Анаферон Детский

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Балаларға арналған Анаферон

Халықаралық патенттелмеген атауы

Жоқ

Дәрілік түрі, дозасы

Соруға арналған таблеткалар.

Фармакотерапиялық тобы

Жүйелі қолдануға арналған инфекцияға қарсы препараттар. Жүйелі қолдануға арналған вирусқа қарсы препараттар. Вирусқа қарсы тікелей әсер ететін препараттар. Вирусқа қарсы басқа препараттар.

АТХ коды: J05AX.

Қолданылуы

- 1 айдан 18 жасқа дейінгі балаларда тұмау мен жедел респираторлық вирустық инфекциялардың (ЖРВИ) профилактикасы және емдеу үшін;

- 1 жастан 18 жасқа дейінгі балаларда герпесвирустардан туындаған инфекцияларды (инфекциялық мононуклеоз, желшешек) емдеу үшін, кешенді емнің құрамында;

- 6 айдан 18 жасқа дейінгі балаларда рота- және калицивирустардан туындаған, ішектің жедел инфекциясын емдеу үшін, кешенді емнің құрамында.

Қолданудың басталуына дейін қажетті мәліметтер тізбесі

Қолдануға болмайтын жағдайлар

- әсер етуші затқа немесе қосымша заттардың кез келгеніне аса жоғары сезімталдық;

- 1 айға дейінгі балаларға – тұмау мен басқа ЖРВИ профилактикасы және емдеу үшін;

- 1 жасқа дейінгі балаларға – балалардағы герпесвирустардан туындаған инфекцияларды (желшешек, инфекциялық мононуклеоз) емдеу үшін;

- 6 айға дейінгі балаларға – рота- және калицивирустардан туындаған, ішектің жедел инфекциясын емдеу үшін;

- лактаза тапшылығы, тұқым қуалайтын галактоза жақпаушылығы, глюкоза-галактоза мальабсорбциясы.

Қолдану кезіндегі қажетті сақтандыру шаралары

Қатысты емес.

Басқа дәрілік препараттармен өзара әрекеттесуі

Қазіргі уақытқа дейін басқа дәрілік заттармен үйлесімсіздік жағдайлары тіркелмеді. Қажет болған жағдайда, препаратты басқа вирусқа қарсы, бактерияға қарсы және симптоматикалық дәрілермен үйлестіруге болады.

Арнайы сақтандырулар

Айрықша нұсқаулар

Препараттың құрамына лактоза моногидраты кіреді, соған байланысты, оны туа біткен галактоземиясы, глюкоза мальабсорбциясы синдромы бар пациенттерге, не болмаса туа біткен лактаза жеткіліксіздігі кезінде тағайындау ұсынылмайды.

Педиатрияда қолдану

Балаларға арналған Анаферон препараты балаларда қолдануға арналған.

Жүктілік немесе лактация кезінде

Балаларға арналған Анаферон препаратын жүкті әйелдерде және лактация кезеңінде қолданудың қауіпсіздігі зерттелмеді. Препаратты қабылдау қажет болған жағдайда, қауіп/пайда арақатынасын ескеру керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Балаларға арналған Анаферон көлік құралдарын және қауіптілігі зор басқа механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

ЖРВИ, тұмау

1 айлық және одан үлкен балаларға.

Емнің 1-інші күні келесі сызба бойынша 8 таблеткадан қабылдайды: алғашқы 2 сағатта әр 30 минут сайын 1 таблеткадан (2 сағат ішінде барлығы 5 таблетка), содан соң осы күннің барысында тағы 3 рет, тең уақыт аралықтары сайын 1 таблеткадан қабылдайды.

2-нші күні және одан ары қарай толық сауыққанға дейін күніне 3 рет 1 таблеткадан қабылдайды.

Жедел респираторлық вирустық инфекциялар мен тұмауды препаратпен емдеудің үшінші күні жақсару болмаған жағдайда, дәрігерге жүгіну керек.

Эпидемия маусымында препаратты профилактикалық мақсатта 1-3 ай бойы күнделікті, күніне 1 рет 1 таблеткадан қабылдайды.

Рота- және калицивирустардан туындаған, ішектің жедел инфекциялары, кешенді емнің құрамында

6 айдан бастап және одан үлкен балаларға.

Емнің 1-інші күні келесі сызба бойынша 8 таблеткадан қабылдайды: алғашқы 2 сағатта әр 30 минут сайын 1 таблеткадан (2 сағат ішінде барлығы 5 таблетка), содан соң осы күннің барысында тағы 3 рет, тең уақыт аралықтары сайын 1 таблеткадан қабылдайды.

2-нші күні және одан ары қарай толық сауыққанға дейін күніне 3 рет 1 таблеткадан қабылдайды.

