Корнерегель

Көзге арналған 5% гель, 5 г, 10 г

Сезім мүшелері. Офтальмологиялық препараттар. Офтальмологиялық басқа препараттар. Декспантенол.

ATХ коды SO1XA12

- мөлдір қабықтың эрозиясы

- көздің күюі (қосымша ем)

- әр түрлі этиологиядағы кератиттер

- мөлдір қабықтың дистрофиялық аурулары

- жанаспалы линзаларды тағып жүргенде мөлдір қабық зақымдануының профилактикасы

Қолдануды бастағанға дейін қажетті мәліметтер тізбесі

- препараттың компоненттерінің кез келгеніне аса жоғары сезімталдық

Осы уақытқа дейін дәрілермен өзара әрекеттесуі анықталмаған. Корнерегель және басқа да көзге тамызатын дәрі/көзге арналған жақпамайды бір мезгілде пайдаланған жағдайда оларды қолдану аралықтарында кемінде 15 минуттық үзіліс қажет, бұл орайда Корнерегель әрқашан соңында қолданылуы керек.

Артық дозалану жағдайында қабылдануы қажет шаралар

Артық дозалану жағдайлары туралы хабарланған жоқ.

Корнерегель құрамында консервант цетримид бар, ол әсіресе жиі немесе ұзақ пайдаланғанда көз шырышты қабығының тітіркенуін (ашуын, қызаруын, бөгде денені сезінуін) туғызады және мөлдір қабықтың эпителийін зақымдауы мүмкін. Созылмалы құрғақ керато-конъюктивитті ұзақ емдеу үшін препаратты консерванттарды қоспай пайдалану керек. Препараттың линза материалымен үйлеспеу ықтималдығы салдарынан Корнерегель препаратын жанаспалы линза таққан кезде пайдаланбаған жөн.

Гельді тамызудың алдында жанаспалы линзаларды шешу керек және 15 минут өтпей, ерте тағуға болмайды.

Дозатор ұштығы мен гельдің ластануын болғызбау үшін оның қабақпен, көздің айналасындағы терімен және басқа да беткейлермен жанасуын болдырмаған жөн.

Балаларда қолдану

Препаратты 18 жасқа дейінгі балаларға қолданудың жеткілікті тәжірибесі жоқ, осыған байланысты 18 жасқа дейінгі балаларға қолдану ұсынылмайды.

Жүктілік

Корнерегель гелін дәрігердің пікірінше, күтілетін пайдасы төнетін қауіптен асатын жағдайда болмаса, жүктілік кезеңінде қолданбау керек.

Лактация

Корнерегель гелін дәрігердің пікірінше, күтілетін пайдасы төнетін қауіптен асатын жағдайда болмаса, лактация кезеңінде қолданбау керек.

Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлері мен олардың реакция жылдамдығына ықпалын ескере отырып, көрудің қалыпқа келуіне дейін көлік құралдарын жүргізуден және қауіптілігі зор механизмдерді басқарудан тартына тұрған дұрыс.

Қолдану бойынша ұсынымдар

Дозалау режимі

Конъюнктивалық қалтаға 1 тамшыдан күніне 4 рет және ұйықтар алдында қосымша тамызады

Енгізу әдісі мен жолы

Конъюнктивалық қалтаға тамызу үшін.

Қолдану жиілігі

Күніне 4 рет.

Емдеу ұзақтығын емдеуші дәрігер анықтайды.

Дәрілік препараттың қолдану тәсілін түсіндіру үшін медициналық қызметкерден кеңес алу ұсынылады.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Өте сирек

- аса жоғары сезімталдық реакциялары (мысалы, қышыну, бөртпе)

- аллергиялық реакциялар: терінің қышуы, уртикарлық бөртпе

Белгісіз

Көздің шырышты қабығының тітіркенуі:

- қызару

- көрудің тұмандануы

- ауыру

- бөгде денені сезіну

- көзден жас ағудың күшеюі, қышыну, күйдіріп ашыту

- конъюнктивалық ісіну

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір грамм гельдің құрамында:

белсенді зат - декспантенол 50,0 мг

қосымша заттар: цетримид, ЭДТА-ның динатрий тұзы, карбомер, натрий гидроксиді, инъекцияға арналған су.

Түссіз мөлдір гель

5 г, 10 г гельден негізі тығыздығы жоғары полиэтилен болатын көп қабатты материалдан жасалған сықпаға салынады.

1 сықпа медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

2 жыл.

Ашқаннан кейінгі сақтау мерзімі 6 аптадан аспайды.

Жарамдылық мерзімі өткеннен кейін қолдануға болмайды!

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Др. Герхард Манн Химиялық-фармацевтикалық кәсіпорны ГмбХ,

Брунсбуттелер Дамм 165/173,

13581 Берлин, Германия

Тел.: +49 (0) 30-33093-0, факс: +49 (0) 30-33093-201

Электронды пошта: dmp@bausch.com

«Бауш Хелс» ЖШҚ

Шаболовка к-сі, 31-үй, 5-құр., 115162, Мәскеу қ., Ресей

Тел. / факс: +7 495 510 2879

Электронды пошта: office.kz@bausch.com

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Бауш Хелс» ЖШС

Қазақстан Республикасы, Алматы қ., A26T9G0, Медеу ауданы, Қажымұқан к-сі, 22/5

Телефоны + 7 727 3 111 516, факс +7 727 3 111 517

Электронды пошта:office.kz@bausch.com