе, дегидратациясы бар балалар мен жасөспірімдерде және егде жастағы адамдарда болады.

Бүйректің өзекшелік ацидозы және гипокалиемия жедел артық дозаланғаннан кейін және ибупрофен негізіндегі препараттарды ұзақ уақыт бойы ұсынылған тәуліктік дозадан асатын дозаларды қоса, жоғары дозада (әдетте 4 аптадан астам) қабылдайтын пациенттерде дамуы мүмкін.

Дерматологиялық әсерлері

Ибупрофенді қабылданғанда өте сирек жағдайларда өлімге әкелуі мүмкін терінің ауыр реакциялары (SCARs), соның ішінде эксфолиативті дерматит, көп пішінді эритема, Стивенс-Джонсон синдромы (SJS), уытты эпидермалық некролиз (TEN), эозинофилиямен және жүйелік симптомдармен дәрілік бөртпе (DRESS), сонымен қатар жедел жайылған экзентематозды пустулез (AGEP) туралы хабарланды.

Бұл реакциялардың көпшілігі терапияның бірінші айында дамыған. Осы реакцияларды көрсететін белгілер мен симптомдардың алғашқы көрінісінде ибупрофенді қабылдауды тоқтату және емдеудің балама түрін (қажет болған жағдайда) қарастыру қажет.

Айрықша жағдайларда тері және жұмсақ тін тарапынан ауыр инфекциялық асқынуларға желшешек себеп болуы мүмкін.

Гематологиялық әсерлері

Дені сау адамдарда ибупрофен, басқа ҚҚСП сияқты, тромбоциттер агрегациясын бәсеңдетуі және қан кету уақытын ұзартуы мүмкін.

Асептикалық менингит

Сирек жағдайларда ибупрофенмен емделген пациенттерде асептикалық менингит байқалды.

Жасырын инфекция симптомдарын бүркемелеу

Басқа ҚҚСП сияқты, Бруфен® Ретард препаратын инфекциялық ауру симптомдарын бүркемелеуі мүмкін, бұл тиісті ем басталуының кідіруіне әкелуі мүмкін және сол арқылы ауру ағымын қиындатуы мүмкін. Бұл ауруханадан тыс бактериялық пневмонияда және желшешектің бактериялық асқынуларында байқалды. Бруфен® Ретард препаратын дене температурасының көтерілуі кезінде немесе инфекция кезінде ауыруды басу үшін қолданғанда, инфекциялық ауруға мониторинг жүргізу ұсынылады. Медициналық мекемеден тыс емдеу жағдайында, егер симптомдар сақталса немесе күшейсе, пациент дәрігерге қаралуы тиіс.

Кейбір пациенттерде болуы мүмкін дәрілік өзара әрекеттесуіне орай, келесі препараттармен бір мезгілде тағайындағанда сақ болу керек:

гипотензиялық дәрілер, бета-блокаторлар және диуретиктер

жүрек гликозидтері

холестирамин

литий

метотрексат

циклоспорин

мифепристон

басқа анальгетиктер және циклооксигеназа-2 селективті тежегіштері

аспирин (ацетилсалицил қышқылы)

кортикостероидтар

антикоагулянттар

хинолонды антибиотиктер

сульфонилмочевиналар

антитромбоциттік дәрілер және серотонинді кері қармайтын селективті тежегіштер (СКҚСТ)

такролимус

зидовудин

аминогликозидтер

дәрілік шөптер экстрактілері

CYP2C9 тежегіштері

Жүктілік немесе лактация кезінде

Бруфен® Ретард препаратын жүктілік кезінде немесе бала емізу кезеңінде қолданбау керек. Бруфен® Ретард препаратын жүктіліктің соңында (соңғы үш айы) қолданбаған жөн және жүктіліктің бірінші және екінші триместрі барысында анық қажеттілік болмаған кезде қолданбаған жөн.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бруфен® Ретард препараты бас айналуын немесе ұйқышылдықты тудыруы мүмкін. Егер Бруфен® Ретард препараты сізге осылай әсер ететін болса, сізге көлік құралын және қауіптілігі зор механизмдерді жүргізуден бас тарту қажет.

