Цеф III

Цеф III®

Цефтриаксон

Вена ішіне және бұлшықет ішіне енгізу үшін ерітінді дайындауға арналған 0.5 г және 1.0 г ұнтақ

Жүйелі пайдалануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы басқа бета-лактамды препараттар. Үшінші буын цефалоспориндері.

Цефтриаксон.

АТХ коды J01DD04

Цефтриаксонға сезімтал қоздырғыштардан туындаған инфекцияларда:

- тыныс алу жолдарының инфекциялары, әсіресе пневмония, сондай-ақ ЛОР-ағзалардың инфекциялары

- абдоминальді инфекциялар (перитонит, өт жолдарының, сондай-ақ асқазан-ішек жолының инфекциялары)

- бүйрек және несеп шығару жолдарының инфекциялары

- созды қоса, жыныс ағзаларының инфекциялары

- сепсис

- сүйектердің, буындардың, жұмсақ тіндердің, терінің инфекциялары, сондай-ақ жарақат инфекциялары

- иммунитеті әлсіреген пациенттердегі инфекциялар

- менингит

- ересек пациенттер мен 15 күннен асқан жаңа туғандарды қоса, балалардағы диссеминацияланған Лайм ауруында (II және III сатысы)

Асқазан-ішек жолындағы, өт жолдарындағы, урогенитальді және гинекологиялық аймақтардағы инфекциялардың операция алдындағы профилактикасы, бірақ әлеуетті немесе дәлелденген контаминация жағдайларында ғана.

Антибиотиктерді тиісті түрде пайдалану жөніндегі ресми нұсқауларға, әсіресе антибиотиктерге резистенттіліктің жоғарылауының алдын алу үшін қолдану жөніндегі нұсқауларға назар аудару қажет.

Қолданудың басталуына дейінгі қажетті мәліметтер тізбесі

- цефтриаксонға, цефалоспориндерге немесе қосымша заттарының кез келгеніне аса жоғары сезімталдық

- анамнезде бактерияға қарсы басқа бета-лактамдық препараттарға (пенициллиндер, монобактамдар және карбапенемдер) аса жоғары сезімталдықтың ауыр реакциялары (мысалы, анафилаксиялық реакциялар)

- еріткіші – лидокаинге аса жоғары сезімталдық. Лидокаинді пайдаланып цефтриаксонның бұлшықетішілік инъекциясын жүргізер алдында лидокаинге қарсы көрсетілімдердің бар-жоқтығын анықтау қажет. Лидокаинді қолдануға болмайтын жағдайлар лидокаинді медициналық қолдану жөніндегі нұсқаулықта келтірілген. Құрамында лидокаин бар цефтриаксон ерітінділерін вена ішіне енгізуге болмайды

- 41 аптаны қоса алғанға дейінгі (гестациялық және постнатальді жастың қосындысы) мерзімі жетпеген жаңа туған нәрестелер

- гипербилирубинемиясы бар жаңа туған нәрестелер, цефтриаксонның ықпалымен билирубиннің сарысулық альбуминмен байланысудан ығыстырылуы себебінен билирубиндік энцефалопатияның даму қаупіне орай

- жаңа туған нәрестелер және құрамында кальций бар ерітінділер:

Цеф III® препаратын, құрамында кальций бар ерітінділерді вена ішіне енгізу қажет немесе қажет болуы мүмкін жаңа туған нәрестелерге (жасы 28 күнге дейінгі) құрамында кальций бар препараттардың ұзаққа созылатын инфузияларын қоса, мысалы, парентеральді тамақтандыру кезінде, өкпеде және бүйректе өлімге әкеліп соғатын цефтриаксонның кальций тұздары преципитаттарының түзілу қаупіне орай, қолдануға болмайды.

- жүрек өткізгіштігінің бұзылуы

- жедел іркілісті жүрек жеткіліксіздігі

Цефтриаксон және құрамында кальций бар ерітінділерді алған жаңа туған нәрестелерде өліммен аяқталған бірнеше оқиғалар тіркелді, бұл ретте өкпеде және бүйректе аутопсия кезінде преципитаттар анықталды. Осы жағдайлардың кейбіреуінде цефтриаксон препаратын және құрамында кальций бар ерітінділерді енгізу үшін бір ғана инфузиялық желі пайдаланылды, басқа жағдайларда инфузиялық желіде тұнба анықталды. Цефтриаксон және құрамында кальций бар ерітінділер әртүрлі уақытта және әртүрлі инфузиялық желілер арқылы енгізілген кезде кем дегенде бір неонатальді өлім оқиғасы туралы хабарланды; аутопсия кезінде преципитаттар анықталмады. Жаңа туған нәрестелерден басқа пациенттердің жас санаттарына қатысты осындай хабарламалар келіп түскен жоқ .

Аса жоғары сезімталдық реакциялары

Барлық бета-лактамдық бактерияға қарсы дәрілерді қолдану сияқты, кейде өлімге әкелетін аса жоғары сезімталдық реакциялары туралы хабарланды. Аса жоғары сезімталдық реакциялары сонымен қатар миокард инфарктісіне әкелуі мүмкін ауыр аллергиялық реакция - Коунис синдромына дейін өршуі мүмкін. Мұндай реакциялардың алғашқы симптомдары бета-лактамды антибиотиктерге аллергиялық реакциямен байланысты кеуденің ауырсынуын қамтуы мүмкін. Аса жоғары сезімталдық реакциялары дамыған жағдайда цефтриаксонмен емдеуді дереу тоқтатып, талапқа сай шұғыл шараларды қабылдау керек. Емдеуді бастамас бұрын пациент анамнезінде цефтриаксонға, басқа цефалоспориндерге немесе бета-лактамды препараттардың кез келген басқа түріне аса жоғары сезімталдық реакцияларының бар-жоғын анықтау керек. Анамнезінде басқа бета-лактамдық препараттарға ауыр емес аса жоғары сезімталдығы бар пациенттерге цефтриаксонды тағайындағанда сақ болу керек.

Бета-лактамдық антибиотиктерді, соның ішінде цефтриаксон қабылдаған пациенттерде Стивенс-Джонсон синдромы, уытты эпидермалық некролиз, жүйелі симптомдармен дәріге байланысты эозинофилия (DRESS-синдром), Яриш-Герксгеймер реакциясы (JНR, Jarisch–Herxheimer reaction), мультиформалы эритема және жедел жайылған экзантематозды пустулез (AGEP, Acute Generalized Exanthematous Pustulosis) сияқты терінің ауыр жағымсыз реакциялары (SCAR, Severe Cutaneous Adverse Reactions) тіркелді. Аса жоғары сезімталдық реакциялары сондай-ақ миокард инфарктісіне соқтыруы мүмкін ауыр аллергиялық реакция - Коунис синдромына әкелуі мүмкін. Бұндай реакциялардың алғашқы симптомдары бета-лактамды антибиотиктерге болатын аллергиялық реакцияларға байланысты кеуденің ауыруын қамтуы мүмкін. Мұндай реакциялар туындаған кезде Цеф III® препаратын қабылдауды дереу тоқтатып, баламалы ем қолдану мүмкіндігін қарастыру керек. Аса жоғары сезімталдық реакциялары (анафилаксиялық шокқа дейін болатын) лидокаиннан (бұлшықет ішіне енгізуге арналған еріткіш құрамындағы) туындауы ықтимал.

