Золотая Звезда
- Тауарлар тізімі
- Дәріханалардағы бағалар
Нұсқаулық мыналар үшін көрсетілді «Золотая звезда бальзам д/нар. прим. по 4 г (банка)»
Дәрілік препаратты медициналық қолдану
жөніндегі нұсқаулық (қосымша парақ)
«Золотая звезда®» бальзамы
Жоқ
Сыртқа қолдануға арналған жақпамай, 4 г
Респираторлық жүйесі. Жөтел мен суық тию кезінде қолданылатын препараттар. Суық тию аурулары кезінде қолданылатын басқа препараттар.
АТХ коды R05Х
Препараттың жергілікті - тітіркендіретін, аулақтататын және антисептикалық әсері бар. Кешенді емдеуде симптоматикалық дәрі ретінде қолданылады.
- жедел респираторлық ауруларда
- тұмауда
- бас ауыруында, бас айналуында
- ринитте
- жәндіктер шаққанда
Дәрілік препаратты қолданудың басталуына дейінгі қажетті мәліметтер тізбесі
- әсер етуші заттарға немесе қосымша заттардың кез келгеніне аса жоғары сезімталдық
- тері жабындысының зақымдануы, препаратты қолдану болжамдалып отырған жерлерде тері ауруларының болуы
- 2 жасқа дейінгі балаларға
Сипатталған жоқ
Арнайы сақтандырулар
Тек қана сыртқа қолдану үшін!
Жақпамайды көзге және шырышты қабыққа, сондай-ақ терінің зақымданған бөліктеріне тигізуге болмайды. Терінің ауқымды бөліктеріне жағуға болмайды. Жақпамайды жаққаннан кейін фотосенсибилизация қаупі болуына байланысты күн астында болудан тартына тұрған дұрыс.
Жақпамайды теріге жаққаннан кейін температураның жергілікті жоғарлауы мен терінің тітіркенуі байқалады, бір мезгілде жылуды және күйдіруді сезіну пайда болады, бұл бір сағаттың ішінде жоғалады. Жақпамайды теріге жаққаннанда ауыру сезімі болмауы тиіс. Теріде ауыру, ісіну немесе бөрту туындаған жағдайда жақпамай қолдануды тоқтату және дереу дәрігерге қаралу қажет.
Құрамында ментол бар дәрілерді жергілікті қолданғаннан кейін күйіктердің дамуы туралы хабарлар болған. Жақпамайды жаққаннан кейін тері реакциялары туындау қаупі ұлғаюына байланысты жылуды жергілікті қолдану ұсынылмайды.
Егер дәрілік затты қолданғаннан кейін әсері болмаса немесе жағдайы нашарлап кетсе, дәрігерге қаралу қажет.
Бальзам шырышты қабыққа түскен жағдайда жақпамайды дымқыл сүрткінің көмегімен кетіріп, мол су мөлшерімен шаю керек.
Жақпамайды ішке қабылдап қойған жағдайда, дереу дәрігерге көріну қажет. Жасы кіші балаларды құстыртпаған жөн, бұл кейінгі камфорамен ингаляция және өлімге әкелуі мүмкін ларинготүйілуінің дамуына қатысты қауіптер болуына байланысты.
Қосымша заттар
Дәрілік препарат құрамында ланолин бар, ол қолданған кезде жергілікті тері реакцияларын (жанаспалы дерматит) туындатуы мүмкін.
Педиатрияда қолдану
2 жасқа дейінгі балаларға қолдануға болмайды.
Препаратты балаларға дәрігердің кеңесінсіз қолдануға болмайды.
Жүктілік және лактация кезеңі
Клиникалық деректердің болмауына байланысты жүкті және бала емізетін әйелдерге бұл дәрілік затты қолдану ұсынылмайды.
Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері
Әсер етпейді
Дозалану режимі
Препарат сыртқа қолданылады.
