Валерианы настойка по 30 мл (флакон)

Шүйгіншөп тұндырмасы

Жоқ

Тұндырма

Жүйке жүйесі. Психолептикалық препараттар. Ұйықтататын және тыныштандыратын дәрілер. Ұйықтататын және тыныштандыратын басқа препараттар. Шүйгіншөп тамырсабағы тамырларымен.

АТХ коды N05CM09

Шүйгіншөп тұндырмасы ересектер мен 12 жас және одан асқан балаларда қолдануға көрсетілген

- неврастения және басқа невроздық бұзылыстар (невроздар)

- жүйке стресінің, ұзаққа созылған жүйке-психикалық қатты қозудың салдарынан болатын ұйқы бұзылуы

- жүрек-қантамыр жүйесі (невроздар) мен ас қорыту жүйесі тарапынан жеңіл функционалдық бұзылулар (асқазан-ішек жолының түйілулері) кешенді ем құрамында

Қолданудың басталуына дейінгі қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- 12 жасқа дейінгі балалар

- тетурамды, нитроимидазол мен нитрофуран препараттарын, ІІ-ІІІ буынды цефалоспоринді антибиотиктерді (шүйгіншөп тұндырмасы құрамындағы этил спиртіне жедел уыттылық реакцияның өршу ықтималдығына байланысты) қолдануда

- эпилепсия

- гепатит

- асқазан мен он екі елі ішектің ойық жара ауруы

- созылмалы алкоголизм

- жүктілік, лактация кезеңі

Қолдану кезіндегі қажетті сақтық шаралары

Шүйгіншөп тұндырмасын қолдану кезінде қандағы алкоголь құрамын анықтау тесті оң нәтиже беруі мүмкін.

Шүйгіншөп тұндырмасы басқа тыныштандыратын және ұйықтататын  дәрiлердiң, наркозға арналған дәрілердің, психотроптық препараттардың, сондай-ақ түйілуді басатын дәрілердің  әсерiн  потенциялайды.

Жүктілік немесе лактация кезінде

Жүктілік немесе бала емізу кезеңінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Шүйгіншөп тұндырмасын қолдану кезеңінде автокөлік құралдарын немесе аса қауіпті механизмдерді басқаруға жол берілмейді.

Қолдану бойынша ұсынымдар

Дозалау режимі

Ішке, ересектерге күніне 3-4 рет 20-30 тамшыдан, оны 50 мл (¼ стақан) ауыз суда ерітеді, қажет болған кезде 50 мл ауыз суда еріте отырып - күніне 3-4 рет 5 мл (1 шай қасық) барынша жоғары дозаға дейін арттырады. 12 жастан асқан балаларға өмірінің бір жылына 1 тамшыдан күніне 3-4 рет 50 мл ауыз суда ерітіп тағайындайды. Құрамында этил спиртінің концентрациясы жоғары болатындықтан тұндырманы сұйытылмаған түрінде балаларға қолдануға болмайды. Бауыр және бүйрек функциясы бұзылған адамдарда дозаны түзету қажет емес.

Енгізу әдісі мен жолы

Ішке

Артық дозалану жағдайында қабылдануы қажетті шаралар

Симптомдары: жағымсыз әсерлері күшеюі мүмкін.

Емі: симптоматикалық.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Сирек (≥ 1/10000-нан < 1/1000 дейін)

- бас айналу

- қолдың дірілдеуі

- мидриаз

- жүрек айнуы, іштің ауыруы

- ұзақ уақыт қолданған кезде – іш қату

- жоғары сезімталдық реакциялары

- сылбырлық, тұнжырау, әлсіздік, жұмыс қабілетінің төмендеуі (жоғары дозада қабылдаған кезде)

- аллергиялық реакциялар

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

100 мл тұндырманың құрамында:

белсенді зат – 20 г шүйгіншөп тамырсабағы тамырлармен;

қосымша заттар: 70 % этил спирті.

Өзіне тән хош иісі бар қызғылтым-қоңыр түсті мөлдір сұйықтық.

30 мл тығыздайтын элементтері бар тығынмен немесе тамшылатқыш тығынмен тығындалған және бұрандалы қақпағы бар құтыларда.

Қорапшаға салынбаған құтылар медициналық қолдану жөніндегі қазақ және  орыс тіліндегі нұсқаулықпен бірге топтық қаптамаға салынады.

1 құты медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды.

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

«Борисов медициналық препараттар зауыты» ашық акционерлік қоғамы, Беларусь Республикасы, Минск облысы, Борисов қ., Чапаев к-сі 64,

тел/факс +375(177) 735612, +375(177) 744280.

Е-mail: market@borimed.com

«Борисов медициналық препараттар зауыты» ашық акционерлік қоғамы, Беларусь Республикасы, Борисов қ., Чапаев к-сі, 64,

тел/факс +375(177)734043

Е-mail: market@borimed.com

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

«LEKARSTVENNAYA BEZOPASNOST (Лекарственная безопасность)» ЖШС

Қазақстан Республикасы, 050047, Алматы қаласы, Алатау ауданы, Саялы шағын ауданы, 16 үй, 8 пәтер,

тел.: +7 777 064 27 02.

Е-mail: kazakhstan@drugsafety.ru, adversereaction@drugsafety