Бефрон

БЕФРОН®

Ибупрофен

Суспензия 100 мг/5 мл

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Пропион қышқылының туындылары. Ибупрофен.

АТХ коды M01AE01

БЕФРОН® 3 айдан 12 жасқа дейінгі балаларда ревматизмдік немесе бұлшықет ауырсынуын, бас ауыруын, тіс ауыруын, қызба немесе суық тию және тұмау симптомдарын емдеу үшін қолданылады.

Қолдануды бастағанға дейін қажетті мәліметтер тізбесі

- әсер етуші немесе қосымша заттардың кез келгеніне аса жоғары сезімталдық

- ацетилсалицил қышқылын немесе басқа қабынуға қарсы стероидты емес препараттарды (ҚҚСП) қабылдау түрткі болған бұрын диагноз қойылған аса жоғары сезімталдық реакциялары (бронх демікпесі, ринит, ангионевроздық ісіну немесе есекжем)

- белсенді фазада немесе анамнезде қайталанатын пептидтік ойық жара/қан кету (расталған ойық жара ауруының немесе қан кетудің екі немесе одан да көп айқын көріністері)

- анамнезінде ҚҚСП емімен байланысты асқазан-ішектен қан кетудің немесе тесілуінің болуы

- бауырдың ауыр жеткіліксіздігі, бүйрек жеткіліксіздігі немесе жүрек жеткіліксіздігі

- тұқым қуалайтын фруктоза жақпаушылығы немесе глюкоза-галактоза мальабсорбциясы

- 3 айға дейінгі балалар

- дене салмағы 5 кг аз

- жүктіліктің үшінші триместрі

Симптомдарды бақылау үшін қажетті қысқа уақыт ішінде препаратты ең аз тиімді дозада қолдану жағымсыз әсерлерді барынша азайтуға мүмкіндік береді.

Егде жастағы адамдар

Егде жастағы адамдарда ҚҚСП қабылдағаннан кейін жағымсыз реакциялардың жиілігі жоғарылайды, әсіресе асқазан-ішектен қан кету немесе тесілу сияқты реакциялар өлімге әкелуі мүмкін.

Тыныс алу ағзалары тарапынан

Бронх демікпесімен немесе аллергиялық аурулармен ауыратын немесе осылар анамнезінде бар пациенттерде препаратты қабылдау бронх түйілуінің дамуына әкелуі мүмкін.

Жүйелі қызыл жегі (ЖҚЖ) және дәнекер тіннің басқа аурулары

Ибупрофенмен емдеу ЖҚЖ және дәнекер тіннің басқа аурулары бар пациенттерде асептикалық менингиттің даму қаупін арттырады.

Жүрек-қантамырлар және цереброваскулярлық әсерлер

Артериялық гипертензиясы бар және/немесе анамнезінде созылмалы жүрек жеткіліксіздігі бар пациенттерге препаратты қолданар алдында дәрігермен кеңескен жөн, өйткені ҚҚСП қабылдаған пациенттерде сұйықтықтың іркілуі, артериялық қысымның (АҚ) жоғарылауы және ісінулер білінген.

Клиникалық зерттеулердің деректері ибупрофенді, әсіресе жоғары дозаларда (тәулігіне 2400 мг) қолдану артериялық тромбоздық асқынулар (мысалы, миокард инфарктісі немесе инсульт) пайда болу қаупінің аздап артуымен байланысты болуы мүмкін деп болжауға мүмкіндік береді. Жалпы, эпидемиологиялық зерттеулер ибупрофеннің төмен дозалары (тәулігіне≤ 1200 мг) тромбоздық құбылыстар қаупінің жоғарылауымен байланысты емес екенін көрсетті.

Ибупрофенмен емделген пациенттерде Коунис синдромы жағдайлары туралы хабарланды. Коунис синдромы коронарлық артериялардың тарылуымен байланысты және миокард инфарктісіне әкелуі мүмкін аллергиялық немесе аса жоғары сезімталдық реакциясынан кейінгі жүрек-қантамырлар симптомдары ретінде анықталады.

