Преднизолон Аджио-Фармасьютикалс раствор д/ин. 30 мг/мл по 1 мл №3 (ампулы)

Преднизолон

Преднизолон

Вена ішіне және бұлшықет ішіне енгізуге арналған ерітінді, 30 мг/мл

Жүйелі әсер ететін гормональді препараттар, жыныс гормондарын және инсулиндерді қоспағанда. Жүйелі пайдалануға арналған кортикостероидтар. Жүйелі пайдалануға арналған кортикостероидтар, қарапайымдар. Глюкокортикоидтар. Преднизолон.

ATХ коды Н02АВ06

Организмде глюкокортикостероидтар концентрациясының тез жоғарылауын қажет ететін ургенттік жағдайларда

- шок жағдайларында (күйіктік, жарақаттық, операциялық, уытты)

- тамырды тарылтатын дәрілер, плазма алмастырғыш препараттар және басқа да симптоматикалық ем тиімсіз болғанда

- аллергиялық реакцияларда (ауыр жедел түрлері), гемотрансфузиялық шокта, анафилаксиялық шокта, анафилактоидтық реакцияларда

- мидың ісінуінде (соның ішінде ми ісіктері аясында немесе хирургиялық араласыммен, сәулелік еммен немесе бас жарақатымен байланысты)

- бронх демікпесінде (ауыр түрі), демікпелік статуста

- дәнекер тінінің жүйелі ауруларында (жүйелі қызыл жегі, ревматоидтық артрит)

- бүйрекүсті бездері функциясының жедел жеткіліксіздігінде

- тиреоуыттық кризде

- жедел гепатитте, бауырлық комада

- қабыну құбылыстарын азайту және тыртықтанып тарылулардың алдын алу үшін (қышқылдармен және сілтілермен уланғанда)

Қолданудың басталуына дейін қажетті мәліметтер тізбесі

Өмір сүру көрсетілімдері бойынша қысқа мерзімде қолдану үшін жалғыз ғана қарсы көрсетілім төмендегі болып табылады.

- преднизолонға немесе қосымша заттарының кез келгеніне аса жоғары сезімталдық

Ұзақ уақыт емдегенде:

- асқазан мен он екі елі ішектің ойық жара ауруы, эзофагит, гастрит, жедел және жасырын пептидтік ойық жара, ішекке жуырда жасалған анастомоз, тесілу немесе іріңдеу қаупі бар спецификалық емес ойық жаралы колит, дивертикулит, HbsAg оң реакциясымен созылмалы гепатит

- паразиттік және шығу тегі вирустық, зеңдік немесе бактериялық инфекциялық аурулар (қазіргі таңда өтіп жатқан немесе жуырда бастан өткерген, жуырда пациенттермен жанасуды қоса) - қарапайым герпес, белдемелік герпес (виремиялық фаза), желшешек, қызылша; амебиаз, стронгилоидоз; жүйелі микоз; белсенді және жасырын туберкулез. Ауыр инфекциялық ауруларда қолдануға тек, спецификалық ем аясында ғана жол беріледі

- вакцина алдындағы және вакцинадан кейінгі кезең (вакцинацияға дейінгі 8 апта және вакцинациядан кейінгі 2 апта), БЦЖ екпесінен кейінгі лимфаденит, иммун тапшылығы жағдайлары (соның ішінде ЖИТС немеме АИТВ инфекциясын жұқтыру)

- жуырда бастан өткерген миокард инфарктісі (жедел және баяу өрбитін миокард инфарктісі бар пациенттерде некроз ошағы таралуы, тыртықты тіндер түзілуінің баяулауы және соның салдарынан жүрек бұлшықетінің үзілуі ықтимал), жүрек функциясының ауыр созылмалы жеткіліксіздігі, артериялық гипертензия, гиперлипидемия

- қант диабеті (соның ішінде көмірсуларға толеранттылықтың бұзылуы), тиреотоксикоз, гипотиреоз, Иценко-Кушинг ауруы, семіздік (III-IV дәрежесі)

- бүйрек және/немесе бауыр функциясының созылмалы ауыр жеткіліксіздігі, нефроуролитиаз

- гипоальбуминемия және оның туындауына бейім ететін жағдайлар

- жүйелі остеопороз, миастения gravis

- жедел психоз, полиомиелит (бульбарлық энцефалит түрін қоспағанда)

- ашық- және жабық бұрышты глаукома

- БЦЖ екпесінен кейінгі лимфаденит

- жүктілік кезеңі.

