Ацикловир-Акос мазь д/наруж. прим. 5% по 5 г (туба)

Дәрілік түрі, дозасы

Жақпамай, 5 %

Фармакотерапиялық тобы

Дерматология. Дерматологияда қолдануға арналған антибиотиктер және химиотерапиялық препараттар. Жергілікті қолдануға арналған химиотерапиялық препараттар. Вирусқа қарсы препараттар. Ацикловир

АТХ коды: D06BB03

Қолданылуы

- Herpes simplex вирусынан туындаған, ерін (қайталанатын ерін герпесі) және бет терісінің вирустық инфекцияларын емдеу.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- ацикловирге немесе валацикловирге немесе препараттың қандай да бір басқа компонентіне аса жоғары сезімталдық.

Басқа дәрілік препараттармен өзара әрекеттесуі

Иммуностимуляторларымен бірге қолдану ацикловирдің әсерін күшейтеді.

Арнайы ескертулер

Сақтықпен: ацикловир жақпамайы ерін герпесінің қайталануының профилактикасы үшін тиімді. Емдеу тиімділігі неғұрлым ерте басталса (инфекцияның алғашқы белгілерінде), соғұрлым жоғары болады.

Шырышты қабықтарға (әсіресе ауыз бен мұрынның), сондай-ақ көзге тигізуден аулақ болған жөн. Офтальмологияда қолдану үшін ацикловирдің басқа дәрілік түрі бар.

Препаратты жаққаннан кейін бірден жуынуға және шомылуға болмайды.

Ацикловирдің емдік әсерін жүзеге асыру үшін организмнің иммундық жүйесінің ахуалының маңызы зор. Ацикловир жақпа майын жергілікті қолдануына байланысты иммунитеті төмен пациенттерге (мысалы, сүйек кемігін трансплантациялаудан кейін немесе АИТВ-инфекциясы болған кезде) және герпес инфекциясының ауыр және қайталанатын ағымы кезінде препаратты жүйелі түрде тағайындау керек. 1,25 см жақпамай жолағын зақымданған терінің 25 кв.см жағу керек.

Терінің басқа жерлеріне аутоинокуляцияның алдын алу үшін саусаққаптар немесе резеңке қолғаптарды пайдалану қажет.

Ацикловир герпестің жыныс жолымен берілуінің алдын алмайды, сондықтан клиникалық белгілер болмаса да емдеу кезеңінде жыныстық қатынастан тартынған дұрыс.

Препаратты қолдану кезінде аллергиялық реакциялар туындаған жағдайда жақпамайды қолдануды дереу тоқтатып, тиісті шаралар қолдану қажет.

Құрамында пропиленгликоль бар, ол терінің тітіркенуін тудыруы мүмкін; сондай-ақ метилпарагидроксибензоат және пропилпарагидроксибензоат бар, олар баяу типті аллергиялық реакциялар тудыруы мүмкін.

Жүктілік және лактация кезінде қабылдау

Жүктілік кезеңінде қолдану анасы үшін болжамды пайда ұрық пен бала үшін ықтимал қауіптен асып кеткен жағдайларда ғана көрсетілімде болуы мүмкін. Анасының жүйелі қан ағымына енген кезде ацикловир емшек сүтіне өтеді, бірақ жақпамай қолданған кездегі бала алатын препараттың мөлшері өте аз.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

АЦИКЛОВИР-АКОС көлікті басқару немесе жоғары зейін қоюды және психомоторлық реакциялардың жылдамдығын талап ететін басқа да ықтимал қауіпті қызмет түрлерімен айналысу қабілетіне әсер етпейді.

Қолдану жөніндегі нұсқаулар

Дозалау режимі

Жақпамайды зақымданған бөліктерге тәулігіне 5–6 рет (инфекция басталғаннан кейін мүмкіндігінше ерте ) бірдей уақыт аралығында жағады.

Қайталанатын инфекцияны емдеуді продромальды кезеңінде немесе инфекция біліне бастағанда ең басында бастау маңызды.

Емді күлбіреуіктің бетінде қабыршық пайда болғанша, немесе олар толығымен жазылғанша жалғастыру қажет.

Енгізу әдісі мен жолы

Сыртқа.

Емдеу ұзақтығы – кемінде 5 күн, ең көбі 10 күн.

Артық дозаланған жағдайда қабылдануы тиіс шаралар

Қазіргі уақытта сыртқа қолдануға арналған АЦИКЛОВИР-АКОС жақпамайы препаратымен артық дозалану жағдайлары туралы хабарланбаған.

Дәрілік препаратты қолдану тәсілін түсіндіру үшін медициналық қызметкерге кеңес алуға жүгіну ұсынылады.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Жиі емес:

- препаратты жаққан жерде қысқа мерзімді ашытып-күйдіру және шаншу сезімі, терінің құрғауы, терінің қабыршақтануы, қышыну.

Сирек:

- препаратты жаққан жерде эритема, жанаспалы дерматит.

Өте сирек:

- анафилаксиялық реакциялар, ангионевроздық ісінуді және есекжемді қоса.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды ұлттық сараптау орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір сықпаның ішінде:

белсенді зат: ацикловир – 0,250 г;

қосымша заттар: тауық майы (құс майының липидті компоненті, ЛИПОКОМП-С), эмульгатор №1, макрогол 400 (полиэтиленоксид-400, полиэтиленгликоль-400), пропиленгликоль, метилпарагидроксибензоат (нипагин, метилпарабен), пропилпарагидроксибензоат (нипазол, пропилпарабен), тазартылған су.

Сыртқы түрінің иісінің, дәмінің сипаттамасы

Ақ немесе сарғыш реңді ақ түсті жақпамай.

Шығарылу түрі және қаптамасы

5 г-ден алюминий сықпада. Әр сықпа медициналық қолдану жөніндегі қазақ және орыс тілдеріндегі нұсқаулықпен картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз.

Өндіруші туралы мәлімет

«Синтез» ЖАҚ, Ресей

640008, Қорған обл., Қорған қ., Конституция даңғылы, 7 үй

Тел.: +7 (495) 646-28-68

Е-mail: info@binnopharmgroup.ru

Тіркеу куәлігінің ұстаушысы

«Биоком» АҚ, Ресей

355016, Ставрополь өлкесі, Ставрополь қаласы, Чапаев өткелі, 54 үй

Тел.: +7 (495) 646-28-68

E-mail: info@binnopharmgroup.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық поштасы)

«LEKARSTVENNAYA BEZOPASNOST (Лекарственная безопасность)» ЖШС,

050047, Қазақстан Республикасы, Алматы қаласы, Алатау ауданы, Саялы шағын ауданы, 16 үй, 8 пәтер

Тел.: +7 (777) 064-27-02

E-mail: adversereaction@drugsafety.ru, info@binnopharmgroup.ru