Назол

Назол® Адванс

Оксиметазолин

Мұрынға арналған спрей

Респираторлық жүйе. Мұрынға арналған препараттар. Жергілікті қолдануға арналған деконгестанттар және мұрынға арналған басқа препараттар. Симпатомиметиктер, қарапайымдар. Оксиметазолин.

АТХ коды R01АА05

ДП ересектерге, 6 жастан асқан балаларға қолдануға көрсетілген

Суық тию және пішен қызбасы салдарынан мұрынның бітеліп қалғандығын жеңілдету үшін.

- ринит құбылыстарымен (тұмау) байқалатын жедел респираторлық аурулар

- аллергиялық ринит

- вазомоторлық ринит

- мұрынның қосалқы қуыстары қабынған кезде (синусит) секреция дренажын жақсарту

- ринитпен астасқан евстахиит

- мұрын қуысының шырышты қабығының ісінуін диагностикалық емшаралардың алдында жою.

- оксиметазолинге, басқа адренергиялық дәрілерге немесе қосымша заттардың кез келгеніне аса жоғары сезімталдық

- МАО тежегіштерін қабылдап жүрген пациенттерге немесе олардың осының алдындағы 2 аптада қабылдаған пациенттерге

- жабықбұрышты глаукомасы бар пациенттерге

- транссфеноидальді гипофизэктомиядан кейінгі пациенттерге

- терінің немесе мұрынның кіреберіс шырышты қабығының қабынуы және қабыршық түзілуі (құрғақ ринит) жағдайында

- ауыр дәрежедегі артериялық гипертензия, айқын атеросклероз, жүрек ырғағының бұзылулары

- қант диабеті, гипертиреоз

- бүйректің шығару функциясының бұзылуымен жүретін аурулары, қуықасты безінің гипертрофиясы салдарынан несеп шығарудың қиындауы

- 6 жасқа дейінгі балаларға

Трициклдық антидепрессанттарды немесе МАО тежегіштерін және қан қысымын жоғарылататын препараттарды бір мезгілде немесе тура оксиметазолинді қолданар алдында қабылдау артериялық қысымның жоғарылауына алып келуі мүмкін.

Инфекцияның таралуын болдырмау мақсатында, құтыны әр адамның жеке пайдалануы ұсынылады.

Құрамында оксиметазолин бар мұрынға арналған спрейлерді жүрек-қантамыр аурулары, артериялық гипертензиясы, гипертиреозы, қант диабеті немесе қуықасты безінің гиперплазиясы салдарынан несеп шығаруда қиындықтары бар пациенттерге сақтықпен қолдану керек. Ол пациенттерге қолданар алдында дәрігермен кеңесу керек.

Ұзақ уақыт қолдану мұрын бітелуінің қайталануына алып келуі мүмкін.

Егер дәрігер басқаша тағайындамаса, емдеу ұзақтығы 7 күннен аспауы тиіс.

Осы препаратты көп пайдалану нәтижесінде төмендегілер туындауы мүмкін:

- мұрынның шырышты қабығының созылмалы ісінуі (дәрі-дәрмектік ринит)

- мұрын шырышты қабығының реактивті гиперемиясы («рикошет әсері»)

- мұрынның шырышты қабығының атрофиясы

Назол Адванс құрамындағы сусыз бензалконий хлориді, пропиленгликоль сияқты қосымша заттар мұрын шырышты қабығының тітіркенуін туындатуы мүмкін, әсіресе ұзақ қолданғанда.

Жүктілік және лактация

Оксиметазолин жүктіліктің қолайсыз аяқталуымен байланыстырылмаған.

Ұсынылған дозасын арттыруға жол берілмейді. Препаратты тек дәрігермен кеңескеннен кейін ғана қолдануға болады.

Артериялық гипертензиясы немесе плацентарлық қан ағымының төмендеуі белгілері бар пациенттерге сақтықпен қолдану керек. Жоғары дозаларын жиі немесе ұзақ уақыт қолдану плацентарлық қан ағымын төмендетуі мүмкін.

Оксиметазолиннің емшек сүтімен бөлініп шығуына қатысты деректер жоқ, сондықтан, бала емізу кезінде мұрынға арналған спрейді қолданбаған дұрыс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Дозалау режимі

Ересектер мен 10 жастан асқан балаларға әр мұрын жолына 2 бүркуден. 6 жастан 10 жасқа дейінгі балаларға (ересектердің қадағалауымен) 1 бүркуден.

Бүркуді кемінде 12 сағаттан соң қайталау керек.

