Гепа-Мерц гранулы д/внут. прим. по 5 г №10 (саше)

Гепа-Мерц

Жоқ

Ішке қабылдау үшін ерітінді дайындауға арналған түйіршіктер, 3 г

Ас қорыту жолы және зат алмасу. Бауыр және өт шығару жолдары ауруларын емдеуге арналған препараттар. Бауыр ауруларын емдеуге арналған препараттар, липотропты препараттар. Бауыр ауруларын емдеуге арналған препараттар.

АТХ коды А05ВА

- гипераммониемия қатар жүретін бауырдың жедел және созылмалы ауруларында (оның ішінде цирроздар, вирусты гепатиттер, майлы дистрофия, алкогольмен улану аясындағы бауырдың уытты зақымданулары)

- бауыр энцефалопатиясында (латентті және айқын білінетін)

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- L-орнитин-L-аспартатқа немесе препараттың басқа да компоненттеріне жоғары сезімталдық

- айқын бүйрек жетіспеушілігі (қан сарысуындағы креатинин деңгейі 3 мг/100 мл-ден жоғары)

Гепа-Мерц түйіршіктерінің құрамында фруктоза бар. Препарат сирек кездесетін тұқым қуалайтын фруктозаны көтере алмаушылығы бар пациенттерге ұсынылмайды.

1 пакет Гепа-Мерц түйіршіктерінің құрамында 1.13 г фруктоза (0,11 CEU баламалы) бар екендігін қант диабетіне шалдыққан пациенттер ескергендері жөн.

Ұзақ қолданған кезде Гепа-Мерц түйіршіктері тіске (тіс жегі) зиян келтіруі мүмкін.

Үйлесімділікті зерттеу жүргізілмегендіктен, дәрілік препарат басқа дәрілік препараттармен араласпауы тиіс.

Арнайы сақтандырулар

Педиатрияда қолдану

Препаратты балаларда пайдалану туралы деректер жоқ.

Жүктілік немесе лактация кезінде

Бала емізу және жүктілік кезінде клиникалық деректердің болмауына байланысты Гепа-Мерц түйіршіктерін қабылдаудан аулақ болу керек. Алайда жүктілік пен лактация кезінде түйіршіктермен емдеу үшін қолдану қажет болса, пайда мен қауіп қатынасын мұқият қарастыру қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ауру ағымына байланысты көлік құралын немесе қауіптілігі зор механизмдерді басқару қабілетінің нашарлауы мүмкін.

Дозалау режимі

200 мл сұйықтықта ерітілген түйіршіктердің 1-2 пакетін тәулігіне 3 ретке дейін тамақтану кезінде немесе тамақтан соң ішке қабылдау керек.

Пациенттердің ерекше топтары

Балалар

Препаратты балаларда пайдалану туралы деректер шектеулі.

Ішке қабылдау үшін. Дайын ерітіндіні дайындағаннан кейін бірден пайдалану керек.

Осы кезге дейін L-орнитин-L-аспартаттың артық дозаланунан кейін интоксикация белгілері байқалмаған. Артық дозалану жағдайында ықтимал симптомдары: жағымсыз әсерлердің айқындығының күшеюі.

Симптоматикалық емдеу ұсынылады

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі емес

- жүрек айнуы, құсу, асқазанның ауыруы, метеоризм, диарея

Өте сирек

- аяқ-қолдың ауыруы

Белгісіз (қолда бар деректер негізінде бағалау мүмкін емес)

- аллергиялық реакциялар

Көрсетілген жағымсыз әсерлер әдетте өтпелі болады және препаратты тоқтатуды қажет етпейді.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Салмағы 5 Г болатын 1 пакеттің ішінде

белсенді зат – L-орнитин-L-аспартат 3.0000 г,

қосымша заттар: сусыз лимон қышқылы, натрий сахарині, натрий цикламаты, хош иістендіргіші, сарғыш-сары бояғыш S (E110), повидон 25, фруктоза

Сусымалы, цитрус иісті, ақшыл қызыл-сарыдан қызыл-сары түске дейінгі түйіршіктер. Препараттың 5% ерітіндісі ақшыл-қызыл-сары түсті, сәл бозаңданған.

5.0 г-нан көп қатпарлы (қағаз-полиэтилен-алюминий-полиэтилен) фольгадан жасалған пакеттерде.

30 пакеттен медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

5 жыл

Жарамдылық мерзімі өткеннен кейін қолдануға болмайды.

25С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Клоке Фарма-Сервис ГмбХ

Штрассбургер Штрассе 77, D-77767, Аппенвайер, Германия

Тел: +49-7805-401-0, факс: +49-7805-401-290

Эл. пошта: info@klocke.com

Мерц Фармасьютикалс ГмбХ

Франкфурт-на-Майне, Германия

Тел: +49-69-1503-0, факс: +49-69-1503-200

Эл. пошта: info@merz.de

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Ацино Каз» ЖШС,

Қазақстан, 050047, Алматы қаласы,

Бостандық ауданы,

Нұрсұлтан Назарбаев даңғылы, 223 үй, 243 т.е.б.

Телефон: 8 (727) 364-56-61

е-mail: PV-KAZ@acino.swiss