Отривин

Балаларға арналған мұрынға тамызатын дәрі 0,05 %

Респираторлық жүйе. Мұрынға арналған препараттар. Деконгестанттар және жергілікті қолдануға арналған басқа мұрынға арналған препараттар. Симпатомиметиктер, қарапайымдар. Ксилометазолин.

АТХ коды R01AA07

- түрлі этиологиядағы тұмау

- мұрынның қосалқы қойнауларының қабынуы (секрет шығуын жеңілдету үшін)

- ортаңғы отит (мұрынжұтқыншақ шырышының ісінуін басу үшін)

- науқасты мұрын жолдарындағы диагностикалық манипуляцияларға (риноскопияға) дайындау.

Қолдануды бастағанға дейін қажетті мәліметтер тізбесі

- ксилометазолинге немесе қосымша заттардың кез келгеніне жоғары сезімталдық

- атрофиялық ринит

- құрғақ ринит

- жабық бұрышты глаукома

- транссфеноидальді гипофизэктомиядан кейінгі жағдай және ми қабығындағы басқа да хирургиялық араласулар (анамнезде)

- 1 жасқа толмаған балалар

Мына пациенттерге сақтықпен қолдану керек:

- артериялық қысымы жоғары

- жүрек-қантамыр аурулары

- гипертиреозы

- қант диабеті

- феохромоцитомасы

- қуық асты безінің гипертрофиясы бар

- МАО тежегіштерімен емделіп жүрген (сондай-ақ ем аяқталғаннан кейін 14 күн ішінде)

- симпатомиметиктерге айқын реакциясы бар (ұйқысыздық, бас айналуы және т.б.).

Ксилометазолин қабылдайтын QT аралығының ұзару синдромы бар пациенттер елеулі қарыншалық аритмиялардың даму қаупіне ұшырауы мүмкін.

Моноаминоксидаза тежегіштері: ксилометазолин МАО тежегіштерінің әсерін күшейтуі және гипертониялық кризді индукциялауы мүмкін. Соңғы 14 күн ішінде МАО тежегіштерін қабылдайтын немесе қабылдаған пациенттерге ксилометазолинді қолдануға болмайды.

Три- және тетрациклді антидепрессанттар: три- немесе тетрациклді антидепрессанттар мен симпатомиметиктерді бір мезгілде қолданған кезде ксилометазолиннің симпатомиметикалық әсері күшеюі мүмкін, сондықтан мұндай дәрілерді бір мезгілде қолдану ұсынылмайды.

Отривинді, жергілікті қолдануға арналған басқа деконгестанттар сияқты 10 күннен артық қолдануға болмайды, себебі бұл мұрын шырышының ісінуімен қатар жүретін дәрі-дәрмектік риниттің пайда болуына әкелуі мүмкін.

Әсіресе балалар мен егде жастағы адамдарды емдеу кезінде препараттың ұсынылатын дозасынан аспауы керек.

Педиатрияда қолдану

Отривин 0,05% тамшыларын 1 жасқа толмаған балаларға қолдануға болмайды.

Жүктілік немесе лактация кезеңі

Отривин тамыр тарылтатын әсерді иеленетіндіктен жүктілік кезінде қолданбаған жөн.

Ксилометазолиннің емшек сүтіне енгені туралы сенімді деректер жоқ, сондықтан емшекпен емізу кезеңінде тек дәрігердің тағайындауымен ғана қолдану керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Отривин ұзақ қолданғанда немесе ұсынылған дозаларды асыра қолданғанда жүрек-қантамыр жүйесінің қызметіне жүйелі әсер етуі мүмкін.

Дозалау режимі

Мұрын ішіне. Ересектердің бақылауымен ғана қолдану керек.

2 жастан 11 жасқа дейінгі балаларға - әр мұрын жолына 1-2 тамшыдан.

1 жастан 2 жасқа дейін балаларға дәрігердің тағайындауына сәйкес қолдану керек.

Препаратты әрбір мұрын жолына тәулігіне 3 реттен артық қолдануға болмайды. Соңғы қолдануды тура ұйықтар алдында жүргізген жөн.