Бойдың өсуі кезеңінде балаларда ГКС тек абсолюттік көрсетілімдері бойынша және емдеуші дәрігердің аса мұқият бақылауымен қолданылуы тиіс.

Преднизолонның вена ішіне енгізілетін басқа препараттармен фармацевтикалық үйлесімсіздігі болуы мүмкін – оны басқа препараттардан бөлек (вена ішіне болюсті түрде, немесе екінші ерітінді ретінде басқа тамызғыш арқылы) енгізу ұсынылады. Преднизолон ерітіндісін гепаринмен араластырғанда тұнба түзіледі.

Преднизолонды мыналармен бір мезгілде тағайындау:

- "бауырлық" микросомалық ферменттердің индукторларымен (фенобарбитал, фенитоин, теофиллин, рифампицин, эфедрин) оның концентрациясының төмендеуіне алып келеді

- диуретиктермен (әсіресе "тиазидтік" және карбоангидраза тежегіштерімен) және В амфотерицинмен организмнен К+ шығарылуының күшеюіне; құрамында натрий бар препараттармен – ісінулерге және артериялық қысымның жоғарылауына алып келуі мүмкін

- В амфотерицинмен жүрек функциясы жеткіліксіздігінің даму қаупі артады

- жүрек гликозидтерімен олардың жағымдылығы нашарлайды және қарыншалық экстрасистолияның даму ықтималдылығы жоғарылайды (гипокалиемияның туындауына байланысты)

- әсері тікелей емес антикоагулянттармен олардың әсерін әлсіретеді (сирек жағдайда күшейтеді) (дозаны түзетуді қажет етеді)

- антикоагулянттармен және фибринолитиктермен асқазан-ішек жолындағы ойық жаралардан қан кетулердің даму қаупі жоғарылайды

- этанолмен және қабынуға қарсы стероидты емес препараттармен (ҚҚСП) асқазан-ішек жолында эрозиялық-ойық жаралы зақымдардың туындау және қан кетулердің даму қаупі күшейеді (артриттерді емдеген кезде ҚҚСП-пен біріктірілімінде емдік әсерлердің жинақталуына байланысты глюкокортикостероидтардың дозасы төмендетілуі мүмкін)

- парацетамолмен гепатоуыттылықтың даму қаупі артады (бауыр ферменттерінің индукциясы және парацетамолдың уытты метаболитінің түзілуі)

- ацетилсалицил қышқылымен оның шығарылуын жылдамдатады және қандағы концентрациясын төмендетеді (преднизолонды тоқтатқан кезде қанда салицилаттардың деңгейі жоғарылайды және жағымсыз құбылыстардың даму қаупі артады)

- инсулинмен және пероральді гипогликемиялық препараттармен, гипотензиялық дәрілермен олардың тиімділігі азаяды

- D дәруменімен оның ішекте Са2+ сіңуіне ықпалы төмендейді

- соматотроптық гормонмен соңғысының тиімділігін, ал празиквантелмен оның концентрациясын төмендетеді

- М-холиноблокаторлармен (антигистаминдік препараттарды және трициклдық антидепрессанттарды қоса) және нитраттармен көзішілік қысымның жоғарылауына ықпал етеді

- изониазидпен және мекселитинмен олардың метаболизмін арттырады (әсіресе "баяу" ацетилаторлардың), бұл олардың плазмалық концентрацияларының төмендеуіне алып келеді. Карбоангидраза тежегіштері және "ілмектік" диуретиктер остеопороздың даму қаупін арттыруы мүмкін

- индометацин, преднизолонды альбуминдермен байланысынан ығыстырып, олардың жағымсыз әсерлерінің даму қаупін арттырады

- АКТГ преднизолонның әсерін күшейтеді

- эргокальциферол және паратгормон преднизолонның әсерінен туындайтын остеопатияның дамуына кедергі жасайды

- циклоспорин және кетоконазол, преднизолонның метаболизмін баяулата отырып, бірқатар жағдайларда оның уыттылығын арттыруы мүмкін

