Валерианы Экстракт

Шүйгіншөп экстрактісі

Жоқ

Қабықпен қапталған таблеткалар 20 мг

Жүйке жүйесі. Психолептиктер. Ұйықтататын және тыныштандыратын дәрілер. Ұйықтататын және тыныштандыратын басқа препараттар. Шүйгіншөп тамырсабағы тамырларымен.

АТХ коды N05CM09

Кешенді ем құрамында:

- неврастенияда және ұзаққа созылған жүйке-психикалық қозуымен байланысты жай-күйлер

- қатты қозудың, жүйке стрессі салдарынан ұйқының бұзылуы

- жүрек-қантамыр жүйесі мен ас қорыту жүйесі тарапынан жеңіл функционалдық бұзылулар

Қолданудың басталуына дейінгі қажетті мәліметтер тізбесі

- шүйгіншөпке немесе қосымша заттардың кез келгеніне (оның ішінде ара шаруашылығы өнімдеріне) аса жоғары сезімталдық;

- сахараза/изомальтаза тапшылығы, лактаза тапшылығы, фруктоза жақпаушылығы, лактоза жақпаушылығы, глюкоза-галактоза мальабсорбциясы

- жүктілік (I триместр);

- 18 жасқа дейінгі жасөспірімдер және балалар.

Қолдану кезіндегі қажетті сақтық шаралары

- жүктілік (II және III триместр);

- созылмалы энтероколит.

Шүйгіншөп басқа тыныштандыратын және ұйықтайтын дәрілердің, наркозға арналған дәрілердің, психотроптық препараттардың, сондай-ақ спазмолитикалық дәрілердің әсерін қуаттандырады.

Нан бірлігінің (НБ) болуы:

- препараттың бір реттік дозасында (1 таблетка) – 0.01 НБ;

- препараттың ең жоғары тәуліктік дозасында (6 таблетка) – 0.06 НБ.

Үлкен дозаларда ұзақ қолданған кезде психомоторлық реакциялар төмендеуі мүмкін.

Препаратты дәрігердің кеңесінсіз 4 аптадан артық қолдануға болмайды.

Педиатрияда қолдану

Препаратты 18 жасқа дейінгі балалар мен жасөспірімдерге қолдануға болмайды, өйткені құрамында хинолинді сары бояғыш (E 104) бар.

Жүктілік немесе лактация кезінде

Препаратты жүктіліктің I триместрінде қолдануға болмайды. Препаратты жүктіліктің II және III триместрінде және бала емізу кезеңінде, егер ана үшін күтілетін пайда шарана мен бала үшін потенциалды қауіптен жоғары болса ғана қолдануға болады. Дәрігермен кеңесу қажет.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Шүйгіншөп препараттарынан туындаған сылбырлық және сыртқы тітіркендіргіштерге реакцияның төмендеуі, әдетте, пациенттің көлік құралын басқару қабілетіне немесе басқа операторлық қызметіне әсерін тигізбейді. Дегенмен, әсіресе шүйгіншөпті құрамында алкоголь бар сусындармен немесе орталық жүйке жүйесіне әсер ететін өзге дәрілермен бірге қолданған кезде сақ болу керек.

Қолдану бойынша ұсынымдар

Дозалау режимі

Ересектерге күніне 40-80 мг (2-4 таблетка) 3 рет. Қажет болған жағдайда тәуліктік доза бірнеше (әдетте 4-5) қабылдауларда 1000 мг дейін көтерілуі мүмкін. Бауыр және бүйрек функциясы бұзылған адамдарда дозаны түзету қажет емес.

Емдеу курсы – 1 айға дейін.

Артық дозалану жағдайында қабылдануы қажетті шаралар

Симптомдары: шамадан тыс жоғары дозаларды (ең жоғары ұсынылған дозадан 20 есе артық) пайдаланған кезде орталық жүйке жүйесінің бәсеңдеуімен байланысты спецификалық емес симптомдар: сылбырлық, мәңгіру, ұйқышылдық туындауы мүмкін. Ауыр жағдайларда брадикардия мен аритмия пайда болуы мүмкін.

Емі: препаратты тоқтату, белсендірілген көмірді пайдалана отырып, асқазан-ішек лаважын жүргізу, препараттың ішекте сіңірілуін болдырмау және іш жүргізетін әсерді қамтамасыз ету үшін ішке магний сульфатын қабылдау керек. Арнайы антидоты жоқ.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

- сылбырлық, жабырқау, әлсіздік, еңбекке қабілеттіліктің төмендеуі

- іш қату

Жекелеген жағдайларда: аллергиялық реакциялар дамуы мүмкін.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында:

белсенді зат – шүйгіншөп қою экстрактісі – 20 мг,

қосымша заттар: негізгі магний карбонаты (ауыр), картоп крахмалы, тальк, желатин;

қабықтың құрымы: негізгі магний карбонаты (жеңіл), өндірістік ара балауызы, титанның қостотығы (Е 171), хинолинді сары (Е 104), сахароза, тальк, сусыз коллоидты кремнийдің қостотығы, желатин, күнбағыс майы, қатты парафин.

Екі жақ беті дөңес, сары түсті қабықпен қапталған таблеткалар. Көлденең қимасында екі қабаттан тұратыны көрініп тұрады.

10 таблеткадан поливинилхлоридті үлбір немесе пластифицирленбеген ПВХ үлбір және алюминий фольга негізіндегі икемді қаптама немесе алюминий фольга немесе біріктірілген материалдан жасалған пішінді ұяшықты қаптамада.

50 таблеткадан тығыздайтын элементі бар тығынмен тығындалған шыныдан жасалған құтыларда. Құтылардағы бос кеңістік медициналық гигроскопиялық мақтамен немесе вискоза түткіш таспамен немесе  полиэфирлі-вискозалы карднамен толтырылады. Әр құтыға өздігінен желімделетін заттаңба жапсырылады.

5 пішінді ұяшықты қаптама немесе 1 құтыдан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

Құтылар медициналық қолдану жөніндегі қазақ және орыс тілдеріндегі нұсқаулықтармен бірге топтық қаптамаға салынады.

2 жыл

Жарамдылық мерзімі өткеннен кейін қолдануға болмайды.

Құрғақ жерде, 25 оС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

«Борисов медициналық препараттар зауыты» ашық акционерлік қоғамы, Беларусь Республикасы, Минск облысы, Борисов қ-сы, Чапаев к-сі 64, тел/факс +375(177)734043

Е-mail: market@borimed.com

«Борисов медициналық препараттар зауыты» ашық акционерлік қоғамы, Беларусь Республикасы, Борисов қ-сы, Чапаев к-сі, 64,

тел/факс +375(177)734043

Е-mail: market@borimed.com

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасы, 483110 Қаскелең қ-сы, Бокин к-сі 58, «ИнтерФармасьютикал» ЖШС, тел: 8 800 777 8604, тел: +7 775 4392061

Е-mail: kazakhstan@drugsafety.ru