Видроп

Видроп

Колекальциферол

Ішуге арналған тамшылар, 2800 ХБ/мл

Ас қорыту жүйесі және зат алмасу. Дәрумендер. А және Д дәрумені және олардың біріктірілімі. Д дәрумені және оның туындылары. Колекальциферол.

АТХ коды А11СС05

- рахит пен остеомаляцияның профилактикасы және емдеу

- гипокальциемия

- менопауза кезінде егде жастағы және әйелдердегі остеопороздың профилактикасы және емдеу

- созылмалы және операциядан кейінгі гипопаратиреодизм

Қолдануды бастағанға дейін қажетті мәліметтер тізбесі

- әсер етуші затқа немесе қосымша заттардың кез келгеніне жоғары сезімталдық

- Д дәруменінің гипервитаминозы

- бүйрек жеткіліксіздігі

- қанда және несепте кальций мен фосфор деңгейінің жоғарылауы

- кальцийлі бүйрек тастары

- саркоидоз

- жедел өкпе туберкулезі

Қолдану кезіндегі қажетті сақтық шаралары

Кальций алмасуының бұзылуы, бүйрек жеткіліксіздігі, несеп-тас ауыруы, атеросклероз немесе жүректің ишемиялық ауруы бар пациенттерге сақтық қажет. Д дәруменінің барлық түрлері жоғары дозаларда уытты болып табылады, бұл кальций сіңірілуінің едәуір артуына әкеледі. Уытты әсерлер бірнеше ай бойы дене салмағының 1000-3000 ХБ / кг дозасын күнделікті енгізгенде де пайда болуы мүмкін.

Дозаны анықтау кезінде сүт, май, балалар немесе басқа тамақ өнімдері көбінесе Д дәруменімен байытылатындығын ескеру керек.

Жүрек гликозидтерімен ем қабылдайтын пациенттерде сақтық таныту керек, өйткені мұндай жағдайларда гиперкальциемия аритмияға әкелуі ықтимал. Мыналардан аулақ болу үшін ерекше сақтық таныту керек:

Д дәруменін, әсіресе кальциймен және / немесе дәруменмен байытылған тағамдармен (мысалы, балалар тағамы) тиісті бақылаусыз немесе арнайы көрсетілімдерсіз айлар немесе тіпті жылдар бойы үлкен дозаларда профилактикалық қабылдау.

Д дәруменінің үлкен дозалары қысқа уақыт аралығында. Бұл организмнің пайда болған артық кальцийді жоюға тырысуы бүйректің экскреторлық қабілетінің шамадан тыс жүктелуіне әкелуі мүмкін;

Артық дозаланудың алғашқы симптомдары - полиурия және полидипсия.

Рахиттің немесе остеомаляцияның профилактикасы үшін немесе әдеттегі рационға қосымша ретінде Видроп препаратының ұсынылған дозасын алатын пациенттер құрамында Д дәрумені және Д дәруменімен байытылған өнімдері бар басқа препараттардан аулақ болу керек.

Балалар тағамын алатын, Д дәруменімен байытылған (әдетте тәуліктік порцияда 400 ХБ болады) нәрестелерде Д дәрумені препараттарын профилактикалық қолданғанда ерекше сақ болу керек.

Ұсынылатын дозаны жүйелі түрде қабылдау керек, бірақ одан асырмаған жөн.

Пациенттер тағаммен кальцийдің жеткілікті мөлшерін алуын қадағалау керек.

Д дәруменіне төзімді рахиттен ұзақ уақыт ем қабылдап жүрген пациенттерде қандағы кальций мөлшерін ұдайы тексеріп отыру керек.

Қосымша заттар

Видроп препаратының құрамында 1 ммоль (23 мг)/натрий дозасынан аз, яғни іс жүзінде натрийден бос болады.

Эпилепсияға қарсы дәрілер (әсіресе фенитоин және фенобарбитал), рифампицин Д3 дәруменінің реабсорбциясын төмендетеді.

Д3 дәруменін тиазидті диуретиктермен бір мезгілде қолдану гиперкальциемияның даму қаупін арттырады.