Бүйрек тарапынан

Бүйрек жеткіліксіздігі, себебі бүйрек функциясының төмендеуі жалғасуы мүмкін.

Дегидратациясымен балаларда бүйрек функциясының бұзылу қаупі бар.

Бүйрек түтікшелерінің ацидозы мен гипокалиемия жедел артық дозаланудан кейін және ибупрофен препараттарын, ұсынылған тәуліктік дозадан асатын дозаларды қоса, ұзақ уақыт бойы жоғары дозада (әдетте 4 аптадан астам) қабылдаған пациенттерде дамуы мүмкін.

Бауыр тарапынан

Бауыр дисфункциясы.

АІЖ тарапынан

Асқазан-ішек жолдарының аурулары бар пациенттерге (ойық жаралы колит, Крон ауруы) көрсетілген аурулардың ықтимал өршуіне байланысты ҚҚСП сақтықпен тағайындау керек.

Емдеудің кез келген кезеңінде ҚҚСП қабылдау асқазан-ішектен қан кетуге, ойық жараға немесе тесілуге, кейде алдын алу симптомдарына немесе анамнезінде асқазан-ішек жолы тарапынан елеулі жағымсыз реакциялардың болуына қарамастан өлімге әкелуі мүмкін.

Анамнезінде ойық жарасы бар, әсіресе қан кетумен немесе перфорациямен асқынған пациенттерде және егде жастағы пациенттерде ҚҚСП дозасып ұлғайтқан кезде асқазан-ішектен қан кету, ойық жара немесе перфорация қаупі артады. Мұндай пациенттерге препаратты қабылдауды ең аз ықтимал дозадан бастау керек.

Анамнезінде асқазан-ішек уыттылығы бар пациенттер, әсіресе егде жастағы пациенттер құрсақ қуысы ағзалары тарапынан кез келген ерекше симптомдар туралы (әсіресе асқазан-ішектен қан кету туралы), әсіресе емдеудің бастапқы кезеңінде хабарлауы тиіс.

Пероральді кортикостероидтар, антикоагулянттар, мысалы, варфарин, серотонинді кері қармаудың селективті тежегіштері немесе ацетилсалицил қышқылы сияқты тромбозға қарсы дәрілер сияқты ойық жаралану немесе қан кету қаупін арттыруы мүмкін қатар жүретін дәрілік препараттарды алатын пациенттерге сақ болу ұсынылады.

Егер ибупрофен қабылдайтын пациенттерде асқазан-ішектен қан кету немесе ойық жара байқалса, онда препаратты қабылдауды тоқтату керек.

Терінің ауыр жағымсыз реакциялары (тыртықтар)

Эксфолиативті дерматит, мультиформалы эритема, Стивенс-Джонсон синдромы (SJS), уытты эпидермалық некролиз (TEN) және эозинофилиямен және жүйелік симптомдармен дәрілік реакция (DRESS синдромы), сондай-ақ жедел жайылған экзантематозды пустулез (AGEP) сияқты өмірге қауіп төндіретін немесе өлімге әкелетін ауыр тері жағымсыз реакциялары ибупрофенді қолданғанда тіркелген. Бұл реакциялардың көпшілігі бірінші айда дамыды. 

Осы реакцияларды көрсететін белгілері мен симптомдар пайда болса, ибупрофен қабылдауды дереу тоқтатып, балама емдеуді қарастыру керек (қажет болған жағдайда). 

Жасырын инфекция симптомдарының бүркемеленуі:

Ибупрофен инфекциялық аурудың симптомдарын бүркемелеуі мүмкін, бұл тиісті емдеуді бастаудың кешеуілдеуіне әкелуі мүмкін және осылайша аурудың ағымын қиындатады. Бұл бактериялық ауруханадан тыс пневмония мен желшешектің бактериялық асқынуларында байқалған. Ибупрофен дене температурасының жоғарылауымен немесе инфекциядағы ауырсынуды жеңілдету үшін қолданылған кезде инфекциялық ауруға мониторинг жүргізу ұсынылады. Медициналық мекемеден тыс емдеу жағдайында, егер симптомдар сақталса немесе күшейсе, пациент дәрігерге қаралуы тиіс. Ерекше жағдайларда, желшешек тері мен жұмсақ тіндер тарапынан күрделі инфекциялық асқынуларға себеп болуы мүмкін. Сондықтан ибупрофенді желшешек кезінде қолданудан аулақ болу ұсынылады.

