Бруфен

Бруфен®

Ибупрофен

Көпіршитін түйіршіктер, 600 мг

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы, стероидты емес препараттар. Пропион қышқылының туындылары. Ибупрофен.

АТХ коды М01АЕ01

- ревматоидты артрит, оның ішінде ювенильді артрит немесе Стилл-Шоффар ауруы, шорбуынданатын спондилит, остеоартрит және басқа да ревматоидты емес (серонегативті) артропатиялар және жедел подагралық артрит

- иық-жауырын периартриті (капсулит), бурсит, тендинит, тендосиновит және арқаның төменгі бөлігінің ауыруы сияқты буыннан тыс ревматизмдік және периартикулярлық зақымданулар

- жұмсақ тіндердің зақымданулары, мысалы байламдардың созылуы және ширығуы

- бастапқы дисменорея, тіс және операциядан кейінгі ауырсыну, эпизиотомиядан кейінгі ауырсыну, босанғаннан кейінгі ауырсыну және бас ауруын, соның ішінде бас сақинасын симптоматикалық емдеу сияқты жеңіл және орташа ауырсынуды азайту

- гипертермия

Қолдануды бастағанға дейін қажетті мәліметтер тізбесі

- әсер етуші затқа немесе қосымша заттарының кез келгеніне аса жоғары сезімталдық

- демікпе, есекжем немесе ацетилсалицил қышқылын/аспирин немесе басқа қабынуға қарсы стероидты емес дәрілерді қабылдағаннан кейінгі анамнезіндегі басқа аллергиялық реакциялар

- жүректің ауыр жеткіліксіздігі

- бауырдың ауыр жеткіліксіздігі

- бүйректің ауыр жеткіліксіздігі

- қан кетулер қаупінің жоғарылауымен бірге жүретін жағдайлар немесе жедел қан кету

- асқазан-ішектен қан кету немесе анамнездегі ҚҚСП қабылдаумен байланысты тесілу

- жедел немесе бұрын бастан өткерілген ойық жаралы колит, Крон ауруы, асқазанның қайталанған пептидтік жарасы немесе асқазан-ішектен қан кету (анамнезінде ойық жара зақымының немесе қан кетудің расталған бір біріне байланыссыз екі немесе одан көп көрінісінің болуы)

- жүктіліктің үшінші триместрі

- бала емізу кезеңі

- балалар мен 18 жасқа дейінгі жасөспірімдер

Жағымсыз әсерлерді ең төмен тиімді дозасын симптомдарды бақылау үшін қажетті ең аз уақыт ішінде пайдалана отырып, азайтуға болады. Басқа ҚҚСП қолданғандағы сияқты, ибупрофен қабылдау инфекция симптомдарын бүркемелеуі мүмкін.

Кез келген ауыруды басатын препараттарды ұзақ қолданғанда бас ауыруы туындауы мүмкін, оны дәрілік заттың дозасын ұлғайтумен емдеуге болмайды.

Препаратты алкогольмен бір уақытта қолданғанда белсенді затпен байланысты, әсіресе асқазан-ішек жолына немесе орталық жүйке жүйесіне қатысты жағымсыз әсерлер ҚҚСП қолданғанда күшеюі мүмкін.

Егде жастағы пациенттер

Егде жастағы пациенттерде ҚҚСП қолданғанда жағымсыз реакциялардың, әсіресе, өлімге әкелуі мүмкін асқазан-ішектен қан кету мен тесілудің даму жиілігі жоғарырақ.