Д3 дәруменін жүрек гликозидтерімен бір мезгілде қолдану олардың уытты әсерін күшейтуі мүмкін (жүрек ырғағы бұзылуының көрініс беру қаупін арттырады).

Құрамында алюминий және магний бар антацидті дәрілерді Д дәрумені мен біріктіріп ұзақ уақыт қолдану қандағы алюминий концентрациясының жоғарылауына және соның салдарынан бүйрек жеткіліксіздігі бар пациенттерде алюминийдің сүйек тініне уытты әсер етуі мен гипермагниемияға ықпал етуі мүмкін.

Құрамында кальций мен фосфордың жоғары концентрациясы бар препараттар гиперфосфатемия қаупін арттырады.

Д дәруменін басқа аналогтарымен бір мезгілде қолдану Д дәрумені гипервитаминозының даму қаупін арттырады.

Кетоконазол 1,25(ОН)2-колекальциферол биосинтезін де, катаболизмін де бәсеңдетуі мүмкін.

Д дәрумені гиперкальциемия кезінде қолданылатын кальцитонин, этидронат, памидронат препараттарының антагонисі болып табылады.

Жүктілік

Видропты жүкті немесе бала емізетін әйелдер әдеттегі тәуліктік қажеттілікке сәйкес дозада қабылдауы мүмкін. Күнделікті қажеттіліктен асатын дозалар шаранаға қауіп төндіретіні туралы нақты дәлелдер бар, дегенмен ана үшін емдік пайдасы одан асып кетуі мүмкін.

Бала емізу

Лактация кезінде Д3 дәруменін сақтықпен тағайындау керек, өйткені ана жоғары дозаларда қабылдайтын препарат балада артық дозалану симптомдарын тудыруы мүмкін.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Қолдану бойынша ұсынымдар

Дозалау режимі

Д дәруменінің жетіспеушілігін емдеу аурудың ауырлығына және пациенттің емдеуге реакциясына байланысты 12 аптаға дейін созылуы керек, содан кейін тиісті ұзақ мерзімді қолдау терапиясы.

Балаларға арналған доза

0 жастан 2 жасқа дейінгі жаңа туған нәрестелер

Д дәруменінің жетіспеушілігін емдеу

Күніне 6-15 тамшы (400-1000 ХБ).

Тапшылықты емдегеннен кейін ұзақ мерзімді қолдау терапиясы

және

Д дәруменінің жетіспеушілігінің профилактикасы

Күніне 3-15 тамшы (200-1000 ХБ).

2 жастан 11 жасқа дейінгі балалар

Д дәруменінің жетіспеушілігін емдеу

Күніне 6-30 тамшы (400-2000 ХБ).

Тапшылықты емдегеннен кейін ұзақ мерзімді қолдау терапиясы

және

Д дәруменінің жетіспеушілігінің профилактикасы

Күніне 6-15 тамшы (400-1000 ХБ).

12 жастан 18 жасқа дейінгі жасөспірімдер

Д дәруменінің жетіспеушілігін емдеу

Күніне 6-60 тамшы (400-4000 ХБ).

Тапшылықты емдегеннен кейін ұзақ мерзімді қолдау терапиясы

және

Д дәруменінің жетіспеушілігінің профилактикасы

Күніне 6 – 24 тамшы (400-1600 ХБ).

Ересектерге арналған доза

Ересектер мен қарттар

Д дәруменінің жетіспеушілігін емдеу

Күніне 12-60 тамшы (800-4000 ХБ).

Тапшылықты емдегеннен кейін ұзақ мерзімді қолдау терапиясы

және

Д дәруменінің жетіспеушілігінің профилактикасы

Күніне 12-24 тамшы (800-1600 ХБ).

Остеопороздың арнайы терапиясына қосымша ретінде

Күніне 12 тамшы (800 ХБ).

Жүктілік және бала емізу кезінде

Д дәруменінің жетіспеушілігін емдеу

Күніне 6-60 тамшы (400-4000 ХБ).

Тапшылықты емдегеннен кейін ұзақ мерзімді қолдау терапиясы

және

Д дәруменінің жетіспеушілігінің профилактикасы

Күніне 6-30 тамшы (400-2000 ХБ).