Натрий

БЕФРОН® құрамында 1 ммольден аз натрий бар (23 мг), яғни натрийсіз деп саналады

Сорбитол

БЕФРОН®құрамында сорбитол бар, тұқым қуалайтын фруктоза жақпаушылығы бар адамдарға қолдануға болмайды.

Қант

БЕФРОН® құрамында қант бар, осыған байланысты тұқым қуалайтын фруктоза жақпаушылығы немесе глюкоза-галактоза мальабсорбциясы бар адамдарға қолдануға болмайды

Ибупрофенді мынадай дәрілік заттармен бір мезгілде қолданудан аулақ болу керек:

- Ацетилсалицил қышқылы (аспирин): бірге қолдану дәрігер тағайындаған (ацетилсалицил қышқылының төмен дозаларын (тәулігіне 75 мг артық емес) қоспағанда) жағымсыз реакциялар қаупін арттыруы мүмкін.

Эксперименттік деректер ибупрофен ацетилсалицил қышқылының (аспирин) төмен дозаларының тромбоциттер агрегациясына әсерін оларды бірге қолданған жағдайда тежеуі мүмкін екендігін көрсетеді. Алайда, бұл деректердің шектеулері және ex vivo алған деректерді клиникалық жағдайға экстраполяциялауға қатысты белгісіздіктер ибупрофеннің тұрақты қолданылуына қатысты нақты қорытынды жасауға болмайтынын білдіреді. Ешқандай тиісті клиникалық әсер ибупрофенді сирек пайдаланған кезде ықтимал болып танылуы мүмкін емес (5.1-бөлімді қараңыз).

- Басқа ҚҚСП, атап айтқанда, циклооксигеназа-2 селективті тежегіштері:: жағымсыз реакциялар туындау қаупінің арту ықтималдығына байланысты, бір мезгілде екі және одан да көп ҚҚСП тобының препараттарын қолдануға болмайды.

Мынадай дәрілік заттармен бір мезгілде сақтықпен қолдану керек:

Антикоагулянттар

ҚҚСП антикоагулянттардың, атап айтқанда варфариннің әсерін күшейте алады.

Гипертензияға қарсы дәрілер және диуретиктер

ҚҚСП осы топтардың препараттарының тиімділігін төмендетуі мүмкін. Диуретиктер ҚҚСП нефроуыттылығын арттыруы мүмкін.

Кортикостероидтар

АІЖ ойық жаралары пайда болуы мен асқазан-ішектен қан кету қаупінің жоғарылауы.

Антиагреганттар және серотонинді кері қармаудың селективті тежегіштері (СКҚСТ) Асқазан-ішектен қан кету туындау қаупінің жоғарлауы.

Жүрек гликозидтері

ҚҚСП және жүрек гликозидтерін бір мезгілде тағайындау жүрек жеткіліксіздігінің өршуіне, шумақтық сүзіліс жылдамдығының төмендеуіне және қан плазмасында жүрек гликозидтері концентрациясының жоғарылауына әкелуі мүмкін.

Литий

Қан плазмасындағы литий концентрациясының жоғарылауы туралы мәліметтер бар.

Метотрексат

Қан плазмасындағы литий концентрациясының жоғарылауы туралы мәліметтер бар.

Циклоспорин

Нефроуыттылық қаупінің артуы.

Мифепристон

ҚҚСП қабылдауды мифепристонды қабылдағаннан кейін 8-12 күннен ерте бастамау керек, өйткені ҚҚСП мифепристонның тиімділігін төмендетуі мүмкін.

Такролимус

ҚҚСП және такролимусты бір мезгілде қабылдаған кезде нефроуыттылық қаупінің артуы мүмкін.