Ең төмен тиімді доза симптомдарды жеңілдету үшін қажетті ең қысқа уақыт кезеңі ішінде пайдаланылуы тиіс. Егер сізде инфекция болса, симптомдар (мысалы, қызба және ауырсыну) сақталса немесе нашарласа, дереу дәрігерге қаралыңыз.

Ересектер және 18 жастан асқан балалар: екі таблетканы бір реттік тәуліктік доза түрінде, дұрысы, ерте кешкілік, ұйықтауға дейін көп уақыт бұрын қабылдайды. Ауыз қуысында жайсыздық сезімінің туындауын және тамақтың тітіркенуін болдырмас үшін таблеткаларды шайнамай, сындырмай, кемірмей және сормай, сұйықтықтың көп мөлшерімен іше отырып, бүтіндей жұту керек. Ауыр немесе жедел жай-күйлерде жалпы тәуліктік дозаны екі қабылдауға бөлінген үш таблеткаға дейін арттыруға болады.

Балалар: 18 жасқа толмаған балаларда ұсынылмайды.

Егде жастағы пациенттер: егде жастағы адамдар жағымсыз реакциялардың күрделі даму зардаптарының жоғары қаупіне бейім. Егер ҚҚСП тағайындау қажет болса, ең төмен тиімді дозасын мүмкіндігінше өте қысқа уақыт кезеңінде пайдалану керек. ҚҚСП емі кезінде асқазан-ішектен қан кетудің дамуын жоққа шығару үшін тұрақты мониторинг қажет. Егер бүйрек немесе бауыр функциясы бұзылған болса, дозаны әркімге жеке белгілеу қажет.

Қолдану тәсілі

Ішке қабылдау үшін. Асқазаны сезімтал пациенттерге Бруфен® Ретард ас ішумен бірге қабылдауға ұсынылады. Ас ішуден кейін бірден қабылдағанда Бруфен® Ретард препараты әсері баяу басталуы мүмкін. Препаратты ас ішумен немесе тамақтанудан кейін қабылдаған дұрыс.

Симптомдары

Пациенттердің көпшілігінде ибупрофен дозасынан асып кеткенде симптомдары 4-6 сағат ішінде көрініс берді.

Артық дозаланудың ең көп жиі хабарланатын симптомдары жүрек айнуын, құсу, іштің ауыруын, сылбырлық пен ұйқышылдық, бас ауыруын, құлақтың шуылдауын, бас айналуын, құрысулар мен естен тануды қамтиды. Елеулі артық дозалануды, егер басқа дәрілік препараттар бір мезгілде қолданылмаса, әдетте, жағымдылығы жақсы.

Емдеу

Симптоматикалық емдеу көрсетілген.

Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну ұсынылады

Төмендегі симптомдардың кез келгенін байқасаңыз, Бруфен®Ретард препаратын қолдануды дереу тоқтатып, дәрігерге хабарласыңыз:

- денедегі қызарған, құрғақ емес, нысана тәрізді немесе көбінесе ортасында күлдіреуіктері бар дөңгелек дақтар, терінің қабыршақтануы, ауыз, тамақ, мұрын, гениталий мен көздегі ойық жаралар. Бұл ауыр тері бөртпелерінің алдында қызба және тұмауға ұқсас белгілер болуы мүмкін (эксфолиативті дерматит, көп пішінді эритема, Стивенс-Джонсон синдромы, уытты эпидермалық некролиз)

- жайылған бөртпе, жоғары дене температурасы және лимфа түйіндерінің ұлғаюы (DRESS синдромы)

- қызбамен бірге жүретін күлдіреуіктері бар қызыл, жайылған қабыршақты тері астындағы бұдырлы бөртпелер. Әдетте симптомдар ем қабылдаудың басында пайда болады (жедел жайылған экзентематозды пустулез).

