Герпевир

ГЕРПЕВИР®

Ацикловир

2.5% жақпамай

Дерматология. Дерматологияда қолдануға арналған антибиотиктер және химиотерапиялық  препараттар. Жергілікті қолдануға арналған химиотерапиялық препараттар. Вирусқа қарсы препараттар. Ацикловир

АТХ коды D06B В03

Қарапайым герпес вирусы туындатқан (Herpes labialis) ерін мен бет инфекцияларында.

Қолдануды бастағанға дейін қажетті мәліметтер тізбесі

- ацикловирге, сондай-ақ валацикловирге немесе кез келген қосымша заттарға аса жоғары сезімталдық

- ұқсас симптомдарымен, бірақ басқа қоздырғыштардан болған инфекциялық аурулар

- жүктілік немесе бала емізу кезеңі

- 12 жасқа дейінгі балалар.

Ақпарат жоқ.

ГЕРПЕВИР ® жақпамайының жергілікті қолданылатын басқа да дәрілік заттармен өзара әрекеттесуі зерттелген жоқ.

Көзге жақпамайдың кездейсоқ түсіп кетуінен аулақ болу керек.

Ерін герпесі бар адамдарға вирусты адамдармен жанасу арқылы жұқтырудан, әсіресе ашық зақымданулары бар кезде міндетті түрде сақтандыру керек.

Жақпамайды ерін мен беттегі герпесті емдеу үшін ғана қолдану керек. Жақпамайды көздің, ауыздың шырышты қабаттарына жағу және оны генитальді герпесті емдеу үшін қолдану ұсынылмайды. Әсіресе Herpes labialis өте ауыр біліністері бар адамдарға міндетті түрде дәрігердің кеңесі керек.

Иммун тапшылығы бар адамдарға қолдануға болмайды. Осындай пациенттерге кез келген инфекцияларды емдеуге қатысты  дәрігердің кеңесі талап етіледі.

Педиатрияда қолдану

12 жастан асқан балаларға қолданылады.

Жүктілік немесе лактация кезінде

Қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер ету мүмкіндігі туралы деректер жоқ.

Дозалау режимі

Ересектер мен 12 жастан үлкен балаларға қолданылады.

Жақпамайды жұқа етіп жағады: жақпамайдың 1.25 см жолағын зақымданған жердің 25 см2-не күніне 5 рет түнгі уақытты қоспағанда шамамен 4 сағат аралықпен жағады.

Енгізу әдісі мен жолы

Тек сыртқа қолданылады! Инфекцияның таралуына жол бермеу үшін резеңке қолғапты немесе саусаққаптарды қолдану керек. Емдеуді герпес инфекцияларының алғашқы симптомдары пайда болған кезде тағайындаған жөн.

Жақпамайды зақымданған теріге және сыртқы шырышты қабыққа жағады. Жақпамайды  жағар алдында зақымданған жерді сумен  сабындап жуып және мұқият құрғату керек. Жақпамайды сондай-ақ зақымданған жермен шектескен жерге де қолдану қажет.

Қабылдау уақыты көрсетілген қолдану жиілігі

Жақпамайдың 1.25 см жолағын зақымданған жердің 25 см2-не күніне 5 рет түнгі уақытты қоспағанда шамамен 4 сағат аралықпен жағады.

Емдеу 4 күннен кем емес уақыт жүргізіледі. Егер жазыла бастамаған болса, емдеуді 10 күнге дейін жалғастыруға болады. Егер ауру симптомдары емдеудің 10 күнінен кейін де басылмаған болса, науқасқа міндетті түрде дәрігерге қаралу керек.

Артық дозаланған жағдайда қабылдануы тиіс шаралар

Симптомдары: эритема, қабыршақтану, шымылдату, күйдіру сезімі, олар препаратты тоқтатқаннан кейін қайтады.

Емі: препаратты қолдануды тоқтату.

Дәрілік препараттың бір немесе бірнеше дозасын өткізіп алған кезде қажетті шаралар

Жақпамайды ұдайы қолдану қажет; кезекті жағуды ұмытып кеткен жағдайда  препаратты  келесі  қолдану  кезінде  дозасын  екі еселемеген жөн.

Дәрілік препаратты қолдану тәсілін түсіну үшін медицина қызметкерінен кеңес алуға  бару жөнінде нұсқаулар

Препаратты қолдану жөнінде сұрақтар болған жағдайда дәрілік препаратты қолдану тәсілін түсіндіру үшін медициналық қызметкерге жүгініңіз.

Жиі емес

- қызару

- қышыну

- қабыршақтану

- препарат жағылған жерде шымылдатып ашыту

Сирек

- эритема

- жанаспалы дерматит, көбіне препараттың қабыну компоненттеріне реакциясымен байланысты

Өте сирек

- ангионевроздық ісінуді қоса дереу типтегі аса жоғары сезімталдық реакциялары.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 г жақпамайдың құрамында

белсенді зат - 100 % затқа шаққанда 25 мг ацикловир;

қосымша заттар: полоксамер 338, пропиленгликоль, полиэтиленоксид 400, эмульгатор № 1.

Сыртқы түрінің, иісінің, дәмінің сипаттамасы

Өзіне тән әлсіз иісі бар, ақ түсті біркелкі жақпамай.

5 г немесе 15 г препараттан алюминий сықпаға салынады.

1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

5 жыл

Жарамдылық мерзімі өткеннен кейін қолдануға болмайды.

Түпнұсқалық қаптамасында, 25 оС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

«Киевмедпрепарат» ЖАҚ, Украина, 01032, Киев қ., Саксаганский көш., 139.

тел/факс: +38-044-490-75-22

E-mail: office@arterium.ua

«Киевмедпрепарат» ЖАҚ, Украина, 01032, Киев қ., Саксаганский көш., 139.

тел/факс: +38-044-490-75-22

E-mail: office@arterium.ua

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасы

«ТД Фармамед» ЖШС, 

Алматы қ., Ходжанов көш., 67 ғимарат, 4а т. е.

Тел.: +7 (727) 344-99-05/06

E-mail: Almaty@pharmamed.kz