Нимид гель д/наруж. прим. по 30 г (туба)

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

НИМИД®

Халықаралық патенттелмеген атауы

Нимесулид

Дәрілік түрі, дозасы

Сыртқа қолдануға арналған 1 % гель

Фармакотерапиялық тобы

Сүйек-бұлшықет жүйесі. Буын және бұлшықет ауырулары кезінде жергілікті қолдануға арналған препараттар. Жергілікті қолдануға арналған қабынуға қарсы стероидты емес препараттар. Нимесулид.

АТХ коды М02АА

Қолданылуы

- байламдардың созылуы және жедел жарақаттық тенденитпен байланысты ауырсынуды симптомдық жеңілдету

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- препараттың белсенді затына немесе препараттың қосымша заттарына аса жоғары сезімталдық

- ацетилсалицил қышқылына немесе басқа қабынуға қарсы стероидты емес препараттарға (анамнезінде) аллергиялық реакциялар (бронх түйілуі, ринит, есекжем)

- гельді ашық жараларға немесе жергілікті инфекция бар кезде қолдану

- жергілікті препараттармен бір мезгілде қолдану

- жүктіліктің үшінші триместрі және лактация кезеңі

- 12 жасқа дейінгі балаларға (препараттың қауіпсіздігі мен тиімділігі зерттелмеген)

Қолдану кезінде қажетті сақтық шаралары

Препаратты асқазан-ішектен қан кетулері, белсенді немесе күмәнді ойық жара ауруы, бауыр және бүйрек жеткіліксіздігінің ауыр формасы, қан ұюының ауыр бұзылулары бар науқастарға немесе ауыр/бақыланбайтын жүрек жеткіліксіздігі бар пациенттерде сақтықпен тағайындау керек.

НИМИД® гельді ашық жараларға немесе бүтіндігі бұзылған тері жабындарына жағуға болмайды. Препаратты көзге, ауыз қуысының, мұрынның шырышты қабықтарына, гениталий және анустық өтіс аймағына тигізбеу керек (байқаусызда тиіп кеткен жағдайда, оларды дереу сумен жуып тастау керек). Препаратты ішке қолданбау керек. Жаққаннан кейін қолды жуу қажет. Гельді жаққаннан кейін окклюзиялық таңғышпен жаппаған дұрыс. Жағымсыз реакцияларының қаупін қысқа уақыт ішінде ең төмен дозасын жағу арқылы төмендетуге болады. Құрамында қабынуға қарсы стероидты емес препараттар (ҚҚСП) бар, сыртқа қолданылатын препараттарды қолданғанда ашытып күйдіру және сирек жағдайларда, фотодерматит пайда болуы мүмкін, сондықтан НИМИД® гельді қолданған кезде сақ болу қажет. Фотосезімталдық реакцияларын болдырмас үшін, препаратты қолдану кезінде тікелей күн сәулесін түсіру мен солярийге барудан аулақ болу керек. Оң динамикасы болмаған немесе жағдай нашарлаған жағдайда, емдеуді тоқтату және дәрігерге жүгіну қажет.

НИМИД® гельді басқа ҚҚСП-ға сезімталдығы жоғары пациенттерге қолданбау керек.

НИМИД® гель құрамында пропиленгликоль бар, бұл кейбір пациенттерде терінің жергілікті әлсіз тітіркенуін тудыруы мүмкін.

Басқа дәрілік препараттармен өзара әрекеттесуі

НИМИД® гельді жергілікті қолданғанда басқа дәрілік препараттармен елеулі өзара әрекеттесулерінің мөлшері анықталмаған.

Арнайы ескертулер

Жүктілік немесе лактация

НИМИД® препаратының пероральді түрі (мысалы, таблеткалар) туылатын нәрестеде жағымсыз әсерлер тудыруы мүмкін. Теріге жаққанда НИМИД® гельдің осындай қаупі бар-жоғы белгісіз.

Егер сіз жүкті болсаңыз немесе бала емізетін болсаңыз, жүкті болуым мүмкін деп ойласаңыз немесе сәбилі болуды жоспарласаңыз, бұл дәріні қабылдамас бұрын өз дәрігеріңізбен немесе фармацевтпен кеңесіңіз.

Егер сіз жүктіліктің соңғы 3 айында жүрген болсаңыз НИМИД® гельді қолданбаңыз. Жүктіліктің алғашқы 6 айында сізге нақты қажеттілігі болмаса және сіздің дәрігеріңіздің ұсыныстарынсыз НИМИД® гельді қолдануға болмайды. Егер сізге осы кезеңде ем қажет болса, ең төменгі дозаны мүмкіндігінше қысқа уақыт ішінде қолдану керек.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Көлік құралын басқаруға немесе қауіптілігі зор механизмдерді пайдалануға әсер етпейді.

Қолдану жөніндегі нұсқаулар

Дозалау режимі

Ересектер және 12 жастан асқан балалар: сықпадан сығып шығарылған 3 см гельді жұқа қабатпен терінің зақымданған учаскесіне күніне 2-3 рет жағады, жеңіл уқалау қимылдарымен толық сіңірілгенге дейін ысып-жағады.

Емнің ұзақтығы әр кімге жеке анықталады орта есеппен 7-15 күн.

Енгізу әдісі және жолы

Сыртқа. Тек тазартылған және құрғақ теріге жағылады.

Артық дозаланған жағдайда қолданылуы қажет шаралар

Препарат жергілікті қолданылатындықтан, дұрыс қолданған жағдайда, жүйелі сіңірілу, яғни артық дозалану ықтималдығы аз.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қолданбас бұрын дәрігерге немесе фармацевтке жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі:

- қышыну

- эритема

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

Дәрілік препараттың құрамы

1 г гель құрамында

белсенді зат – 10 мг нимесулид (микрондалған) бар,

қосымша заттар: бензил спирті, пропиленгликоль, карбопол 940 (карбомер 940), динатрий эдетаты, натрий гидроксиді пеллеттері, Cologne Comp 530 хош иістендіргіші**, тазартылған су

**- құрамы: лимонен, линалоол, линалил ацетаты, гераниол, лавендинал, цикламенальдегид, метилионон, лилиал, бета-нафтилметилкетон, альфа - амил-даршын альдегиді, вертофикс.

Сыртқы түрінің, иісінің, дәмінің сипаттамасы

Мөлдір емес, ақшыл-сары түсті біртекті гель.

Шығарылу түрі және қаптамасы

30 г немесе 100 г гельден бұралып кигізілетін ақ қақпақтары бар ламинацияланған сықпаларға салынған.

Әр сықпа медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Сақтау шарттары

Түпнұсқалық қаптамасында 25ºС-ден аспайтын температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

Кусум Хелткер Пвт. Лтд., СП 289 (А), РИИКО Индл. Ареа Чопанки, Бхивади (Радж.), Үндістан.

Тел: +91-1493-516561

факс: +91-1493-516562

Электрондық пошта: info@kusum.com

Тіркеу куәлігінің ұстаушысы

Кусум Хелткер Пвт. Лтд.,

Д-158A, Окхла Индастриал Ареа, Фаза-I, Нью-Дели 110020, Үндістан

Тел: +91-11-41005147

факс: +91-11-40527575

Электрондық пошта: info@kusum.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Дәрі-Фарм (Қазақстан)» ЖШС, Алматы қ., Қажымұқан көш., 22/5, «Хан-Тәңірі» БО, Қазақстан.

Тел/факс: 8(727) 295-26-50 

Электрондық пошта: phv@kusum.kz