- андрогендерді және стероидтық анаболиялық препараттарды преднизолонмен бір мезгілде тағайындау шеткері ісінулердің және гирсутизмнің дамуына, безеулердің пайда болуына ықпал етеді

- эстрогендер және құрамында эстроген бар пероральді контрацептивтер преднизолонның клиренсін төмендетеді, бұл оның әсер ету айқындығының күшеюімен қатар жүруі мүмкін

- митотан және бүйрекүсті бездері қыртысы функциясының басқа тежегіштері преднизолонның дозасын арттыру қажеттілігіне себепші болуы мүмкін

- вирустарға қарсы тірі вакциналармен бір мезгілде қолданғанда және иммунизацияның басқа да түрлерінің аясында вирустардың белсенділену және инфекциялардың даму қаупін арттырады

- психозға қарсы дәрілер (нейролептиктер) және азатиоприн преднизолонды тағайындағанда катарактаның даму қаупін арттырады

- антитиреоидтық препараттармен бір мезгілде қолданғанда преднизолонның клиренсі төмендейді, ал тиреоидтық гормондармен – жоғарылайды.

Арнайы сақтандырулар

Емдеуді бастар алдында (емдеу үдерісінде жағдайдың ургенттілігіне байланысты мүмкін болмағанда) пациент ықтимал қарсы көрсетілімдерді анықтау тұрғысында тексерілуі тиіс. Клиникалық тексеру жүрек-қантамыр жүйесін зерттеуді, өкпені рентгенологиялық зерттеуді, асқазан мен он екі елі ішекті, несеп шығару жүйесін, көру мүшелерін; қан формуласын, қан плазмасындағы глюкоза және электролиттер мөлшерін қамтуы тиіс.

Преднизолонмен (әсіресе ұзаққа созылатын) емдеу кезінде окулистің бақылауы, артериялық қысымды, су-электролиттік теңгерім жағдайын, сондай-ақ, шеткері қан көрінісін және қандағы глюкоза деңгейін бақылау қажет.

Жағымсыз құбылыстарды азайту мақсатында организмге К+ түсуін (диета, калий препараттары) арттыру керек. Тағам ақуыздарға, дәрумендерге бай болуы, май, көмірсулар және ас тұзының мөлшерлері шектелуі тиіс.

Препараттың әсері гипотиреозы және бауыр циррозы бар пациенттерде күшейеді.

Препарат бұрыннан бар эмоционалдық орнықсыздықты немесе психоздық бұзылуларды күшейтуі мүмкін. Анамнезінде психоз көрсетілсе, преднизолонның жоғары дозаларын дәрігердің қатаң бақылауымен тағайындайды.

Демеуші ем кезіндегі стресс жағдайларында (мысалы, хирургиялық операциялар, жарақат немесе инфекциялық аурулар) глюкокортикостероидтарға қажеттіліктің жоғарылауымен байланысты препараттың дозасына түзету жүргізу керек. Күрт тоқтатқанда, әсіресе мұның алдында жоғары дозаларды қолданған жағдайда, «тоқтату» синдромы (анорексия, жүректің айнуы, мәңгіру, бұлшықет-қаңқаның жайылған ауыруы, жалпы әлсіздік) дамуы, сондай-ақ, преднизолонның тағайындалу себебінен ауру өршуі мүмкін.

Преднизолонмен емдеу кезінде тиімділігі (иммундық жауап) төмендейтін болғандықтан вакцинацияны жасамау керек.

Интеркурренттік инфекцияларды, сепсистік жағдайларда және туберкулезде преднизолонды тағайындай отырып, бактерицидтік әсері бар антибиотиктермен бір мезгілде ем жүргізу қажет.

Сүйек-буын жүйесіне рентгенологиялық бақылау (омыртқаның, қол басы сүйектерінің суреттері) керек.

Преднизолон 11- және 17-оксикетокортикостероид метаболиттерінің мөлшерін арттырады.

Склеродермиялық бүйректік криз (жедел склеродермиялық нефропатия)

Жүйелік склеродермиясы бар пациенттер преднизолонды тәуліктік 15 мг және одан көбірек дозада күн сайын қабылдағанда, артериялық гипертензиямен және диурездің төмендеуімен бірге склеродермиялық бүйректік криздің (өліммен аяқталуы мүмкін) даму жағдайлары жиілігінің артуы байқалатындықтан, сақтық таныту қажет. Артериялық қысымды және бүйрек функциясын (қан плазмасындағы креатинин концентрациясы) белгіленген тәртіппен бақылау керек. Бүйректік кризге күдіктенгенде артериялық қысымды өте мұқият бақылау қажет.

