Нимулид

Нимулид

Нимесулид

Трансдермальді гель, 1%, 30 г

Сүйек-бұлшықет жүйесі. Буын және бұлшықет ауыруында жергілікті қолдануға арналған препараттар. Қабынуға қарсы, стероидты емес, жергілікті қолдануға арналған препараттар. Нимесулид.

АТХ коды M02AA26

- Созылумен және жедел жарақаттық тендинитпен байланысты ауырсынуды симптоматикалық жеңілдету үшін

Қолданудың басталуына дейінгі қажетті мәліметтер тізбесі

- нимесулидке және/немесе кез келген басқа қабынуға қарсы стероидты емес препаратқа (ҚҚСП) және/немесе қосымша заттардың біріне аса жоғары сезімталдық

- аспиринге немесе простагландин синтезін тежейтін басқа препараттарға аллергиялық реакциялар (тұмаурату немесе мұрынның бітелуі (ринит), есекжем немесе бронх түйілуі)

- ашық жараларға қолдану және жергілікті инфекция болғанда

- жергілікті қолдануға арналған басқа препараттармен бір мезгілде қолдану

- 12 жасқа дейінгі балалар.

Нимулид препаратын дигоксинмен, фенитоинмен, литий препараттарымен, диуретиктермен, циклоспоринмен, метотрексатпен, басқа ҚҚСП, гипертензияға қарсы және диабетке қарсы дәрілермен бір мезгілде қолданғанда сақ болу керек.

Гельді терінің зақымдалған аймақтарға және ашық жараларға жағуға болмайды.

Гельдің көзге немесе шырышты қабыққа тиіп кетуіне жол бермеу керек, кездейсоқ тиген жағдайда оны бірден сумен жуып тастау керек.

Препарат сыртқа жағылады, оны ішке қабылдауға болмайды.

Гельді жаққаннан кейін кем дегенде 1 сағат бойы душ/ванна қабылдамау керек.

Гель жаққан жерді герметикалық таңғышпен таңбаған жөн. Препаратты қолданғаннан кейін қолды жуу қажет.

Қысқа уақыт ішінде ең төменгі тиімді дозасын пайдаланған кезде жағымсыз реакциялар азаюы мүмкін. Сыртқа қолданған кезде нимесулидтің жүйелі сіңірілуі елеусіз  және оның жүйелі жағымсыз реакцияларды туындатуы екіталай.

Асқазан-ішектен қан кетуі бар, асқазанның және он екі елі ішектің белсенді немесе күдікті ойық жаралы ауруы бар, бүйректің немесе бауырдың ауыр дисфункциясы және қан ұюының ауыр бұзылулары бар және/немесе жүректің ауыр/бақыланбайтын жеткіліксіздігі бар пациенттерде нимесулидті қолданған кезде сақ болу керек.

Нимесулид аса сезімтал пациенттерде зерттелмегендіктен, басқа ҚҚСП-ға аса жоғары сезімталдығы бар пациенттерді емдеу кезінде ерекше сақ болу керек. Емдеу барысында аса жоғары сезімталдықтың даму ықтималдылығы жоққа шығарылмайды.

Жергілікті қолданылатын басқа ҚҚСП қолданғанда, жағылған жер ашуы мүмкін және ерекше жағдайларда фотодерматит туындауы мүмкін. Жергілікті тітіркену пайда болса, гельді пайдалануды тоқтатып, тиісті емді бастау керек.

Фотосенсибилизация қаупін азайту үшін пациенттер күн сәулесінің немесе ультакүлгін сәуленің басқа көздерінің (мысал, солярийдің) тікелей әсерінен аулақ болулары керек.

Егер симптомдар сақталса немесе жай-күйі нашарласа, дәрігерге жүгіну керек.

Терінің сол аймақтарына күннен қорғайтын кремдермен, косметикамен, лосьонмен, ылғалдандыратын кремдермен, репеленттермен  немесе басқа өзекті дәрілік заттармен бір мезгілде гель пайдаланылмауы тиіс.

Нимулид трансдермальді гелін жаққаннан кейін кем дегенде 10 минут киім және қолғап кимеу керек.

Егер Сіз аталған дәрілерді қолдансаңыз немесе дәрігердің бақылауында болсаңыз, гельді қолданар алдында дәрігермен кеңесу керек.