Енгізу тәсілі және жолы

1. Препаратты қолданар алдында мұрын қуысын мұқият тазалау (сіңбіру) керек.

2. Егер сіз төсекке жатсаңыз, басыңызды ыңғайлы етіп шалқайтыңыз немесе бір жағыңызға қарай бұрыңыз.

3. Әрбір мұрын жолына тамшыны тамызып, мұрын қуысына біркелкі таралу үшін біраз уақыт бойы басты шалқайған күйде ұстаңыз.

4. Оны құтыға қайтармас бұрын, пайдаланғаннан кейін тамшылатқыш-қақпақты тазалап, кептіріңіз.

5. Инфекцияның таралуына жол бермеу үшін бір құтыны тек бір пациентке ғана қолданған жөн.

Отривинді 10 күннен артық пайдаланбаңыз, себебі ұзақ қолдану дәрі-дәрмектік ринит тудыруы мүмкін.

Артық дозалану жағдайында қабылдануы қажеті шаралар

Ксилометазолин гидрохлориді шамадан тыс жергілікті қолдану немесе оны кездейсоқ жұтып алу ОЖЖ бәсеңдеуі (ұйқышылдық, кома), артериялық гипер - немесе гипотензия, сондай-ақ тахикардия және брадикардия сияқты симпатолитикалық әсерлердің пайда болуына әкелуі мүмкін. Сондай-ақ, жүрек айнуы және құсу сияқты асқазан-ішек жолы тарапынан бұзылу орын алуы мүмкін. Басқа симптомдарға тері қабаттарының бозаруы, қатты терлеу, салқындау, миоз, тыныс алудың бәсеңдеуі, атаксия және мазасыздық жатады.

Емі: белсендірілген көмірді бір рет қабылдау, бақылау, симптоматикалық ем

Қажет болғанда дәрілік препаратты қолдану тәсілін түсіндіру үшін медицина қызметкерінің кеңесіне жүгіну ұсынылады

Жиі

- бас ауыруы

- мұрынның шырышты қабығының құрғауы немесе жайсыздығы, шымылдату, дәрі-дәрмектік ринит

- жүрек айнуы

- енгізген жердің шымылдауы

Жиі емес

- мұрыннан қан кету

Өте сирек

- аса жоғары сезімталдық реакциялары (ангионевроздық ісіну, терінің бөртуі, қышыну)

- көрудің уақытша нашарлауы

- тұрақсыз немесе жиі жүрек қағуы, гипертония, аритмия.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық мен фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 мл ерітіндінің құрамында

белсенді зат – 0,5 мг ксилометазолин гидрохлориді,

қосымша заттар – натрий дигидрофосфат дигидраты, динатрий фосфат додекагидраты, динатрий эдетаты, бензалконий хлориді (ерітінді түрінде), сұйық сорбитол (кристалданбайтын), гипромеллоза, натрий хлориді, тазартылған су.

Түссізден сәл сарғыш түске дейінгі мөлдір ерітінді.

Балаларға арналған мұрынға тамызатын дәрі 0,05% - 10 мл-ден бірінші ашылуы бақыланатын және галогенденген бутил эластомерінен жасалған грушасы бар тығыздығы төмен полиэтиленнен жасалған пипеткамен жабдықталған полипропиленді қақпағы бар тығыздығы жоғары полиэтиленнен жасалған құтыда.

1 құтыдан қазақ және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

30 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Haleon CH SARL, Швейцария

Route de l’Etraz 1260, Нион,

Тел/факс: +410225672000 /+410225674842

«Хелеон Рус» АҚ, Ресей,

Мәскеу, Пресненская набережная, 10 үй.

Тел. +7 495 777 98 50

Факс +7 495 777 98 51

«Haleon Kazakhstan» ЖШС

Алматы қ-сы, Манас көш., 32А.

тел. +7 (727) 2446999,

факс +7(727) 2446997

SafetyReportingEMEA@haleon.com (жағымсыз құбылыстар туралы хабарламалар үшін)

CIS.LOC-PQC@haleon.com (препараттың сапасына шағымдар туралы

хабарламалар үшін)