Герпесвирустардан туындаған инфекцияларды (инфекциялық мононуклеоз, желшешек) емдеу, кешенді емнің құрамында

1 жастан бастап және одан үлкен балаларға.

Емнің 1-інші күні келесі сызба бойынша 8 таблеткадан қабылдайды: алғашқы 2 сағатта әр 30 минут сайын 1 таблеткадан (2 сағат ішінде барлығы 5 таблетка), содан соң осы күннің барысында тағы 3 рет, тең уақыт аралықтары сайын 1 таблеткадан қабылдайды.

2-нші күні және одан ары қарай күніне 3 рет 1 таблеткадан қабылдайды. Желшешекті емдеу ұзақтығы 7 күнді құрайды. Инфекциялық мононуклеозды емдеу ұзақтығы 14 күнді құрайды.

Енгізу әдісі және жолы

Ішке, тамақтану уақытынан тыс. Таблетканы толық ерігенге дейін ауызда ұстау керек. Препаратты кішкентай балаларға (1 айдан 6 жасқа дейінгі) тағайындаған кезде таблетканы бөлме температурасындағы аздаған мөлшердегі (1 ас қасық) қайнаған суда еріту ұсынылады.

Артық дозалану жағдайында қабылдау қажет болатын шаралар

Артық дозалануы кезінде препараттың құрамына кіретін қосымша заттар түрткі болатын диспепсиялық құбылыстар болуы мүмкін.

Емі: симптоматикалық.

Дәрілік препараттың бір немесе бірнеше дозасын өткізіп алу кезіндегі қажетті шаралар

Препараттың дозасын қабылдауды өткізіп алған жағдайда, өткізіп алған дозасын барынша ертерек қабылдау және препаратты қабылдау курсын басталған сызба бойынша жалғастыру қажет. Ұмытылып кеткен дозасының орнына дозасын екі еселеуге болмайды.

Дәрілік препаратты қолдану тәсілін түсіндіру үшін медициналық қызметкердің кеңесіне жүгіну жөніндегі ұсынымдар

Препаратты қолданар алдында дәрігермен кеңесіңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Препараттың компоненттеріне жекелей жоғары сезімталдық реакциялары болуы мүмкін.

Жағымсыз реакциялардың туындау жиілігін маркетингтен кейінгі қадағалаудың негізінде есептеп шығару мүмкін емес.

Егер препаратты қабылдаған кезде жағымсыз реакциялар туындаса, қабылдауды тоқтату және дәрігерге жүгіну қажет.

Жағымсыз дәрілік реакциялар туындағанда медициналық қызметкерге,

фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК.

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат: адамның гамма интерферонына аффинді тазартылған антиденелер – 0,003 г*,

қосымша заттар: лактоза моногидраты, микрокристалды целлюлоза, магний стеараты.

* лактоза моногидратына құрамы 10-16 нг/г аспайтын әсер етуші заттың белсенді түрі су-спиртті қоспа түрінде жағылады.

Сыртқы түрінің, иісінің, дәмінің сипаттамасы

Жалпақ цилиндр пішінді, сызығы мен ойығы бар, ақтан ақ дерлік түске дейінгі таблеткалар. Сызығы бар жалпақ жағына MATERIA MEDICA жазуы жазылған, келесі жалпақ жағына ANAFERON KID жазуы жазылған.

Шығарылу түрі және қаптамасы

Соруға арналған таблеткалар. 20 таблеткадан поливинилхлорид үлбір мен алюминий фольгадан жасалған пішінді ұяшықты қаптамада.

Пішінді ұяшықты 1 қаптама медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Сақтау шарттары

25 °C-ден аспайтын температурада сақтау керек.

Балалардың қолы жетпейтін жерде сақтау керек!

Препаратты қолдану кезеңі ішінде пішінді ұяшықты қаптамасын өндіруші қарастырған картон қорапшада сақтау керек.

Дәріханалардан босатылу шарттары

Рецептісіз.

Өндіруші туралы мәліметтер

«МАТЕРИА МЕДИКА ХОЛДИНГ» ҒӨФ» ЖШҚ;

Ресей, 127473, Мәскеу қ., 3-ші Самотечный қысқа көш., 9 үй.

Тел./факс: + 7 (495) 684-43-33.

Тіркеу куәлігінің ұстаушысы

«МАТЕРИА МЕДИКА ХОЛДИНГ» ҒӨФ» ЖШҚ;

Ресей, 127473, Мәскеу қ., 3-ші Самотечный қысқа көш., 9 үй.

Тел./факс: + 7 (495) 684-43-33.

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«МАТЕРИА МЕДИКА ХОЛДИНГ» ҒӨФ» ЖШҚ ҚР өкілдігіАлматы қ., Сейфуллин көш. 498.

Тел./факс: 2734713.

E-mail: kz@dep.materiamedica.ru