Преднизолон Борисовский Змп мазь 0,5% по 10 г (туба)

Преднизолон

Преднизолон

Сыртқа қолдануға арналған жақпамай, 5 мг/г

Дерматология. Кортикостероидтар,  дерматологиялық  препараттар. Кортикостероидтар, қарапайымдар. Белсенділігі төмен кортикостероидтар (I топ). Преднизолон.

АТХ коды D07AA03

Этиологиясы микробтық емес терінің қабыну және аллергиялық ауруларының кешенді емі құрамында: есекжем, экзема, аллергиялық, себореялық және жанаспалы дерматиттер, нейродермит, псориаз, қызыл жегі, эритродермия.

Қолданудың басталуына дейінгі қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- Кушинг синдромы

- терінің зеңдік, бактериялық, вирустық аурулары, желшешек, қарапайым герпес, тері туберкулезі, мерездің терілік көріністері, жарақатты немесе ойық жаралы зақымданулар, кәдімгі безеулер, қызғылт безеулер, периоральді дерматит, тері ісіктері

- вакцинация кезеңі

- 1 жасқа дейінгі балалар

- жүктілік және бала емізу кезеңі

Қолдану кезіндегі қажетті сақтық шаралары

Дәрілік препарат құрамында баяу дамитын типтегі аллергиялық реакцияларды тудыруы мүмкін метилпарагидроксибензоат және пропилпарагидроксибензоат қосымша заттары бар.

Дәрілік препаратты ең аз дозаларда және керекті емдік әсерге жетуге қажетті ең аз қысқа мерзімге тағайындау керек. Ем дәрігердің бақылауымен жүргізілуі керек.

Дәрілік препаратты ұзақ уақыт қолданған кезде күрт тоқтату қауіпті. Аурудың өршуі және пациенттің жалпы жағдайының нашарлауы мүмкін. Сондықтан дәрілік препаратты біртіндеп тоқтату керек.

Емдеу үдерісінде окулисттің бақылауы, артериялық қысымды (АҚ) бақылау қажет. Анамнезінде психозға нұсқау болған кезде жоғары дозалар дәрігердің қатаң бақылауымен тағайындалады.

Кортикостероидтарды қысқа курспен және бірақ, профилактика үшін емес, тек өршуін емдеу үшін ғана қолдану қажет. Тері жабынының кортикостероидтармен өңделетін ең көп рұқсат етілетін ауданы дене беткейінің 20 %-нан аспауы тиіс.

Преднизолонмен басқа глюкокортикостероидтарды, андрогендерді, эстрогендерді, пероральді контрацептивтерді және стероидты анаболиктерді бір мезгілде қолдану гирсутизм мен безеудің пайда болуына ықпал етеді.

Преднизолон антикоагулянттардың ұюға қарсы әсерін күшейтеді. Салицилаттар қабылдау аясында қан кету ықтималдығын арттырады. Диуретиктермен бір мезгілде қабылдаған кезде электролиттік алмасудың бұзылу мүмкіндігін жоғарылатады. Жүрек гликозидтерімен уыттану қаупін күшейтеді. Диабетке қарсы препараттардың гипогликемиялық әсерін азайтады және рифампициннің бактерияға қарсы белсенділігін төмендетеді. Антацидтік препараттармен біріктіру ұсынылмайды.

Иммун тапшылығы жағдайы кезінде сақтықпен қолдану керек (оның ішінде ЖИТС немесе АИТВ-инфекциясын жұқтырған). Емдеу кезеңінде кортикостероидтардың иммунодепрессанттық әсері салдарынан вакцинация жүргізілмеуі керек. Дәрілік препараттың жараларға, шырышты қабықтарға, көзге тиюіне жол бермеу керек. Бет терісіне дәрілік препаратты 5 күннен артық қолдану ұсынылмайды, өйткені беттің терісі атрофиялық өзгерістердің дамуына анағұрлым сезімтал болып келеді.

Сыртқа қолдануға арналған басқа кортикостероидтар сияқты Преднизолон дәрілік препаратын глаукома немесе субкапсулалық катарактаның даму қаупіне байланысты көз аймағының терісіне жағуға болмайды.

Дәрілік препаратты аурудың қайталану ықтималдығы, төзімділік дамуы, пустулезді псориаздың жайылу қаупіне және жергілікті немесе терінің бөгетті функциясының бұзылуынан жүйелі уыттылықтың дамуы салдарынан псориазға шалдыққан пациенттерге аса сақтықпен қолдану керек. Кортикостероидтар қолданған жағдайда псориазға шалдыққан пациенттерді мұқият бақылау керек.

Кортикостероидтар кейбір тері зақымдануларының сыртқы түрін өзгертуі мүмкін, бұл диагноз қоюды қиындатады. Терінің инфекциялық зақымдануларын болдырмас үшін жақпамайды бактерияға қарсы және зеңге қарсы дәрілермен біріктіріп тағайындау ұсынылады.

