Назол

Назол®

Оксиметазолин

Мұрынға арналған спрей

Мұрынға арналған препараттар. Жергілікті қолдануға арналған деконгестанттар және мұрынға арналған басқа препараттар. Симпатомиметиктер, қарапайымдар. Оксиметазолин.

АТХ коды R01АА05.

ДП ересектерге, 6 жастан бастап балаларға қолдануға арналған

Суық тию мен пішен қызбасына байланысты мұрынның бітелуін жеңілдету үшін.

- ринит түрінде байқалатын жедел респираторлық ауруларда (тұмауда)

- аллергиялық ринит

- вазомоторлық ринит

- мұрынның қосалқы қойнауларының қабынуы кезінде секреция дренажын жақсарту үшін (синуситте)

- ринитпен астасқан евстахиит

- диагностикалық емшаралар алдында мұрын қуысы шырышты қабығының ісінуін қайтаруда

- оксиметазолинге, басқа адренергиялық дәрілерге немесе препарат ингредиенттеріне жекелей жоғары сезімталдық

- МАО (моноаминоксидаза) тежегіштерін қабылдап жүрген пациенттерге немесе олардың осының алдындағы 2 аптада қабылдаған пациенттерге

- жабықбұрышты глаукомасы бар пациенттерге

- транссфеноидальді гипофизэктомиядан кейінгі пациенттерге

- терінің немесе мұрынның кіреберіс шырышты қабығының қабынуы және қабыршық түзілуі (құрғақ ринит) жағдайында

- ауыр дәрежедегі артериялық гипертензия, айқын атеросклероз, жүрек ырғағының бұзылулары

- қант диабеті, гипертиреоз

- бүйректің шығару функциясының бұзылуымен жүретін аурулары, қуықасты безінің гипертрофиясы салдарынан несеп шығарудың қиындауы

- 6 жасқа дейінгі балаларға

Трициклдық антидепрессанттарды немесе МАО тежегіштерін бір мезгілде немесе тура оксиметазолинді қолданар алдында қабылдау артериялық қысымның жоғарылауына алып келуі мүмкін.

Арнайы сақтандырулар

Бұл дәрілік препаратты қауіп пен пайда арақатынасын мұқият саралаудан кейін және мына кездерде қолдану керек:

- жоғары көзішілік қысым, әсіресе жабық бұрышты глаукома;

- ауыр жүрек-қантамырлық аурулары (мысалы, жүректің ишемиялық ауруы) және гипертония;

- феохромоцитома;

- зат алмасудың бұзылуы (мысалы, гипертиреоз, қант диабеті);

- простата гиперплазиясы;

- порфирия;

- моноаминоксидаза тежегіштерімен (МАО тежегіштерімен) және артериялық қысымды жоғарылататын қабілеті бар басқа да препараттармен емдеуден өтіп жатқан пациенттер.

Мұрынға қолдануға арналған тамыр тарылтатын препараттардың әсері ұзақ қолданғанда және артық дозалану кезінде азаюы (тахифилаксия) мүмкін. Осы препараттарды шамадан тыс тұтыну нәтижесінде мыналар туындауы мүмкін:

- мұрын шырышты қабығының реактивті гиперемиясы (рикошет феномені)

- мұрын шырышты қабығының созылмалы ісінуі(дәрі-дәрмектік ринит)

- мұрын шырышты қабығының атрофиясы

Консервант (бензалконий хлориді) мұрын шырышты қабығының ісінуін туындатуы мүмкін, әсіресе ұзақ қолданғанда. Егер осындай реакцияға күдік болса (мұрынның тұрақты бітелуі), мүмкіндігінше құрамында консерванты жоқ мұрынға қолдануға арналған препаратты пайдаланған жөн. Егер құрамында консерванты жоқ мұрынға қолдануға арналған дәрілік препараттар қолда болмаса, онда енгізудің басқа түрін қарастыру керек.

Жүктілік және лактация

Оксиметазолин жүктіліктің қолайсыз аяқталуымен байланыстырылмаған.

Ұсынылған дозасын арттыруға жол берілмейді. Препаратты тек дәрігермен кеңескеннен кейін ғана қолдануға болады.

Артериялық гипертензиясы немесе плацентарлық қан ағымының төмендеуі белгілері бар пациенттерге сақтықпен қолдану керек. Жоғары дозаларын жиі немесе ұзақ уақыт қолдану плацентарлық қан ағымын төмендетуі мүмкін.

Оксиметазолиннің емшек сүтімен бөлініп шығуына қатысты деректер жоқ, сондықтан, бала емізу кезінде мұрынға арналған спрейді қолданбаған дұрыс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Дозалау режимі

Ересектер мен 10 жастан асқан балаларға әр мұрын жолына 2 бүркуден. 6 жастан 10 жасқа дейінгі балаларға (ересектердің қадағалауымен) 1 бүркуден.