Құрамында кальций бар препараттармен өзара әрекеттесуі

Шала туған және мерзімі толық жетіп жаңа туған 1 айға толмаған нәрестелердің өкпесінде және бүйрегінде кальций-цефтриаксон шөгіндісінен өлім реакциялары сипатталған. Олардың кем дегенде біреуі цефтриаксон мен кальцийді әртүрлі уақытта және түрлі тамшылатқыш арқылы қабылдады.

Қолда бар ғылыми деректер бойынша цефтриаксон және құрамында кальций бар ерітінділер немесе құрамында кальций бар кез келген басқа препараттар алған жаңа туған нәрестелерден басқа науқастарда расталған тамыр ішілік преципитаттар туралы хабарламалар жоқ. In vitro зерттеулері нәрестелерде басқа жас топтарымен салыстырғанда цефтриаксон-кальцийдің шөгу қаупі жоғары екенін көрсетті. Жаңа туған нәрестелерде басқа жас тобындағы пациенттермен салыстырғанда цефтриаксонның кальцийлі тұздары шөгіндісінің пайда болу қаупі жоғары.

Кез келген жастағы пациенттерде Цеф III® құрамында кальций бар кез келген венаішілік ерітінділермен, тіпті әр түрлі инфузиялық жүйелердің көмегімен немесе инфузияны әр түрлі орынға араластыруға немесе бір мезгілде енгізуге болмайды. Алайда, 28 күндік жастан асқан жаңа туған нәрестелерде Цеф III®және құрамында кальций бар ерітінділерді, егер инфузиялық жүйелер әр түрлі учаскелерде пайдаланылса, немесе инфузиялық жүйелер алмастырылса немесе шөгінді болдырмау үшін физиологиялық тұз ерітіндісімен инфузия арасында мұқият жуылса, бірінен соң бірін бірізді енгізуге болады.

Егер Цеф III® пайдалану кальцийі бар ерітіндімен (ТPN) толық парентеральді қоректендірудің үздіксіз инфузиясындағы пациент үшін қажет деп есептелсе, әр түрлі инфузиялық жүйелердің көмегімен және әр түрлі орындарға енгізуге болады. Балама ретінде ТPN ерітіндісінің инфузиясын цефтриаксонды құю кезінде тоқтатуға болады, ал инфузиялық жүйелерді ерітінділер арасында жууға болады.

Протромбин уақытының ұзаруы

Цефтриаксон протромбин уақытын ұзартуы мүмкін. K дәруменінің тапшылығына күдіктенген жағдайда протромбин уақытын бақылау ұсынылады.

Жаңа туған нәрестелер, балалар мен жасөспірімдер

Цефтриаксонды құрамында кальций бар ерітінділермен, тіпті егер ерітінділер әртүрлі инфузиялық желілердің көмегімен енгізілсе де, араластыруға немесе бір мезгілде енгізуге болмайды.

Тіпті әртүрлі инфузиялық желілерді пайдаланғанның және цефтриаксон мен құрамында кальций бар ерітінділерді әртүрлі уақытта енгізгеннің өзінде, жаңа туған нәрестелердің өкпесі мен бүйрегінде цефтриаксон-кальций преципитаттарының түзілуінің нәтижесінде өліммен аяқталған жағдайлар сипатталған. Сондықтан, құрамында кальций бар вена ішілік кальций ерітінділерін жаңа туған нәрестелерге, Цеф III® препаратын соңғы рет енгізгеннен кейін кем дегенде 48 сағаттың ішінде енгізуге болмайды.

Әртүрлі жас топтарындағы пациенттерде цефтриаксонды және құрамында кальций бар вена ішілік ерітінділерді бір мезгілде қолданудан кейін цефтриаксон-кальций преципитаттарының түзілу жағдайлары белгісіз. Дегенмен, оларды барлық пациенттерде бір мезгілде қолданудан аулақ болу керек.

Аутоиммундық гемолиздік анемия

Басқа цефалоспориндерді қолданғандағы сияқты, Цеф III® препаратымен емдеу кезінде аутоиммундық гемолиздік анемия дамуы мүмкін. Ересектер мен балаларда ауыр, соның ішінде өлімге соқтырған гемолиздік анемия жағдайлары тіркелген. Цеф III® препаратымен емделіп жүрген пациентте анемия дамыған жағдайда, цефалоспоринмен астасқан анемия диагнозын жоққа шығаруға болмайды және себебі анықталғанға дейін емдеуді тоқтата тұру қажет.

Қан талдауының мониторингі

Ұзақ уақыт емдегенде қанның кеңейтілген талдауын жүйелі түрде жүргізіп отыру керек.

Колит/Сезімтал емес микроорганизмдердің шамадан тыс көбеюі

Цефтриаксонды қоса, антибиотиктердің барлығын дерлік қолданған жағдайда, антибиотикпен астасқан колит пен жалғанжарғақшалы колит тіркелген, және ауырлығы жағынан жеңілден өмірге қауіп төндіретінге дейін ауытқып отыруы мүмкін.

Бактерияға қарсы препараттармен емдеу тоқ ішектің қалыпты микрофлорасын бәсеңдетеді және. С. difficile өсуіне түрткі болады

С. difficile CDAD патогенезінің факторлары болып табылатын А және B токсиндерін өндіреді. Токсиндерді көп өндіретін С. difficile штамдары, олардың микробқа қарсы емге төзімді болуы мүмкіндігі салдарынан, асқынулар мен өлім қаупі жоғары инфекциялардың қоздырғыштары болып табылады, ал емі колоноэктомияны қажет етуі мүмкін. Антибиотиктермен емдеуден кейінгі диареясы бар пациенттердің барлығында CDAD диагнозын қарастыру керек. Егжей-тегжейлі анамнез жинақтау қажет, өйткені, бактерияға қарсы емнен кейін 2 ай өткен соң CDAD дамыған жағдайлар туралы хабарланған. CDAD күдік туындаған немесе расталған жағдайда, ағымдағы, С. difficile-ге бағытталмаған антибиотиктермен емді тоқтату қажет болуы мүмкін. Клиникалық көрсетілімдері бар болса, сұйықтықтар мен электролиттерді, ақуыздарды және С. difficile-ге қатысты тиімді бактерияға қарсы препараттарды енгізумен тиісінше ем, хирургиялық емдеу тағайындалуы тиіс.

Ішек перистальтикасын бәсеңдететін препараттарды қолдануға болмайды.