Жүктілік және лактация кезеңі

Қолдану тәжірибесі жоқ. Жүктілік кезінде және бала емізу кезеңінде ана үшін күтілетін пайдасы шарана немесе нәресте үшін потенциалды қаупінен асқан жағдайда ғана қолданылуы керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың автокөлікті және потенциалды қауіпті механизмдерді басқару қабілетіне әсері туралы зерттеулер жүргізілген жоқ.

Дозалау режимі

Ересектер мен 12 жастан асқан балалар: Гельдің мөлшері және оның қолдану жиілігі (тәулігіне 4 реттен көп емес) гельді жағу аймағы ауданының мөлшеріне және пациенттің реакциясына байланысты құбылуы мүмкін.

Емдеу курсының ең жоғарғы ұзақтығы: 15 күн.

Енгізу әдісі мен жолы

Сыртқа. Терінің таза және құрғақ аймағына тәулігіне 3-4 рет, ұзындығы шамамен 3 см гельді біркелкі жұқа қабатпен жағу керек. Гельді ысқылауға болмайды.

Жергілікті қолдану нәтижесінде нимесулидпен артық дозалануды күтуге болмайды, өйткені жергілікті қолданғаннан кейін қан плазмасындағы нимесулид концентрациясы препаратты пероральді қабылдағанда қол жеткізілген концентрациядан әлдеқайда төмен. Гельді терінің үлкен аймақтарына қолданған кезде немесе ұсынылған дозаларынан асып кетсе, нимесулидке және басқа ҚҚСП тән жүйелі жағымсыз реакциялар болуы мүмкін.

Симптомдары: аллергиялық реакциялар, бас ауыруы, бас айналу.

Емі: спецификалық антидоты жоқ. Препаратты қолдануды тоқтату және симптоматикалық ем.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну жөніндегі нұсқаулар

Препаратты қолдану дәрігердің бақылауымен жүргізілуі керек.

Сыртқа қолдануға байланысты ықтимал жағымсыз әсерлер туралы сирек хабарланған. Клиникалық зерттеулерде жағымсыз әсерлердің көпшілігі жеңіл және орташа жергілікті тітіркенуді, эритеманы, бөртпені, десквамацияны, қышынуды және жергілікті қолдануға жергілікті реакцияларды қамтыды. Гельді қолданған кезде терінің сәл, бірақ қайтымды түссізденгені мен киімнің боялғаны байқалды.

Жиі ( ≥ 1/100-ден < 1/10-ға дейін)

- қышыну, эритема (терінің қызаруы)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 грамм гельдің құрамында

белсенді зат - 10.000 мг нимесулид;

қосымша заттар: гидроксипропилцеллюлоза, карбомер 940, этанол (75% этил спирті), тазартылған су, триацетин, N.N-диметилацетамид, концентрацияланған фосфор қышқылы, MSC-03 хош иістендіргіші, 0106-G хош иістендіргіші.

Сарғыш түсті сәл мөлдір гель.

30 г, 60 г немесе 120 г гельден бұралатын қалпақшасы бар тығыздығы төмен полиэтиленнен жасалған сықпаға салынған.

1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

25°С-ден аспайтын  температурада, жылу көзінен алыс және  күн сәулесі түспейтін жерде сақтау керек. Мұздатып қатыруға болмайды.

Препаратты балалардың қолы жетпейтін жерде сақтау керек!

Рецептісіз

Панацея Биотек Фарма Лтд.,

Malpur, Baddi, Distt. Solan (H.P.) – 173205, Үндістан.

Тел.+91-1795-304000

Факс. +91-1795-246834

e-mail: pharma@panaceabiotec.com

Панацея Биотек Фарма Лтд.,

Malpur, Baddi, Distt. Solan (H.P.) – 173205, Үндістан.

Тел.+91-1795-304000

Факс. +91-1795-246834

e-mail: pharma@panaceabiotec.com

Канумуру И.Г ЖК, Қазақстан, 050043, Алматы қ., Мирас ш.а., 157 үй, 819 т.е.

Тел.+7 (727) 311-81-96/97,

24 сағат бойы жұмыс істейтін ұялы телефон: +7 747 991 19 04

e-mail: irina.volovnikova@gmail.com