Катаксол

Тауарлар тізімі
Дәріханалардағы бағалар

Тауарлар: 1

Катаксол капли глаз. 0,015% по 15 мл (флакон)

Уорлд Медицин (Румыния)

Осында жоқ Астана

Басқа қалалардағы бағалар

Мыналардағы бағалар

Мынау үшін нұсқаулық Катаксол капли глаз. 0,015% по 15 мл (флакон)

Нұсқаулық мыналар үшін көрсетілді «Катаксол капли глаз. 0,015% по 15 мл (флакон)»

Дәрілік препаратты медициналық

қолдану жөніндегі нұсқаулық (Қосымша парақ)

Катаксол

Жоқ

Көзге тамызатын дәрі, 0,015%, 15 мл

Фармакотерапиялық тобы

Сезім мүшелері. Офтальмологиялық препараттар. Басқа офтальмологиялық препараттар.

АТХ коды S01XA

- қарттық катаракта

- жарақаттық катаракта

- туа біткен катаракта

- қайталама катаракта.

Қолдану басталғанға дейін қажетті мәліметтер тізбесі

- белсенді затқа немесе препараттың қосымша заттарының кез келгеніне аса жоғары сезімталдық

Қолдану кезіндегі қажетті сақтық шаралары

Жанаспалы линзалар пайдаланатын пациенттер препаратты қолданар алдында жанаспалы линзаларды көзден алу керек және инстилляциядан кейін оларды киер алдында кемінде 15 минут күту керек.

Препараттың клиникалық маңызды өзара әрекеттесуі туралы деректер жоқ.

Дәрілік өзара әрекеттесуіне зерттеу жүргізілмеген.

Катаксол ұзақ мерзімді емге арналған, жай-күйі тез жақсарған жағдайда да емдеуді тоқтатпау ұсынылады.

Қосымша заттар

Катаксол құрамында тимеросал, метилпарагидроксибензоат және пропилпарагидроксибензоат консерванттар бар, олардың әрқайсысы аллергиялық реакцияларды, оның ішінде кешеуілдегендерін тудыруы мүмкін.

Катаксол құрамында 1 мл ерітіндіде 6,3 мг бор қышқылы болады, бұл 1,1 мг борға сәйкес келеді. Мұны препаратты 2 жасқа дейінгі балаларда қолданған кезде ескеру керек, өйткені болашақта бор осы пациенттерде фертильдікке теріс әсер етуі мүмкін.

Жүктілік немесе лактация кезінде

Жүктілік кезінде әйелдерге азапентаценді көзге тамызатын дәрі түрінде қолдану туралы деректер жоқ немесе шектеулі.

Дәрілік затты көзге тамызатын дәрі түрінде қолданған кезде азапентацен немесе оның метаболиттері емшек сүтімен бөлінетін-бөлінбейтіні белгісіз. Емшектегі балаға ықтимал қаупін жоққа шығаруға болмайды.

Жүктілік және лактация кезеңінде әйелдерде Катаксолды қолдану бойынша бақыланатын клиникалық зерттеулер жүргізілген жоқ, сондықтан препаратты пациенттердің осы санатында пайдаланған кезде сақ болу керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Катаксол автокөлікті жүргізу және механизмдерді басқару қабілетіне әсер етпейді немесе елеусіз ғана әсер етеді.

Препаратты қолданған кезде көру айқындығының уақытша бұзылуы немесе автокөлік жүргізу мен механизмдерді басқару қабілетіне әсер етуі ықтимал басқа да көру бұзылыстары туындауы мүмкін; мұндай жағдайларда пациенттер көру толық қалпына келгенше автокөлік жүргізбеуі және механизмдерді басқармауы керек.

Дозалау режимі

Ұсынылған доза тәулігіне 3-5 рет зақымданған көздің (екеуіне) конъюнктивалық қабына 2 тамшы ерітіндіні құрайды.

Катаксолды жергілікті қолдануға арналған басқа офтальмологиялық препараттармен біріктіріп пайдалану қажет болған жағдайда инстилляциялар арасындағы аралық кемінде 5 минутты құрауы тиіс. Көз жақпамайларын ең соңында қолданған жөн.

Пациенттердің ерекше топтары

Бауыр және бүйрек жеткіліксіздігі бар пациенттер

Бүйрек және бауыр жеткіліксіздігі бар пациенттерде Катаксол көзге тамызатын дәрісін қолданғанда дозаны түзету талап етілмейді.

Балалар

Балаларда препаратты қолданудың жеткілікті тәжірибесі жоқ. Күтілетін терапиялық әсері жағымсыз реакциялардың даму қаупінен асып кеткен жағдайда балаларда Катаксолды қолдануға болады.

Енгізу әдісі мен жолы

Препарат офтальмологияда тек жергілікті қолдануға арналған.

Құты мен тамшылатқыш ішіндегісінің микроорганизмдермен контаминациясын болдырмау үшін тамшылатқыш ұштығының көзге және қоршаған тіндерге, сондай-ақ басқа беткейлермен жанасуын болдырмау керек.

Препараттың жүйелік сіңірілуін төмендету және жүйелік әсерінің даму қаупін азайту мақсатында ерітіндіні тамызғаннан кейін қабақты жауып, көздің ішкі бұрышындағы көз жасы қалтасын саусақпен басу ұсынылады.

Артық дозаланған жағдайда қабылдануы қажет шаралар

Артық дозалану жағдайлары туралы хабарланған жоқ.

Препаратты жергілікті қолданғанда артық дозалану жағдайында екі көзді (көзді) жылы сумен шаю керек.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Дәрілік препаратты қолдану бойынша сұрақтар туындаған жағдайда дәрігермен немесе фармацевтпен кеңесу керек.

Осы жағымсыз реакциялардың туындау жиілігін қолда бар деректер бойынша бағалау мүмкін емес.

Көру мүшесі тарапынан:

- көру айқындығының бұзылуы, көздің ауыруы, көздің тітіркенуі, көзден жас ағудың күшеюі, көздің гиперемиясы.

Катаксол құрамында қосымша заттар (тиомерсал, метилпарагидроксибензоат және пропилпарагидроксибензоат) бар, олар

- аллергиялық реакциялардың дамуын туындатуы мүмкін.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 мл препараттың құрамында:

белсенді зат - 0,15 мг азапентацен полисульфонат натрий,

қосымша заттар: бор қышқылы, натрий тетрабораты декагидраты, калий хлориді, тимеросал, метилгидроксибензоат, пропилгидроксибензоат, натрий гидроксиді, тазартылған су.

Ашық-қызыл түсті мөлдір ерітінді

15 мл препараттан тамшылатқыш-тығыны және сақтандырғыш сақинамен жабдықталған бұралатын қорғаушы қақпақшасы бар пластик құтыға құяды.

1 құтыдан қазақ және орыс тілдеріндегі медициналық қолдану жөніндегі нұсқаулықпен бірге картон қорапқа салынады.

3 жыл.

Құтыны ашқаннан кейін препаратты 4 апта ішінде пайдалану керек.

Жарамдылық мерзімі өткеннен кейін қолдануға болмайды.

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

К.О. «Ромфарм Компани С.Р.Л.», Отопень, Ероилор к-сі 1А, Румыния.

Тел.: +4 (021) 350 46 40

Факс: +4 (021) 350 46 41