Асқазан-ішектен қан кету, ойық жараның түзілуі және тесілу

Ибупрофен препаратын анамнезінде асқазан-ішек жолының (АІЖ) пептидтік ойық жаралы ауруы және басқа да аурулары бар пациенттерге сақтықпен тағайындайды, өйткені бұл жағдайлар өршіп кетуі мүмкін. Асқазан-ішектен қан кету, ойық жара немесе тесілу қаупі емдеу барысында кез-келген уақытта барлық ҚҚСП қолданған кезде хабарланған. Бұл жағымсыз реакциялар өлімге соқтыруы және анамнезінде АІЖ күрделі патологиясының болу-болмауына байланыссыз, ізашар симптомдарымен немесе оларсыз дамуы мүмкін. Ибупрофен препаратының дозаларын арттырғанда асқазан-ішектен қан кету, ойық жара немесе тесілудің даму қаупі анамнезінде әсіресе қан кетумен асқынған ойық жарасы бар немесе тесілуі бар және егде жастағы пациенттерде жоғарырақ. Мұндай пациенттер емдеуді ең төменгі қолжетімді дозасынан бастауы тиіс. Мұндай пациенттерге, сондай-ақ ацетилсалицил қышқылын/аспиринді төмен дозада немесе АІЖ зақымдану қаупін арттыруы мүмкін басқа препараттарды бір мезгілде қабылдап жүрген пациенттерге де қорғағыш препараттарды (мысалы, мизопростол немесе протондық сорғы тежегіштері) бір мезгілде тағайындау мүмкіндігін қарастыру керек.

Анамнезінде АІЖ аурулары бар, әсіресе егде жастағы пациенттер емдеудің бастапқы сатыларындағы кез-келген әдеттен тыс абдоминальді симптомдар туралы (әсіресе асқазан-ішектен қан кету туралы) хабарлауы тиіс. Ибупрофенді ойық жара немесе қан кетулердің даму қаупін арттыруы мүмкін мысалы, пероральді кортикостероидтар, антикоагулянттар мысалы, варфарин сияқты, серотонинді кері қармаудың селективті тежегіштері немесе тромбоцитке қарсы препараттар, мысалы ацетилсалицил қышқылы/аспирин сияқты препараттармен қатарлас ем алып жүрген пациенттерге сақтықпен тағайындау керек. Ибупрофен қабылдаған пациентте асқазан-ішектен қан кету немесе ойық жара дамыған жағдайда, препаратты тоқтату керек.

Ибупрофенді ойық жаралы колит немесе Крон ауруы бар пациенттерге сақтықпен тағайындау керек, себебі бұл жағдайлар шиеленісуі мүмкін.

Басқа ҚҚСП

Ойық жара немесе қан кету қаупі жоғары болғандықтан, ибупрофен мен циклооксигеназа-2 (ЦОГ-2) селективті тежегіштерін қоса, басқа ҚҚСП бір мезгілде тағайындалуын болдырмау керек.

Респираторлық бұзылыстар

Ибупрофен препаратын бронх демікпесінен, созылмалы риниттен немесе аллергиялық аурудан зардап шегіп жүрген пациенттерге, сондай-ақ анамнезінде осы аурулар бар пациенттерге сақтықпен тағайындау керек өйткені, ибупрофен препаратын бронх түйілуін, есекжем, ангионевроздық ісіну туғызуы мүмкін екендігі туралы хабарлар бар.

Жүрек, бүйрек және бауыр функциясының бұзылуы

Ибупрофен препаратын жүрек, бүйрек және бауыр функциясының бұзылуы бар пациенттерге сақтықпен тағайындау керек, өйткені ҚҚСП қолдану бүйрек функциясының нашарлауына әкелуі мүмкін. Ұқсас анальгетиктерді ұдайы бір мезгілде қосымша қабылдау бүйрек функциясының нашарлау қаупін жоғарылатады. Жүрек, бүйрек және бауыр функциясының бұзылуы бар пациенттерге қысқа уақыт ішінде препараттың ең төмен тиімді дозасын қабылдау керек және бүйрек функциясын, әсіресе ұзақ ем қабылдайтын пациенттерде бақылау керек. Бүйректік өзекшелік ацидоз және гипокалиемия жедел артық дозаланудан кейін және ибупрофен негізіндегі препараттарды ұзақ уақыт бойы жоғары дозада (әдетте 4 аптадан астам) қабылдайтын, оған қоса ұсынылған тәуліктік дозадан асатын дозаларда дамуы мүмкін.