Егде жаста пайдалану

Жүйелі кортикостероидтардың таралған жағымсыз әсерлері егде жаста өте күрделі салдарларымен, әсіресе остеопорозбен, гипертониямен, гипокалиемиямен, диабетпен, инфекцияға ұшыраумен және терінің жұқаруымен байланысты болуы мүмкін. Өмірге қауіп төндіретін реакцияларға жол бермеу үшін мұқият клиникалық бақылау қажет.

Бүйрек жеткіліксіздігі

Бүйрек және несеп шығару жолдарының жасырын инфекциялық аурулары бар пациенттерде Преднизолон лейкоцитурияны туындатуға қабілетті, мұның диагностикалық маңызы болуы мүмкін.

Қант диабеті

Қант диабеті бар пациенттерде қандағы глюкоза мөлшерін бақылау және қажет болған жағдайда емге түзету енгізу керек.

Қосымша заттар

Қосымша заттардың құрамында 1 мл препаратта 259.376 мг мөлшерде пропиленгликоль бар, алкогольдің әсеріне ұқсас әсерлер туындауы мүмкін.

Педиатрияда қолданылуы

Преднизолонмен ұзақ емдеген кезде балаларда бойдың өсуі мен даму динамикасын мұқият бақылау қажет. Емделу кезеңінде қызылшаға, желшешекке шалдыққан пациенттермен қарым-қатынаста болған балаларға профилактикалық мақсатта спецификалық иммуноглобулиндерді тағайындайды.

Бүйрекүсті бездері функциясының жеткіліксіздігі кезінде, минералокортикоидтық әсерінің әлсіздігі салдарынан, алмастыру емі үшін преднизолонның минералокортикоидтармен біріктірілімін пайдаланады.

Жүктілік немесе лактация кезінде

Жүктілік

Жүктілік кезінде (әсіресе І триместрде) өмірлік көрсетілімдері бойынша ғана қолданады.

Жүктілік кезеңінде ұзақ емдегенде шаранада өсудің бұзылуы мүмкін екендігі жоққа шығарылмайды. Жүктіліктің ІІІ триместрінде қолданған жағдайда шаранада бүйрекүсті безі қыртысы атрофиясының туындау қаупі бар, ол жаңа туған нәрестеде алмастыру емін жүргізуді қажет етуі мүмкін.

Бала емізу

Преднизолон аздаған мөлшерде емшек сүтімен бөлініп шығады. Дегенмен, преднизолонның күніне 40 мг дейінгі дозаларының балада жүйелі әсерлерді туындатуы екіталай. Лактация кезеңінде қолдану қажет болған жағдайда, анасы үшін емдеудің күтілетін пайдасын және бала үшін қаупін мұқият салыстыру керек. Емшектегі нәрестені қадағалау ұсынылады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автомобильді жүргізу және техникамен жұмыс жасау қабілетіне ықпалын тигізбейді.

Дозалану режимі

Препараттың дозасын және емдеу ұзақтығын дәрігер көрсетілімдерге және аурудың ауырлығына байланысты жекелей белгілейді. Преднизолонды вена ішіне (тамшылатып немесе сорғалатып) немесе бұлшықет ішіне енгізеді. Вена ішіне препаратты әдетте сорғалатып, содан кейін тамшылатып енгізеді.

Бүйрекүсті бездері функциясының жедел жеткіліксіздігінде препараттың бір реттік дозасы 100 - 200 мг, тәуліктік дозасы 300-400 мг құрайды.

Ауыр аллергиялық реакцияларда Преднизолонды 3-16 күн бойы тәуліктік 100-200 мг дозада енгізеді.

Бронх демікпесінде препаратты аурудың ауырлығына және 3-тен 16 күнге дейінгі емдеу курсында 75-тен 675 мг-ге дейінгі кешенді емнің тиімділігіне байланысты енгізеді; ауыр жағдайларда доза емдеу курсында 1400 мг-ге дейін және одан көбірекке арттырылуы және біртіндеп төмендетілуі мүмкін.

