Оксивин-DF капли наз. 0,01% по 10 мл (флакон)

Оксивин-DF®

Оксиметазолин

Мұрынға тамызатын дәрі, 0,01 %, 10 мл

Респираторлық жүйе. Мұрынға арналған препараттар. Жергілікті қолдануға арналған деконгестанттар және басқа мұрынға арналған препараттар. Симпатомиметиктер, қарапайымдар. Оксиметазолин

АТХ коды R01AA05

- жедел, аллергиялық, вазомоторлы ринитте

- риносинуситте

- евстахиитпен астасқан ринитте

- диагностикалық емшаралардың алдында мұрын қуысы шырышты қабығының ісінуін басу үшін

Дәрілік препаратты қолданудың басталуына дейінгі қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- атрофиялық ринит

- айқын атеросклероз

- созылмалы жүрек жеткіліксіздігі

- аритмиялар

- артериялық гипертензия

- созылмалы бүйрек жеткіліксіздігі

- қуық безінің гиперплазиясы

- моноаминооксидаза тежегіштерін бір мезгілде қабылдау және оларды қолдануды аяқтағаннан кейін 14 күнге дейінгі кезең

- транссфеноидальді гипофизэктомиядан немесе қатты ми қабығындағы басқа да хирургиялық араласымдардан кейінгі жағдай

- қант диабеті

- тиреотоксикоз, гипертиреоз

- жабықбұрышты глаукома

- көздің ауыр аурулары

- феохромацитома

- порфирия

Нәрестелер мен сәбилерге емдеуді аса сақтықпен жүзеге асыру қажет.

Бұл дәрілік препаратты қауіп пен пайда арақатынасын мұқият өлшегеннен кейін төмендегі жағдайларда қолданған жөн:

- жоғары көзішілік қысымда, әсіресе жабықбұрышты глаукома кезінде;

- жүрек-қантамырдың ауыр аурулары (мысалы, жүректің ишемиялық ауруы) және гипертония кезінде;

- феохромоцитома кезінде;

- зат алмасу бұзылғанда (мысалы, гипертиреоз, қант диабеті);

- простата гиперплазиясында;

- порфирия кезінде;

- моноаминоксидаза тежегіштерімен (MAO тежегіштері) және қан қысымын ықтимал арттыратын басқа да дәрілік препараттармен ем алатын пациенттерге.

Оксивин-DF® ұзақ қолдану және артық дозалануын болдырмаған жөн. Назальды қолдануға арналған тамырды тарылтатын препараттың әсері (тахифилаксия) ұзақ қолданғанда және артық дозаланғанда төмендеуі мүмкін. Осы препараттарды көп пайдалану нәтижесінде төмендегілер туындауы мүмкін:

- мұрынның шырышты қабығының реактивті гиперемиясы (рикошет феномені)

- мұрынның шырышты қабығының созылмалы ісінуі (дәрі-дәрмектік ринит)

- мұрынның шырышты қабығының атрофиясы

Оксивин-DF мұрынға тамызатын дәрінің құрамындағы консервант (бензалконий хлориді) мұрынның шырышты қабығының ісінуін туындатуы мүмкін, әсіресе ұзақ уақыт қолданғанда. Егер мұндай реакцияға күдік болса (мұрынның үнемі бітеліп қалуы), мүмкіндігінше мұрынға қолдануға арналған консервантсыз препаратты қолдану керек. Егер назальды қолдануға арналған мұндай препараттардың құрамында консервант жоқ препарат болмаса, енгізудің басқа түрін қараған жөн.

Препарат жергілікті жансыздандыратын дәрілердің сіңуін баяулатады және олардың әсерін ұзартады.

Оксивин-DF® қантамырларын тарылтатын басқа да дәрілермен (енгізу тәсіліне байланысты емес) қолданған кезде жағымсыз әсерлер өзара күшеюі мүмкін.

Моноаминооксидаза тежегіштерін (оларды тоқтатқаннан кейін 14 күндік кезеңді қоса), гипертензиялық дәрілерді және трициклді антидепрессантарды бір мезгілде тағайындау артериялық қысымның жоғарылауына әкелуі мүмкін.

Арнайы сақтандырулар

Жүктілік және лактация кезеңі

Қолдану тәжірибесінің жеткіліксіздігіне байланысты ұсынылмайды.

Препаратты жүктілік және лактация кезеңінде анасы үшін күтілген пайдасы бала мен шарана үшін потенциалды қаупінен жоғары болған жағдайда қолдануға болады.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Оксивин-DF® ұсынылған дозаларда көлік құралдарын басқару немесе механизмдермен жұмыс жасау қабілетіне әсер етпейді.