Жүрек-қантамыр және цереброваскулярлық әсерлер

Ибупрофенді анамнезінде жүрек жеткіліксіздігі немесе артериялық гипертензиясы бар пациенттерге сақтықпен тағайындау керек, өйткені ибупрофен қолдану аясында ісінулер дамығаны туралы хабарланған.

Бақыланбайтын артериялық гипертензиясы, іркілісті жүрек жеткіліксіздігі (NYHA критерийлері бойынша II-III функционалды класы), диагностикаланған ишемиялық жүрек ауруы, шеткері артериялық аурулары және/немесе цереброваскулярлық аурулары бар пациенттерге ибупрофен жағдайды мұқият талдаудан кейін тағайындау керек, сондай-ақ ибупрофеннің жоғары дозаларын (тәулігіне 2400 мг) қолданудан аулақ болу керек.

Сондай-ақ жүрек-қантамыр аурулары (артериялық гипертензия, гиперлипидемия, қант диабеті, шылым шегу) даму қаупі факторы бар пациенттерге ибупрофенмен ұзақ ем бастар алдында, әсіресе ибупрофеннің жоғары дозаларын (тәулігіне 2400 мг) қабылдау қажет болғанда жағдайды мұқият талдау керек.

Ибупрофенмен ем қабылдайтын пациенттерде Коунис синдромының жағдайлары туралы хабарламалар бар.

Дерматологиялық әсерлер

Ибупрофенді қабылданғанда өлімге әкелуі мүмкін терінің ауыр реакциялары (SCARs), соның ішінде эксфолиативтік дерматит, көп формалы эритема, Стивенс-Джонсон синдромы (SJS), уытты эпидермалық некролиз (TEN), эозинофилиямен және жүйелік симптомдармен дәрілік бөртпе (DRESS), сонымен қатар жедел жайылған экзентематозды пустулез (AGEP) туралы өте сирек хабарланған.

Бұл реакциялардың көпшілігі терапияның бірінші айында дамыған. Осы реакцияларды көрсететін белгілер мен симптомдардың алғашқы көрінісінде ибупрофенді қабылдауды тоқтату және емдеудің балама түрін (қажет болған жағдайда) қарастыру қажет.

Бүйрек тарапынан әсерлер

Елеулі дегидратациясы бар пациенттерді ибупрофенмен емдеуді сақтықпен бастау керек. Әсіресе дегидратациясы бар балалар мен жасөспірімдерде және егде жастағы адамдарда бүйрек жеткіліксіздігінің даму қаупі болады. Басқа ҚҚСП тағайындағандағы сияқты, ибупрофенді ұзақ уақыт қабылдау бүйректің папиллярлық некрозына және бүйректегі басқа да патологиялық өзгерістерге алып келуі мүмкін. Мұндай реакцияның даму қаупі жоғары топқа бүйрек функциясы бұзылған, жүрек жеткіліксіздігі, бауыр дисфункциясы бар, диуретиктер мен ангиотензин өзгертуші фермент (АӨФ) тежегіштерін қабылдап жүрген пациенттер, сондай-ақ егде жастағы пациенттер жатады.

ҚҚСП қабылдауды тоқтату әдетте емдеудің алдындағы жағдайдың қалпына келуімен қатар жүреді.

Жүйелі қызыл жегі және дәнекер тіннің аралас ауруы

Жүйелі қызыл жегі және дәнекер тінінің аралас

аурулары бар пациенттерде асептикалық менингит қаупі

жоғары болуы мүмкін.

Гематологиялық әсерлер

Ибупрофен препараты, басқа ҚҚСП сияқты, тромбоциттер агрегациясын бәсеңдетуі және дені сау еріктілерде қан кету уақытын ұзартуы мүмкін.

Асептикалық менингит

Сирек жағдайларда ибупрофен қабылдап жүрген пациенттерде, асептикалық менингит байқалған.

Әйел фертильділігінің бұзылуы

Ибупрофенді қолдану әйелдердің фертильділігін нашарлатуы мүмкін және жүкті болуға тырысатын әйелдерге ұсынылмайды. Жүкті болу қиынға соғатын немесе бедеулікке қатысты тексеріліп жүрген әйелдерде препарат қабылдауды тоқтату мүмкіндігін қарастыру керек.