Деміпелік статуста Преднизолонды тәулігіне 500-1200 мг дозада енгізіп, кейіннен тәулігіне 300 мг дейін төмендетеді және демеуші дозаға ауыстырады.

Тиреоуытты кризде тәуліктік 200-300 мг дозада 100 мг-ден енгізеді; қажет болған кезде тәуліктік доза 1000 мг-ге дейін арттырылуы мүмкін. Қолдану ұзақтығы емдік әсеріне байланысты, ол әдетте 6 күнге дейін.

Стандартты емге резистентті шокта емнің бас кезінде Преднизолонды әдетте сорғалатып енгізеді, содан кейін тамшылатып енгізуге ауысады. Егер 10-20 минут ішінде артериялық қысым жоғарыламаса, препаратты сорғалатып енгізуді қайталайды.

Бір реттік доза 50-150 мг құрайды (ауыр жағдайларда – 400 мг-ге дейін). Препаратты 3-4 сағаттан кейін қайталап енгізеді. Шок жағдайынан шыққаннан кейін артериялық қысым тұрақталғанға дейін тамшылатып енгізуді жалғастырады. Тәуліктік доза 300-1200 мг құрауы мүмкін (кейіннен дозаны төмендетеді).

Бауыр-бүйрек функциясының жедел жеткіліксіздігінде (қатты уланғанда, операциядан кейінгі және босанудан кейінгі кезеңде және басқада) Преднизолонды тәулігіне 25-75 мг-ден енгізеді; көрсетілімдері бар болғанда тәуліктік доза тәулігіне 300-1500 мг-ге дейін және одан жоғарыға арттырылуы мүмкін.

Ревматоидты артритте және жүйелік қызыл жегіде Преднизолонды жүйелік қабылдауға қосымша ретінде преднизолонды 7-10 күннен асырмай тәулігіне 75 -125 мг дозада енгізеді.

Жедел гепатитте Преднизолонды 7-10 күн бойы тәулігіне 75 -100 мг дозадан енгізеді.

Жоғарғы тыныс жолдары мен ас қорыту жолы қышқылдармен және сілтілермен күйіп уланғанда преднизолонды 3-18 күн бойы тәулігіне 75-400 мг дозада тағайындайды.

Вена ішіне енгізу мүмкін болмаған жағдайда, Преднизолонды сол дозаларда бұлшықет ішіне енгізеді. Шиеленіскен жағдайды басу үшін ішке преднизолонның таблеткасын тағайындап, кейіннен дозаны біртіндеп азайтады. Препаратты ұзақ уақыт қабылдағанда тәуліктік дозаны біртіндеп төмендету керек. Ұзаққа созылған емді күрт тоқтатуға болмайды!

Балалар

2-ден 12 айға дейінгі балаларға – тәулігіне 2-3 мг/кг, 1 жастан 14 жасқа дейін – тәулігіне 1-2 мг/кг, б/і, в/і баяу енгізеді (3 минут бойы). Қажет болғанда, осы дозаны 20-30 минуттан кейін қайталауға болады. Бойының өсу кезеңінде балаларға глюкокортикостероидтар тек абсолюттік көрсетілімдер бойынша және емдеуші дәрігердің аса мұқият бақылауымен қолданылуы тиіс.

Вена ішіне және бұлшықет ішіне енгізуге арналған.

Симптомдары: жоғарыда сипатталған жағымсыз құбылыстар күшеюі мүмкін.

Емі: преднизолонның дозасын азайту қажет. Симптоматикалық ем.

Дәрілік препаратты қолдану тәсілін түсіну үшін медициналық қызметкердің кеңесіне жүгіну жөніндегі нұсқаулар

Сізде осы дәрілік препаратты қолдану жөнінде қандай-да бір қосымша сұрақтар туындаған жағдайда, өз дәрігеріңізге жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек болатын шаралар

Гипоталамус-гипофиз-бүйрекүсті бездері жүйесінің супрессиясын қоса, болжамды жағымсыз әсерлердің даму жиілігі дозаға, тағайындау уақытына және емдеу ұзақтығына тәуелді. Жағымсыз әсерлерін барынша аз мерзім ішінде ең төмен тиімді дозаны қолдана отырып барынша азайтуға болады.

