Корнерегель гель глаз. 5% по 10 г (туба)

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Корнерегель

Халықаралық патенттелмеген атауы

Декспантенол

Дәрілік түрі, дозасы

Көзге арналған гель 5%, 5 г, 10 г

Фармакотерапиялық тобы

Офтальмологиялық препараттар. Басқа офтальмологиялық препараттар. Декспантенол.

S01XA12

Қолданылуы

- қабыну сипатындағы емес кератопатияны емдеу, мысалы: мөлдір қабықтың дистрофиясы, қайталанатын эрозиялар, жанаспалы линзаларды киген кезде мөлдір қабықтың зақымдануы сияқты

- жарақат алған кезде мөлдір қабық пен конъюнктиваның жазылу процесін стимуляциялау үшін қосымша ем ретінде

- мөлдір қабықтың шығу тегі бактериялық, вирустық немесе зеңдік инфекциялық зақымдануын емдеу кезіндегі қосымша дәрі

Корнерегель мөлдір қабықтың бактериялық, вирустық немесе зеңдік инфекцияларын бастапқы емдеу үшін көрсетілмеген. Ол мөлдір қабықтың нақты бір ауруларын емдеуде қосымша ем ретінде қолданылады.

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- препарат компоненттерінің кез келгеніне аса жоғары сезімталдық

Басқа дәрілік препараттармен өзара әрекеттесуі

Осы уақытқа дейін дәрілермен өзара әрекеттесуі анықталмаған. Корнерегельді және басқа көзге тамызатын дәріні/көзге арналған жақпамайды бір мезгілде пайдаланған жағдайда, оларды қолдану аралығында аз дегенде 15 минуттық үзіліс қажет, мұндайда Корнерегель әрқашан соңында қолданылуы керек.

Арнайы ескертулер

Корнерегель құрамында цетримид консерванты бар, әсіресе жиі немесе ұзақ пайдаланғанда көз шырышты қабығының тітіркенуін (ашыту, қызару, бөгде денені сезіну) туғызады және мөлдір қабықтың эпителийін зақымдауы мүмкін. Созылмалы құрғақ керато-конъюктивитті ұзақ емдеу үшін препаратты консерванттарды қоспай пайдалану керек. Препараттың линза материалымен үйлеспеу ықтималдығы салдарынан Корнерегель препаратын жанаспалы линзаларды таққан кезде пайдаланбаған жөн.

Гельді тамызар алдында жанаспалы линзаларды шешіп тастау керек және 15 минуттан ерте киюге болмайды.

Дозатор ұштығы мен гельдің ластануын болдырмау үшін қабақпен, көздің айналасындағы терімен және басқа беткейлермен жанасуын болдырмаған жөн.

Педиатрияда қолдану

Препаратты 18 жасқа дейінгі балаларда қолдану тәжірибесі жеткіліксіз, осыған байланысты 18 жасқа дейінгі балаларға қолдану ұсынылмайды.

Жүктілік немесе лактация кезінде

Корнерегельді жүктілік кезеңінде қолданбау керек, егер дәрігердің пікірінше, күтілетін пайдасы потенциалды қауіптен асып түскен жағдайда болмаса.

Корнерегельді лактация кезеңінде қолданбау керек, егер дәрігердің пікірінше, күтілетін пайдасы потенциалды қауіптен асып түскен жағдайда болмаса.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлері мен олардың реакция жылдамдығына ықпалын ескере отырып, көрудің қалыпқа келуіне дейін көлік құралдарын жүргізуден және қауіптілігі зор механизмдерді басқарудан бас тартқан дұрыс.

Қолдану бойынша ұсынымдар

Дозалау режимі

Конъюнктивалық қалтаға 1 тамшыдан күніне 4 рет және ұйықтар алдында қосымша тамызады.

Енгізу әдісі мен жолы

Конъюнктивалық қалтаға тамызуға арналған.

Қабылдау уақыты көрсетілген қолдану жиілігі

Күніне 4 рет.

Емдеу ұзақтығы

Емдеу ұзақтығын емдеуші дәрігер анықтайды

Дәрілік препаратты қолдану тәсілін түсіндіру үшін медицина қызметкеріне кеңес алуүшін жүгінуді ұсынамыз

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Өте жиі

- аса жоғары сезімталдық реакциялары (мысалы, қышыну, бөртпе)

- аллергиялық реакциялар: терінің қышынуы, уртикарлы бөртпе

Жиі емес

Көз шырышты қабығының тітіркенуі:

- қызару

- бұлыңғыр көру

- ауыру

- бөгде денені сезіну

- көз жасының көп ағуы, қышыну, ашыту

- конъюнктивалық ісіну

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір грамм гельдің құрамында:

белсенді зат - декспантенол 50,0 мг

қосымша зат – цетримид, ЭДТА динатрий тұзы, карбомер, натрий гидроксиді, инъекцияға арналған су.

Сыртқы түрінің, иісінің, дәмінің сипаттамасы

Түссіз мөлдір гель.

Шығарылу түрі және қаптамасы

5 г, 10 г гельден негізі тығыздығы жоғары полиэтиленнен жасалған көп қабатты материалдан жасалған сықпаға салынады.

1 сықпа медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау мерзімі

2 жыл.

Ашқаннан кейін сақтау мерзімі - 6 аптадан аспайды.

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде 25 ˚С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

Др. Герхард Манн Химиялық-фармацевтикалық кәсіпорыны ГмбХ,

Брюнсбуттелер Дамм 165/173,

13581 Берлин, Германия

Тел.: +49 (0) 30-33093-0, факс: +49 (0) 30-33093-201

Электронды пошта: dmp@bausch.com

Тіркеу куәлігінің ұстаушысы

«Бауш Хелс» ЖШҚ

Шаболовка көш., 31 үй, 5 құр., 115162, Мәскеу қ., Ресей

Тел./ факс: +7 495 510 2879

Электронды пошта: office.kz@bausch.com

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электрондық пошта)

«Бауш Хелс» ЖШС

Қазақстан Республикасы, Алматы қ., A26T9G0, Медеу ауданы, Қажы Мұқан көш., 22/5

Телефон + 7 727 3 111 516, факс +7 727 3 111 517

Электронды пошта: office.kz@bausch.com