Пайдаланар алдында құтыны жақсылап сілкіңіз.

Әр мұрын жолына кезек бүркіңіз, бүріккен кезде басыңызды кері шалқайтпаңыз. Құтыны тігінен ұстаңыз.

Емдеу ұзақтығы 7 күннен аспауы тиіс. Емдеу ұзақтығы арттырылған жағдайда дәрігерге қаралу қажет.

Ұсынылған дозасын арттыру мұрын жолының ауыруын немесе ашуын, түшкіруді немесе мұрын бөліністерінің артуын туғызуы мүмкін. Шамадан тыс дозалары кезінде, әсіресе ұзақ уақыт қолданғанда, қарашықтардың ұлғаюы, жүрек айнуы, цианоз, қызба, түйілулер, тахикардия (жүректің жиырылу жиілігінің артуы), аритмия, жүректің тоқтап қалуы, артериялық қысымның жоғарылауы, өкпенің ісінуі, ентігу, психикалық бұзылулар байқалуы мүмкін. Сонымен қатар, ұйқышылдық, дене температурсының төмендеуі, брадикардия (жүректің жиырылу жиілігінің сиреуі), шоктәрізді гипотензия, тыныстың тоқтап қалуы және естен тану сияқты жүйке жүйесі функциясының бәсеңдеуі болуы мүмкін.

Балаларда қолданылуы

Клиникалық көрінісіне орталық жүйке жүйесі тарапынан болатын белгілер мен симптомдар кіреді: конвульсиялар және кома, елестеулер, брадикардия, тыныстың тоқтап қалуы, гипертензия мен гипотензияның алмасуы.

Емі: симптоматикалық.

Дәрілік препаратты қолдану тәсілін түсіну үшін медицина қызметкерінен кеңес алуға жүгіну бойынша ұсынымдар

Осы препаратты қолдануға қатысты қандай да бір сұрақтар туындаған жағдайда өзіңіздің емдеуші дәрігеріңізбен хабарласыңыз.

Жиі

- мұрын шырашты қабығының ашытып шымылдауы және құрғауы, түшкіру

Сирек

- жүрек қағуы, тахикардия, артериялық гипертензия

Өте сирек

- үрей, ұйқысыздық, шаршау (ұйқышылдық, седация), бас ауыруы, елестеулер (көбінесе балаларда)

- аритмия

- құрысулар (әсіресе балаларда)

Аса сирек/ Жекелеген жағдайларда және т.б.

- әсері біткеннен кейін шырышты қабық ісінуінің ұлғаюы, мұрыннан қан кету

- аса жоғары сезімталдық реакциялары (ангионевроздық ісіну, бөртпе, қышыну)

- тахифилаксия (ұзақ қолданған немесе артық дозаланған кезде)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 мл препараттың құрамында

белсенді заттар - оксиметазолин гидрохлориді 0,5 мг;

қосымша заттар: ментол (левоментол), рацемиялық камфора (камфора), эвкалиптол (цинеол), сусыз бензалконий хлориді, полисорбат 80, пропиленгликоль, динатрий фосфаты дигидраты, натрий дигидрофосфат дигидраты, динатрий эдетаты дигидраты, концентрацияланған хлорсутек қышқылы, тазартылған су.

Ментолдың, эвкалиптің және камфораның әлсіз иісі бар мөлдір, түссіз ерітінді.

10 мл-ден полипропиленнен жасалған ақ түсті бұрандалы қақпағы бар тығыздығы жоғары полиэтиленнен жасалған құтыларда. Бүріккіш құрылғы құтының жоғарғы конус тәрізді бөлігіне құрастырылған.

Құтыға өздігінен желімделетін қағаздан жасалған заттаңбаны жапсырады.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынған.

3 жыл.

Жарамдылық мерзімі өткеннен кейін қолдануға болмайды.

30 С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

Иституто Де Анжели С.р.л.,

50066 Реггелло (Флоренция), Лок. Прулли 103/c, Италия.

Байер Консьюмер Кэр АГ,

СН-4052 Базель, Петер Мериан штрассе, 84, Швейцария

тел. +41 58 272 7542

факс: +41 58 272 7173

e-mail: www.basel.bayer.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Байер КАЗ» ЖШС

Тимирязев к-сі, 42, «Экспо-Сити» бизнес орталығы, 15 пав.

050057 Алматы, Қазақстан Республикасы

Тел. +7 701 715 78 46

Факс: +7 727 244 70 01

e-mail: www.bayer.ru