Аджисепт

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Аджисепт® бал және лимон қосылған, ментол және эвкалипт қосылған, классикалық, соруға арналған пастилкалар.

Халықаралық патенттелмеген атауы

Жоқ

Дәрілік түрі, дозасы

Соруға арналған пастилкалар

Фармакотерапиялық тобы

Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар.

АТХ коды R02АА20

Қолданылуы

Кешендi ем құрамында:

- ауыз қуысының және жұтқыншақтың инфекциялық-қабыну ауруларында

Қолданудың басталуына дейін қажетті мәліметтер тізбесі

Қолдануға болмайтын жағдайлар

- әсер етуші заттарға немесе қосымша заттардың кез келгеніне аса жоғары сезімталдық

- тұқым қуалайтын фруктоза жақпаушылығы немесе глюкозы-галактоза мальабсорбциясы бар тұлғаларға

- балалар мен 18 жасқа дейінгі жасөспірімдерге

Қолдану кезіндегі қажетті сақтандыру шаралары

Аджисепт® препаратын қабылдау кезінде әрбір пастилканың құрамында қант бар екенін ескеру қажет. Қант диабеті бар науқастарға сақтықпен тағайындау керек.

Құрамында қант пен глюкозаның болуына байланысты, тұқым қуалайтын фруктоза жақпаушылығы немесе глюкоза-галактоза мальабсорбциясы бар тұлғаларға қолдануға болмайды.

Препараттың құрамында Понсо 4R бояғышы (Е124), кармозин бояғышы (Е122) бар, олар аллергиялық реакцияларды тудыруы мүмкін.

Басқа дәрілік препараттармен өзара әрекеттесуі

Аджисепт® классикалық препаратының басқа топтағы дәрілік препараттармен клиникалық тұрғыдан елеулі өзара әрекеттесулері анықталмаған.

Арнайы сақтандырулар

Педиатрияда қолданылуы

Балалар мен 18 жасқа дейінгі жасөспірімдерде қолданылмайды.

Жүктілік немесе лактация кезінде

Жүктілік және лактация кезінде құрамында амилметакрезол және дихлорбензил спирті бар пастилкаларды қолданудың қауіпсіздігі жөнінде деректер жоқ. Препаратты әйелдерде жүктілік пен лактация кезеңінде қолдану ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын және қауіптілігі зор механизмдерді басқару қабілетіне әсер етпейді.

Қолдану жөніндегі нұсқаулар

Дозалану режимі

Ересектер: әр 2 сағат сайын 1 пастилкадан. Ең жоғарғы тәуліктік дозасы 8 пастилка.

Пастилкаларды толық ерігенге дейін сорады.

Енгізу әдісі және жолы

Ауыз қуысында соруға арналған.

Емдеу ұзақтығы

Емдеу курсы 5-7 күннен аспауы тиіс.

Артық дозалану жағдайында қабылдау қажет болатын шаралар

Жүйелі сіңірілуінің төмендігіне байланысты, артық дозалану ықтималдылығы аз.

Дәрілік препараттың бір немесе бірнеше дозасын өткізіп алған кездегі қажетті шаралар

Байқаусызда бір немесе бірнеше қабылдауды өткізіп алған жағдайда, дозасын арттырмайды.

Тоқтату симптомдарының бар екендігіне нұсқаулар

Тоқтату симптомдарының қаупі жоқ.

Дәрілік препаратты қолдану тәсілін түсіну үшін медицина қызметкерінің кеңесіне жүгіну жөніндегі нұсқаулар

Сізде осы дәрілік препаратты қолдану жөнінде қандай-да бір қосымша сұрақтар туындаған жағдайда, өз дәрігеріңізге жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек болатын шаралар

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100 - < 1/10 дейін), жиі емес (≥ 1/1000 - < 1/100 дейін), сирек (≥ 1/10000 - < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес).

Сирек: аллергиялық реакциялар

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

«Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір пастилканың құрамында

белсенді зат: амилметакрезол 0,60 мг , 2.4-дихлорбензил спирті 1,20 мг,

қосымша заттар бал және лимон қосылған: қант, сұйық глюкоза, сусыз лимон қышқылы, ментол, карамель бояғышы (Е150с), бал хош иістендіргіші, лимон майы, тазартылған су

қосымша заттар классикалық: қант, сұйық глюкоза, сусыз лимон қышқылы, ментол, Понсо 4R бояғышы (Е124), кармозин бояғышы (Е122), анис майы, бұрыш жалбызының майы, лимон майы, тазартылған су

қосымша заттар ментол және эвкалипт қосылған: қант, сұйық глюкоза, сусыз лимон қышқылы, ментол, индигокармин бояғышы (Е132), эвкалипт майы, тазартылған су

Сыртқы түрінің, иісінің, дәмінің сипаттамасы

Дөңгелек, екi бетi дөңес, анис және жалбыз иісі бар таңқурай түстес қызыл пастилкалар; карамельді массасының ішінде болар-болмас ауа көпіршіктерінің болуына, бояуы біртекті болмауына және жиектерінің тегіс болмауына жол беріледі (классикалық пастилкалар үшін).

Дөңгелек, екі беті дөңес, лимон иісі бар бозғылт-сары түсті пастилкалар; карамельді массасының ішінде болар-болмас ауа көпіршіктерінің болуына, бояуы біртекті болмауына және жиектерінің тегіс болмауына жол беріледі (бал және лимон қосылған пастилкалар үшін).

Дөңгелек, екi бетi дөңес, ментол және эвкалипт иісі бар көгілдір-көк түсті пастилкалар; карамельді массасының ішінде болар-болмас ауа көпіршіктерінің болуына, бояуы біртекті болмауына және жиектерінің тегіс болмауына жол беріледі (ментол және эвкалипт қосылған пастилкалар үшін).

Шығарылу түрі және қаптамасы

Алюминий фольгадан жасалған пішінді ұяшықсыз қаптамада 6 пастилкадан.

4 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз.

Өндіруші туралы мәліметтер

«Аджио Фармацевтикалз Лимитед», Үндістан

A-38, Нандижиот Индастриал Эстайт, Сафедпул, Курла-Андхери Роад, Мумбай-400 072

Телефон: +91-9520-40730000

Электронды пошта: regulatory@agio-pharma.com

Тіркеу куәлігінің ұстаушысы

«Аджио Фармацевтикалз Лимитед», Үндістан

A-38, Нандижиот Индастриал Эстайт, Сафедпул, Курла-Андхери Роад, Мумбай-400 072

Телефон: +91-9520-40730000

Электронды пошта: regulatory@agio-pharma.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта):

«Аджио Фармацевтикалз Лимитед» ЖШС

Қазақстан Республикасы, Алматы қ., Медеу ауданы, Қонаев к-сі, 21Б, 71 кеңсе, «САТ» Бизнес орталығы, 7 қабат, пошталық индекс 050016

Телефон: +7(707)2712709

Электронды пошта: vishwa_direct@agiopharma.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ConsultAsia» ЖШС, Қазақстан

Алматы қ., Шевченко к-сі 165 Б,

204-206 кеңсе, 050000

Тел./факс: +7727-379-42-58

Электронды пошта: pv@consultingasia.кz