Таурин-Фармак капли глазн. 40 мг/мл по 10 мл (флакон)

Таурин-Фармак

Таурин

Көзге тамызатын дәрі, 40 мг/мл

Сезім мүшелері. Офтальмологиялық препараттар. Басқа офтальмологиялық препараттар.

АТХ коды S01ХА

- тұқым қуалайтын тапеторетинальді дегенерацияларды қоса алғанда, көздің мөлдір қабығы мен торқабығының дистрофиялық зақымдануы

- қарттық, диабеттік, жарақаттық және сәулелі катаракталар

- мөлдір қабық жарақаттары кезіндегі репаративтік процестерді көтермелеу дәрісі ретінде

- ашық бұрышты глаукоманы емдеуде қосымша дәрі ретінде

Қолдануды бастағанға дейін қажетті мәліметтер тізбесі

- белсенді компонентке немесе кез келген қосымша затқа аса жоғары сезімталдық

- 18 жасқа дейінгі балалар мен жасөспірімдер

- жүктілік және лактация кезеңі

Ашық бұрышты глаукома кезінде препарат тимололды тамызғанға дейін 20-30 минут бұрын тимололмен үйлестіріле қолданылады.

Тимололды көзге тамызатын дәрімен бір мезгілде қолданғанда көзішілік және артериялық қысымның үдемелі төмендеуі байқалады.

Дәрілік заттың құрамында метилпарагидроксибензоат (Е 218) бар, ол аллергиялық реакцияларды (баяу болуы мүмкін) тудыруы мүмкін.

Педиатрияда қолдану

Препараттың балалардағы тиімділігі мен қауіпсіздігі зерттелмеген, сондықтан пациенттердің осы жас тобына препаратты тағайындауға болмайды.

Жүктілік немесе лактация кезінде

Препаратты жүктілік немесе бала емізу кезеңінде қолдану туралы деректер жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлікті басқару кезінде немесе басқа механизмдермен жұмыс істеу кезінде препараттың адам организміне әсері зерттелмеген.

Дозалау режимі

Препарат ересектерге тағайындалады.

Зақымданған көздің конъюнктивалық қалтасына тәулігіне 2-3 тамшыдан 2-4 рет тамызу керек.

Жарақаттанулар кезіндегі емдеу курсы - 1 ай, катаракталар кезінде - 3 ай (1 ай аралықпен қайталаңыз).

Тапеторетинальді дегенерацияны және торқабығының басқа да дистрофиялық ауруларын, мөлдір қабықтың енетін жараларын емдеу үшін препарат конъюнктива астына енгізіледі: 0,3 мл-ден 4%-дық ерітіндіні 10 күн бойы тәулігіне 1 рет. Курс 6-8 айдан кейін қайталанады.

Ашық бұрышты глаукома кезінде тимололды қолданғанға дейін 20-30 минут бұрын әрбір конъюнктивалық қалтасына күніне 2 рет 2-3 тамшы тамызылады. Емдеу курсы жеке анықталады.

Енгізу әдісі мен жолы

Құтыны ашу мойынның жоғарғы бөлігін қалпақша тірелгенге дейін бұрап тесу арқылы жүргізіледі.

Қолданар алдында құтыны дене температурасына дейін жылыту үшін оны алақанда ұстай тұру керек.

Артық дозаланған жағдайда қабылдануы қажет шаралар

Препараттың артық дозалануы туралы деректер жоқ.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну бойынша ұсынымдар

Дәрілік препаратты қолданар алдында дәрігердің немесе фармацевттің кеңесіне жүгініңіз.

Препарат әдетте жақсы көтерімді болады.

Сирек:

- препарат компоненттеріне жеке аса жоғары сезімталдықтан туындаған аллергиялық конъюнктивит түріндегі аллергиялық реакциялар

- көздің қышуы

- конъюнктиваның гиперемиясы

- көздің тітіркенуі (көздің шаншуы және ашуы)

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір мл препараттың құрамында

белсенді зат - таурин 40 мг;

қосымша заттар: метилпарагидроксибензоат (Е 218), инъекцияға арналған су.

Сыртқы түрінің, иісінің, дәмінің сипаттамасы

Мөлдір түссіз сұйықтық.

10 мл препарат қалпақшалармен тығындалған полиэтилен құтыларға құйылады. Құтыларға өздігінен жабысатын заттаңбалар жапсырылады.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл.

Құтыны ашқаннан кейін препарат 28 тәулікке жарамды болады.

Жарамдылық мерзімі өткеннен кейін қолдануға болмайды.

Жарықтан қорғау үшін түпнұсқалық қаптамасында, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

«Фармак» АҚ, Украина, 04080, Киев қ., Кирилловская к-сі, 74.

Тел.: +38 (044) 496 87 87, электронды пошта: info@farmak.ua

«Фармак» АҚ, Украина, 04080, Киев қ., Кирилловская к-сі, 63.

Тел.: +38 (044) 496 87 87, факс: +38 (044) 239 19 40

электронды пошта: info@farmak.ua

Тұтынушылардың шағымдарын мына мекен-жайға жолдауға болады: «Фармак» АҚ Қазақстан Республикасындағы өкілдігі

Қазақстан Республикасы, Алматы қ., индекс 050051, Фонвизин к-сі, 22.

Тел.: +7 (771) 765 43 94, электронды пошта: phv@farmak.kz