Зидовудин

ҚҚСП мен зидовудинді бір мезгілде қолдану гематоуыттылықтың жоғарылауына әкелуі мүмкін. Зидовудинмен және ибупрофенмен бірлесіп ем қабылдаған гемофилиясы бар АИТВ жұқтырған пациенттерде гемартроз және гематомалар туындау қаупінің жоғарылауы туралы деректер бар.

Хинолонды қатардағы антибиотиктер

ҚҚСП және хинолонды қатардағы антибиотиктермен бірге ем алатын пациенттерде құрысулардың пайда болу қаупі артуы мүмкін.

Жүктілік

Простагландиндер синтезін басу жүктіліктің өтуіне және/немесе эмбрионның/ұрықтың дамуына теріс әсер етуі ықтимал. Эпидемиологиялық зерттеулердің деректері жүктіліктің ерте кезеңдерінде простагландиндер синтезі тежегіштерін пайдалану кезінде өздігінен түсік түсіру, жүрек ақауы және гастрошизис қаупінің жоғарылағанын растайды. Қауіп дозаның және ем ұзақтығының ұлғаюымен артады деп болжанады. Жүрек-қантамыр жүйесі ақаулары дамуының абсолюттік қаупі 1%-дан шамамен 1,5%-ға дейін өсті. Жануарларда простагландин синтезінің тежегіштерін қабылдау ұрықтың имплантацияға дейінгі және кейінгі өлімінің ұлғаюы мен эмбриофетальды өлімге әкелетіні көрсетілген. Сонымен қатар, органогенез кезінде простагландин синтезінің тежегіштері енгізілген жануарларда әртүрлі ақаулардың, соның ішінде жүрек-қантамырлары ақаулары жағдайларының жиілеуі байқалды.

20-шы аптадан кейін және жүктіліктің кейінгі кезеңінде ибупрофен қағанақ суы мөлшерінің төмендеуіне әкелетін шарана бүйрек функциясы бұзылуының дамуын туындатуы мүмкін. Бұл жағымсыз құбылыс емдеу басталғаннан кейін көп ұзамай пайда болуы мүмкін және әдетте ибупрофенді қолдануды тоқтатқаннан кейін қайтымды болады. Сонымен қатар, жүктіліктің екінші триместрінде емдеуден кейін артериялық түтіктің тарылу жағдайлары туралы хабарланды, олардың көпшілігі емдеуді тоқтатқаннан кейін қайтымды болды.

Жүктіліктің бірінші және екінші триместрі кезінде ибупрофенді өте қажет болған жағдайда ғана тағайындау керек. Егер ибупрофенді әйел жүкті болуға тырысып жүргенде немесе жүктіліктің бірінші және екінші триместрінде қабылдаса, препараттың дозасы мен емдеу ұзақтығы ең азы болуы керек.

Ибупрофенді жүктіліктің 20-шы аптасынан бастап бірнеше күн қолданғаннан кейін антенатальды бақылау мүмкіндігін қарастырған жөн

Ибупрофенді жүктіліктің 20-шы аптасынан бастап бірнеше күн қолданғаннан кейін, қағанақ суының аздығы мен артериялық түтіктің тарылуына антенатальды мониторинг жүргізу мүмкіндігін қарастыру керек. Егер қағанақ суының аздығы немесе артериялық түтіктің тарылуы анықталса, ибупрофен қабылдауды тоқтату керек.

Жүктіліктің үшінші триместрінде простагландин синтезінің кез келген тежегіштері шаранаға жағымсыз әсер етіп, мыналарға әкелуі мүмкін:

- кардиопульмональды уыттылық (артериялық түтіктің мерзімінен бұрын бітелуімен және өкпе гипертензиясының дамуымен);

- бүйрек жеткіліксіздігіне және олигогидрамнионға дейін үдейтін бүйрек функциясының бұзылуы;

Жүктіліктің соңында простагландин синтезінің тежегіштерін қабылдау ана мен жаңа туған нәрестеде келесі жағдайлардың дамуына әкелуі мүмкін:

- қан кету уақытының ұлғаюы, тіпті өте төмен дозаларда да агрегацияға қарсы әсердің дамуы;

- жатыр бұлшықеттерінің жиырылуын тежеу, бұл босанудың басталуын кешіктіруге және босану ұзақтығын арттыруға әкеледі.