Суперинфекциялар

Цеф ІІІ® препаратын ұзақ уақыт қолданғанда сезімтал емес қоздырғыштардың саны артуы мүмкін. Осыған байланысты пациентті мұқият қадағалау қажет. Егер емдеу кезінде суперинфекция дамыса, тиісті шараларды қабылдау қажет.

Бүйрек пен бауырдың ауыр жеткіліксіздігі

Бүйрек пен бауырдың ауыр жеткіліксіздігі кезінде қауіпсіздігі мен тиімділігін клиникалық бақылау ұсынылады. Цефтриаксонды бір мезгілде аминогликозидтер мен диуретиктерді қабылдайтын, бүйрек функциясы бұзылуы бар пациенттерде қолданған кезде сақ болу керек

Серологиялық тесттерге ықпалы

Кумбс тесттеріне ықпалы туындауы мүмкін, өйткені Цеф III® сынақтардың жалған оң нәтижелеріне алып келуі мүмкін. Цеф III® галактоземияға жүргізілетін сынақтардың да жалған оң нәтижелеріне алып келуі мүмкін. Несептегі глюкозаны анықтаудың ферменттік емес әдістері жалған оң нәтижелер беруі мүмкін. Цеф III® емі кезінде несептегі глюкоза деңгейін анықтау ферменттік әдіспен жүргізілуі тиіс.

Цефтриаксон қандағы глюкозаның кейбір мониторинг жүйелерінде қандағы глюкоза деңгейінің жалған төмендеуін тудыруы мүмкін. Тиісті өлшеу жүйесін қолдану жөніндегі нұсқаулықты сақтау қажет. Қажет болса, зерттеудің баламалы әдістерін қолдану керек.

Цефтриаксонның әсер ету ауқымы

Цефтриаксонның әсер ету ауқымы шектеулі және патогендік агенті сәйкестендірілген жағдайлардан басқасында, Цеф III® препаратымен монотерапия бактериялардың кейбір типтеріне қатысты тиімсіз болуы мүмкін. Цефтриаксонға резистентті штаммдар қатысқан полимикробтық инфекция кезінде Цеф III® препаратына қосымша антибиотикті енгізуді қарастыру керек.

Лидокаинге қатысты сақтық шаралары (бұлшықет ішіне инъекцияға арналған еріткіш құрамындағы)

Лидокаин сияқты жергілікті анестетиктерді қолданудан болатын күрделі жағымсыз реакциялар қаупі келесі жағдайларда жоғарылайды:

- егде жастағы пациенттерде

- денсаулығының жалпы жағдайы нашар пациенттерде

- атриовентрикулярлық блокадасы болғанда (өйткені жергілікті анестетиктер атриовентрикулярлық өткізгіштікті бәсеңдетуі мүмкін)

- бауырдың ауыр ауруы болғанда

- бүйректің ауыр жеткіліксіздігі жағдайы болғанда.

Бұл жағдайларда Цеф III® (лидокаин еріткішімен) бұлшықет ішіне инъекцияларын ерекше сақтықпен жүргізу керек.

III класты аритмияға қарсы препараттарды (мысалы, амиодарон) қабылдайтын пациенттер бақылауда болуы тиіс және ЭКГ мониторингі мүмкіндігін қарастырған жөн, өйткені жүрекке әсері аддитивті болуы мүмкін.

Бас және мойын аймағына құрамында лидокаин бар ерітінділерді енгізу, тіпті егер олар артерия ішіне кездейсоқ, төмен дозаларда енгізілсе де орталық жүйке жүйесі тарапынан симптомдар тудыруы мүмкін.

Лидокаин

Медицина қызметкерлері үшін берілген ақпаратта келтірілген лидокаин туралы барлық ақпарат жалпы сипатта болады және цефтриаксонды бұлшықет ішіне енгізуге нақты қатысты емес.

Цефтриаксонды бұлшықет ішіне енгізуге арналған еріткіш құрамында жергілікті анестетик (лидокаин) бар. Жергілікті анестетиктерді қолданатын дәрігерлердің тәжірибесі жеткілікті болуы тиіс және болуы мүмкін жағымсыз әсерлерді (жүйелік уыттылықты қоса) немесе асқынуларды диагностикалау мен емдеумен таныс болуы керек. Қажетті жабдықтар мен реанимациялық препараттар тікелей жақын жерде болуы тиіс. Лидокаинді (бұлшықетішілік инъекцияға арналған еріткіштегі) қолдану кезінде миастениясы, эпилепсиясы, миокард өткізгіштігінің бұзылуы, іркілісті жүрек жеткіліксіздігі, брадикардия немесе тыныс алу жеткіліксіздігі бар пациенттерді емдеу кезінде сақ болу керек. Лидокаинмен өзара әрекеттесетін және оның биожетімділігінің артуына, әсерлерінің күшеюіне (мысалы, фенитоин) немесе шығарылуы ұзаруына (мысалы, лидокаин метаболиттері жинақталуы мүмкін бауыр немесе терминалдық бүйрек жеткіліксіздігі кезінде) әкелетін препараттармен біріктірілімде. Лидокаинді бұлшық етке енгізгенде креатининфосфокиназаның плазмалық белсенділігі жоғарылауы мүмкін, бұл жедел миокард инфарктісін диагностикалауды қиындатуы мүмкін. Порфириясы бар пациенттерде лидокаинді қолдану пайда мен қауіп арақатынасын мұқият бағалай отырып, аса сақтықпен жүруі тиіс. Жаңа туған нәрестелерде құрысулар мен аритмия сияқты уыттылықты болдырмауға мүмкіндік беретін лидокаиннің оңтайлы сарысулық концентрациясы анықталған жоқ.

Құрамында лидокаин бар Цеф III® ерітінділерін тек бұлшықет ішіне енгізу керек. Лидокаинді қолдануға болмайтын жағдайлар лидокаинді медициналық қолдану жөніндегі нұсқаулықта келтірілген.

Лидокаинде сұйылтылған Цеф III® препаратын 15 жасқа толмаған балаларға қолдануға болмайды.

Еріткіш ретінде лидокаинді қолданғанда, 15 жастан асқан адамдарда лидокаинге терінің ішіне аллергия сынамасын жүргізу ұсынылады.

Лидокаин ерітіндісін вена ішіне енгізуге болмайды.

Кальций-цефтриаксон преципитаттары

Цефтриаксонды, әдетте, ұсынылған стандартты (тәулігіне 1 г және одан көп) дозаларынан артық дозаларда қолданғаннан кейін, өт қалтасын ультрадыбыстық зерттеу кезінде цефтриаксонның кальций тұзының преципитаттары анықталды, олардың бала жастағы пациенттерде түзілуі ықтималдау. Преципитаттар қандай-да бір симптоматикасын сирек жағдайда білдіреді және Цеф III® препаратымен емдеу аяқталғаннан немесе тоқтатылғаннан кейін жоғалып кетеді. Егер аталған құбылыстар клиникалық симптоматикамен қатар жүрсе, хирургиялық емес дағдылы ем ұсынылады, ал препаратты тоқтату туралы шешім емдеуші дәрігердің қарастыруына қалдырылады және пайдасы мен қаупін жекелей бағалауға негізделуі тиіс.

