Золотая звезда капли наз. 0,1% по 10 мл (флакон)

«Золотая звезда» тамшылары

Ксилометазолин

Мұрынға арналған тамшылар, 0.05% және 0.1%, 10 мл

Респираторлық жүйе. Мұрынға арналған препараттар. Деконгестанттар және жергілікті қолдануға арналған мұрынға арналған басқа препараттар. Симпатомиметиктер, қарапайымдар. Ксилометазолин.

АТХ коды R01AA07

- әр түрлі этиологиялардың мұрынның бітелуі

- мұрынның қосалқы қуыстарының қабынуы (секрецияны жеңілдету үшін)

- ортаңғы отит (мұрынжұтқыншақтың шырышты қабығының ісінуін азайту үшін)

- науқасты мұрын жолдарында диагностикалық манипуляцияларға дайындау (риноскопия).

Қолдануды бастағанға дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- артериялық гипертензия, тахикардия

- айқын атеросклероз

- глаукома

- атрофиялық ринит

- қатты ми қабығына хирургиялық араласудан кейін (транссфеноидты гипофизэктомия және басқа да трансназальды операциялар кезінде)

- тиреотоксикоз

- феохромоцитома

- қант диабеті

- моноаминоксидаза тежегіштері мен трициклді антидепрессанттарды қолдану

- жүктілік

- 6 жасқа дейінгі балаларға (0.05% тамшылар үшін)

- 12 жасқа дейінгі балаларға (0.1% тамшылар үшін)

Келесі пациенттерге сақтықпен қолдану керек:

- қан қысымы жоғары

- жүрек-қантамырлары аурулары бар

- гипертиреозы бар

- қант диабетімен ауыратын

- фехромоцитомасы бар

- қуықасты безінің гипертрофиясы бар

- МАО тежегіштерімен емделетін (сондай-ақ емдеу аяқталғаннан кейін 14 күн ішінде) (4.5-бөлімді қараңыз)

- симпатомиметиктерге айқын реакциясы бар (ұйқысыздық, бас айналу және т.б.).

Басқа дәрілік препараттармен  өзара әрекеттесуі

Ксилометазолин симпатомиметиктердің әсерін күшейтіп, симпатикалық нервтерді тежейтін препараттардың әсерін төмендетуі мүмкін. Бета-блокаторлармен бірге қолданған кезде бронхтың спазмы немесе қан қысымының төмендеуі мүмкін. Трициклді антидепрессанттармен, МАО тежегіштерімен бірге пайдалану (оның ішінде оларды пайдалану тоқтатылғаннан кейін 14 тәулік ішінде) ксилометазолиннің жүйелік әсерінің күшеюіне, әсіресе артық дозаланғанда әкелуі мүмкін.

Ксилометазолин алатын QT ұзартылған интервал синдромы бар пациенттер ауыр қарыншалық аритмиялардың даму қаупі жоғары болуы мүмкін.

«Золотая звезда» тамшыларын, жергілікті қолдануға арналған басқа деконгестанттар сияқты, 10 күннен артық қолдануға болмайды, өйткені бұл мұрынның шырышты қабығының ісінуімен қатар жүретін дәрілік риниттің туындауына әкелуі мүмкін.

Әсіресе балалар мен егде жастағы адамдарды емдеу кезінде препараттың ұсынылған дозасынан асырмау керек.

Қосымша заттар

Препарат құрамында терінің реакциясын тудыруы мүмкін бензалконий хлориді қосымша заты бар.

Педиатрияда қолдану

Кіші жастар тобындағы балаларда қозу немесе ұйқының бұзылуы мүмкін. Егер мұндай симптомдар пайда болса, препаратты қабылдауды тоқтату қажет.

Жүктілік немесе лактация кезінде

Жүктілік кезінде препаратты қабылдауға болмайды. Лактация кезінде препаратты абайлап қолдану керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Дозалау режимі

0,05% тамшылар

1 тамшының құрамында 0,025 мг ксилометазолин гидрохлорид бар.

6-дан 12 жасқа дейінгі балаларға: 1 немесе 2 тамшыдан әр мұрын жолына, күніне 1 немесе 2 рет (8-10 сағат аралықпен).

Күніне 2 реттен артық пайдаланбаңыз.

Мәлімделген дозадан асырмаңыз.

Егер емдеу кезінде баланың жағдайы нашарласа, медициналық көмекке жүгіну керек.

0.1% тамшылар

1 тамшыда 0,05 мг ксилометазолин гидрохлориді бар.

12 жастан асқан балалар мен ересектерге: 2 немесе 3 тамшыдан әр мұрын жолына, күніне 1-ден 3 ретке дейін (8-10 сағат аралықпен).

Күніне 3 реттен артық пайдаланбаңыз.

Мәлімделген дозадан асырмаңыз.