Дозалану режимі

0,01 % мұрынға тамызатын тамшысы:

- жаңа туған балаларға өмірінің алғашқы 4 аптасында – 1 тамшыдан әрбір мұрын жолына тәулігіне 2-3 рет

- балаларға өмірінің 5-ші аптасынан бастап 1 жасқа дейін – 1-2 тамшыдан әрбір мұрын жолына тәулігіне 2-3 рет.

Мынадай емшара жүргізуге болады: жасына байланысты 0,01% ерітіндінің 1-2 тамшысын мақтаға тамызып, мұрын жолдарын сүртеді.

Енгізу әдісі мен жолы

Интраназальді.

Қалпақшасын бұрап алып, құтының корпусын сәл басады.

Тамызған кезде тамшылатқыш құтының ұшы басқа заттарға немесе беткейлерге тиіп тұрмауын қадағалау қажет. Тамызғаннан кейін тамшылатқыш құтыны қалпақшасымен тығыз жауып қою керек!

Емдеу курсы 5-7 күннен аспайды.

Назальды қолдануға арналған тамырды тарылтатын препараттың әсері (тахифилаксия) ұзақ қолданғанда және артық дозаланғанда төмендеуі мүмкін. Бұл дозаны жоғарылатуға немесе жиірек қолдануға әкелуі мүмкін, бұл өз кезегінде созылмалы қолдануға әкелуі мүмкін. Ұзақ қолдану немесе артық дозалану жағдайында емдеуді дереу тоқтату керек.

Артық дозалану назальды немесе кездейсоқ пероральді қолданғанда туындауы мүмкін. Имидазол туындыларынан уыттанғаннан кейінгі клиникалық көрініс диффузиялы болуы мүмкін, себебі гиперреактивті фазалар орталық жүйке жүйесінің, жүрек-қантамыр және өкпе жүйесінің функциясының тежелу фазаларымен кезектесуі мүмкін.

Орталық жүйке жүйесінің стимуляциясы мазасызданумен, қозумен, елестеулермен, құрысулармен көрінеді.

Орталық жүйке жүйесінің тежелуі дене температурасының төмендеуімен, әлсіздікпен, ұйқышылдықпен және комамен көрінеді.

Бұдан әрі байқалатын симптомдар миозды, мидриазды, қызбаны, тершеңдікті, бозаруды, цианозды, жүрек соғуын, тахикардияны, брадикардияны, жүрек аритмиясын, жүректің тоқтауын, гипертонияны, шок гипотензиясын, жүрек айну мен құсуды, тыныс алудың тежелуін және апноэны, психогенді бұзылуларды қамтуы мүмкін.

Әсіресе балаларда артық дозалану көбінесе құрысулар мен кома, брадикардия, апноэ және гипертония немесе гипотония сияқты орталық жүйке жүйесінің басым әсерлерін жиі туындатады.

Емі. Қатты артық дозаланғанда стационарлық қарқынды терапия жүргізіледі. Белсендірілген көмірді, натрий сульфатын немесе асқазанды шаюды (көп рет) дереу қолдану қажет, өйткені оксиметазолиннің сіңуі тез болуы мүмкін. Вазопрессорларды қолдануға болмайды. Антидот ретінде селективті емес ɑ-блокатор қолданылуы мүмкін. Қажет болған жағдайда - температураны төмендету, құрысуға қарсы терапия жүргізу және оттегі вентиляциясы.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препараттың қолдану тәсілін түсіндіру үшін медицина қызметкеріне кеңес алу үшін жүгіну ұсынылды

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Оксивин-DF әдетте жақсы көтерімді, ал егер жағымсыз реакциялар пайда болса, олар әдетте орташа және өтпелі сипатта болады. Ең жиі айтылатын жағымсыз әсері мұрын шырышты қабығының жергілікті құрғауын сезіну болып табылады. Кейде аталған жергілікті әсерлер шаншуды және ашытуды сезіну болып табылады.

Бензалконий хлориді жергілікті тері реакцияларын тудыруы мүмкін.

Жиі

- мұрынның шырышты қабығының ашытуы және құрғауы, түшкіру

Сирек

- жүрек соғуы, тахикардия, гипертония

Өте сирек

- ұйқышылдық, седативті әсер, бас ауыру, құрысулар (әсіресе балаларда)

- үрей, ұйқысыздық, елестеулер (көбінесе балаларда)

- аритмия

- нәрестелер мен сәбилердің апноэсі

- шаршағыштық

Тек сирек/ Жекеленген жағдайларда және т. б.

- әсер ету аяқталғаннан кейін шырышты қабық ісінуінің көбеюі, мұрыннан қан кетуі

- жоғары сезімталдық реакциялары (ангионевроздық ісіну, бөртпе, қышыну)

Белгісіз:

- тахифилаксия (ұзақ қолданғанда немесе артық дозаланғанда)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер