Ибуфен Д Форте со вкусом клубники суспензия орал. 200 мг / 5 мл по 100 мл (флакон)

Ибуфен® Д Форте

Ибупрофен

Ішуге арналған суспензия, 200 мг/5 мл

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Пропион қышқылының туындылары. Ибупрофен.

АТХ коды M01AE01

Мына жағдайлардағы шығу тегі әртүрлі дене температурасының жоғарылауында:

- суық тию аурулары

- жедел респираторлық вирустық инфекциялар

- тұмау

- баспа, фарингит

- дене температурасының жоғарылауымен қатар жүретін балалар инфекциялары

Мына жағдайлардағы әлсіз және орташа қарқындылықтағы шығу тегі әртүрлі ауыру синдромы:

- ортаңғы құлақтағы қабыну кезінде құлақ ауыруында

- тіс ауырғанда, тіс жарып шыққандағы ауырсыну

- бас ауыруы, бас сақинасы

- невралгиялар

- ревматизмдік ауырулар

- бұлшықеттердегі, буындардағы ауырсыну

- тірек-қимыл аппаратының жарақаттары.

Қолдануды бастағанға дейін қажетті мәліметтер тізбесі

- әсер етуші затқа немесе қосымша заттардың кез келгеніне, сондай-ақ басқа қабынуға қарсы стероидты емес дәрілік препараттарға (ҚҚСП) аса жоғары сезімталдық

- ацетилсалицил қышқылын (салицилаттар) немесе басқа ҚҚСП қабылдау түрткі болған бронх демікпесі, есекжем, тұмау

- асқазан-ішек жолының ойық жаралы зақымдануы (асқазан мен он екі елі ішектің ойық жара ауруы)

- анамнезінде ҚҚСП емімен байланысты асқазан-ішектен қан кетудің немесе тесілудің болуы

- ми қантамырларынан қан кету немесе басқа жедел қан кету

- геморрагиялық диатез, этиологиясы анықталмаған қан түзілуінің бұзылуы

- ауыр сусыздану (құсу, іш өтуі немесе сұйықтықты жеткіліксіз қабылдаудан туындаған)

- циклооксигеназа-2 спецификалық тежегіштерін қоса, басқа ҚҚСП бір мезгілде қолдану

- бүйректің немесе бауырдың ауыр жеткіліксіздігі

- жүректің ауыр жеткіліксіздігі (NYHA бойынша IV класс – Нью-Йорк кардиологтары ассоциациясының жіктемесі)

- жүктіліктің III триместрі

- дене салмағы 20 кг кем 7 жасқа дейінгі балалар

- тұқым қуалайтын фруктоза жақпаушылығы

Жүрек-қантамыр жүйесі және ми қан айналымы тарапынан бұзылулар

Гипертониясы және/немесе жүректің жеңіл және орташа жеткіліксіздігі бар пациенттер бақылау мен кеңесті қажет етеді, өйткені ҚҚСП терапиясында сұйықтықтың сақталуы, қан қысымының жоғарылауы және ісіну болуы мүмкін.

Ибупрофен сияқты қабынуға қарсы/ауырсынуды басатын дәрілік заттарды қабылдау жүрек ұстамасы дамуы немесе инсульт қаупінің шамалы жоғарылауымен қатар жүруі мүмкін, әсіресе жоғары дозада қабылдаған кезде. Ұсынылған дозалар мен емдеу ұзақтығынан аспауы керек. Егер пациентте келесілер болса Ибуфен® Д Форте препаратын қабылдағанға дейін емдеуді дәрігермен немесе фармацевтпен талқылау керек:

- жүрек аурулары, соның ішінде жүрек жеткіліксіздігі (NYHA II-III класы), стенокардия (кеудедегі ауырсыну), сондай-ақ егер пациентте жүрек ұстамасы, коронарлық тамырларға операция, кез-келген түрдегі инсульт (соның ішінде "мини-инсульт" немесе "ТИШ" транзиторлық ишемиялық шабуыл) немесе пациентте шеткері артерия ауруы болса (артериялардың тарылуына немесе бітелуіне байланысты аяқтың нашар айналымы);

- қан қысымының бақыланбайтын жоғарылауы, қант диабеті, қандағы холестериннің жоғарылауы, жүрек ауруы немесе отбасы мүшелерінде инсульт болса, немесе пациент темекі шегетін болса.

Тері реакциялары

Терінің ауыр реакциялары, олардың кейбіреулері өлімге әкелді, соның ішінде эксфолиативті дерматит, Стивенс-Джонсон синдромы және уытты эпидермальді некролиз ҚҚСП қолдануға байланысты сирек кездеседі. Пациенттер емдеудің алғашқы айында көп жағдайларда пайда болатын емнің ерте сатыларында осы реакциялардың ең жоғары қаупіне ұшырайды. Ибупрофен бар препараттарға қатысты жедел жайылған экзантематозды пустулез (AGEP) туралы хабарланды. Ибуфен® Д Форте тері бөртпесі, шырышты қабықтың зақымдануы немесе аса жоғары сезімталдықтың кез келген басқа белгілері сияқты күрделі тері реакцияларының белгілері мен симптомдары алғаш пайда болғанда тоқтатылуы керек.

Бронх демікпесі немесе ацетилсалицил қышқылына аллергиялық реакциялар симптомдары бар адамдарға, сондай-ақ басқа да дәрілік заттарды (әсіресе гипертензияға қарсы, диуретикалық, кардиотропты және психотропты дәрілік заттарды) қабылдайтын адамдарға препаратты қолдану зор сақтықпен ғана рұқсат етіледі.

Ибупрофенді қолдану кезінде уытты амблиопияның бірлі-жарым жағдайлары байқалған.

Ас қорыту жүйесінің бұзылуының пайда болу мүмкіндігін ескере отырып, ибупрофенді ульцерогендік әсері бар заттармен немесе дәрілік заттармен (соның ішінде ацетилсалицил қышқылымен, кортикостероидтармен) бір мезгілде қабылдаудан аулақ болу керек.

Ибуфен® Д Форте (қабынуға қарсы стероидты емес препараттар тобының басқа дәрілік заттары сияқты) төменде аталған дәрілік заттармен бір мезгілде қолдануға болмайды:

- ацетилсалицил қышқылы немесе басқа қабынуға қарсы стероидты емес препараттар - асқазан-ішек жолы тарапынан жағымсыз реакциялардың пайда болу қаупі артады

- антигипертензивті дәрілік заттармен және диуретиктермен - стероидты емес қабынуға қарсы препараттар тобындағы препараттар осы препараттардың әсер ету тиімділігінің төмендеуіне әкелуі мүмкін

- антикоагулянттар – аз санды клиникалық дәлелдер қабынуға қарсы стероидты емес препараттар қан ұюын төмендететін дәрілердің әсерін күшейтуі мүмкін екенін көрсетеді

- литий және метотрексат - қабынуға қарсы стероидты емес препараттар литий мен метотрексаттың плазмадағы концентрациясының жоғарылауына әкелуі мүмкін екендігі дәлелденді

- зидовудин – ибупрофен мен зидовудинді бір мезгілде қабылдайтын пациенттерде қан кету уақытының ұлғаюы туралы дәлелдер бар

- минералокортикоидтармен, глюкокортикоидтармен - жағымсыз әсерлер күшейеді

- сульфонилмочевина туындылары - гипогликемиялық әсер күшейеді, антацидтер мен холестирамин сіңуін төмендетеді

- кофеин анальгетикалық әсерді күшейтеді.

Кейбір басқа дәрілік заттар ибупрофеннің әсеріне де ықпал етуі немесе осындай әсер ету мәні болуы мүмкін. Сондықтан Ибуфен® Д Форте препаратын басқа дәрілермен бірге қабылдамас бұрын дәрігердің немесе фармацевттің кеңесіне жүгіну керек.

Емдеу кезінде шеткері қанның көрінісін және бауыр мен бүйректің функционалды жағдайын бақылау қажет.

Сусызданған балалар мен жасөспірімдерде бүйрек жеткіліксіздігінің қаупі бар.

Тұқым қуалайтын фруктоза жақпаушылығы бар адамдарда ерекше сақ болу керек.