Жасырын инфекциялар симптомдарын бүркемелеу

Басқа ҚҚСП сияқты, Бруфен® препараты инфекциялық ауру симптомдарын бүркемелеуі мүмкін, ол тиісті емді бастаудың кідіруіне әкелуі мүмкін және сол арқылы аурудың барысын қиындатуы мүмкін. Бұл ауруханадан тыс бактериялық пневмонияда және желшешектің бактериялық асқынуларында байқалды. Бруфен® препаратын дене температурасының жоғарылауы немесе инфекция кезінде ауырсынуды жеңілдету үшін қолданылған кезде, инфекциялық ауруды бақылау ұсынылады. Медициналық мекемелерден тыс емдеу жағдайында, егер симптомдар сақталса немесе күшейсе, пациент дәрігерге қаралуы тиіс.

Кейбір пациенттерде дәрілік өзара әрекеттесулер мүмкін болғандықтан, төмендегі препараттармен бір мезгілде тағайындағанда сақтық шараларын орындау керек:

ЦОГ-2 селективті тежегіштерін қоса, басқа ҚҚСП. Аддитивті әсерлер даму қаупіне байланысты ЦОГ-2 селективті тежегіштерін қоса, басқа ҚҚСП бір мезгілде тағайындаудан аулақ болу керек.

Жүрек гликозидтері. ҚҚСП жүрек жеткіліксіздігінің өршуін, шумақтық сүзіліс жылдамдығының төмендеуін және қан плазмасында жүрек гликозидтерінің деңгейі артуын туындатуы мүмкін.

Кортикостероидтар. Жағымсыз реакциялар қаупін арттыруы мүмкін, әсіресе асқазан-ішек жолы тарапынан

Антикоагулянттар. ҚҚСП варфарин сияқты антикоагулянттардың әсерін ушықтыруы мүмкін.

Тромбоцитке қарсы препараттар мен серотонинді кері қармайтын селективті тежегіштер. ҚҚСП асқазан-ішектен қан кетулер қаупін арттырады.

Ацетилсалицил қышқылы/аспирин Құрамында ҚҚСП бар басқа да препараттарды тағайындағандағы сияқты, ибупрофенмен ацетилсалицил қышқылы/аспиринді бірге қабылдау әдетте жағымсыз реакцияларының арту қаупіне байланысты ұсынылмайды. Эксперименттік деректер ибупрофен аспириннің (ацетилсалицил қышқылының) шағын дозаларының тромбоциттер агрегациясына әсерін осы препараттарды бір мезгілде қолданған жағдайда бәсекелі түрде тежеуі мүмкін екендігін көрсетеді. Бұл мәліметтердің клиникалық жағдайға экстраполяциялану мүмкіндігіне қатысты белгісіздігіне қарамастан, ибупрофенді жүйелі ұзақ қолданудың ацетилсалицил қышқылының кардиопротекторлық әсерін төмендетуі мүмкіндігінің ықтималдығын жоққа шығаруға болмайды. Ибупрофенді эпизодтық қабылдау жағдайында клиникалық елеулі әсері екіталай.

Литий. ҚҚСП литий шығарылуын төмендетуі мүмкін.

Гипертензияға қарсы препараттар, β-блокаторлар және диуретиктер. ҚҚСП гипертензияға қарсы препараттардың - АӨФ (ангиотензин өзгертуші фермент) тежегіштері, II ангиотензин рецепторларының антагонистері, β-блокаторлар және диуретиктердің әсерін азайтуы мүмкін. Диуретиктер де ҚҚСП нефроуыттылығының қаупін ұлғайтуы мүмкін.

Метотрексат. ҚҚСП метотрексаттың өзекшелік сөлінісін бәсеңдетуі және метотрексат клиренсін азайтуы мүмкін.

Циклоспорин. ҚҚСП нефроуыттылық қаупін арттырады.

