Эссенциале Форте Н

Эссенциале® форте Н

Жоқ

Капсулалар, 300 мг

Ас қорыту жолы және зат алмасу. Бауыр және өт шығару жолдары ауруларын емдеуге арналған препараттар. Бауыр ауруларын емдеуге арналған препараттар, липотропты препараттар. Бауыр ауруларын емдеуге арналған препараттар. Фосфолипидтер.

АТХ коды А05ВА10

- Эссенциале® форте Н, өсімдік тектес дәрілік препарат бола отырып, бауыр ауруларын емдеуге арналған және гепатит кезінде немесе денсаулыққа зиянды тамақ өнімдерін пайдаланудың салдарынан бауыры зақымданған пациенттерде тәбеттің болмауы немесе оң жақ қабырға астында ауырлық сезімі сияқты симптомдарды жақсарту үшін қолданылады.

Қолданудың басталуына дейінгі қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- құрамында соя бар препараттарға, арахиске белгілі аса жоғары сезімталдығы бар пациенттер

- 12 жасқа дейінгі жасөспірімдер және балалар 

- жүктілік және лактация кезінде

Қолдану кезіндегі қажетті сақтық шаралары

Құрамына соя майы болуына байланысты сирек жағдайларда препарат аллергиялық реакция тудыруы мүмкін.

Дәрілік препаратты қабылдау бауырға зиян келтіретін заттарды (мысалы, алкоголь) тұтынуды тоқтату қажеттілігінен босатпайды.

Созылмалы гепатит кезінде, егер емдеу кезінде пациенттің көңіл күйі жақсарса, соя бұршақтарынан алынған фосфолипидтермен кешенді емнің бір бөлігі ретінде рұқсат етіледі.

Үрей симптомдары немесе көңіл күйдің нашарлауы жағдайында дәрігермен кеңесу керек.

Эссенциалды фосфолипидтердің антикоагулянттармен дәрілік өзара әрекеттесуі мүмкін. Осы себеппен антикоагулянттың дозасын реттеу керек. Бір мезгілде қабылдаған жағдайда пациент дәрігермен кеңесуі тиіс.

Педиатрияда қолдану

Эссенциале® форте Н арнайы зерттеулер жүргізілмегендіктен, бұл препаратты 12 жасқа толмаған балаларда қолдануға болмайды.

Жүктілік немесе лактация кезінде

Эссенциале® форте Н 300 мг капсулаларын жүкті әйелдермен пайдалану туралы деректер саны шектеулі. Жануарларда репродуктивті уыттылыққа қатысты зерттеу жеткіліксіз. Эссенциале® форте Н 600 мг капсулаларын жүкті әйелдерге қабылдау ұсынылмайды.

Соя бұршақтарынан алынған фосфолипидтер компоненттерінің немесе олардың метаболиттерінің емшек сүтіне ену-енбеуі белгісіз. Емшек сүтімен қоректенетін сәбилер үшін қауіпті жоққа шығаруға болмайды. Эссенциале® форте Н 300 мг капсулаларын бала емізетін әйелдерге қабылдауға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Эссенциале® форте Н қабылдау машина жүргізу немесе жабдықпен жұмыс істеу қабілетіне әсер етпейді.

Қолдану бойынша ұсынымдар

Дозалау режимі

Эссенциале® форте Н ересектер мен 12 жастан асқан балаларда (дене салмағы 43 кг-нан артық) қолдануға арналған.

Бір реттік доза 2 капсуланы (600 мг эссенциалды фосфолипидтер) құрайды.

Ең жоғары тәуліктік доза күніне 3 рет 2 капсуланы құрайды (1800 мг эссенциалды фосфолипидтер).

Енгізу әдісі мен жолы

Пероральді

Эссенциале® форте Н тамақпен бірге, шайнамай, жеткілікті мөлшердегі сумен (мысалы, бір стақан су) ішу керек.

Препаратты қабылдау ұзақтығы кемінде 3 ай. Қажет болған жағдайда емдеу мерзімі ұзартылады.

Артық дозалану жағдайында қабылдануы қажетті шаралар

Эссенциале® форте Н артық дозалану немесе уыттану жағдайлары тіркелген жоқ.

Симптомдары: жағымсыз әсерлердің күшеюін болжауға болады.

Емі: препаратты тоқтату, емдеуші дәрігердің кеңесі, симптоматикалық ем

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

Осы препаратты қолдануға қатысты қандай да бір сұрақтар туындаған жағдайда емдеуші дәрігермен хабарласыңыз.

Қосымша парақта айтылмаған жағымсыз әсерлер туралы дәрігерге немесе фармацевтке хабарлау керек.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Белгісіз (қолда бар деректер негізінде бағалау мүмкін емес):

- артериялық қысымының жоғарылауы, пальпитация (жүректің қатты соғуы)

- бас айналуы

- жүрек айнуы, құсу

- экзантема және есекжем, қышыну сияқты аллергиялық реакциялар.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну(жағымсыз реакциялар бойынша ақпараттық деректер базасын көрсету)

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір капсуланың құрамында

белсенді зат: соя бұршақтарынан алынған фосфолипидтер, құрамында 80% (3-sn-фосфатидил)-холин бар (240,00 мг), 300,0 мг,

қосымша заттар: қатты май, рафинадталған соя майы, all-rac-α-токоферол, гидрогенделген майсана майы, 96 % этанол, этилванилин, 4-метоксиацетофенон,

капсула құрамы: желатин, тазартылған су, титанның қостотығы (Е171), темірдің сары тотығы (Е172), темірдің қара тотығы (Е172), темірдің қызыл тотығы (Е172), натрий лаурилсульфаты.

Сыртқы түрінің, иісінің, дәмінің сипаттамасы

Балға ұқсас паста тәрізді массасы бар күңгірт, ұзынша пішінді желатинді хаки түсті капсулалар.

10 капсуладан ПВХ/ПВДХ (поливинилхлорид/поливинилиденхлорид) үлбірден және алюминий фольгадан жасалған пішінді ұяшықты қаптамаға салынады.

3 немесе 9 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

3 жыл

Жарамдылық мерзімі өткеннен кейін қолдануға болмайды.

25ºС-ден төмен температурада сақтау керек.

Балалардың қолы жетпейтін жерде сақтау керек!

Рецептісіз

А. Наттерманн және Сие. ГмбХ

Орналасқан мекенжайы: Наттерманналле 1, 50829 Кёльн, Германия

Тел: +4922150901

А. Наттерманн және Сие. ГмбХ

Орналасқан мекенжайы: Брюнингштрассе 50, 65929 Франкфурт-на-Майне, Германия

Тел: +4922150901

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, электронды пошта)

"STADA Kazakhstan" ЖШС

Қазақстан Республикасы, 050044,

Алматы қ., Нұрлан Қаппаров көшесі, 408 үй

Тел.: +7 727 2222 100

e-mail: PVEurasia@stada.kz , EurasiaQA@stada.com