Ангисепт

Соруға арналған таблеткалар

Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар.

АТХ коды R02AA20

Ангисепт SV ересектер мен 6 жастан асқан балаларда келесі ауруларда қолданылады:

- жоғарғы тыныс алу жолдарының жедел және созылмалы инфекцияларында (ЖРА, ангина, гингивиттер, стоматиттер)

- ауыз қуысы мен тамақтың қабыну ауруларында

- ауыз қуысындағы ойық жаралар мен жараларда

- ауыздағы және тамақтағы жағымсыз сезімдер (құрғауы және жыбырлауы) кезінде

- ауыздан жағымсыз иіс шығатын жағдайда

Қолдануды бастағанға дейін қажетті мәліметтер тізбесі

- препараттың белсенді заттарына немесе қандай-да бір қосымша заттарына жоғары сезімталдық

- қант диабеті

- 6 жасқа дейінгі балаларға

- тұқым қуалайтын галактоза жақпаушылығы, лактаза тапшылығы, глюкоза/галактоза мальабсорбциясы, фруктоза жақпаушылығы немесе сахараза-изомальтаза жеткіліксіздігі бар пациенттер.

Гипергликемиямен қатар жүруі мүмкін жағдайларда препаратты тек дәрігердің ұсынымы бойынша және ең аз дозаларында қабылдауға болады.

Басқа препараттармен клиникалық тұрғыдан елеулі өзара әрекеттесулері анықталған жоқ. Препаратты микробқа қарсы басқа жергілікті дәрілермен бір мезгілде қолдануға болады.

Аскорбин қышқылы қандағы пенициллин мен тетрациклиндер концентрациясын жоғарылатады, ішекте темірдің сіңірілуін жақсартады (үш валентті темірді екі валентті темірге айналдырады), дефероксаминмен бір мезгілде қолданғанда темірдің шығарылуын арттыруы мүмкін. Аскорбин қышқылын құрамында алюминий бар антацидтермен бір мезгілде қолдану алюминийдің несеппен шығарылуын арттыруы мүмкін.

Қысқа әсер ететін салицилаттармен және сульфаниламидтермен емдегенде С дәруменін бірге тағайындау қышқылдардың бүйрекпен шығарылуын баяулатады, сілтілік реакциясы бар дәрілік заттардың (оның ішінде алкалоидтардың) шығарылуын жоғарылатады, кристаллурияның даму қаупін арттырады. Аскорбин қышқылы бір мезгілде қолданғанда пероральді контрацептивтердің, тікелей емес антикоагулянттардың қандағы концентрациясын төмендетеді, этанолдың жалпы клиренсін жоғарылатады, изопреналиннің, В12 дәруменінің, нейролептиктер - фенотиазин туындыларының (мысалы, флуфеназин) емдік әсерін азайтады, трициклдық антидепрессанттардың өзекшелік реабсорбциясын төмендетеді. Барбитураттарды бір мезгілде қабылдау аскорбин қышқылының несеппен шығарылуын арттырады. Индометацин аскорбин қышқылының тиімділігін төмендетуі мүмкін.

Сәлбен дәрілік қою экстрактісі ГАМҚ - рецепторлары арқылы әсер ететін дәрілердің (мысалы, барбитураттар, безнодиазепиндер) әсерлеріне ықпал етуі мүмкін. Осы дәрілік заттармен бір мезгілде қолдану ұсынылмайды. Сәлбен препараттары гипогликемиялық және құрысуға қарсы дәрілермен өзара әрекеттесуі, басқа дәрілік заттар мен этанолдың седативтік әсерін күшейтуі мүмкін.

Егер ауру симптомдары сақталып қалса, нашарласа немесе жаңалары пайда болса, дәрігермен кеңесу керек.

Прополис сирек аллергия тудырады, бұл оны терінің аллергиялық ауруларын емдеуде де қолдануға мүмкіндік береді. Алайда, жоғары сезімталдықтың пайда болу ықтималдығы бәрібір де бар. Аллергиясы бар адамдарға қолданар алдында аурудың өршуін басатын дәрілер болғанда, тері сынамаларын жүргізу ұсынылады. Аллергенділігінің төмендігі оны қатарлас аурулар жағдайында кешенді емдеуде кеңінен қолдануға мүмкіндік береді.

Аскорбин қышқылын жылдам пролиферацияланатын және қарқынды метастаздалатын ісіктері бар пациенттерге тағайындау үдеріс ағымын ушықтыруы мүмкін. Организмінде темір мөлшері жоғары пациенттерде аскорбин қышқылын ең аз дозаларында қолдану керек.

Құрамында аскорбин қышқылының болуына байланысты қан ұюы жоғары, полицитемия, лейкемия, тромбофлебит немесе тромбозға бейімділігі, гипероксалуриясы, бүйрек-тас ауруы бар пациенттерге тағайындағанда ерекше сақтық таныту керек. Аскорбин қышқылының жоғары дозаларын қабылдау бүйректе кальций оксалаты тастарының түзілуіне байланысты, сондықтан аскорбин қышқылын гипероксалуриясы бар пациенттерде сақтықпен қолдану керек.

