Декарис таблетки по 150 мг №1 (блистер)

Декарис

Халықаралық патенттелмеген атауы

Левамизол

Таблеткалар, 150 мг

Паразитке қарсы препараттар, инсектицидтер және репелленттер. Гельминтке қарсы дәрілік заттар. Нематодозды емдеуге арналған препараттар. Имидазотиазол туындылары. Левамизол.

АТХ коды Р02СЕ01

Декарис асқазан-ішек гельминттерінің келесі түрлерінен туындаған инфекцияларды емдеуге арналған: Ascaris lumbricoides, Necator americanus және Ancylostoma duodenale.

Қолданудың басталуына дейін қажетті мәліметтер тізбесі

- препараттың әсер етуші затына немесе кез келген қосымша затына жоғары сезімталдық

- 18 жасқа дейінгі балаларға (осы дәрілік түрінде левамизол мөлшерінің жоғарылығына байланысты)

- жүктілік және лактация кезеңі

- лактозаны тұқым қуалайтын көтере алмаушылық, лактаза тапшылығы, фруктозаны көтере алмаушылық, глюкоза-галактоза мальабсорбциясы немесе сахараза-изомальтаза тапшылығы.

Іш жүргізетін дәрілерді қабылдау және арнайы диета ұстану қажет емес.

Препаратты қабылдау кезінде және қабылдағаннан кейін, кемінде 24 сағат бойы спирттік ішімдіктерді қолданбау ұсынылады.

Алкоголь

Декарис препаратын спирттік ішімдіктермен бір мезгілде қабылдағанда дисульфирамтәрізді құбылыстар байқалады. Препаратты спирттік ішімдіктермен бір мезгілде қолданбаған жөн.

Антикоагулянттар

Левамизол кумаринтәрізді антикоагулянттардың әсерін күшейтуі мүмкін. Антикоагулянттардың әсерін мұқият қадағалауда ұстау қажет.

Басқа да гельминтке қарсы препараттар

Альбендазол сульфоксидінің «концентрация-уақыт» (AUC) қисығының астындағы ауданы Декарис пен альбендазолды бір мезгілде қабылдаған кезде айтарлықтай азаяды.

Декарис пен альбендазолды бір мезгілде қабылдаудың қауіпсіздігі мен тиімділігі анықталған жоқ.

Декарис препаратты мен ивермектинді бір мезгілде қолданғанда, ивермектиннің AUC едәуір артады. Декарис пен ивермектинді бір мезгілде қабылдаудың қауіпсіздігі мен тиімділігі анықталған жоқ.

Фенитоин

Левамизол қан плазмасындағы фенитоин деңгейін арттыруы мүмкін, сондықтан олар бір мезгілде қолданылғанда қандағы фенитоин деңгейін бақылау қажет.

Айрықша нұсқаулар

Гематологиялық бұзылулар

Левамизолды қайта қолдану аллергиялық реакцияларды, соның ішінде лейкопения сияқты гематологиялық бұзылуларды тудыруы мүмкін екендігі туралы кейбір деректер бар. Осы себепті, ұсынылған дозасын арттырмау керек. Декарис препараты мен қан кетуге теріс әсер етуі мүмкін препараттарды бір мезгілде қабылдау сақтықты талап етеді.

Тағайындауға қарсы қолдану

Левамизолдың жоғары дозаларын қолданумен, сондай-ақ ұзақ уақыт кезеңі ішінде қолданумен байланысты лейкопения, нейтропения/агранулоцитоз жағдайлары туралы хабарламалар бар. Сондай-ақ, левамизолды дұрыс қолданбаған кезде некрозды васкулит жағдайы байқалды.

Алкоголь

Препаратты қабылдау кезінде және қабылдағаннан кейін, кемінде 24 сағат бойы спирттік ішімдіктерді қолданбау ұсынылады.

Қосымша заттар

Декарис, 150 мг таблеткаларының құрамында лактоза моногидраты мен сахароза бар.

Сирек тұқым қуалайтын галактозаны, лактозаны, фруктозаны көтере алмаушылығы, глюкоза-галактоза мальабсорбциясы немесе сахараза-изомальтаза жеткіліксіздігі бар пациенттер осы препаратты қабылдамауы керек.

Жүктілік және лактация кезеңі

Левамизол жануарларда тератогендік әсерлердің дамуына әкелмеді, алайда, егер жүкті әйел левамизолды улы дозада қабылдаса левамизол ұрыққа уытты әсер тигізеді. Жүкті әйелдерде левамизолды қолдануға тиісті түрде жоспарланған бақыланатын зерттеулер жүргізілмеген, сондықтан Декарис препаратын жүктілік кезінде тек ана үшін ықтимал пайдасы ұрық қаупінен асып кеткен жағдайларда ғана қабылдауға болады.