Өте жиі

- инфекцияларға жоғары сезімталдық, бұрыннан бар инфекциялардың өршуі, жасырын инфекциялардың белсенділенуі және преднизолонның иммуносупрессорлық және қабынуға қарсы әсері салдарынан инфекция симптомдарының бүркемеленуі

- эозинофилдер және лимфоциттер санының төмендеуі

- бұрыннан бар аурудың бүркемеленуіне немесе өршуіне алып келетін иммуносупрессорлық және қабынуға қарсы әсер

- преднизолонды ұзақ уақыт пероральді қолданғанда бүйрекүсті бездері функциясының жеткіліксіздігі (гипоталамустың тежелуімен басталатын және бүйрекүсті бездері қыртысының шынайы атрофиясымен аяқталатын), бүйрекүсті бездері функциясының жеткіліксіздігі салдарынан тоқтату синдромы (бас ауыруы, жүрек айнуы, бас айналуы, анорексия, әлсіздік, эмоционалдық жағдайдың өзгерулері, апатия және стресс жағдайларына әдеттен тыс реакция, инсулинге сезімталдығы төмен «стероидты қант диабеті», бұрыннан қант диабетінен зардап шегіп жүрген пациенттерде қандағы қант деңгейінің жоғарылауы (100%). Өсу гормоны секрециясының бұзылулары және өсу гормонына сезімталдықтың төмендеуі нәтижесінде бой өсудің кідіруі

- көзішілік қысымның жоғарылауы (пероральді препаратпен ем қабылдап жүрген пациенттердің 40%-ына дейін), препаратпен пероральді түрде ұзақ уақыт емделіп жүрген пациенттердің 30%-ында катаракта

- өкпе обырынан зардап шегіп жүрген пациенттерде өкпе абсцесі (12%).

- арқаның ауыруы, қимыл-қозғалыстың төмендеуі, қатты ауыру, омыртқалардың компрессиялық сынулары және омыртқа биіктігінің төмендеуі, жілік сүйектерінің сынулары сияқты симптомдармен остеопороз.

Жиі

- лейкоциттер және тромбоциттер санының жоғарылауы

- физиологиялық дозасынан жоғары пероральді дозаларды (әдетте тәулігіне 50 мг-ден көбірек) ұзақ уақытқа тағайындағанда май жиналудың өзгеруін (ай тәріздес бет, орталықтық семіру, «бұқа өркеш») қоса Кушинг синдромы, калийдің орнына натрийді ұстап қалу салдарынан гипокалиемия, бала туа алатын жастағы әйелдерде аменорея, ішке қабылданатын жоғары дозалармен емдегенде холестерин, триглицеридтер және липопротеин деңгейлерінің жоғарылауы

- эйфория, депрессия, кортикостероидтар индукциялаған психоз

- гипертензия (натрийдің іркілуі салдарынан, бұл сұйықтықтың іркілуіне алып келеді), жүрек функциясының іркілісті жеткіліксіздігінің ушығуы (натрийдің іркілуі нәтижесінде)

- туберкулездің даму қаупінің жоғарылауы

- ауыз қуысының кандидозы, колитте, илеитте, дивертикулитте симптомдардың күшеюі

- шырышты қабықтардың зеңдік инфекциясы, созылулар, безеу бөртпесі, көгерулердің пайда болуы, дерматит, экхимоз, бет эритемасы, атрофия, гирсутизм, жараның баяу жазылуы, қатты терлеу, телеангиэктазиялар және терінің жұқаруы, терінің бұрыннан бар ауруларының бүркемеленуі немесе нашарлауы

- түнгі полиурия

Жиі емес

- аллергиялық реакциялар

- пероральді аз дозалармен емдегенде қант диабеті (<1%), пероральді төмен дозалармен емдегенде холестерин, триглицеридтер және липопротеиндер деңгейлерінің жоғарылауы

- ұйқысыздық, көңіл-күйдің құбылуы, тұлғалық өзгерістер, маниакальді синдром және елестеулер

- тыныс алу бұлшықеттерінің миопатиясы

- асқазанның ойық жарасы немесе тоқ ішектің ойық жарасы, асқазан-ішектік қан құйылулар (0,5%), асқазанның, ішектің тесілулері