Такролимус. Такролимусты қабылдаған пациенттерге ҚҚСП тағайындағанда нефроуыттылығының қаупі артуы мүмкін.

Зидовудин. ҚҚСП гематологиялық уыттылық қаупін арттырады. Гемофилиядан зардап шегетін, АИТВ-оң пациенттерге зидовудинді қабылдау аясында ибупрофенді тағайындағанда, гемартроздар мен гематомалардың даму қаупінің артқанына дәлелдер бар.

Хинолонды антибиотиктер. Жануарлардан алынған деректер, ҚҚСП хинолондар қабылдауға байланысты құрысудың пайда болу қаупін ұлғайтуы мүмкіндігін көрсетеді. Бір мезгілде ҚҚСП және хинолондар қабылдайтын пациенттерде құрысулардың даму қаупі жоғары.

CYP2C9 тежегіштері. Ибупрофен CYP2C9 тежегіштерімен бір мезгілде тағайындау ибупрофеннің (CYP2C9 субстраты) экспозициясын арттыруы мүмкін. Бір зерттеу барысында вориконазол мен флуконазол (CYP2C9 тежегіштері) ибупрофен препаратының экспозициясын S(+) шамамен 80-100%-ға арттырғанын көрсетті. CYP2C9 тежегіштерімен бір мезгілде тағайындағанда, әсіресе вориконазол немесе флуконазолды қабылдап жүрген пациенттерге ибупрофеннің жоғары дозаларын тағайындағанда, ибупрофеннің дозасын төмендетуді қарастыру қажет.

Сульфонилмочевина препараттары. ҚҚСП сульфонилмочевина препараттарының әсерін күшейтуі мүмкін. Ибупрофенді тағайындалғанда сульфонилмочевина қабылдаған пациенттерде гипогликемия дамығаны туралы сирек хабарланды.

Холестирамин. Ибупрофен және холестирамин бір мезгілде тағайындау ибупрофеннің АІЖ абсорбциясын төмендетуі мүмкін. Алайда мұның клиникалық маңызы белгісіз

Аминогликозидтер. ҚҚСП аминогликозидтердің шығарылуын азайтуы мүмкін.

Шөп экстрактілері. Гинкго билоба ҚҚСП байланысты қан кету

қаупін тудыруы мүмкін.

Мифепристон. Дәрілік заттардың тиімділігінің азаюы теориялық тұрғыда ҚҚСП простагландинге қарсы қасиеттеріне байланысты болуы мүмкін. Простагландин қабылдаған күні бір мезгілде ҚҚСП қолданудың шектеулі деректері мифепристоннің немесе простагландиннің жатыр мойнының жетілуіне немесе жатыр жиырылуына әсерін бұрмаламайды және жүктілікті дәрі-дәрмекпен үзуге клиникалық тиімділігін азайтпайды деп болжауға мүмкіндік береді.

Бруфен® препаратының түйіршіктерінде сахароза бар

Әрбір пакетте 3,3 г сахароза бар. Мұны қант диабеті бар пациенттерге тағайындаған кезде ескерген жөн. Фруктоза жақпаушылығы, глюкоза-галактоза мальабсорбциясы немесе сахароза-изомальтаза жеткіліксіздігі сияқты сирек кездесетін тұқым қуалайтын аурулары бар пациенттерге бұл дәрілік препаратты қабылдауға болмайды.

Бруфен® препаратының түйіршіктерінде натрий бар

Натрий мөлшері бақыланатын диетадағы пациенттерге тағайындау кезінде Бруфен® препаратының түйіршіктерінде натрий бар екенін ескеру қажет.

Жүктілік немесе лактация

Бруфен® препаратының түйіршіктерін жүктілік кезінде немесе бала емізу кезеңінде пациенттерге тағайындаудан аулақ болу керек. Бруфен® препаратының түйіршіктерін жүктіліктің соңында (соңғы үш айда) тағайындауға болмайды. Жүктіліктің бірінші және екінші триместрінде Бруфен® препаратын нақты қажеттілік болмаған кезде қолдануға болмайды. Егер Бруфен® препаратын жүктілікті жоспарлаған әйел қабылдаса немесе препаратты қабылдау жүктіліктің бірінші немесе екінші триместрінде жүргізілсе, онда препараттың дозасы ең төмен болуы керек және емдеу ұзақтығы мүмкіндігінше қысқа болуы керек.