Инфекциялар

Ибуфен® Д Форте қызба және ауыру сияқты инфекциялардың белгілерін жасыруы мүмкін. Сондықтан Ибуфен® Д Форте инфекцияның тиісті емін кейінге қалдыруы мүмкін, бұл асқыну қаупінің жоғарлауына әкелуі мүмкін. Бұл бактериялар туындатқан пневмония кезінде және желшешекпен байланысты терінің бактериялық инфекциялары кезінде байқалды. Егер сіз осы дәріні инфекцияға шалдыққанда қабылдасаңыз және инфекция симптомдары сақталса немесе нашарласа, дереу дәрігерге хабарласыңыз.

Фертильділік

Циклооксигеназаны/простагландин синтезін тежейтін препараттарды қолдану овуляцияға әсер етуі мүмкін және осылайша әйелдердің ұрпақ өрбіту қабілетіне теріс әсер етеді деген хабарламалар бар. Мұндай әсер препаратты қабылдауды тоқтатқаннан кейін тоқтатылады.

Жүктілік

Ибуфен® Д Форте жүктіліктің соңғы 3 айында қолданылмауы керек, себебі ол тумаған нәрестеге зиян келтіруі немесе босану кезінде қиындықтар тудыруы мүмкін. Тумаған нәрестеде бүйрек және жүрек проблемаларын тудыруы мүмкін. Бұл ана мен баланың қан кетуге бейімділігіне әсер етуі мүмкін және босанудың күтілгеннен кеш немесе ұзағырақ болуына әкелуі мүмкін. Жүктіліктің алғашқы 6 айында Ибуфен® Д Форте қабылдауға болмайды, егер бұл өте қажет болмаса және дәрігер ұсынбаса. Егер пациентке осы кезеңде немесе жүкті болуға тырысу кезінде емдеу қажет болса, ең төменгі дозаны мүмкіндігінше қысқа уақыт ішінде қолдану керек. Жүктіліктің 20-шы аптасынан бастап бірнеше күннен артық қабылданатын Ибуфен® Д Форте тумаған нәрестеде бүйрек проблемаларын тудыруы мүмкін, бұл нәрестені қоршап тұрған амниотикалық сұйықтықтың төмен деңгейіне (олигогидрамниозға) немесе баланың жүрегіндегі қан тамырларының (артериялық түтіктің) тарылуына әкелуі мүмкін. Егер бірнеше күннен артық емдеу қажет болса, дәрігер қосымша бақылауды ұсынуы мүмкін.

Лактация

Ибупрофен емшек сүтімен аз мөлшерде шығарылуы мүмкін. Нәрестелерде жағымсыз әсерлер пайда болуы жайлы жағдайлар белгісіз, алайда ибупрофенмен емделу кезінде бала емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне  әсер ету ерекшеліктері

Ибуфен® Д Форте препаратын қабылдау кезінде бас айналуы пайда болуы мүмкін, оны көлікті басқару және механизмдерге қызмет көрсету кезінде ескеру керек.

Дозалау режимі

Доза жасына және дене салмағына байланысты есептеледі.

5 мл суспензияның құрамында 200 мг ибупрофен бар.

Ибуфен Д Форте препаратының бір реттік дозасы тәулігіне 3-4 рет баланың дене салмағының 5-10 мг/кг құрайды. Суспензияның ең жоғары тәуліктік дозасы дене салмағының 20-30 мг/кг құрайды. Препарат төмендегі сызба бойынша бір реттік дозада тағайындалады:

Келесі дозалар арасындағы ең аз аралық 4-6 сағатты құрайды.

Препаратты дәрігердің бақылауынсыз 3 күннен артық қолдануға болмайды.

Ең төмен тиімді доза симптомдарды жеңілдету үшін қажетті ең қысқа уақыт кезеңі ішінде пайдаланылуы тиіс.

Егер препаратты қысқа уақыт аралығында, симптомдарды жою үшін қажетті ең аз тиімді дозада қабылдаса, жағымсыз реакциялардың пайда болу қаупін барынша азайтуға болады.

Препарат құрамында қант жоқ, сондықтан оны қант диабетімен ауыратын адамдарға қолдануға болады.