- сүйек тінінің асептикалық некрозы

- кальций мен фосфат экскрециясының жоғарылауы салдарынан несеп тастары, жыныс гормондары секрециясының бұзылулары (етеккірдің бұзылуы, гирсутизм, импотенция), васкулит

Сирек

- қанның ұюы салдарынан тромбоз қаупі

- қалқанша без функциясының өзгерулері

- церебральді безгек кезінде кома жағдайы созылуы мүмкін, ақыл-ой кемістігі

- көздің герпестік инфекциясымен бір мезгілде көздің мөлдір қабығы бұзылуының жоғары қаупі (осы инфекцияны бүркемелейтін болғандықтан), глаукома (препаратпен ұзақ уақыт пероральді емдеу).

Өте сирек

- кетоацидоз және гиперосмолярлық кома, жасырын гиперпаратиреоздың көрініс беруі, порфирияның жылдам дамуы

- ісік лизисі синдромы

- жасырын эпилепсияның көрініс беруі, мидың жалған ісігі (бас ауыру, көздің айқын көрмеуі және көрудің бұзылулары сияқты симптомдарымен бассүйекішілік катерсіз гипертензия)

- экзофтальм (препаратпен ұзақ уақыт пероральді емдеуден кейін)

- жүректің минуттық көлемінің төмендеу қаупі жоғарылайтын кардиомиопатия, гипокалиемия салдарынан аритмия

- жоғары дозалармен ұзақ емдеуден кейін панкреатит

- эпидермалық некролиз, Стивен-Джонсон синдромы

Белгісіз (қолда бар деректердің негізінде бағалау мүмкін емес)

- брадикардия (жүрек соғуының баяулауы)

- склеродермиялық бүйректік криз

Әртүрлі популяциялар ішінде склеродермиялық бүйректік криздің туындауы ауытқып отырады. Өте жоғары қауіп диффуздық склеродермиясы бар пациенттерде білінеді. Ең төмен қауіп шектеулі склеродермиясы бар (2%) және ювенильді склеродермиясы бар (1%) пациенттерде білінді.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

«Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 мл ерітіндінің құрамында

белсенді зат – преднизолон фосфатына баламалы, преднизолон натрий фосфаты, 30 мг

қосымша заттар: динатрий эдетаты, сусыз динатрий гидрофосфаты, натрий дигидрофосфаты дигидраты, пропиленгликоль, ортофосфорлы қышқылы, инъекцияға арналған су.

Түссіз немесе жасылдау-сарғыш реңді мөлдір ерітінді

1 мл препараттан күңгірт шыныдан жасалған ампулаға құйылады.

3 ампуладан пластик тостағаншаға немесе алюминий фольгадан және мөлдір ПВХ үлбірден жасалған пішінді ұяшықты қаптамаға салынады. 

Пластик тостағанша немесе пішінді ұяшықты қаптама медициналық қолдану жөніндегі қазақ және орыс тіліндегі нұсқаулықпен бірге картон қорапқа салынған.  

Сақтау мерзімі 2 жыл.

Жарамдылық мерзімі өткеннен кейін қолдануға болмайды!

Жарықтан қорғалған жерде, 25°С-ден аспайтын температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

Рецепт арқылы.

Аджио Фармацевтикалз Лтд, Үндістан

A-38, Нандижиот Индастриал Эстайт, Сафедпул, Курла-Андхери Роад, Мумбай- 400 072

Телефон: +91-22-28518206/ 42319000

Факс: +91-22-28518204

Электронды пошта: regulatory@agio-pharma.com

Аджио Фармацевтикалз Лтд, Үндістан

A-38, Нандижиот Индастриал Эстайт, Сафедпул, Курла-Андхери Роад, Мумбай- 400 072

Телефон: +91-22-28518206/ 42319000

Факс: +91-22-28518204

Электронды пошта: regulatory@agio-pharma.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта):

Аджио Фармацевтикалз Лимитед өкілдігі

Алматы қ., Достық даңғылы, 43 үй, 414 кеңсе

Телефон: +7(727)3390105

Электронды пошта: regulatory@agio-pharma.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ConsultAsia» ЖШС

Шевченко к-сі 165Б

050061, Алматы, Қазақстан,

Телефон: +7705-1708825

Электронды пошта: pv@consultingasia.kz