Панкреатит

Цефтриаксон қабылдаған пациенттерде шығу тегі билиарлық-обструкциялық болуы мүмкін панкреатит жағдайлары тіркелген. Оларда билиарлық стаз бен билиарлық сладждың қауіп факторлары, мысалы, осының алдындағы ауқымды ем, ауыр ауру және парентералдық қоректендіру болған. Цеф III® билиарлық шөгумен байланысты триггерлер немесе кофакторларды жоққа шығаруға болмайды.

Бүйректе тастардың түзілуі

Бүйрек тастары түзілген жағдайлар туралы хабарланған, олар цефтриаксонды қабылдауды тоқтатқаннан кейін қайтымды болған. Симптоматикалық жағдайларда сонография жүргізген дұрыс. Анамнезінде бүйрек тастарының түзілуі немесе гиперкальциуриясы бар пациенттерде пайдаланылуын дәрігер пайдасы-қаупін арнайы бағалаудың негізінде қарастыруы тиіс.

Яриш-Герксгеймер реакциясы (JHR)

Цефтриаксонмен емдеуден кейін көп ұзамай, спирохеталардан туындаған инфекциясы бар кейбір пациенттерде Яриш-Герксгеймер реакциясы (JHR) туындауы мүмкін. Реакция әдетте өздігінен басылады, немесе симптоматикалық ем арқылы басуға болады. Реакция туындаған жағдайда, антибиотиктермен емдеуді тоқтатпау керек.

Энцефалопатия

Цефтриаксонды қолдану кезінде энцефалопатия туралы, әсіресе бүйректің ауыр жеткіліксіздігі бар немесе орталық жүйке жүйесінің бұзылыстары бар егде жастағы адамдарда хабарланды. Егер цефтриаксонмен байланысты энцефалопатияға күдік болса (мысалы, сананың деңгейі төмендеуі, психикалық жай-күйдің өзгеруі, миоклонус, құрысулар), цефтриаксонды қабылдауды тоқтату туралы мәселені қарастыру керек.

Үйлесімсіздігі

Цеф III® басқа антибиотиктермен қолдану жоспарланып отырған жағдайларда инфузия үшін бір шприцті немесе сол бір ерітіндіні қолдануға рұқсат етілмейді.

Цеф III® препараты амсакринмен, ванкомицинмен, флуконазолмен және аминогликозидтермен үйлесімсіздігі бар.

Цефтриаксонның кальций тұздары преципитаттары түзілуінің ықтималдығына байланысты, Рингер ерітіндісі немесе Хартман ерітіндісі сияқты, құрамында кальций бар ерітінділерді, құтыдағы цефтриаксонды еріту үшін немесе вена ішіне енгізуге арналған қалпына келтірілген ерітіндіні сұйылту үшін пайдалануға болмайды. Цефтриаксонның кальций тұздары преципитаттарының түзілуі, сондай-ақ вена ішіне енгізуге арналған бір инфузиялық жүйеде цефтриаксонды құрамында кальций бар ерітінділермен араластырған кезде орын алуы мүмкін. Цефтриаксонды құрамында кальций бар ерітінділермен соның ішінде, құрамында кальций бар, ұзаққа созылатын инфузиялармен мысалы, парентералдық қоректендіру кезінде бір мезгілде енгізуге болмайды .

Үйлесімсіз болуы мүмкіндігін ескере отырып, құрамында цефтриаксон бар ерітінділерді дайындау кезінде де, енгізгенде де, құрамында басқа антибиотиктер бар ерітінділермен араластыруға болмайды.

Натрий

Цеф III® препаратының әр грамында 3,6 ммоль натрий бар. Мұны натрий мөлшері бақыланатын диета ұстап жүрген пациенттер ескеруі керек.

Цефтриаксонның жоғары дозалары мен әсері күшті диуретиктерді (мысалы, фуросемидті) бір мезгілде қолданғанда бүйрек функциясының бұзылулары байқалмады. Аминогликозидтерді цефалоспориндермен бірге қолданғанда, олардың бүйректік уыттылығының арту ықтималдығына қатысты қарама-қайшы деректер бар. Ондай жағдайларда аминогликозидтердің деңгейлері мен бүйрек функциясын бақылау жөніндегі ұсынымдарды қатаң сақтау керек. Алайда, екі препараттар бөлек-бөлек қолдану керек .

Цефтриаксон енгізгеннен кейін алкогольді қолдану дисульфирам тәрізді реакциямен қатар жүрмеген. Цефтриаксонның құрамында кейбір цефалоспориндерге тән этанол жақпаушылығы мен қанағыштықты туғызуы мүмкін N-метилтиотетразол тобы жоқ.

Пробенецид цефтриаксонның шығарылуына әсер етпейді.

Бактериостатикалық препараттар цефалоспориндердің бактерицидтік әсерін төмендетуі мүмкін.

In vitro зерттеуде хлорамфеникол мен цефтриаксон арасында антагонизм байқалды.

Цеф III® ампулаларын қалпына келтіру үшін немесе вена ішіне енгізу үшін қалпына келтірілген ампуланы одан әрі сұйылту мақсатында Рингер немесе Хартман ерітіндісі сияқты құрамында кальций бар еріткіштерді қолданбаңыз, өйткені тұнба пайда болуы мүмкін.

Кальций цефтриаксонының тұнбасы, егер Цеф III® құрамында кальций бар ерітінділермен бір инфузиялық түтікте араластырылса да пайда болуы мүмкін. Цеф III® құрамында кальций бар инфузиялық ерітінділермен, соның ішінде құрамында кальций бар үздіксіз инфузиялармен, мысалы, Y-коннекторы арқылы парентералды қоректендіру аясында бір мезгілде енгізуге болмайды. Алайда, жаңа туған нәрестелерді қоспағанда, басқа пациенттерде Цеф III® және құрамында кальций бар ерітінділер, егер инфузиялар арасында инфузиялық түтіктер үйлесімді ерітіндімен мұқият жуылса, бірізді енгізілуі мүмкін. Ересектердің қан плазмасымен және жаңа туған нәрестелердің кіндік қанын in vitro зерттеулер жаңа туған нәрестелерде цефтриаксон кальций преципитациясы қаупінің жоғарылағанын көрсетті.

Цефтриаксон мен құрамында кальций бар пероральді препараттар арасында немесе бұлшықет ішілік цефтриаксон мен құрамында кальций бар препараттар (вена ішіне немесе пероральді) арасындағы өзара әрекеттесулер туралы хабарламалар жоқ.

Цефтриаксонды К дәрумені антоганистерімен бірге қолдану қан кетулердің даму қаупін арттыруы мүмкін.

