Пантенол аэрозоль д/наруж. прим. по 116 г (контейнер)

Пантенол

Декспантенол

Сыртқа қолдануға арналған аэрозоль, 58 г немесе 116 г

Дерматология. Жарақаттар мен ойық жараларды емдеуге арналған препараттар. Жарақаттарды жазатын препараттар. Жарақаттарды жазатын басқа препараттар. Декспантенол.

АТХ коды D03A X03

Дәрілік препарат ересектер мен балаларда терінің әртүрлі зақымдануы кезінде, оның ішінде:

-сыдырылған жараларда, тері сызаттарында

-операциядан кейінгі асептикалық жарақаттарда

-нашар бітісетін тері трансплантаттарында

-трофикалық ойық жараларда

-күн және термиялық күюлерде

-сулы бөртпелі дерматоздарда (тұрпайы сулы бөртпе, жапырақ тәрізді сулы бөртпе, Дюринг дерматиті, Левер пемфигоиды)

-ойық жаралар мен эрозиямен қатар жүретін дерматоздарда

-ультракүлгін сәулеленуден туындаған еріннің қарапайым герпесінде (herpes labialis solaris)

-жауыржараларда

-сәулеленуден кейінгі терінің сәулелік асқынуларының профилактикасында қолданылады

Жаралар мен күюлерді емдеуде препаратты регенерация (жарақат процесінің екінші фазасы) сатысында қолданады.

Қолдануды бастағанға дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- көзге қолдануға болмайды

Қолдану кезіндегі қажетті сақтық шаралары

Препаратты алғаш қолданған кезде контейнерді мұқият сілку керек, көбік пайда болғанға дейін бірінші порциясын шығару керек, содан кейін ғана препаратты зақымданған беткейге жағу қажет.

Көбіктің көзге түсіп кетуінен аулақ болған жөн. Егер көбік көзге кездейсоқ түссе, көзді сумен жуып-шаю керек.

Препаратты жарақаттарға, күюлерге, трофикалық және мол іріңді экссудациясы бар сәулелік ойық жараларға қолдануға болмайды, себебі ол регенерация фазасында қолдануға және сәулелік асқынулардың профилактикасына арналған. Аэрозоль контейнерінде қысым бар! Сондықтан құлаудың, соққылардың, тікелей күн сәулесі әсерінің және 45 °С-ден асатын қызып кетудің алдын алу керек. Препаратты қолданғаннан кейін контейнерді күш жұмсап ашуға және өртеуге болмайды. Препаратты ашық оттың жанында немесе қызған заттарға бүркуге болмайды.

Демікпемен немесе бронх-өкпе ауруларымен (бронх және/немесе өкпе аурулары) ауыратын адамдарға дәрілік препаратты сақтықпен қолдану керек.

Пантенолды бүрку кезінде пропеллентті деммен ішке тартпаңыз, өйткені ол шырышты қабықты тітіркендіруі немесе тіпті бронх түйілуді туындатуы мүмкін.

Цетостеарил спирті терінің жергілікті тітіркенуін туындатуы мүмкін (мысалы, жанаспалы дерматит).

Балаларда қолдану

Пантенолды қолдануға жас шектеулері жоқ.

Балаларға алдын ала дәрігермен кеңескеннен кейін сақтықпен қолдану керек.

Өзара әрекеттесу зерттеулері жүргізілген жоқ.

Арнайы сақтандырулар

Педиатрияда қолдану

Пантенолды қолдануға жас шектеулері жоқ.

Балаларға алдын ала дәрігермен кеңескеннен кейін сақтықпен қолдану керек.

Жүктілік немесе лактация кезінде

Препаратты жүктілік кезінде және лактация кезінде көрсетілімдер бойынша қолдануға болады.

Декспантенолдың қанша мөлшері тері арқылы қанға сіңетіні белгісіз болғандықтан, оны үлкен аймаққа қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автокөлікті немесе қауіптілігі зор механизмдерді басқару кезінде реакция жылдамдығына әсер етпейді.

Қолдану жөніндегі ұсынымдар

Дозалау режимі

Жергілікті. Күнге күю және дерматологиялық аурулар кезінде препарат теріге сіңгенге дейін көбікті зақымданған беткейге жеңіл іс-қимыл арқылы жағады. Препаратты күніне 3-4 рет қолданады. Емдеу курсының ұзақтығы аурудың түрі мен ағымына байланысты.

Түйіршікті күюлерді, жарақаттарды және экссудациясы әлсіз трофикалық ойық жараларды емдеу кезінде препаратты қолданар алдында жарақат беткейін экссудаттан және некроздалған тіндерден тазартады, 3% сутегі асқын тотығының, фурацилиннің 1:5000 немесе 0,05% хлоргексидин биглюконатының ерітіндісімен жуып-шаяды және құрғатады. Көбікті қалыңдығы 1,0-1,5 см біркелкі қабатпен қолданады, осылайша бүкіл зақымданған беткейі көбікпен жабылады және стерильді дәке таңғышты таңады. Таңғыштарды ауыстыруды күюлерді емдеу кезінде 1-2 тәулікте 1 рет және жарақаттар мен трофикалық ойық жараларды емдеу кезінде тәулігіне 1 рет жүргізеді. Күюлерді емдеудің ашық әдісімен көбік күніне 1-2 рет қолданылады. Емдеу ұзақтығы жарақаттар эпителизациясының динамикасымен анықталады.

