Циклоферон

Дәрілік препаратты медициналық қолдану

жөніндегі нұсқаулық  (Қосымша парақ)

Саудалық атауы

ЦИКЛОФЕРОН

Халықаралық патенттелмеген атауы

Жоқ

Дәрілік түрі, дозасы

Вена ішіне және бұлшықет ішіне енгізуге арналған ерітінді, 125 мг/мл

Фармакотерапиялық тобы

Антинеопластикалық және иммуномодуляциялайтын препараттар. Иммуностимуляторлар. Басқа иммуностимуляторлар.

АТХ коды L03АХ

Қолданылуы

Ересектерде кешенді емдеуде

– герпестік және цитомегаловирустық инфекцияларда

– созылмалы бактериялық және зеңдік инфекциялармен астасқан салдарлы иммун тапшылығы

– хламидия инфекциясы

4 жастан асқан балаларда кешенді емде

– герпестік инфекция

Қолдануды бастағанға дейін қажетті мәліметтер тізбесі

Қолдануға болмайтын жағдайлар

– әсер етуші затқа және қосымша заттардың кез келгеніне аса жоғары сезімталдық

– жүктілік және бала емізу кезеңі

– 4 жасқа дейінгі балалар

– декомпенсация сатысындағы бауыр циррозы

Қолдану кезіндегі қажетті сақтандыру шаралары

ЦИКЛОФЕРОН® препаратын қолдануды бастамас бұрын, егер сізде қалқанша без ауруы болса, эндокринолог дәрігермен кеңесіңіз.

Басқа дәрілік препараттармен өзара әрекеттесуі

ЦИКЛОФЕРОН® аталған ауруларды емдеуде дәстүрлі қолданылатын барлық дәрілік препараттармен (интерферондар, химиотерапиялық дәрілік заттар және т.б.) үйлесімді және жақсы үйлеседі.

Интерферондар мен нуклеозидтердің аналогтарының әсерін күшейтеді. Химиотерапияның, интерферонотерапияның жағымсыз әсерлерін азайтады.

Арнайы ескертулер

Несеп күлгін-көк түске боялуы мүмкін (люминесценция).

Педиатрияда қолдану

ЦИКЛОФЕРОН® препаратын пациенттердің осы тобында клиникалық зерттеулердің болмауына байланысты 4 жасқа дейінгі балаларға қолдануға болмайды.

Жүктілік кезінде немесе лактация кезінде

Егер сіз жүкті болсаңыз немесе бала емізетін болсаңыз, жүктімін деп ойласаңыз немесе жүктілікті жоспарласаңыз, препаратты қолданар алдында емдеуші дәрігермен кеңесіңіз.

ЦИКЛОФЕРОН® препаратын жүктілік кезінде және бала емізу кезеңінде пациенттердің осы топтарында клиникалық зерттеулердің болмауына байланысты қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

ЦИКЛОФЕРОН® көлік құралдарын басқару және әлеуетті қауіпті механизмдермен жұмыс істеу қабілетіне әсер етпейді.

Қолдану жөніндегі нұсқаулар

Препаратты әрдайым емдеуші дәрігердің ұсыныстарына сәйкес қолданыңыз. Күдік туындаған кезде емдеуші дәрігермен кеңесіңіз.

Дозалау режимі

Ересектерде

– Герпестік және цитомегаловирустық инфекцияларда кезінде емдеу курсы 250 мг-ден препараттың 10 инъекциясынан тұрады, инъекциялар аралығы 48 сағат (күнара). Бір реттік доза – 250 мг (1 ампула), курстық доза – 2,5 г құрайды. Емдеу аурудың басында едәуір тиімдірек.

– Созылмалы бактериялық және зеңдік инфекциялармен астасқан салдарлы иммун тапшылығы кезінде емдеу курсы 48 сағат (күнара) инъекциялар аралығымен 250 мг препараттың 10 бұлшықетішілік инъекциясынан тұрады. Бір реттік доза – 250 мг (1 ампула), курстық доза -2,5 г құрайды. Қайталанатын курс 6–12 айдан кейін жүргізіледі.

– Хламидия инфекциясы кезінде емдеу курсы 48 сағат (күнара) инъекциялар аралығымен 250 мг-ден препараттың 10 инъекциясынан тұрады. Бір реттік доза – 250 мг (1 ампула), курстық доза – 2,5 г құрайды. Емдеудің қайталанған курсы 10–14 күннен кейін жүргізіледі. ЦИКЛОФЕРОН препаратын антибиотиктермен біріктірген жөн.