Қанның ұйығыштық параметрлерін жүйелі түрде бақылау және қажет болған жағдайда, цефтриаксонмен емдеу барысында да, емдеу аяқталғаннан кейін де антикоагулянттың дозасын түзету керек.

Лидокаинмен (бұлшықет ішіне енгізуге арналған еріткіш құрамындағы) өзара әрекеттесуі

Фармакокинетикалық өзара әрекеттесулері: Лидокаин CYP450 CYP1A2 және CYP3A4 ферменттерінің субстраты болып табылады. Сондықтан лидокаин метаболизмі CYP тежегіштерін (мысалы, итраконазол, вориконазол, флуконазол, кларитромицин, эритромицин, циметидинді) бір мезгілде қолданумен бәсеңдетілуі мүмкін және ферменттер индукторларын (мысалы, барбитураттар, карбамазепин, фенитоин, примидон, рифампицинді) бір мезгілде қолданумен күшейтілуі мүмкін.

Фармакодинамикалық өзара әрекеттесулері: Амидті типті жергілікті анестетиктерге құрылымдық тектестігі бар белсенді заттарды (мысалы, мексилетин немесе токаинид сияқты аритмияға қарсы дәрілерді) бір мезгілде қолдану жүйелі уытты әсерін күшейтуі ықтимал. Сондықтан Цеф III® (құрамында лидокаин болатын еріткіші бар) бұлшықет ішіне инъекцияларын осындай препараттармен ем алатын пациенттерге аса сақтықпен тағайындау керек.

Миорелаксанттардың әсері лидокаинмен күшейтілуі мүмкін.

Сондай-ақ, бір мезгілде тағайындалған дәрілік заттардың қысқаша сипаттамаларымен танысу ұсынылады.

Арнайы сақтандырулар

Балалар

Цеф III® препаратының жаңа туған нәрестелердегі, емшектегі балалар мен кішкентай балалардағы қауіпсіздігі мен тиімділігі «Қолдану жөніндегі нұсқаулар» бөлімінде сипатталған дозалары үшін анықталды. Зерттеулер цефтриаксонның басқа цефалоспориндер сияқты, билирубинді сарысу альбуминімен байланыстан ығыстыруы мүмкіндігін көрсетті.

Цеф III® препаратын жаңа туған, әсіресе, билирубиндік энцефалопатия қаупі бар шала туған нәрестелерде қолдануға болмайды.

Жүктілік немесе лактация кезінде

Жүктілік

Цефтриаксон

Цефтриаксонның жүкті әйелдерде қолданылуы жөнінде деректер жоқ немесе шектеулі. Цефтриаксон плацентарлық бөгет арқылы өтеді. Жануарларға жүргізілген зерттеулер эмбрионның/фетальді, перинаталдық және постнатальді дамуға қатысты тікелей немесе жанама зиянды әсерлерін көрсеткен жоқ. Жүкті әйелдерге препаратты тек қатаң көрсетілімдері бойынша, анасы үшін болжамды пайдасы шарана үшін ықтимал қауіптен асып түсетін жағдайда ғана тағайындау керек, әсіресе, бірінші триместрінде, Цеф III® препаратын тек қатаң көрсетілімдері бойынша ғана тағайындау керек.

Лидокаин

Лидокаин (бұлшықет ішіне енгізуге арналған еріткіш құрамындағы) плаценталық бөгетті ұзартады. Сондықтан цефтриаксонның бұлшықет ішіне инъекциясын жүктілік кезінде (әсіресе алғашқы үш айда) қолдануға болмайды. Егер Цеф III® қолдану өте қажет болса, препаратты лидокаинсіз енгізуден аулақ болу керек.

Босану кезінде лидокаин сияқты жергілікті анестетиктерді қолдану ананың және/немесе болашақ сәбиде жағымсыз әсерлер тудыруы мүмкін (мысалы, брадикардия).

Бала емізу

Цефтриаксон және Лидокаин

Цефтриаксон емшек сүтіне өтеді. Анасы емдік дозаларында қолданғанда, цефтриаксонның емшектегі балаға ықпал ету ықтималдығы аз, дегенмен, балада диареяның, шырышты қабықтардың зеңдік инфекцияларының және аса жоғары сезімталдық реакцияларының даму қаупін жоққа шығаруға болмайды. Емшек емудің бала үшін артықшылықтары мен емнің анасы үшін пайдасын ескере отырып, емшек емізуді тоқтату немесе цефтриаксонмен емделуді тоқтату/бас тарта тұру қажет.

Фертильділік

Цефтриаксон

Фертильділігінің зерттеуі кезінде ерлер немесе әйелдердің ұрпақ өрбіту функциясына жағымсыз әсері анықталмады.

Лидокаин

Лидокаиннің фертильділікке әсерінің деректері жоқ

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Цеф III® препаратымен емдеу кезінде көлік құралдары мен механизмдерді басқару қабілетіне әсер етуі мүмкін бас айналуының және басқа жағымсыз реакциялардың туындауы мүмкіндігіне байланысты сақтық таныту керек

Дозалау режимі

Бұлшықет ішіне (б/і) енгізу үшін құрамында лидокаин бар еріткіш қолданылады. Осы себепті цефтриаксонды бұлшықет ішіне енгізер алдында лидокаинге кез келген қарсы көрсетілімнің бар-жоғын анықтау керек.

Лидокаинді 15 жасқа толмаған балаларда Цеф III® препараты ұнтағының еріткіші ретінде қолдануға тыйым салынады.

15 жасқа дейінгі балаларда Цеф III® препаратының ұнтағына еріткіш ретінде кейіннен бұлшықет ішіне енгізу үшін инъекцияға арналған су пайдалану керек.

Бұлшықет ішіне енгізуді ірі бұлшықеттерге орындау керек, бір бұлшықетке 1 г-ден артық енгізбейді.

Лидокаинді еріткіш ретінде пайдаланған кезде цефтриаксонның алынған ерітіндісін вена ішіне енгізуге болмайды!

15 жастан асқан пациенттерде лидокаинді еріткіш ретінде пайдаланған кезде лидокаинге тері ішілік аллергиялық сынама жүргізу ұсынылады.

Лидокаинді еріткіш ретінде пайдаланған кезде ерітіндіні енгізер алдында пациентте лидокаинді қолдануға қарсы көрсетілімдердің жоқ екенін анықтау (лидокаин дәрілік препаратының қысқаша сипаттамасын қараңыз), сондай-ақ анамнездегі лидокаинге аллергиялық реакцияларға назар аудару керек.

Ересектер мен 12 жастан асқан балалар

Тәулігіне бір рет 1-2 г (әр 24 сағат сайын). Ауыр инфекциялар немесе сезімталдығы орташа микроорганизмдерден туындаған инфекциялар кезінде, тәуліктік бір реттік дозасын 4 г дейін арттыруға болады.