Педиатрияда қолдану

Дәрілік препарат 1 жастан асқан балаларда қолданылады.

Жүктілік немесе лактация кезінде

Дәрілік препарат плаценталық бөгет арқылы өтеді және емшек сүтінде аз мөлшерде анықталады. Дәрілік препаратты жүктілік және лактация кезеңінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Деректер жоқ.

Қолдану бойынша ұсынымдар

Дозалау режимі

Жақпамайды терінің зақымданған бөліктеріне тәулігіне 1-3 рет жұқалап жағады. Жақпамай жағатын жерлерде окклюзиялық таңғышты пайдалануға немесе кез келген басқа тәсілмен окклюзиялық әсер туғызуға болмайды. Мүмкіндігінше 1 аптадан асатын үздіксіз емдеу кезінде дене беткейінің 10 %-дан астамына жақпамай жағылуын болдырмау керек.

Дәрілік препаратты 1 жастан асқан балаларға тағайындаған кезде емнің жалпы ұзақтығын 3-7 тәулікке дейін шектеп және кортикостероидтар (қыздыратын, бекітетін және окклюзиялық таңғыштар) сіңуінің күшеюіне әкелетін шараларды алып тастау керек.

Енгізу әдісі мен жолы

Сыртқа.

Емдеу курсының ұзақтығы аурудың сипаты мен емнің тиімділігіне байланысты, ол әдетте 6-14 тәулікті құрайды.

Дәрілік препаратты дәрігердің кеңесінсіз 14 күннен артық қолдануға болмайды.

Артық дозаланғанда қабылдануы қажет шаралар

Дәрілік препаратты жоғары мөлшерде ұзақ уақыт қолданған кезде гиперкортицизм симптомдары пайда болуы мүмкін.

Емі: дәрілік препаратты тоқтату және симптоматикалық ем.

Тоқтату симптомдарының болу қаупіне нұсқау

Дәрілік препаратты ұзақ уақыт қолданған кезде күрт тоқтату қауіпті.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

Бұл дәрілік препаратты әрдайым өз дәрігеріңіздің дәл нұсқауы бойынша қолданыңыз. Егер Сіз бір нәрсеге сенімді болмасаңыз, өз дәрігеріңізбен кеңесіңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес).

Белгісіз (қолда бар деректер негізінде бағалау мүмкін емес):

- гиперемия, дәрілік препарат жағылған аумағындағы ісіну, қышыну, стероидты безеулер, телеангиэктазиялар, күйдіру сезімі, тітіркену, терінің құрғауы, әсіресе жеке жақпаушылығы бар пациенттерде;

- терінің салдарлы инфекциялық зақымдануы, ондағы атрофиялық өзгерістер, гипертрихоз (дәрілік препаратты ұзақ уақыт қолданған кезде);

- гиперкортицизм, преднизолонның резорбтивті әсерінің көрінісі ретінде (әсіресе үлкен аумақтарға ұзақ уақыт қолданған кезде). Мұндай жағдайларда препаратты қолдану тоқтатылады.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір сықпаның ішінде

белсенді зат – преднизолон 0.05 г;

қосымша заттар: глицерин, ақ жұмсақ парафин, стеарин қышқылы 95, макроголдың цетостеарил эфирі 6, макроголдың цетостеарил эфирі 25, метилпарагидроксибензоат Е218, пропилпарагидроксибензоат Е216, тазартылған су.

Консистенциясы біртекті ақ түсті жақпамай.

10 г ақ түсті бұрандалы бушондары бар алюминий сықпада. Әр сықпа медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін қолдануға болмайды.

2 ºС-ден 8 ºС-ге дейінгі температурада сақтау керек.

Балалардың қолы жетпейтін жерде сақтау керек.

Рецепт арқылы.

«Борисов медициналық препараттар зауыты» ашық акционерлік қоғамы, Беларусь Республикасы, Минск облысы, Борисов қ., Чапаев көш., 64, тел/факс +375(177)734043.

Е-mail: market@borimed.com

«Борисов медициналық препараттар зауыты» ашық акционерлік қоғамы, Беларусь Республикасы, Минск облысы, Борисов қ., Чапаев көш., 64, тел/факс +375(177)734043.

Е-mail: market@borimed.com

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

«LEKARSTVENNAYA BEZOPASNOST (Лекарственная безопасность)» ЖШС

Қазақстан Республикасы, 050047, Алматы қ., Алатау ауданы, Саялы шағын ауданы, 16 үй, 8 пәтер, тел.: +7 777 064 27 02, +7 499 504 15 19

Е-mail: kazakhstan@drugsafety.ru, adversereaction@drugsafety.ru