Сәулеленуге ұшыраған науқастардағы сәулелік асқынулардың профилактикасы үшін препаратты сәулеленген беткейге және оның айналасындағы теріге сәулелендіру курсы бойына сәулеленуден кейін күніне 3-4 рет, сондай-ақ ол аяқталғаннан кейін 10-14 күн бойы жағады.

Енгізу әдісі мен жолы

Пантенол аэрозолін зақымданған аймаққа күніне бір немесе бірнеше рет қолданады. Қолданар алдында аэрозоль контейнерін бірнеше рет қатты сілкиді және сақтандыру қалпақшасын алып тастайды. Қондырманы зақымданған аймаққа жақындатады және 1-2 секунд бойы 10-20 см қашықтықтан препаратты біркелкі бүрки отырып, қондырмаға ақырындап басады. Бүрку кезінде контейнерді қондырма жоғарғы жағында болатындай етіп, тік ұстау керек.

ДП-ты бірінші рет қолданған кезде, әдеттегі көбік пайда болғанға дейін қысқа уақыт ішінде тек пропеллент шашыратылуы мүмкін.

Күнге күю және дерматологиялық аурулар кезінде препарат теріге сіңгенге дейін көбікті зақымданған беткейге жеңіл іс-қимыл арқылы жағады. Емдеу курсының ұзақтығы аурудың түрі мен ағымына байланысты.

Бетіңізге жағу кезінде ДП тікелей бүркуге болмайды. Көбікті қолыңызбен беттің тиісті аймағына жағу ұсынылады.

Қабылдау уақыты көрсетілген қолдану жиілігі

Препаратты күніне 3-4 рет қолданады.

Емдеу ұзақтығы патологияның түріне байланысты және 2-3 күннен 3-4 аптаға дейін құрауы мүмкін.

Артық дозалану жағдайында қабылдануы қажет шаралар

Препараттың артық дозалану жағдайлары сипатталмаған. Препарат тек сыртқы қолдануға арналғандықтан, артық дозалану симптомдарының дамуы екіталай.

Ішке көп мөлшерде қолданған жағдайда уытты әсерлер күтілмейді.

Дәрілік препараттың бір немесе бірнеше дозасын өткізіп алған кезде қажетті шаралар

Емдеу режимін бұзу емдеудің сәттілігіне қауіп төндіруі мүмкін.

Тоқтату симптомдары қаупінің болуын көрсету

Осы ДП қолдану кезінде тоқтату симптомдары жоққа шығарылады.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар

Егер сізде осы препаратты қолдану туралы қосымша сұрақтарыңыз болса, өз емдеуші дәрігеріңізден немесе фармацевттен сұраңыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Өте сирек (< 1/10000)

Иммундық жүйенің тарапынан: аллергиялық реакциялар, жанаспалы дерматитті қоса.

Барлық дәрілік препараттар сияқты, бұл ДП де жағымсыз реакциялар туындатуы мүмкін, бірақ олар барлық адамда пайда бола бермейді.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу қажет

Дәрілік препараттың «пайда-қауіп» арақатынасының үздіксіз мониторингін қамтамасыз ету мақсатында дәрілік препарат тіркелгеннен кейін күмәнді жағымсыз реакциялар туралы хабарлау маңызды. Медицина қызметкерлеріне жағымсыз реакциялары туралы ұлттық хабарлау жүйелері арқылы кез келген күмәнді жағымсыз реакциялары туралы хабарлау ұсынылады

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

100 г препараттың құрамында

белсенді зат - декспантенол 4,310 г

қосымша заттар: эмульгациялайтын цетостеарил спирті (А типті), метилпарагидроксибензоат, макроголглицерол кокоаты, пропиленгликоль, калий дигидрофосфаты, динатрий фосфаты додекагидраты, тазартылған су, хладон 134а.

Препарат контейнерден шыққан кезде әлсіз спецификалық иісі бар ақ көбік түзеді.

58 г немесе 116 г үздіксіз әрекет ететін аэрозольді клапандармен, бүріккіштермен және қорғаныш қалпақшалармен аэрозольді алюминий контейнерлерде.

Контейнерге трафареттік немесе құрғақ офсеттік басып шығару әдісімен заттаңбаның мәтінін жазады немесе жабысқақ жабыны бар заттаңбаны жапсырады.

Бүріккіші, қорғаныш қалпақшасы және медициналық қолдану жөніндегі қазақ және орыс тілдеріндегі нұсқаулығы бар әрбір контейнерді тұтыну ыдысына арналған картон қорапшаға немесе хром-эрзац типті картонға салады.

3 жыл.

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

«Микрофарм» ЖШС.

Украина, 61013, Харьков қ-сы, Шевченко к-сі, 20.

Тел./факс: +38(057) 714-20-80,

e-mail: info@microfarm.com.ua

«Микрофарм» ЖШС.

Украина, 61013, Харьков қ-сы, Шевченко к-сі, 20.

Тел./факс: +38(057) 714-20-80,

e-mail: info@microfarm.com.ua

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Тұтынушылардың шағымдарын мына мекенжайға жолдау қажет:

ЖК Алимбаева Жанна Нуртаевна,

Қазақстан Республикасы, 050040, Алматы қ.,

Көктем-3 ш/а, 12 үй, 50 пәтер.

Тел.: +7 701 645 9012,

e-mail: info@microfarm.com.ua