Жаңа туған нәрестелер, сәбилер және 12 жасқа дейінгі балалар

Келесі тәуліктік бір реттік дозалары ұсынылады:

Жаңа туған (14 күндікке дейінгі) нәрестелер

Дене салмағына тәулігіне бір рет 20-50 мг/кг; тәуліктік дозасы 50 мг/кг аспауы тиіс.

Цеф III® препаратын 41 апта мерзімге дейін (гестациялық және постнатальді жасының жиынтығы) шала туған нәрестелерде қолдануға болмайды .

Құрамында кальций бар препараттардың ұзаққа созылатын инфузияларын қоса, құрамында кальций бар венаішілік ерітінділермен емдеу қажет болатын (болжам бойынша), мысалы, парентеральді қоректендіріліп жүрген жаңа туған (≤28 күн) нәрестелерге Цефтриаксонның кальций тұздары преципитаттарының түзілуі қаупіне байланысты, Цеф III® препаратын қолдануға болмайды.

Жаңа туған нәрестелер, сәбилер мен балалар (жасы 15 күннен бастап 12 жасқа дейін )

Дене салмағына тәулігіне бір рет 20-80 мг/кг.

Дене салмағы 50 кг және одан жоғары балаларға әдеттегі ересектер дозасын пайдалануға болады.

Егде жастағы пациенттер

≥65 жастағы пациенттерде бүйрек немесе бауыр функциясының ауыр бұзылулары болмаған жағдайда, Цеф III® препаратының дозасын түзету қажет емес.

Емдеу ұзақтығы

Емдеу ұзақтығы көрсетілімдеріне және аурудың ағымына тәуелді.

Біріктірілген ем

Эксперимент жүзінде, цефтриаксон мен аминогликозидтер көптеген грамтеріс бактерияларға қатысты синергизмге ие екендігі көрсетілді. Аталған біріктірілімдердің тиімділігінің жоғарылығы әрдайым болжана бермейтініне қарамастан, оны Pseudomonas aeruginosa туғызған, ауыр, өмірге қауіп төндіретін инфекциялар дамыған жағдайда қолдану мүмкіндігін қарастыру керек. Химиялық тұрғыдан үйлесімсіздігінің салдарынан, екі дәрілік затты ұсынылған дозасында бөлек-бөлек енгізу керек.

Дозалануы жөніндегі айрықша нұсқаулар

Бактериялық менингит

Бактериялық менингит кезінде сәбилер мен балаларда препаратпен емдеуді тәулігіне бір рет 100 мг/кг дозасынан бастайды (4 г аспайды). Қоздырғышы идентификацияланғаннан және оның сезімталдығы анықталғаннан кейін, дозасын сәйкесінше азайтуға болады. Өте жақсы нәтижелерге, емдеудің келесі ұзақтығында қол жеткізілген:

Диссеминацияланған Лайм ауруы

Балалар мен ересектер үшін ұсынылатын дозасы 14 күн бойы тәулігіне бір рет 50 мг/кг құрайды (ең жоғарысы 2 г).

Соз

Созды (пенициллиназа түзетін және түзбейтін штамдардан туындаған) емдеу үшін 250 мг дозадағы препаратты бұлшықет ішіне бір рет енгізу ұсынылады.

Периоперациялық профилактика

Контаминацияланатын немесе контаминациялануы ықтимал араласымдар кезінде операциядан кейінгі инфекциялардың профилактикасы мақсатында, инфекцияның қауіптілік дәрежесіне байланысты, 1-2 г дозадағы Цеф III® препаратын операция басталғанға дейін 30-90 минут бұрын бір рет енгізу ұсынылады. Тоқ ішек пен тік ішекке жасалатын операциялар кезінде Цеф III® препараты мен 5-нитроимидазолды, мысалы, орнидазолды бір мезгілде енгізген тиімді.

Бүйрек функциясының бұзылуы бар пациенттер

Бүйрек функциясының бұзылуы болмаған жағдайда, Цеф III®препаратының дозасын түзету қажет емес. Тек бүйректің терминалды жеткіліксіздігі

(креатинин клиренсі (КК) <10 мл/мин) жағдайларында ғана Цеф III® препаратының тәуліктік дозасы 2 г аспауы тиіс.

Цефтриаксон гемодиализ немесе перитонеальді диализ кезінде шығарылмайды. Диализ жүргізілетін пациенттерге, диализ аяқталғаннан кейін препараттың қосымша дозасын енгізу қажет емес. Диализ жүргізілетін пациенттерде препараттың тәуліктік дозасы 2 г аспауы тиіс.

Бауыр функциясының бұзылуы бар пациенттер

Бауыр функциясының бұзылуы болмаған жағдайда, Цеф III® препаратының дозасын түзету қажет емес.

Бауыр мен бүйректің ауыр жеткіліксіздігі бар пациенттер

Бүйрек пен бауырдың ауыр жеткіліксіздігі бар пациенттерде препараттың қауіпсіздігі мен тиімділігіне мұқият клиникалық мониторинг жүргізу ұсынылады.

Бұлшықет ішіне енгізу

Бұлшықет ішіне енгізуді бұлшықетке терең енгізумен жүзеге асыру керек. Бір бұлшықетке 1 г асырмай енгізу ұсынылады.

Құрамында лидокаин бар ерітіндіні вена ішіне енгізуге болмайды (4.3 бөлімін қараңыз).

Вена ішіне енгізу

Цеф III® препаратын 30 минуттан кем емес венаішілік инфузия түрінде (қолайлы жолы), вена ішіне 5 минут бойы баяу сорғалатып қолдану керек. Вена ішіне сорғалатып енгізуді 5 минут ішінде, дұрысы ірі веналарға жүргізу керек. Сәбилер мен 12 жасқа дейінгі балаларда венаішілік 50 мг/кг немесе одан көп дозаларын баяу инфузия жолымен енгізу керек. Жаңа туған нәрестелерде билирубиндік энцефалопатияның ықтимал қаупін азайту үшін, инфузия ұзақтығы 60 минуттан артықты құрауы тиіс. Вена ішіне енгізу мүмкін болмаған немесе бұлшықетішілік енгізу жолы пациент үшін қолайлы болып табылатын жағдайларда, Цеф III® ерітіндісін бұлшықет ішіне енгізген дұрыс. 2 г асатын дозалары үшін вена ішіне енгізу тәсілін пайдалану керек.

Тұнба түзілуі қаупіне байланысты, цефтриаксонды еріту үшін құрамында кальций бар препараттарды (Рингер ерітіндісі, Хартман ерітіндісі) қолданбау керек. Сонымен қатар, цефтриаксонның кальций тұздары преципитаттарының туындауы препаратты құрамында кальций бар ерітінділермен, вена ішіне енгізуге арналған бір инфузиялық жүйеде араластырған кезде орын алуы мүмкін. Сондықтан, цефтриаксон мен құрамында кальций бар ерітінділерді араластырмау немесе бір мезгілде қолданбау керек .

Цеф III® , 1 г, вена ішіне және бұлшықет ішіне енгізу үшін ерітінді дайындауға арналған ұнтақ

Вена ішіне енгізу үшін Цеф III® , 1 г, вена ішіне және бұлшықет ішіне енгізу үшін ерітінді дайындауға арналған ұнтақты инъекцияға арналған 10 мл суда еріту керек. Инъекцияны 5 минут ішінде тікелей венаға немесе инфузиялық түрде енгізу керек.

Бұлшықет ішіне енгізу үшін Цеф III® , 1 г вена ішіне және бұлшықет ішіне енгізу үшін ерітінді дайындауға арналған ұнтақты 1% лидокаин гидрохлориді ерітіндісінде 3,5 мл еріту керек. Ерітіндіні бұлшықет ішіне терең инъекция жолымен енгізу керек. 1 г-ден асатын дозаларды бөліп, бір орыннан басқа жерге енгізу керек.

Цеф III® , 1 г ығыстыру көлемі инъекцияға арналған суда 0,71 мл және лидокаин гидрохлориді ерітіндісінің 1% құрайды. Инъекцияға арналған 10 мл су қосылған кезде қалпына келтірілген ерітіндінің соңғы концентрациясы 93,37 мг / мл құрайды. 3,5 мл 1% лидокаин гидрохлориді ерітіндісін қосқан кезде қалпына келтірілген ерітіндінің соңғы концентрациясы 237,53 мг / мл құрайды.

Цеф III®, 0.5 г, вена ішіне және бұлшықет ішіне енгізу үшін ерітінді дайындауға арналған ұнтақ

Вена ішіне енгізу үшін Цеф III®, 0.5 г, вена ішіне және бұлшықет ішіне енгізу үшін ерітінді дайындауға арналған ұнтақты инъекцияға арналған 5 мл суда еріту керек. Инъекцияны 5 минут ішінде тікелей венаға немесе инфузиялық түрде енгізу керек.

Бұлшықет ішіне инъекция үшін Цеф III® , 0.5 г, вена ішіне және бұлшықет ішіне енгізу үшін ерітінді дайындауға арналған ұнтақты 1% лидокаин гидрохлоридінің 2 мл ерітіндісінде еріту керек. Ерітіндіні бұлшықет ішіне терең инъекция жолымен енгізу керек. 1 г-ден асатын дозаларды бөліп, бір орыннан басқа жерге енгізу керек.

Ерітінділердің түсі ақшыл сарыдан қоңыр сарыға дейін өзгеруі мүмкін.

Цефтриаксон

Емі симптоматикалық. Спецификалық антидоты жоқ. Гемодиализ және перитонеалды диализ тиімсіз.

Лидокаин

Симптомдары:

Лидокаиннің артық дозалануынан туындаған уытты реакциялар негізінен орталық жүйке жүйесі мен жүрек-қантамыр жүйесіне қатысты болады. Орталық жүйке жүйесінің уыттылығы үдейді, яғни симптомдардың ауырлығы үнемі артады.

Кездейсоқ тамырішілік енгізу кезінде келесі симптомдар бірден пайда болады (яғни 1-3 минут ішінде), ал артық дозаланғанда кідіріс 20-30 минутты құрайды.

Артық дозаланудың ерте симптомдары мыналар: есінеу, парестезия (әсіресе ауыз айналасында), ұйқышылдық, мазасыздық, бас айналу, құлақтың шуылы, гипакузия, көру қабілетінің бұзылуы, дизартрия және атаксия, сондай-ақ жүрек айну мен құсу болады. Орташа уыттану кезінде бұлшықеттің тартылуы немесе бұлшықет түйілуі және одан кейінгі жайылған құрысулар байқалуы мүмкін, олар естен танумен, тыныс алу бәсеңдеуімен және комамен бірге жүруі мүмкін.

Ауыр жағдайларда жүрек-қантамыр жүйесіне де әсер етеді (әдетте тек орталық жүйке жүйесі тарапынан симптомдар пайда болғаннан кейін ғана). Симптомдарға артериялық қысымының төмендеуі, брадикардия және аритмия жатады. Өте ауыр улану толық AV блокадасына және жүрек-қан тамырлары жүйесінің тоқтауына әкелуі мүмкін.

Егер жедел жүйелік уыттылық белгілері пайда болса, препаратты енгізуді дереу тоқтату керек. Арнаулы антидоты жоқ; артық дозалануды емдеу симптоматикалық болып табылады. Жүрек-қан тамырлары жүйесі тоқтаған жағдайда ацидозды емдеуді қоса, жылдам жүрек-өкпе реанимациясы жүргізіледі.

Дәрілік препараттың бір немесе бірнеше дозасын өткізіп алу кезіндегі қажетті шаралар

Ұмытылып қабылданбай қалған дозаның орнын толтыру үшін екі есе дозаны қабылдамаңыз.

Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар

Дәрілік препаратты қолданар алдында кеңес алу үшін дәрігерге жүгініңіз.

ЖР туындаған жағдайлардың жиілігін сипаттау үшін келесі санаттар пайдаланылады: өте жиі (≥1/10), жиі (≥1/100 - <1/10 дейін), жиі емес (≥1/1000 - <1/100 дейін), сирек (≥1/10 000 -<1/1000 дейін), өте сирек (<1/10

000) және белгісіз (жиілігін қолда бар деректердің негізінде есептеп шығару мүмкін емес).

Цефтриаксонға жиілігі көбірек жағымсыз реакциялар эозинофилия, лейкопения, тромбоцитопения, диарея, бөртпе және «бауыр» ферменттері белсенділігінің жоғарылауы болып табылады.

Лидокаинсіз/лидокаинмен цефтриаксон

Цеф III® препаратымен емдеу кезінде келесі жағымсыз реакциялар байқалған, олар өздігінен немесе препаратты қолдануды тоқтатқаннан кейін басылған:

Өте жиі

- өт қалтасында цефтриаксон-кальций преципитаттарының симптоматикалық түзілуі, балалардағы қайтымды өттас ауруы

Жиі

- эозинофилия, лейкопения, тромбоцитопения, протромбин уақытының ұзаруы

- диарея,

- бауыр ферменттері белсенділігінің жоғарылауы (АЛТ, АСТ, сілтілік фосфатаза)

- бөртпе, ісіну

Жиі емес

- жыныс мүшелерінің микоздары

- гранулоцитопения, анемия, коагулопатия, қан сарысуындағы креатинин деңгейінің жоғарылауы

- бас ауыруы, бас айналуы

- жүрек айнуы, құсу

- терінің қышыну

- флебит, енгізген жердегі реакциялар (мысалы, енгізген жердегі ауыру, эритема, жергілікті температураның жоғарылауы, қызару, флебит, экстравазация, ісіну, бөртпе, қышыну, қабыну, қатаю, гематома, инфекция, абсцесс), қызба

Сирек

- жалған жарғақшалы колит

- энцефалопатия

- бронх түйілуі

- ядролық сарғаю

- есекжем

- олигурия, гематурия, глюкозурия

Негізінен, препараттың жоғары дозаларын (мысалы, тәулігіне ≥80 мг/кг немесе 10 г асатын, жинақталатын дозаларын) қабылдаған, сондай-ақ, қосымша қауіп факторлары (мысалы, сусыздану, төсек тартып жату режимі) болған балаларда несеп шығару жолдарында цефтриаксон преципитаттары түзілген жағдайлар туралы хабарланды. Бұл құбылыс симптомсыз жүруі немесе клиникалық тұрғыдан көрініс беруі және несепағардың обструкциясы мен бүйректің постренальді жедел жеткіліксіздігіне алып келуі мүмкін, бірақ әдетте, Цеф ІІІ® препаратын қолдануды тоқтатқаннан кейін қайтымды сипатқа ие.