Қолдану тәсілі

Ішке қолданылады. Қолданар алдында біртекті суспензия алынғанша шайқау керек. Дәрілік препарат ас ішкеннен кейін, сұйықтықты іше отырып қабылдайды. Қаптамамен бірге берілетін шкаласы бар өлшеуіш стақан препаратты дәл дозалауға мүмкіндік береді.

Артық дозаланған жағдайда қабылдануы тиіс шаралар

Симптомдары: іштің ауыруы, құсу, мәңгіру, бас ауыруы, құлақтағы шуыл, депрессия, ұйқышылдық, метаболизмдік ацидоз, кома, геморрагиялық диатез, АҚ төмендеуі, құрысулар, жедел бүйрек жеткіліксіздігі, бауыр функциясының бұзылуы, тахикардия, брадикардия.

Емі: асқазанды шаю (препаратты қабылдағаннан кейін бір сағат ішінде), белсендірілген көмір, сілтілік сусындар ішу, симптоматикалық ем.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар (қажет болған жағдайда)

Жиі

- іштің ауыруы, жүрек айнуы, диспепсия, диарея, метеоризм, іш қату, қыжыл және сирек жағдайларда анемияға әкелуі мүмкін жеңіл асқазан-ішектен қан кетулерді қоса асқазан-ішек жолы тарапынан бұзылулар

Жиі емес

- аса жоғары сезімталдық реакциялары: спецификалық емес аллергиялық реакциялар және анафилаксиялық реакциялар, демікпе, демікпенің өршуі, бронх түйілуі, ентігу, әртүрлі типтегі бөртпе, қышыну, есекжем, пурпура, ангионевроздық ісіну және, одан сирек, эксфолиативті және буллезді дерматиттер (соның ішінде уытты эпидермальді некролиз, Стивенс-Джонсон синдромы және полиморфты эритема)

- бас ауыруын, бас айналуын, ұйқышылдық, ұйқысыздық, қозу, күйгелектік немесе шаршауды қоса орталық жүйке жүйесін тарапынан бұзылулар

- көру қабілетінің бұзылулары

- асқазан-ішек жолының ойық жаралары, тесілуі немесе қан кетуімен, ойық жаралы стоматит, колиттің және Крон ауруының өршуі, гастрит

- тері бөртпесінің алуан түрлері

Сирек

- құлақтағы шуыл

- бүйрек тінінің зақымдануы (бүйрек бүртіктерінің некрозы), қандағы мочевина мен несеп қышқылының концентрациясының жоғарылауы

- гемоглобин деңгейінің төмендеуі

Өте сирек

- инфекциямен байланысты қабынудың өршуі (мысалы, некролиздық фасцииттің дамуы), сирек жағдайларда препаратты желшешек кезінде қабылдағанда терінің ауыр инфекциялары және жұмсақ тіндер тарапынан асқынулар дамуы мүмкін

- гемопоэз бұзылулары (анемия, лейкопения, тромбоцитопения, панцитопения және агранулоцитоз). Алғашқы белгілер: қызба, тамақтың ауыруы, ауыз қуысының беткейлі ойық жаралары, тұмауға ұқсас симптомдар, айқын әлсіздік, мұрыннан қан кету, белгісіз этиологиядағы қан кетулер мен қанталаулар болып табылады. Мұндай жағдайларда препаратты қабылдауды тоқтату, анальгетиктермен және ыстық түсіретін дәрілермен кез келген өзін-өзі емдеуден бас тарту тиіс және дәрігерге жүгіну ұсынылады

- беттің, тілдің және тамақтың ісінуі, ентігу, тахикардия және гипотензия (анафилаксия, ангиневроздық ісіну немесе ауыр шок) түрінде көрінетін ауыр аса жоғары сезімталдық реакциялары

- демікпенің өршуі

- психоздық реакциялар, депрессия

- асептикалық менингит: ҚҚСП қабылдау аясында асептикалық менингиттің даму механизмі толық анық емес, бірақ қолда бар деректер иммундық реакцияны көрсетеді (препаратты қабылдаумен және препаратты тоқтатқаннан кейін симптомдардың жоғалуымен уақытша байланыс негізінде). Айта кету керек, асептикалық менингит симптомдарының жекелеген жағдайлары (мысалы, шүйде бұлшықетінің қаттылығы, бас ауыруы, жүрек айнуы, құсу, безгек немесе сананың бұлыңғырлығы) аутоиммунды аурулары бар (мысалы, жүйелі қызыл жегімен және дәнекер тіннің аралас ауруымен) пациенттердің ибупрофен қабылдаған кезде байқалды.