Осының нәтижесінде жүктіліктің үшінші триместрінде ибупрофенді қабылдауға болмайды.

Бала емізу

Шектеулі зерттеулерде ибупрофен емшек сүтінде өте төмен концентрацияда кездеседі және емшек сүтімен қоректенетін нәрестеге жағымсыз әсер етуі ықтималдығы аз

Фертильділік

Циклооксигеназа/простагландин синтезін тежейтін препараттар овуляцияға әсер ету арқылы әйелдерде фетильділіктің бұзылуын туындатуы мүмкін екендігі туралы кейбір деректер бар. Бұл құбылыс препаратты тоқтатқанда қайтымды болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Қысқа мерзімді қолдану кезінде бұл дәрілік препарат көлік жүргізу және механизмдерді басқару қабілетіне әсер етпейді немесе мейлінше аз әсер етеді.

Дозалау режимі

Ең аз тиімді доза симптомдарды жеңілдету үшін қажетті ең қысқа уақыт кезеңі ішінде қолданылуы тиіс.

Тек қысқа мерзімді қолдану үшін.

Препараттың ұсынылатын тәуліктік дозасы дене салмағының әр кг 20-30 мг құрайды, тең дозаларға бөлінеді, қабылдау аралығы 6-дан 8 сағатқа дейін. Қабылдау арасында кем дегенде 4 сағат өтуі керек және 24 сағат ішінде ұсынылған дозадан артық қабылдамаңыз. Ұсынылатын доза асып кетпеуі тиіс. Өлшеуіш қасықты немесе өлшеуіш стақанды пайдаланған кезде келесідей жасауға болады:

Балаларға:

Егер дәрігер ұсынбаса, 3 айға дейінгі балаларға қолдануға болмайды.

Бұл препаратты дене салмағы 5 кг аз балаларда қолдануға болмайды.

3-6 айлық нәрестелер үшін симптомдар нашарлаған кезде немесе симптомдар сақталса, 24 сағаттан кешіктірмей медициналық көмекке жүгіну керек.

Егер 6 айлық балаларда бұл препарат 3 күннен артық қажет болса немесе симптомдар нашарласа, дәрігермен кеңесу керек.

Ішуге арналған.

Асқазан сезімталдығы жоғары пациенттер үшін өнімді тамақтану кезінде немесе одан кейін қабылдауға болады.

БЕФРОН® препаратын тамақпен бірге қабылдаған жағдайда препаратты қабылдаудың ұсынылған дозалары мен әдістерінен ауытқуға болмайды. Қаптаманың ішіне салынған өлшеуіш қасық немесе өлшеуіш стақан (сыйымдылығы 5 мл немесе 20 мл) препаратты дұрыс және ұтымды мөлшерлеуге мүмкіндік береді. Доза баланың жасына және дене салмағына байланысты.

Жағымсыз реакциялардың даму қаупін азайту үшін ибупрофенді ең аз тиімді дозада және клиникалық әсерге жету үшін қажетті ең аз қысқа мерзімде қабылдау керек. Қолданар алдында құтының ішіндегісін жақсылап шайқау керек.

Емдеуші дәрігер бағалауы тиіс. Емдеу курсын дәрігермен кеңескеннен кейін ғана қайталауға болады.

Қысқа мерзімді қолдануға арналған. Егер симптомдар 3 күннен ұзақ сақталса немесе баланың жағдайы нашарлап кетсе, дәрігерге бару керек.

Балалар жасында артық дозалану симптомдары ибупрофенді 400 мг/кг артық қабылдаған кезде пайда болуы мүмкін. Ересектерде дозаға тәуелді әсер аз байқалады. Артық дозаланғанда жартылай шығарылу кезеңі 1,5-3 сағатты құрайды.

Симптомдары

Артық дозалану симптомдары жүрек айнуын, құсуды, эпигастрийдің ауыруын немесе сиректеу, диареяны да қамтуы мүмкін. Құлақтың шуылдауы, бас ауыруы және асқазан-ішектен қан кетуі мүмкін. Анағұрлым ауыр уланудың симптомдары орталық жүйке жүйесі тарапынан ұйқышылдық түрінде, кейде – қозу және бағдардан адасу немесе кома түрінде көрінеді. Кейде құрысулар дамуы мүмкін. Ауыр артық дозаланғанда метаболизмдік ацидоз, сондай-ақ қан ағымында айналымдағы қан ұю факторларымен өзара әрекеттесу, протромбиндік уақыттың ұзаруы дамуы мүмкін. Жедел бүйрек жеткіліксіздігі және бауырдың зақымдануы байқалуы мүмкін. Бронх демікпесі бар пациенттерде демікпе өршуі мүмкін.

Ұсынылғаннан жоғары дозада ұзақ уақыт қолдану ауыр гипокалиемияға және бүйрек түтікшелерінің ацидозына әкелуі мүмкін. Симптомдарға естен тану және жалпы әлсіздік кіруі мүмкін.

Артық дозалану симптомдарын жою тактикасы

Арнайы антидоты жоқ.

Тыныс алу жолдарының өткізгіштігін, жүрек функциясын және пациенттің жағдайын тұрақтандыруға дейін өмірдің негізгі көрсеткіштері мониторингін қамтамасыз ететін симптоматикалық және демеуші ем болуы тиіс. Ибупрофеннің потенциалды уытты дозасын қабылдағаннан кейін бір сағат ішінде белсендірілген көмірді пероральді қолдану немесе асқазанды шаю ұсынылады. Жиі немесе ұзақ құрысуларды диазепамды немесе лоразепамды вена ішіне енгізу арқылы бәсеңдеткен жөн. Бронх түйілуінің ұстамасы болған жағдайда бронходилататорларды қолдану ұсынылады.

БЕФРОН® препаратын қолданар алдында емдеуші дәрігермен кеңесіңіз.

Жиі емес

- аллергиялық реакциялар, есекжем, терінің қышынуы, әртүрлі тері

бөртпелер

- іштің ауыруы, жүрек айнуы, диспепсия

- бас ауыруы

Сирек

- диарея, метеоризм, іш қату, құсу

Өте сирек

- гемопоэздің бұзылуы (анемия, лейкопения, тромбоцитопения, панцитопения және агранулоцитоз). Алғашқы белгілер: қызба, тамақтың ауыруы, ауыз қуысының беткейлік ойық жаралары, тұмауға ұқсас симптомдар, қатты жүдеу, себепсіз қан кету және қанталау.

- аса жоғары сезімталдықтың ауыр реакциялары: беттің, тілдің және көмейдің ісінуі, ентігу, тахикардия және гипотензия (анафилаксия, ангионевроздық ісіну немесе ауыр шок)

- асептикалық менингит. Асептикалық менингит симптомдары туындауының жекелеген жағдайлары (мысалы, желке бұлшықеттерінің сіресуі, бас ауыруы, жүрек айну, құсу, қызба немесе сананың бұлыңғырлануы) аутоиммунды аурулары бар (мысалы, жүйелік қызыл жегі және дәнекер тінінің аралас ауруы) пациенттерді емдеу кезінде байқалды.

- асқазан-ішек жолдарының ойық жарасы, асқазан-ішек жолында перфорация немесе қан кету мелена және гематемез( кейде өліммен аяқталады), ойық жаралы стоматит, колиттің өршуі және Крон ауруы

- бауыр функциясының бұзылуы

- терідегі ауыр жағымсыз реакциялар (SCARs) (соның ішінде эритема мультиформалық эксфолиативті дерматит, Стивенс-Джонсон синдромы және уытты эпидермалық некролиз), денеде қызыл, құрғақ емес, нысанаға ұқсас немесе дөңгелек дақтар түрінде, көбінесе ортасында күлдіреуіктермен, терінің қабыршақтануымен, ауыз, тамақ, мұрын, гениталий мен көз ойық жараларымен көрінеді. Бұл ауыр тері бөртпелерінің алдында қызба және тұмауға ұқсас симптомдар болуы мүмкін.

- жедел бүйрек жеткіліксіздігі, папиллярлық некроз, әсіресе қан сарысуынды мочевина концентрациясының жоғарылауымен және ісінумен қатар жүретін ұзақ уақыт қолдану кезінде

- гемоглобин деңгейінің төмендеуі

Белгісіз

- жүрек жеткіліксіздігі, ісіну, гипертензия. Ибупрофенді жоғары дозаларда (тәулігіне≥ 2400 мг) қабылдаған кезде және емнің ұзақ курсы кезінде миокард инфарктісін және инсультті қоса, тромбоздық асқынулардың даму қаупінің шамалы ұлғаюы туралы деректер бар.

- Коунис синдромы, ықтимал белгісі кеудедегі ауырсыну болып табылады

- тыныс алу жолдарының аса жоғары белсенділігі, оның ішінде демікпе, бронх түйілуі немесе ентігу

- эозинофилиямен және жүйелік симптомдармен дәрілік реакция (DRESS синдромы), жалпы бөртпе, дене қызуының жоғарылауы және лимфа түйіндерінің ұлғаюы түрінде көрінеді

- жедел жайылған экзантематозды пустулез (AGEP), тері астындағы түйнек және қызбамен қатар жүретін күлдіреуікпен қызыл қабыршақты, кең таралған бөртпе түрінде көрінеді. Симптомдар әдетте емдеудің басында пайда болады.

- фотосезімталдық реакциялары,

- тәбеттің төмендеуі, гипокалиемия, бүйректің шаншуы, дизурия, бүйрек түтікшелерінің ацидозы. Постмаркетингтік кезеңде бүйрек түтікшелерінің ацидозы мен гипокалиемияның дамуы туралы әдетте ибупрофенді ұсынылғаннан жоғары дозада ұзақ уақыт қолданғаннан кейін хабарланды.

- инфекциялардан туындаған қабынудың өршуі. Атап айтқанда, желшешек кезінде ҚҚСП қолдану терінің және жұмсақ тіндердің ауыр инфекцияларына әкелуі мүмкін

Жағымсыз реакциялар пайда болған кезде препаратты қолдануды тоқтатып, дәрігерге қаралу керек.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

ҚР ДСМ Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

5 мл суспензияның құрамында белсенді зат – ибупрофен 100.00 мг

қосымша заттар: лимон моногидраты қышқылы, натрий цитрат дигидраты, натрий бензоаты, калий ацесульфамы, сорбитол 70 %, ксантан шайыры, микрокристалды целлюлоза және натрий карбоксиметилцеллюлоза RC 591, кросповидон (Kollidon CL-M), полисорбат 80 (Твин 80), сусыз коллоидты кремнийдің қостотығы (Аэросил 200), қант, жүзім хош иістендіргіші, тазартылған су.

Өзіне тән иісі бар ақтан ашық сұр түске дейінгі гомогенді суспензия.

100 мл препараттан алғашқы ашылуы бақыланатын, бұрандалы қақпағы бар күңгірт шыны құтыға салынады. Құтыға өзі жабысатын заттаңба жапсырылады.

1 құтыны өлшеуіш қасықпен немесе өлшеуіш стақанмен және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.

3 жыл

Құтыны бірінші ашқаннан кейінгі сақтау мерзімі - 1 ай.

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

«Нобел Алматы фармацевтикалық фабрикасы» АҚ

Қазақстан Республикасы, Алматы қ., Шевченко көш., 162 Е.

Телефон нөмірі: (+7 727) 399-50-50

Электрондық пошта nobel@nobel.kz

«Нобел Алматы фармацевтикалық фабрикасы» АҚ

Қазақстан Республикасы, Алматы қ., Шевченко көш., 162 Е.

Телефон нөмірі: (+7 727) 399-50-50

Электрондық пошта nobel@nobel.kz

«Нобел Алматы фармацевтикалық фабрикасы» АҚ

Қазақстан Республикасы, Алматы қ., Шевченко көш., 162 Е.

Телефон нөмірі: (+7 727) 399-50-50

Электрондық пошта nobel@nobel.kz