Декатилен

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Декатилен™

Халықаралық патенттелмеген атауы

Жоқ

Дәрілік түрі, дозасы

Соруға арналған таблеткалар

Фармакотерапиялық тобы

Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар

АТХ коды R02AA20

Қолданылуы

Ауыз қуысы мен жұтқыншақтың (тамақтың) жедел қабыну ауруларында жергілікті емдеуде:

- фарингитте, ларингитте, тонзиллитте

- афтозды-ойық жаралы стоматитте, гингивитте

Декатиленді қосымша заттар ретінде қолдануға болады -

- ауыз бен жұтқыншақтың (тамақтың) аралас инфекцияларында

- катаральді және лакунарлы баспада – Симановский-Плаут-Венсан ойық жаралы-үлбірлі баспасында

- ауыз қуысы мен жұтқыншақтың (тамақтың) кандидозында

- жазылуды жылдамдату үшін тонзиллоэктомиядан, тіс экстракциясынан кейінгі жағдайда

Декатилен сондай-ақ ауыздан жағымсыз иісті жоюға көмектеседі және ауыз қуысы мен жұтқыншақтың инфекцияларында ауырсынуды азайтады.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- деквалиний хлоридіне, дибукаин гидрохлоридіне немесе препараттың кез келген басқа компоненттеріне жоғары сезімталдық - төрттік аммоний негіздеріне белгілі аллергиялық реакциялар (мысалы, бензалконий хлориді)

- 4 жасқа дейінгі балалар

- тұқым қуалайтын фруктоза жақпаушылығы

Қолдану кезінде қажетті сақтық шаралары

Қатысты емес

Басқа дәрілік препараттармен өзара әрекеттесуі

Анионды детергенттермен бірге қолданғанда бактерияларға қарсы әсері азаяды (мысалы, тіс пастасымен). Басқа дәрілік заттармен өзара әрекеттесулері сипатталмаған.

Арнайы ескертулер

Педиатрияда қолданылуы

Препараттың 4 жасқа дейінгі балаларда қолданылуы туралы деректер жоқ.

Жүктілік және лактация кезеңі

Ана денсаулығы үшін болжамды пайдасы шаранаға және балаға төнетін үлкен қауіптен артық болатын жағдайларда ғана қолданылуы мүмкін.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Қолдану жөніндегі нұсқаулар

Дозалау режимі

Ересектер мен 12 жастан асқан балаларға әрбір 2 сағат сайын 1 таблеткадан, қабыну симптомдары азайғаннан кейін - әрбір 4 сағат сайын 1 таблеткадан. 4 жастан асқан балаларға әрбір 3 сағат сайын 1 таблеткадан, симптомдары азайғаннан кейін - әрбір 4 сағат сайын 1 таблеткадан. Таблеткаларды баяу сору керек. Аурудың жедел кезеңінде ең жоғары тәуліктік доза 10-12 таблетка және содан соң қабыну симптомдары жойылғанға дейін 6 таблеткадан. Емдеу курсы қабыну симптомдары жойылуына байланысты болады және 5 күннен аспайды.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000).

Сирек (≥ 1/10000-нан < 1/1000 дейін)

- жергілікті аса жоғары сезімталдық реакциялары (қышыну, бөртпе)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді заттар: 0,25 мг деквалиний хлориді

0,03 мг цинхокаин гидрохлориді,

қосымша заттар: сорбитол, тальк, магний стеараты, коллоидты кремнийдің қостотығы, бұрыш жалбызы экстрактісі, бұрыш жалбызы майы

Сыртқы түрінің, иісінің, дәмінің сипаттамасы

Дөңгелек пішінді, жалпақ беткейлі, бір жағында сызығы бар және екінші жағында «D» жазуы бедерленген ақ таблеткалар

Шығарылу түрі және қаптамасы

10 таблеткадан ПВХ/Aclar/ПВХ және алюминий фольгадан (типі Pentapharm® Aclar® PA 200 S03) жасалған пішінді ұяшықты қаптамаға немесе ПВХ/ПВДХ/ПВХ үлбірден және алюминий фольгадан (типі Pentapharm Alfoil E S03) жасалған пішінді ұяшықты қаптамаға салынады.

2 немесе 4 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Сақтау шарттары

Құрғақ жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

Balkanpharma-Razgrad AD, Болгария

68, Aprilsko vastanie Blvd, Разград

Тел: (+359 84) 660 999,

Факс: (+359 84) 634 272,

e-mail: bphraz@antibiotic.bg

Тіркеу куәлігінің ұстаушысы

Teva Pharmaceutical Industries Limited, Израиль

124 Dvora HaNevia St., 6944020, Тель-Авив, Израиль

Тел.: 972-3-9267267

info@tevapharm.com

Қазақстан Республикасы аумағында тұтынушылардан дәрілік зат жөніндегі шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ратиофарм Қазақстан» ЖШС,

050059 (А15Е2Р), Алматы қ., Әл-Фараби даңғ. 17/1,

Нұрлы Тау БО, 5Б, 6 қабат.

Телефон: (727)3251615;

е-mail: info.tevakz@tevapharm.com; веб сайт: www.kaz.teva.