Фертильділік

Ибупрофен әйелдердегі фертильділікке әсер етуі мүмкін, сондықтан оны жүктілікті жоспарлап жүрген әйелдерге қолдану ұсынылмайды. Бала көтере алмай жүрген немесе бедеулікке байланысты тексеруден өтіп жүрген әйелдерге ибупрофен қолдануды тоқтату мүмкіндігін қарастыру қажет.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бруфен® препаратының түйіршіктері бас айналуды немесе ұйқышылдықты, шаршауды және көру қабілетінің бұзылуын тудыруы мүмкін. Мұндай жағдайларда науқасқа көлік құралын басқарудан және ықтимал қауіпті механизмдерді басқарудан бас тарту туралы хабарлау қажет.

Ең төмен тиімді доза симптомдарды жеңілдету үшін қажетті ең қысқа уақыт кезеңі ішінде пайдаланылуы тиіс. Егер сізде инфекция болса, симптомдар (қызба және ауырсыну сияқты) сақталса немесе нашарласа, дереу дәрігерге қаралыңыз.

Дозалау режимі

Ересектер

Бірнеше қабылдауға бөлінген ұсынылатын доза тәулігіне 1200-1800 мг құрайды. Кейбір пациенттерге тәулігіне 600–1200 мг жеткілікті болуы мүмкін. Ауыр және жедел жағдайларда аурудың жедел фазасы аяқталғанға дейін доза арттырылуы мүмкін. Бұл ретте ең жоғары тәуліктік доза бірнеше рет қабылданатын 2400 мг аспауы тиіс.

Пациенттердің ерекше топтары

Егде жастағы пациенттер

Егде жастағы адамдар, әсіресе АІЖ тарапынан күрделі жағымсыз реакциялардың жоғары қаупіне бейім.

Егер бауыр немесе бүйрек функциясы бұзылмаса, дозаны өзгертудің қажеті жоқ. Бауыр немесе бүйрек функциясы бұзылғанда препарат дозасын жеке және сақтықпен таңдау керек.

Балалар

Осы дәрілік түрдегі Бруфен® препаратының түйіршіктерін балаларға қолдануға болмайды.

Бүйрек/бауыр жеткіліксіздігі бар пациенттер

Ауырлық дәрежесі жеңіл және орташа бүйрек жеткіліксіздігі (бүйректің ауыр жеткіліксіздігі бар пациенттерге препаратты қолдануға болмайды) бар пациенттерде дозаны азайту керек емес.

Бауыр жеткіліксіздігінің жеңіл және орташа дәрежесі бар пациенттерде дозаны төмендету талап етілмейді (бауырдың ауыр жеткіліксіздігі бар пациенттерге препаратты қолдануға болмайды).

Енгізу жолы және тәсілі

Ішке қабылдау үшін.

Бруфен® препаратының түйіршіктерін жеткілікті мөлшерде суда мұқият еріту қажет. Қолданған кезде аузында немесе тамағында өтпелі шымылдату сезімі пайда болуы мүмкін.

Препаратты тамақтану кезінде немесе тамақтан кейін қабылдаған дұрыс. Асқазаны сезімтал пациенттерге препаратты тамақ ішкен кезде қабылдау ұсынылады.

Қолдану жиілігі

Күніне 2 немесе 3 рет қабылдаңыз, бірақ күніне 4 пакеттен артық емес. Емдеу ұзақтығы

Емдеу ұзақтығын дәрігер ұсынуы керек.

Ересектер мен балаларда әдетте артық дозалану белгілері мен симптомдары 100 мг/кг төмен дозаларда байқалмаған. Алайда кейбір жағдайларда демеуші шаралар қажет болуы мүмкін. Балаларда 400 мг/кг немесе одан көп дозаны қабылдағаннан кейін уыттылық белгілері мен симптомдары көрініс тапқаны байқалды.