- жүрек жеткіліксіздігі, жүректің жиі соғуы, ісіну, миокард инфарктісі

- артериялық гипертензия, васкулит

- эзофагит, ішектің жарғақшалық құрылымдарының қалыптасуы, панкреатит

- бауыр дисфункциясы, бауырдың зақымдануы, әсіресе ұзақ уақыт қабылдаған кезде, бауыр жеткіліксіздігі, жедел гепатит

- Стивенс-Джонсон синдромын, полиморфты эритеманы және уытты эпидермальді некролизді қоса, буллездік реакциялар сияқты тері реакцияларының ауыр түрлері, алопеция

- ісіну, әсіресе артериялық гипертензиямен немесе бүйрек жеткіліксіздігімен ауыратын пациенттерде, нефроздық синдром, интерстициальді нефрит, олар бүйректің жедел жеткіліксіздігімен бірге жүруі мүмкін

Белгісіз

- тыныс алу жолдарының гиперреактивтілігі, соның ішінде демікпе, бронхтүйілу немесе ентігу

- терінің бөртпесі, қызба, лимфа түйіндерінің ісінуі және эозинофилдер санының көбеюі түрінде көрінетін DRESS-синдромы (жүйелі симптомдары бар дәріге байланысты эозинофилия) деп белгілі терінің ауыр реакциясы

- жедел жайылған экзантематозды пустулез (AGEP)

- фотосезімталдық реакциялары

Жағымсыз реакциялар пайда болған жағдайда, препаратты қолдануды тоқтатып дәрігермен кеңесу керек.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

100 мл суспензияның құрамында

белсенді зат – 4.00 г ибупрофен,

қосымша заттар: макрогол глицеролгидроксистеараты, ксантан шайыры, глицерол,  натрий бензоаты, натрий фосфаты додекагидраты (немесе натрий фосфаты дигидраты) лимон қышқылы моногидраты, натрий сахаринаты, сұйық мальтитол, «Кола» хош иістендіргіші, тазартылған су

Кола иісі бар, түсі ақ немесе ақ дерлік біртекті суспензия.

100 мл препараттан кепілдік сақинасы бар бұралып жабылатын полиэтиленді қақпақпен тұмшаланған полиэтиленді құтыларға құйылған.

Құтыға өздігінен желімделетін заттаңба жапсырады.

Әр құты өлшегіш стақанымен және медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынған.

2 жыл

Ашылған құтыны 6 ай ішінде пайдалану керек.

Жарамдылық мерзімі өткеннен кейін қолдануға болмайды!

Түпнұсқалық қаптамасында 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

«ПОЛЬФАРМА» фармацевтикалық зауыты АҚ

Серадздегі Медана бөлімі

Владислав Локетка к-сі 10, 98-200 Серадз, Польша

Телефон нөмірі: +48 58 5631600

Факс нөмірі: +48 58 5622353

Электронды пошта: phv@polpharma.com

«Химфарм» АҚ, Қазақстан Республикасы,

Шымкент қ., Рашидов к-сі, 81

Телефон нөмірі: +7 7252 (610151)

Автожауапбергіш нөмірі: +7 7252 (561342)

Электронды пошта: infomed@santo.kz

«Химфарм» АҚ, Қазақстан Республикасы,

Шымкент қ., Рашидов к-сі, 81

Телефон нөмірі +7 7252 (610150)

Автожауапбергіш нөмірі +7 7252 (561342)

Электронды пошта: complaints@santo.kz

«Химфарм» АҚ, Қазақстан Республикасы,

Шымкент қ., Рашидов к-сі, 81

Телефон нөмірі: +7 7252 (610150)

Автожауапбергіш нөмірі: +7 7252 (561342)

Электронды пошта: phv@santo.kz