Бүркуді кемінде 12 сағаттан соң қайталау керек.

Қолданар алдында құтыны жақсылап шайқаңыз.

Әр мұрын жолына кезек бүркіңіз, бүріккен кезде басыңызды кері шалқайтпаңыз. Құтыны тігінен ұстаңыз.

Емдеу ұзақтығы 7 күннен аспауы тиіс. Емдеу ұзақтығы арттырылған жағдайда дәрігерге қаралу қажет.

Артық дозалану назальді немесе кездейсоқ пероральді қолдану нәтижесінде туындауы мүмкін. Имидазол туындыларымен уыттанудан кейінгі клиникалық көрініс диффузиялық болуы мүмкін, өйткені гиперреактивті фазалар орталық жүйке жүйесі, жүрек-қантамыр және өкпе жүйесі функцияларының бәсеңдеу фазаларымен кезектесуі мүмкін.

Орталық жүйке жүйесінің стимуляциясы мазасыздықпен, қозумен, елестеумен, құрысумен көрініс табады.

Орталық жүйке жүйесінің стимуляциялануы дене температурасының төмендеуімен, сылбырлықпен, ұйқышылдықпен және комамен көрініс табады.

Келесі симптомдарға миоз, мидриаз, қызба, тершеңдік, бозару, цианоз, жүрек қағуы, тахикардия, брадикардия, жүрек аритмиясы, жүрек тоқтауы, гипертония, шокты гипотензия, жүрек айнуы және құсу, тыныс алудың бәсеңдеуі және апноэ, психогендік бұзылыстар кіруі мүмкін.

Әсіресе артық дозалану балаларда құрысу және кома, брадикардия, апноэ және гипертония немесе гипотония сияқты орталық жүйке жүйесінің басым әсерлеріне жиі әкеледі.

Күшті артық дозалануда стационарлық қарқынды ем қолданылады. Дереу белсендірілген көмір, натрий сульфатын қолдану немесе асқазанды шаю (үлкен мөлшерде) қажет, өйткені оксиметазолиннің сіңірілуі жылдам болуы мүмкін. Вазопрессорлар қарсы көрсетілген. Антидот ретінде селективті емес -блокатор пайдаланылуы мүмкін. Қажет болса - температураны түсіру, құрысуға қарсы ем және оттегімен желдету.

Балаларда қолданылуы

Клиникалық көрінісіне орталық жүйке жүйесі тарапынан болатын белгілер мен симптомдар кіреді: конвульсиялар және кома, елестеулер, брадикардия, тыныстың тоқтап қалуы, гипертензия мен гипотензияның алмасуы.

Емі: симптоматикалық.

Жиі

- мұрын шырашты қабығының ашытып шымылдауы және құрғауы, түшкіру

Сирек

- жүрек қағуы, тахикардия, гипертония

Өте сирек

- үрей, ұйқысыздық, шаршау (ұйқышылдық, седация), бас ауыруы, елестеулер (көбінесе балаларда)

- аритмия

- емшектегі балалар мен нәрестелердегі апноэ

- құрысулар (әсіресе балаларда)

Аса сирек/ Жекелеген жағдайларда және т.б.

- әсері біткеннен кейін шырышты қабық ісінуінің ұлғаюы, мұрыннан қан кету

- аса жоғары сезімталдық реакциялары (ангионевроздық ісіну, бөртпе, қышыну)

- тахифилаксия (ұзақ қолданған немесе артық дозаланған кезде)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 мл препараттың құрамында

белсенді зат - оксиметазолин гидрохлориді 0,5 мг;

қосымша заттар: бензалконий хлориді, макрогол 400, повидон, пропиленгликоль, динатрий фосфаты дигидраты, натрий дигидрофосфаты дигидраты, динатрий эдетаты дигидраты, концентрацияланған хлорсутек қышқылы, тазартылған су.

Түссіз мөлдір, иіссіз ерітінді.

Тығыздығы жоғары полиэтиленнен жасалған, полипропилен бүріккіші мен полиэтилен қақпағы бар, дозатормен жабдықталған құтыларда 10 мл-ден.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынған.

3 жыл.

Жарамдылық мерзімі өткеннен кейін қолдануға болмайды.

30 С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

Иституто Де Анжели С.р.л.,

50066 Реггелло (Флоренция), Лок. Прулли 103/c, Италия.

Байер Консьюмер Кэр АГ,

СН-4052 Базель, Петер Мериан штрассе, 84, Швейцария

тел. +41 58 272 7542

факс: +41 58 272 7173

e-mail: www.basel.bayer.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Байер КАЗ» ЖШС

Тимирязев к-сі, 42, «Экспо-Сити» бизнес орталығы, 15 пав.

050057 Алматы, Қазақстан Республикасы

Тел. +7 701 715 78 46

Факс: +7 727 244 70 01

e-mail: www.bayer.ru