Егер сіздің жағдайыңыз немесе баланың жағдайы жақсармаса, дәрігермен кеңесу керек.

Енгізу әдісі мен жолы

Интраназальді.

Дәрігердің нұсқауысыз емдеу курсы (0.05% тамшылар үшін) 5 күннен аспау керек және (0.1% тамшылар үшін) 7 күннен аспау керек.

Ксилометазолин гидрохлоридін шамадан тыс жергілікті қолдану немесе оны кездейсоқ жұтып алу ОЖЖ бәсеңдеуі (ұйқышылдық, кома), артериялық гипер - немесе гипотензия, сондай-ақ тахикардия және брадикардия сияқты симпатолитикалық әсерлердің туындауына әкелуі мүмкін. Сондай-ақ, жүрек айнуы және құсу сияқты асқазан-ішек жолы тарапынан бұзылу орын алуы мүмкін. Басқа симптомдарға тері қабаттарының бозаруы, қатты терлеу, салқындау, миоз, тыныс алудың бәсеңдеуі, атаксия және мазасыздық жатады.

Деректердің болмауына байланысты препаратты дене салмағына 0,5 мг/кг артық дозада қолданған жағдайда аса маңызды симптоматиканың пайда болу мүмкіндігін жоққа шығаруға болмайды. Мұндай жағдайларда тәжірибелі дәрігермен немесе токсикологиялық ақпарат орталығының маманымен кеңескеннен кейін пациентке медициналық бақылау және белсендірілген көмір дозасын бір рет қабылдау көрсетілген. Спецификалық антидоты жоқ. Мұндай жағдайларда симптоматикалық ем жүргізіледі; брадикардияны емдеуді атропинмен жүргізуге болады.

Балалар

Препаратты кездейсоқ жұтқаннан кейінгі ауыр симптомдар тіркелген жоқ; дегенмен, нәрестеде (2 апталық) 1 тамшы 0,1% ерітіндіні әрбір танауға қолдану комаға әкеп соқтырған жағдайлар айтылады.

Балаларда препаратты дене салмағына 0,5 мг/кг дейін дозада қолдану клиникалық тұрғыдан маңызды симптоматиканың пайда болуына әкеп соқпады.

Дәрілік препаратты қолдану тәсілін түсіну үшін медицина қызметкерінен кеңес алуға  бару жөнінде нұсқаулар

Дәрілік препаратты қабылдамас бұрын дәрігерге кеңес алу үшін жүгініңіз.

Өте сирек (<1/10'000)

- аса жоғары сезімталдық реакциялары (ангионевроздық ісіну, терінің бөртуі, қышыну)

- көру қабілетінің уақытша бұзылуы

- жүректің ырғақсыз немесе жиі қағуы, гипертония, аритмия

Жиі ( ≥1/100 бірақ <1/10)

- бас ауырулары

- мұрын шырышты қабығының құрғауы немесе жайсыздығы, ашыту, дәрілік ринит

- жүрек айнуы

- енгізген жердің шымылдауы

Жиі емес (≥1/1000 бірақ <1/100)

- мұрыннан қан кету

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

10 мл препараттың құрамында

белсенді зат - ксилометазолин гидрохлориді, 5,0 мг немесе 10,0 мг,

қосымша заттар: натрий дигидрофосфаты, натрий гидрофосфаты, натрий хлориді, бензалконий хлориді, тазартылған су.

Мөлдір түссіз сұйықтық.

10 мл препараттан пластмассадан жасалған  тамшылатқыш-кұтыда.

Құтыға өзі жабысатын затбелгіні жапсырады.

1 тамшылатқыш-кұтыдан қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл.

Жарамдылық мерзімі өткеннен кейін қолдануға болмайды!

15 С-ден 25 С-ге дейінгі температурада сақтау керек.

Балалардың қолы жетпейтін жерде сақтау керек!

Рецептісіз.

«Данафа Фармасьютикал Джойнт Сток Компани», Вьетнам,

Дананг қ., Тхань Тхе ауданы, Зунг Си Тхань Тхе к-сі, 253 үй.

Тел.: 8 451 182 16 15,

Факс: 8 451 182 64 71

e-mail: danapha@dng.vnn.vn

«Данафа Фармасьютикал Джойнт Сток Компани», Вьетнам,

Дананг қ., Тхань Тхе ауданы, Зунг Си Тхань Тхе к-сі, 253 үй.

Тел.: 8 451 182 16 15,

Факс: 8 451 182 64 71

e-mail: danapha@dng.vnn.vn

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстандағы «ДАНСОН-БГ» ООД өкілдігі

Мекенжайы:Қазақстан Республикасы, Алматы қ., Айтиев к-сі, 46-18

Тел.:+7 727 395 91 13

Тел. 24/7:+7 701 718 25 92

e-mail: layka16@mail.ru