Бас ауыру мен бас айналу кезінде жақпамайды самай және шүйде тұсының терісіне ысқылап жағады. Ринитте, ЖРА – бальзамды мұрын жақтауларына, самай тұсының терісіне жағады. Жәндіктер шаққанда бальзамды шаққан орынға жағады.
Емдеу курсының ұзақтығы препаратты көтере алушылығы мен емдеудің тиімділігіне байланысты әр адамға жекелей анықталады. Әдетте бальзамды күніне 4 ретке дейін пайдаланады, орташа ұзақтығы 5 – 7 күнді құрайды.
Қолданар алдында бальзамның көтерімділігіне сынама жүргізген жөн.
Осы уақытқа дейін артық дозалану оқиғалары байқалмаған.
Симптомдары – жағымсыз әсерлерінің күшеюі.
Емі - симптоматикалық.
Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар
Дәрілік препаратты қабылдамас бұрын дәрігер немесе фармацевт кеңесіне жүгініңіз.
Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажет болғанда)
- аллергиялық (терінің тітіркенуі, эритема, бөртпе, қабыршықтану, қышыну, тері түсінің өзгеруі, есекжем, жанаспалы дерматит) және бронхоспастикалық реакциялар болуы мүмкін.
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:
Қазақстан Республикасы Денсаулық сақтау министрлігі Медициналық және фармацевтикалық қызметті бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
4 г жақпамайдың құрамында
белсенді заттар: левоментол, 0.455 г;
рацемиялық камфора, 0.910 г;
бұрыш жалбыз майы, 0.530 г;
эвкалипт майы, 0.129 г;
қалампыр майы, 0.236 г;
қытай даршын майы, 0.056 г;
қосымша заттар: ара балауыз, парафин, ланолин, вазелин, сұйық парафин, Solvent Yellow 33 бояғыш, қоңыр Solvent Red 3 бояғыш.
Ашық сарыдан қоңыр-сары түсті, өзіне тән иісі бар біртекті жақпамай.
4 г препарат қалайы қақпағымен тығыз жабылған қалайы банкіге салынады.
1 банкіден медициналық қолдану жөніндегі нұсқаулықпен бірге қазақ және орыс тілдерінде картон қорапшаға салынған
5 жыл
Жарамдылық мерзімі өткеннен кейін қолдануға болмайды!
30 °C аспайтын температурада сақтау керек.
Балалардың қолы жетпейтін жерде сақтау керек!
Рецептісіз
«Данафа Фармасьютикал Джойнт Сток Компани», Вьетнам,
Дананг қ., Тхань Тхе ауданы, Зунг Си Тхань Тхе к-сі, 253 үй,
тел: 8 451 182 16 15,
факс: 8 451 182 64 71,
e-mail: danapha@dng.vnn.vn
«Данафа Фармасьютикал Джойнт Сток Компани», Вьетнам,
Дананг қ., Тхань Тхе ауданы, Зунг Си Тхань Тхе к-сі, 253 үй,
тел: 8 451 182 16 15,
факс: 8 451 182 64 71,
e-mail: danapha@dng.vnn.vn
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
Қазақстандағы «ДАНСОН-БГ» ООД өкілдігі, ҚазақстанРеспубликасы, Алматы қ., Алмалы ауд., Әйтиев к-сі, 46, 18 п., 050026,
тел.:+7 727 395 91 13,
тел. 24/7: +7 701 718 25 92,
e-mail: layka16@mail.ru
| Атауы | Баға ₸ |
|---|---|
| Золотая звезда бальзам д/нар. прим. по 4 г (банка) | 820 ₸ |
| Золотая звезда капли наз. 0,05% по 10 мл (флакон) | 860 ₸ |
| Золотая звезда бальзам жидк. д/нар. прим. по 5 мл (банка) | 865 ₸ |
| Золотая звезда капли наз. 0,1% по 10 мл (флакон) | 890 ₸ |
| Золотая звезда спрей наз. 0,1% по 15 мл (флакон) | 1275 ₸ |