4 жастан бастап балаларда

Бір реттік доза дене салмағының 1 кг-на 6–10 мг құрайды.

– Герпестік инфекция кезінде емдеу курсы препараттың 10 инъекциясынан тұрады, инъекция аралығы 48 сағат (күнара). Вирустың репликациялық белсенділігі сақталған кезде, емдеу демеуші схема бойынша жалғасады: препаратты төрт апта бойы үш күнде бір рет енгізу.

Енгізу әдісі және жолы

Вена ішіне немесе бұлшықет ішіне.

Артық дозалау жағдайында қабылдау қажет болатын шаралар

Препараттың артық дозалануы туралы мәліметтер жоқ.

Артық дозаланғанда симптоматикалық ем жүргізу керек.

Дәрілік препараттың қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар

Егер Сізде осы препаратты қолдану туралы қосымша сұрақтарыңыз болса, дәрігермен кеңесіңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Өте сирек

– қалтырау

– дене температурасының жоғарылауы

– енгізу орнының ауырсынуы

– енгізу орнының қызаруы

– бөртпе

– есекжем (аллергиялық сипаттағы тері бөртпелері)

– қышыну

– эритема (капиллярларға қан кернеумен туындаған терінің спецификалық қызаруы)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық дерекқорға тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

2 мл ерітіндінің құрамында

қосымша зат: инъекцияға арналған су.

Сыртқы түрінің, иісінің, дәмінің сипаттамасы

Сары түсті мөлдір сұйықтық.

Шығарылу түрі және қаптамасы

Вена ішіне және бұлшықет ішіне енгізуге арналған ерітінді, 125 мг/мл.

2 мл қоңыр шыны ампулада. Ампулаға өздігінен жабысатын заттаңба жапсырылған.

5 ампуладан поливинилхлоридті үлбірден жасалған пішінді ұяшықты қаптамада. Пішінді ұяшықты қаптама жабынды үлбірмен немесе алюминий фольгамен терможелімденген немесе ашық.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшада.

Алғашқы ашылуын бақылау үшін қорапшаның бүйірлік клапандары заттаңбалармен жабыстырылуы мүмкін.

Сақтау мерзімі

5 жыл.

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде 25 ºС-ден аспайтын температурада сақтау керек.

Төмен температурада тасымалдау кезінде ерітіндіні мұздатып қатыру препарат қасиеттерінің өзгеруіне әкелмейді. Бөлме температурасында ерітілген препарат өзінің биологиялық және физика-химиялық қасиеттерін сақтайды.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы.

Өндіруші туралы мәліметтер

«ПОЛИСАН» ғылыми-технологиялық фармацевтикалық фирмасы» ЖШҚ,

("ПОЛИСАН» ҒТФФ» ЖШҚ)

192102, Ресей, Санкт-Петербург қ., Салов к-сі, 72 үй, 2 корп., лит. А.

Тел.: +7 (812) 448-22-22.

Электронды пошта: info@polysan.ru.

Тіркеу куәлігінің ұстаушысы

«ПОЛИСАН» ғылыми-технологиялық фармацевтикалық фирмасы» ЖШҚ,

("ПОЛИСАН» ҒТФФ» ЖШҚ)

192102, Ресей, Санкт-Петербург қ., Салов к-сі, 72 үй, 2 корп., лит. А.

Тел.: +7 (812) 448-22-22.

Электронды пошта: info@polysan.ru.

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын ұйымның атауы, мекенжайы және байланыс деректері (телефон, электронды пошта)

«Parasat Pharma Medical» ЖШС, Қазақстан Республикасы, Алматы қ., 050046, Алатау ауд., Шаңырақ-1 ы/а, Өтемісұлы көш., 71Б үй. Тел.: +7 (727) 364-52-05, +7 (702) 490-31-10.E-mail: prs-arman@mail.ru.

Қазақстан Республикасының аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электронды пошта)

«REGICOM» ЖШС, Қазақстан Республикасы, Алматы қ., 050046, Абылай хан даңғ., 122/64 үй, 12 пәтер.

Teл. +7 (705) 132-78-51; +7 (727) 261-22-15.

Е-mail: safety@regicompany.com.