Симптомдары

Артық дозалану симптомдары ибупрофеннің елеулі мөлшерін қабылдағаннан кейін 4-6 сағаттың ішінде дамиды. Артық дозаланудың жиі кездесетін симптомдары мыналар жатады: жүрек айнуы, құсу, іш ауыруы, енжарлық пен ұйқышылдық, бас ауруы, құлақтың шыңылдауы, бас айналуы, құрысу және естен айрылу. Нистагм, метаболизмдік ацидоз, гипотермия, бүйрек тарапынан болатын симптомдар, асқазан-ішектен қан кетулер, кома, апноэ және ОЖЖ мен тыныс алу жүйесінің бәсеңдеуі туралы сирек хабарланған. Артериялық гипотензияның, брадикардия және тахикардияның дамуын қоса, жүрек-қантамыр уыттылығы туралы мәлімделген. Елеулі артық дозаланған жағдайларда бүйрек жеткіліксіздігі дамуы және бауыр зақымдануы мүмкін. Егер басқа препараттар қабылданбаған болса, елеулі артық дозалануды әдетте жақсы көтереді. Ауыр улану кезінде метаболизмдік ацидоз туындауы және протромбиндік уақыт/ ХҚҚ ұзаруы мүмкін, бұл айналымдағы ұю факторының белсенділігіне әсер етумен байланысты болуы ықтимал.

Препаратты ұсынылған дозадан жоғары дозаларда ұзақ уақыт қолдану ауыр гипокалиемия мен бүйректің өзекшелік ацидозының дамуына әкелуі мүмкін. Симптомдарға сана деңгейінің төмендеуі және жалпы әлсіздік кіруі мүмкін (4.4 және 4.8 бөл. қараңыз).

Емі

Симптоматикалық емдеу көрсетілген. Препараттың ықтимал уытты дозасын қабылдағаннан кейін бір сағат ішінде белсендірілген көмірді қабылдау қажеттілігін ескеру қажет. Ересек пациенттерде ықтимал уытты дозаны қабылдағаннан кейін бір сағат ішінде асқазанды шаю баламасы болып табылады.

Диурезді стимуляциясы көрсетілген.

Бүйрек пен бауыр функциясын мұқият бақылау қажет.

Пациенттер ықтимал уытты дозаны қабылдағаннан кейін кем дегенде 4 сағат бақылауда болуы тиіс.

Жиі және ұзаққа созылған құрысуларда диазепамды вена ішіне енгізу көрсетіледі. Пациенттің клиникалық жағдайына байланысты басқа емдеу шаралары көрсетілуі мүмкін.

Препаратты қабылдау бойынша сұрақтар туындаған жағдайда дәрілік препаратты қолдану тәсілін түсіндіру үшін медицина қызметкеріне кеңес алу үшін жүгінуді ұсынамыз

Төмендегі белгілердің кез келгенін байқасаңыз, Бруфен® препаратын қолдануды дереу тоқтатып, дәрігерге хабарласыңыз:

- денедегі қызарған, құрғақ емес, нысана тәрізді немесе көбінесе ортасында күлдіреуіктері бар дөңгелек дақтар, терінің қабыршақтануы, ауыз, тамақ, мұрын, гениталий мен көздегі жаралар. Бұл терінің ауыр бөртпелерінің алдында қызба және тұмауға ұқсас симптомдар (эксфолиативтік дерматит, мультиформалы эритема, Стивенс-Джонсон синдромы, уытты эпидермалық некролиз) болуы мүмкін

- Кең таралған бөртпе, дене температурасының жоғарылауы және лимфа түйіндерінің ісінуі (DRESS синдромы)

- Қызбамен бірге жүретін күлдіреуіктері бар қызыл, кең таралған қабыршақты тері астындағы дөңестенген бөртпелер. Әдетте симптомдар емнің басында пайда болады (жедел жайылған экзентематозды пустулез)