- ісіну, қалтырау, анафилаксиялық немесе анафилактоидтық реакция

Өте сирек

- жалған жарғақшалы энтероколит

Белгісіз

- панкреатит, стоматит, глоссит

- сезімтал емес қоздырғыштармен суперинфекция

- құрысулар

- жедел жайылған экзантематозды пустулез (AGEP), терінің ауыр реакциялары (мультиформалы эритема, Стивенс Джонсон синдромы немесе Лайелл синдромы /уытты эпидермалық некролиз).

- Коунис синдромы («Қолдану кезіндегі қажетті сақтандыру шаралары» бөлімін қараңыз)

- агранулоцитоз (<500/мм³), көп жағдайларда 20 г және одан астам жиынтық дозаны тағайындаудан кейін дамыған.

Ұзақ емдегенде қанның толық талдауын ұдайы жүргізу керек.

Протромбиндік уақыттың елеусіз ұзаруы туралы хабарланды. Постмаркетингтік кезеңде бақыланған жағымсыз реакциялар

Белгісіз: терінің ауыр жағымсыз реакциялары (SCAR): Стивенс Джонсон синдромы, уытты эпидермалық некролиз, жүйелі симптомдармен дәріге байланысты эозинофилия (DRESS-синдром), Яриш-Герксгеймер реакциясы (JНR), мультиформалы эритема және жедел жайылған экзантематозды пустулез (AGEP)

Кальциймен өзара әрекеттесу

Цефтриаксон мен кальцийдің арасындағы өзара әрекеттесуін зерттеу үшін екі in vitro зерттеу жүргізілді, біреуі - ересектердің плазмасын қолданды, екіншісі - жаңа туған нәрестенің кіндік қан плазмасын қолданды. Цефтриаксонның 1 мМ-ге дейінгі концентрациясы (30 минут ішінде 2 г цефтриаксон инфузиясынан кейін in vivo қол жеткізілген концентрациядан асатын) кальцийдің 12 мМ-ге дейінгі концентрациясымен (48 мг/дл) үйлесімде қолданылды. Цефтриаксонның плазмадан шығарылуы кальций концентрациясы ересектер плазмасында 6 мМ (24 мг/дл) немесе одан жоғары және жаңа туған нәрестенің плазмасында 4 мМ (16 мг/дл) немесе одан жоғары болған кезде төмендеді, бұл кальций-цефтриаксон преципитаттарының түзілуін көрсетуі мүмкін.

Цеф III® және құрамында кальций бар ерітінділер қабылдаған жаңа туған нәрестелерде өлімнің бірнеше жағдайы тіркелді, бұл ретте аутопсия кезінде өкпе мен бүйректе преципитаттар табылды.

Осы жағдайлардың кейбірінде Цеф III® препаратын және құрамында кальций бар ерітінділерді енгізу үшін бір ғана инфузиялық желі қолданылды, ал басқа жағдайларда инфузиялық желіде тұнба табылды.

Цеф III® және құрамында кальций бар ерітінділер әртүрлі уақытта және

әртүрлі инфузиялық желілер арқылы енгізілгенде, кем дегенде бір неонатальді өлім туралы хабарланды; аутопсия кезінде преципитаттар табылған жоқ.

Жаңа туған нәрестелерден басқа, пациенттердің басқа жас санаттарына қатысты мұндай хабарламалар болған жоқ.

Лидокаин

Жиі

- күйгелектік, үрейлену, эйфория, сананың шатасуы

- бас айналуы, парестезия, ұйқышылдық, түйсік сезімталдығы, тремор, дизартрия, құрысулар, естен тану

- көрудің нашарлауы, диплопия

- құлақтағы шуыл

- брадикардия, артериялық гипотензия, артериялық гипертензия

- тыныс алу бәсеңдеуі, тыныс алу жеткіліксіздігі

- жүрек айнуы, құсу

- бұлшықет тартылулары

- ісіну, суықты және/немесе қатты ысынуды сезіну

Жиі емес

- гиперакузия

Сирек

- анафилаксиялық реакциялар

- нейропатия

- аритмия, кардиоваскулярлық коллапс, жүректің тоқтап қалуы

Белгісіз

- терінің зақымдануы, есекжем

Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Құрамы

Бір құтының ішінде

белсенді зат - натрий цефтриаксоны

0.5 г, 1.0 г (цефтриаксонға шаққанда)

Сыртқы түрінің, иісінің, дәмінің сипаттамасы

Ақ дерлік түстен сарғыштау немесе сарғыштау-қызыл сары түске дейінгі кристалл ұнтақ, сәл гигроскопиялы.

0.5 г, 1.0 г белсенді зат резеңке тығындармен герметикалық тығындалған, алюминий қалпақшалармен немесе біріктірілген «FLIP OFF» қалпақшаларымен қаусырылған шыны құтыларға салынады.

Әр құтыға заттаңба жабыстырылады.

1, немесе 5, немесе 50 құтыдан медициналық қолдану жөніндегі қазақ және орыс тілдеріндегі бекітілген нұсқаулықпен/ нұсқаулықтармен бірге картон қорапшаларға салынады.

Дәрілік препараты бар қорапшалар картон қораптарға салынады.

Қорапшаға салмай қаптауға рұқсат етіледі : құтылар медициналық қолдану жөніндегі қазақ және орыс тіліндегі бекітілген нұсқаулықтармен бірге картон қораптарға салынады, медициналық қолдану жөніндегі нұсқаулықтар саны құтылардың санына қарай қоса салынады.

3 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 25 °С-ден аспайтын температурада сақтау керек.

Препараттың қалпына келтірілген ерітіндісін дайындағаннан кейін бірден пайдалану керек.

Балалардың қолы жетпейтін жерде сақтау керек!

Рецепт арқылы

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электрондық пошта complaints@santo.kz

«Химфарм» АҚ, Қазақстан Республикасы,

Шымкент қ., Рашидов көш., 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электрондық пошта complaints@santo.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электрондық пошта)

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610150)

Электрондық пошта phv@santo.kz