Қосымша заттар

Дәрілік препараттың құрамында қант бар, мұны қант диабеті бар пациенттерде ескеру керек.

Педиатрияда қолдану

6 жасқа дейінгі балаларға қауіпсіздігі анықталмаған.

Жүктілік немесе лактация кезеңінде

Препаратты жүктілік және бала емізу кезеңінде қолданудың қауіпсіздігі жөніндегі деректер жоқ, сондықтан препаратты тек, ана үшін болжамды пайдасы шарана мен балаға төнетін қауіптен асып түсетін жағдайда ғана қолдануға болады.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препаратты қолдану автокөлікті немесе қауіптілігі зор механизмдерді басқару қабілетіне әсер етпейді.

Дозалау режимі

6 жастан 12 жасқа дейінгі балаларға күніне 3-4 рет 1 таблеткадан.

12 жастан асқан балалар мен ересектерге доза екі еселенеді.

Ең жоғары тәуліктік дозасы – 8 таблетка.

Паценттердің ерекше топтары

Балалар

6 жасқа дейінгі балаларда қолданылуының қауіпсіздігі анықталмаған.

Бауыр функциясы бұзылған пациенттер

Дозасын түзету қажет емес.

Егде жастағы пациенттер

Егде жастағы пациенттерге дозасын түзету қажет емес.

Енгізу әдісі мен жолы

Толық ерігенге дейін ауызда баяу сору керек. Препаратты қолданғаннан кейін бірден тамақ ішпеген және 1-2 сағат бойы сусын ішпеген дұрыс.

Емдеу ұзақтығы

Емдеу курсы 5-6 күн.

Симптомдары: препаратты ұсынылғанынан артық дозаларда қабылдау асқазан-ішек жолы тарапынан бұзылуларды туындатуы мүмкін.

Емі: препаратты қабылдауды тоқтату керек. Симптоматикалық ем.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Дәрілік препаратты қолдану бойынша сұрақтар туындаған жағдайда дәрігердің немесе фармацевттің кеңесіне жүгіну керек.

ДП стандартты қолдану кезінде көрініс табатын жағымсыз реакциялардың сипаттамасы

Жағымсыз реакциялар жиілігінің параметрлері былайша анықталады: өте жиі (≥ 1/10); жиі (≥ 1/100, бірақ <1/10); жиі емес (≥ 1/1000, бірақ < 1/100); сирек (≥ 1/10000, бірақ < 1/1000); өте сирек (< 1/10000); жиілігі белгісіз (қолда бар деректер бойынша бағалау мүмкін емес).

Өте сирек:

- жүрек айнуы, құсу, тәбеттің төмендеуі

- ара шаруашылығы өнімдеріне аллергиялық реакциялар.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

«Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді заттар: прополис тұндырмасы 0,06 г, аскорбин қышқылы 0,005 г, сәлбен дәрілік қою экстрактісі 0,005 г.

қосымша заттар: қант, лимон қышқылы, кальций стеараты.

Сыртқы түрінің, иісінің, дәмінің сипаттамасы

Ашық-сары түсті, болар-болмас теңбілдері бар, сызығы мен ойығы бар, диаметрі 12 мм-ге жуық, биіктігі (4,0 ± 0,2) мм жалпақ цилиндр пішінді таблеткалар. Дәмі қышқыл-тәтті, өзіне тән иісі бар.

Полимер жабыны бар біріктірілген қағаздан жасалған пішінді ұяшықсыз қаптамада 10 таблеткадан немесе 10 таблеткадан ақ немесе сарғыш реңкті поливинилхлоридті үлбірден және баспалы алюминий фольгадан жасалған пішінді ұяшықты қаптамаға салынады.

250 пішінді қаптамадан медициналық қолдану жөніндегі қазақ және орыс тілдеріндегі нұсқаулықтардың тең санымен бірге қораптық картоннан жасалған топтық ыдысқа салынады немесе 10 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл.

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 150С-ден 250С-ге дейінгі температурада сақтау керек.

Балалардың қолы жетпейтін жерде сақтау керек!

Рецептісіз

«ЖАНАФАРМ» ДДӨ» ЖШС, Қазақстан Республикасы

Алматы қ., Шухов көш., 37/2 үй

Тел./факс: +7727 3992885

Е-mail: info@zhanafarm.kz

«ЖАНАФАРМ» ДДӨ» ЖШС, Қазақстан Республикасы

Алматы қ., Шухов көш., 37/2 үй

Тел./факс: +7727 3992885

Е-mail: info@zhanafarm.kz

«Нестеренко А.Е.» ЖК, Қазақстан Республикасы, 050000, Алматы қ., Мұқанов көш., 104 үй,

Тел.: +77273271602, +77077862629, +77058887587

факс +772727996659

Е-mail: pharm_vigilance@mail.ru, ip_n_nesterenko@list.ru.