Жиі

- бас ауыруы, бас айналуы

- диспепсия, диарея, жүрек айнуы, құсу, іш ауыруы, метеоризм, іш қатуы, мелена, гематемезис, асқазан-ішектен қан кету

- бөртпе

- қажығыштық

Сирек

- ринит

- аса жоғары сезімталдық

- ұйқысыздық, мазасыздық

- парестезия, ұйқышылдық

- көрудің нашарлауы

- естудің нашарлауы, құлақтың шуылдауы немесе шыңылдауы, вертиго

- демікпе, бронх түйілуі, ентігу

- гастрит, он екі елі ішектің және асқазанның ойық жарасы, ойық жаралы стоматит, асқазан-ішек тесілуі

- гепатит, сарғаю, бауыр функциясының бұзылуы

- есекжем, қышыну, пурпура, ангионевроздық ісіну

- әртүрлі формадағы уытты нефропатия, соның ішінде тубулоинтерстициальді нефрит, нефроздық синдром, бүйрек жеткіліксіздігі

Сирек

- асептикалық менингит

- лейкопения, тромбоцитопения, нейтропения, агранулоцитоз, аплазиялық анемия және гемолиздік анемия

- анафилаксиялық реакция

- депрессия және сананың шатасуы

- көру жүйкесінің невриті

- көру жүйкесінің уытты невропатиясы

- ісіну

Өте сирек

- панкреатит

- бауыр жеткіліксіздігі

- көп формалы эритема, эксфолиативтік дерматит, буллездік реакцияларды қоса, терінің ауыр жағымсыз реакциялары (SCARs), соның ішінде Стивенс-Джонсон синдромы және уытты эпидермалық некролиз

- жүрек жеткіліксіздігі, миокард инфарктісі

- жедел бүйрек жеткіліксіздігі

- гипертензия

Жиілігі белгісіз

- колиттің өршуі және Крон ауруы

- эозинофилиямен және жүйелі көріністермен, дәрілік реакция (DRESS синдромы)

- жедел жайылған экзантематозды пустулез (AGEP)

- фотосезімталдық

- - Коунис синдромы

- тәбеттің төмендеуі, гипокалиемия*

- несепағардың шаншуы, дизурия, бүйректік өзекшелік ацидоз*

* Бүйректің өзекшелік ацидозы және гипокалиемия тіркеуден кейінгі кезеңде, әдетте ибупрофенді ұсынылған дозадан жоғары дозаларда ұзақ уақыт қолданғаннан кейін тіркелді.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір сашенің ішінде

белсенді зат - ибупрофен 600 мг,

қосымша заттар: микрокристалды целлюлоза, натрий кроскармеллозасы, алма қышқылы, натрий сахаринаты, сахароза, повидон

(К мәні 29-дан 32-ге дейін), апельсин хош иістендіргіші, натрий лаурилсульфаты, натрий гидрокарбонаты, сусыз натрий карбонаты.

Апельсин иісі бар ұсақ көлемнен ірі көлемге дейінгі ақ түсті түйіршіктер.

Көпіршитін түйіршіктер сашеде. 30 сашеден медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

25 °С-ден аспайтын температурада сақтау керек

Балалардың қолы жетпейтін жерде сақтау керек!

Рецепт арқылы

Аббви С.р.л.

S.R. 148 Pontina km 52 snc, 04011 Campoverde di Aprilia, (LT), Италия

(тел.: +39 06 92892 1, факс: +39 06 92892 7000, электрондық пошта:

abbvieitalyinfomed@abbvie.com)

Абботт Лабораториз ГмбХ, Фройндаллее 9А, 30173 Ганновер, Германия

(тел. +49 (0) 511 6750 3366, факс +49 (0) 511 6750 3566,

электрондық пошта: pv.qppv@abbott.com)

«Абботт Қазақстан» ЖШС, Қазақстан, Алматы қ., Еділ

Ерғожин көш., 1 үй, 90 кеңсе (тел.+7 727 244 75 44, факс +7 727 244 76 44,

электрондық пошта pv.kazakhstan@abbott.com).