Жиі

- Бас ауыру, бас айналу

- Диспепсия

- Диарея

- Жүрек айну

- Құсу

- Іштің ауыруы

- Метеоризм

- Іш қату

- Мелена

- Қан аралас құсу

- Асқазан-ішектен қан кету

- Бөртпе

- Қажу

Жиі емес

- Ринит

- Аса жоғары сезімталдық

- Ұйқысыздық, үрей

- Парестезия

- Ұйқышылдық

- Көрудің бұзылуы

- Естудің бұзылуы, құлақтың шуылдауы

- Бас айналу

- Бронх демікпесі, бронх түйілуі, ентігу

- Гастрит

- Он екі елі ішектің ойық жарасы, асқазанның ойық жарасы, ойық жаралы стоматит

- Асқазан-ішектің тесілуі

- Гепатит, сарғаю, бауыр функциясының бұзылуы

- Есекжем, қышыну, пурпура, ангионевроздық ісіну

- Нефроуыттанудың әртүрлі түрлері, мысалы, тубулоинтерстициальді нефрит, нефроздық синдром және бүйрек жеткіліксіздігі

Сирек

- Асептикалық менингит

-Лейкопения

- Тромбоцитопения

- Нейтропения

- Агранулоцитоз

- Аплазиялық анемия

- Гемолиздік анемия

- Анафилаксиялық реакция

- Депрессия, сананың шатасуы

- Көру жүйкесінің невриті

- Көру жүйкесінің уытты невропатиясы

- Ісіну

Өте сирек

- Панкреатит

- Бауыр жеткіліксіздігі

- Терінің ауыр реакциялары (SCARs), соның ішінде көп пішінді эритема, эксфолиативті дерматит, буллездік реакциялар, соның ішінде Стивенс-Джонсон синдромы және уытты эпидермалық некролиз

- Жүрек жеткіліксіздігі, миокард инфарктісі

- Артериялық гипертензия

- Бүйректің жедел жеткіліксіздігі

Белгісіз (қолда бар деректер негізінде бағалау мүмкін емес)

- Колиттің және Крон ауруының өршуі

- Эозинофилиямен және жүйелі көріністермен дәрілік бөртпе (DRESS синдром)

- Жедел жайылған экзантематозды пустулез (AGEP)

- Фотосезімталдық реакциясы

- Коунис синдромы

- Несепағар шаншуы, дизурия, бүйректің өзекшелік ацидозы*

- Тәбеттің төмендеуі, гипокалиемия*

* Бүйректің өзекшелік ацидозы және гипокалиемия тіркеуден кейінгі кезеңде, әдетте ибупрофенді ұсынылғаннан жоғары дозада ұзақ уақыт қолданғаннан кейін тіркелді.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 таблетканың құрамында

белсенді зат – 800 мг ибупрофен,

қосымша заттар: ксантан шайыры, повидон, стеарин қышқылы, сусыз коллоидты кремнийдің қостотығы, гипромеллоза 6 мПас, гипромеллоза 5 мПас, тальк, титанның қостотығы (Е 171), Opaspray White M-1-7111B қабығы (гипромеллоза 2910, титанның қостотығы (Е 171)).

Жастықша пішінді ақ түсті үлбірлі қабықпен қапталған таблеткалар.

10 таблеткадан поливинилиденхлоридпен ламинатталған поливинилхлоридті мөлдір емес үлбірден және алюминий фольгадан жасалған пішінді ұяшықты қаптамаға салынады.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

25ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші/Қаптаушы

ФАМАР А.В.Е

7 Anthoussa Avenue, Anthoussa Attiki, 153 49, Греция

Тел.: +30 2109898990, электронды пошта: pv.kazakhstan@abbott.com

Абботт Лабораториз ГмбХ, Фройндаллее 9А, 30173 Ганновер, Германия

тел. +49 (0) 511 6750 3366,

факс +49 (0) 511 6750 3566,

электронды пошта: pv.qppv@abbott.com.

«Абботт Қазақстан» ЖШС 050060 Қазақстан Республикасы, Алматы қ.,

Еділ Ерғожин к-сі 1 үй, 90 кеңсе,

тел.: +7 7272447544, +7 7272447644,

e-mail: pv.kazakhstan@abbott.com