Левамизолдың ана сүтімен бөлінуі туралы деректер жоқ. Алайда, левамизолдың сиырларда сүтпен бөлінетіні белгілі.

Жаңа туған нәрестелерде жағымсыз реакциялар болуы мүмкіндігіне байланысты, анасы үшін препаратты қолданудың қаншалықты қажет екендігіне қарай, бала емізуді тоқтату немесе препаратты қабылдауды тоқтату туралы шешім қабылдау қажет.

Жануарларға жүргізілген зерттеулер ұрпақ өрбіту функциясына қандай да бір әсерін анықтаған жоқ .

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Левамизолдың көлік құралдарын немесе механизмдерді басқару қабілетіне әсер етеді деп айтуға негіз жоқ. Дегенмен, препараттың өте сирек жағымсыз әсерлерінің бірі энцефалопатия болып табылады.

Дозалау режимі

Ересектер: бір реттік дозасы 150 мг (1 таблетка).

Балалар: Декарис, 150 мг таблеткалар, осы дәрілік түрінде левамизол мөлшерінің жоғарылығына байланысты 18 жасқа дейінгі балалар мен жасөспірімдерді емдеу үшін қолданылмауы тиіс.

Енгізу әдісі мен жолы

Ішке қабылдау үшін.

Қабылдау уақыты көрсетілген қолдану жиілігі

Препаратты кешке, тамақтанудан кейін аздаған су мөлшерімен іше отырып, бір рет қабылдаған дұрыс.

Емдеу кезінде іш жүргізетін дәрілерді қабылдау және арнайы диета ұстану қажет емес.

Қажет болған жағдайда 7-14 күндік үзілістен соң емдеуді қайталауға болады.

Симптомдары: клиникалық зерттеулер барысында левамизолдың жоғары дозаларын (600 мг асатын) қабылдағаннан кейін келесі симптомдар байқалған: жүрек айнуы, құсу,  ұйқышылдық, құрысулар, іш өтуі, бас ауруы, бас айналуы, сананың шатасуы.

Ұсынылған дозалары арттырылғанда құрысу, лейкопения, нейтропения/агранулоцитоз жағдайлары білінген.

Емі: демеуші ем және организмнің тіршілік үшін маңызы бар функцияларына мониторинг жүргізу. Антихолинэстеразалық симптомдар туындаған жағдайда, атропинді қолдануды қарастыруға болады.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар

Егер сізде осы препаратты қолдану тәсіліне қатысты күмән туындаса, емдеуші дәрігермен кеңесіңіз.

Жиі

- Іштің ауыруы

Жиі емес

- Бас ауыруы

- Қышыну

Сирек

- Дене температурасының жоғарылауы

Жиілігі белгісіз

- Энцефалопатия, иіс пен дәм татымының бұзылуы

- Іш өтуі, жүрек айнуы, құсу

- Бөртпе

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір 150 мл таблетканың құрамында:

белсенді зат - 177 мг левамизол гидрохлориді (150 мг левамизолға баламалы),

қосымша заттар: магний стеараты, повидон, тальк, сахароза, лактоза моногидраты, жүгері крахмалы.

Диаметрі 9.0 мм жуық, ақ дерлік түсті, беті тегіс, бір жағында ойығы мен «DECARIS •150•» өрнегі бар дөңгелек таблеткалар.

1 таблеткадан поливинилхлорид үлбір мен алюминий фольгадан жасалған пішінді ұяшықты қаптамада.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

5 жыл

Жарамдылық мерзімі өткеннен кейін пайдалануға болмайды.

15 ºС-ден 25 0С-ге дейінгі температурада сақтау керек.

Балалардың қолы жетпейтін жерде сақтау керек!

Рецепт арқылы

Гедеон Рихтер Румыния А.Қ.,

540306, Тыргу-Муреш, Куза Водэ к-сі 99–105, Румыния

«Гедеон Рихтер» ААҚ

Венгрия, Н-1103 Будапешт, Дёмрёи көшесі, 19-21

Teл: +361-431-4000, +361-431-4782, +361-431-4985

Факс: +361-431-5944

E-mail: RA.CISRichter@richter.hu

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Гедеон Рихтер» ААҚ-ның ҚР-дағы өкілдігі, Алматы қ., Төле Би көшесі 187

E-mail: info@richter.kz ; pv@richter.kz (фармакоқадағалау)

Телефон: 8-(7272)-58-26-22, 8-(7272)-58-26-23, 8-701-787-47-01