Пациенттердің популяциясына қатысты әртүрлі көрсеткіштер бойынша дозаларды жинақтайтын кесте

Қолдану тәсілі

Препарат аздаған сұйықтық мөлшерімен пероральді қабылданады.

Тамшыларды мөлшерлеу кезінде бөтелкені тік ұстау керек.

Енгізу әдісі мен жолы

Пероральді

Артық дозаланғанда қабылдау қажет шаралар

Д3 дәруменінің артық дозалануы препараттың жоғары дозаларын қолдану нәтижесінде болуы мүмкін.

Симптомдары: гиперкальциемия, гиперкальциурия, бүйрек кальцификациясы, сүйектердің зақымдануы, жүрек-тамыр жүйесі тарапынан бұзылулар. Гиперкальциемия Д дәруменін тәулігіне 50000-100000 ХБ дозаларда ұзақ уақыт қолданудан кейін басталады. Препарат артық дозаланғанда: бұлшықет әлсіздігі, тәбеттің болмауы, жүрек айну, құсу, іш қату, қатты шөлдеу, ауыздың кеберсуі, полиурия, летаргия, конъюктивит, көздің қарығуы, панкреатит, дене салмағын жоғалту, қатты терлеу, тері қышынуы, мұрыннан сулы бөліністер, гипертермия, либидо төмендеуі, депрессия, психоздық бұзылыстар, гиперхолестеринемия, трансаминазалар белсенділігінің жоғарылауы, артериялық гипертензия, жүрек ырғағының бұзылуы, уремия, бас ауыру, бұлшықеттер мен буындардың ауыруы, дене салмағының кемуі, бүйрек функциясының бұзылуы, нефролитиаз.

Емі: Видроп препаратын дереу тоқтату, сұйықтық қабылдауды арттыру және кальцийге бай тағамнан бас тарту.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Егер сізде препаратты қолдану бойынша қосымша сұрақтар туындаса, дәрігермен кеңесіңіз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Ұсынылатын дозаларда қолданылғанда білінбейді. Д3 дәруменіне сирек білінетін жекеше жоғары сезімталдық жағдайында немесе ұзаққа созылатын кезең бойына аса жоғары дозаларын қолдану нәтижесінде Д3 дәруменінің артық дозалануы, Д3 дәруменінің гипервитаминозы туындауы мүмкін.

- гиперкальциемия және гиперкальциурия

- аллергиялық реакциялар (қышыну, бөртпе, есекжем)

- асқазан-ішек жолының бұзылыстары (іш қату, метеоризм, жүрек айну, іштің ауыруы немесе диарея) аллергиялық реакциялар (қышыну, бөртпе, есекжем)

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 мл ерітіндінің (28 тамшы) құрамында

белсенді зат – колекальциферол 2800 ХБ/мл,

қосымша заттар: полисорбат 20, Е дәрумені, глицерин, динатрий эдетаты, β-циклодекстрин, тазартылған су.

Өзіне тән иісі бар және дәмі тәтті, мөлдірден бозаңданатын түске дейінгі түссіз ерітінді.

15 мл алюминий қақпақтармен тығындалған күңгірт шыныдан жасалған құтыларда.

1 құтыдан пластмасса тамшылатқыш пипеткасы бар және бекітілген медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Құтыны ашқаннан кейін сақтау мерзімі 5 ай.

Жарамдылық мерзімі өткеннен кейін қолдануға болмайды.

Құрғақ, жарықтан қорғалған жерде 30°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Медикал Юнион Фармасютикалс

Абу-Султан, Исмаилия, Мысыр

Тел: 2(02)22709315; 2(02)22719460

Электронды пошта: export@mupeg.com

Медикал Юнион Фармасютикалс

36 Dr.Mohamed Hassan El Gamal St, 6th District, Nasr City, Каир, Мысыр

Тел: 2(02)22709315; 2(02)22719460

Электронды пошта: export@mupeg.com

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Медикал Юнион Фармасьютикалс» компаниясының Қазақстан Республикасындағы өкілдігі.

Алматы қ., Марков к-сі 61/1, 3 блок, 2 қабат

Тел.: 8 (727) 224 27 14, 8 (727) 224 27 19,

e-mail: mupkz.al@gmail.com