Цитовир

Капсулалар

Антинеопластикалық және иммуномодуляциялайтын препараттар. Иммуностимуляторлар. Басқа иммуностимуляторлар.

АТХ коды L03AХ

Тұмау мен жедел респираторлық вирустық инфекциялардың профилактикасы ретінде және кешенді ем құрамында.

Қолдануды бастағанға дейін қажетті мәліметтер тізбесі

- препарат компоненттеріне жоғары жеке сезімталдық

- 18 жасқа дейінгі балалар

- жүктілік және лактация кезеңі

- тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы бар адамдар

Егер сіз кейбір қанттарды көтере алмасаңыз, сіз осы дәрілік препаратты қабылдағанға дейін дәрігермен кеңесуіңіз керек.

Басқа дәрілік препараттармен өзара әрекеттесуі

Вирусқа қарсы препараттармен және тұмауды және ЖРВИ симптоматикалық емдеу дәрілерімен бір мезгілде қолдануға болады.

Осы дәрілік препаратты басқа дәрілік препараттармен, өсімдік дәрілік препараттармен, тамақпен, алкогольмен, темекі шегумен және медициналық мақсаттарда пайдаланылмайтын фармакологиялық белсенді заттармен қолдануға әсер ететін өзара әрекеттесулер анықталған жоқ.

1-кесте

Дәрілік препараттар

Әсері

Альфа-глутамил-триптофан

Анықталған жоқ

Бендазол гидрохлориді

Селективті емес бета-адреноблокаторлар

Тамырлардың жалпы шеткері кедергісінің ұлғаюына кедергі келтіреді

Гипотензиялық және диуретикалық препараттар

Гипотензиялық әсерді күшейтеді (артериялық қысымның төмендеуі)

Фентоламин,

Бендазолдың гипотензиялық әсерін күшейтеді

Аскорбин қышқылы

Бензилпенициллин және тетрациклиндер

Қандағы концентрацияны жоғарылатады

Темір препараттары (Fe)

Ішекте сіңуді күшейтеді (үш валентті темірді екі валенттілікке ауыстырады)

Гепарин және тікелей емес антикоагулянттар

Олардың тиімділігін төмендетеді

Ацетилсалицил қышқылы (АСҚ)

Сіңуін және қорытуын төмендетеді, аскорбин қышқылының несеппен бөлінуі артады және АСҚ бөлінуі төмендейді. АСҚ абсорбцияны шамамен 30%-ға төмендетеді

Пероральді контрацептивтер

Сіңуін және қорытуын төмендетеді

Салицилаттар мен қысқа әсер ететін сульфаниламидтер

Кристаллурияның даму қаупін арттырады, қышқылдардың бүйрекпен шығарылуын баяулатады

Сілтілік реакциясы бар препараттар (оның ішінде алкалоидтар)

Бөлініп шығуын ұлғайтады

Изопреналин

Бір мезгілде қолданған кезде хронотропты әсерді азайтады

Барбитураттар мен примидон

Аскорбин қышқылының несеппен шығарылуын арттырады

Психозға қарсы дәрілер (нейролептиктер) – фенотиазин туындылары

Терапиялық әсерді азайтады

Амфетамин және трициклдік антидепрессанттар

Өзекшелік реабсорбцияны азайтады

Емдеуші дәрігер пациенттің қандай препараттарды қабылдайтынын, жақында қабылдағанын немесе қабылдай бастайтынын білуі тиіс. Егер пациент кез келген басқа дәрілік заттарды қабылдаса, препаратты қолдану мүмкіндігіне қатысты дәрігердің кеңесі міндетті.

Арнайы ескертулер

Жүктілік немесе лактация кезінде

Егер анасына келетін пайда балаға төнетін қауіптен басым болса, емшек емізу кезеңінде қолдануға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын басқару және аса көңіл қоюды және психомоторлық реакциялардың жылдамдығын талап ететін басқа да қауіпті қызмет түрлерімен айналысу қабілетіне әсер етпейді.

Дозалау режимі

Емдеу үшін: бір капсуладан күніне 3 рет - 4 күн.

Профилактика үшін:

- тұмаумен және басқа да ЖРВИ-мен ауыратын науқаспен тікелей байланыста болғанда күніне 3 рет бір капсуладан - 4 күн.

- тұмаумен және басқа да ЖРВИ-мен ауыру жағдайының эпидемиялық көтерілуі кезеңінде бір капсуладан күніне 1 рет - 12 күн.

Енгізу жолы және тәсілі

Ішке, тамақтанудан 30 минут бұрын.

Бір реттік доза - 1 капсула.

Емдеу ұзақтығы

Қолдану курсы 4 күн.

Қажет болса, профилактикалық курстар 3 аптадан соң қайталанады (эпидемиялық жағдай қалыпқа келгенге дейін).

Артық дозалану жағдайында қабылдануы қажет шаралар

Симптомдары: вегето-тамыр дистониясы бар науқастарда, қарт адамдарда артериялық қысымның қысқа мерзімді төмендеуі. Бүйрек функциясын, артериялық қысымды және қандағы глюкоза концентрациясын бақылау қажет.

Дозаны өткізіп алған кезде дозаны және курсты ұлғайтпай, нұсқаулықта көрсетілген сызба бойынша қабылдауды жалғастыру ұсынылады.

Ұсынылған дозадан жоғары дозаның ұлғаюы емдік әсердің ұлғаюына әкелмейді.

Қажет болса, өтініш, препаратты қабылдар алдында дәрігермен кеңесіңіз.

Препаратты қабылдайтын пациенттерде жағымсыз реакция артериялық гипотензия болуы мүмкін.

Жергілікті аллергиялық реакция түрінде өте сирек байқалған жағымсыз реакция күтілген реакция ретінде жіктеледі. Бұл жағымсыз реакция пайда болған кезде нәтиже препаратты тоқтатқаннан кейін ешқандай салдарсыз толық қалпына келеді.

Тері және тері асты шелінің тарапынан бұзылулар

Өте сирек

- аса жоғары сезімталдық реакциялары

Иммундық жүйе тарапынан бұзылулар

Өте сирек

- аллергиялық реакциялар

Қантамыр тарапынан бұзылулар

Белгісіз (қолда бар деректер негізінде бағалау мүмкін емес)

- артериялық қысымның қысқа мерзімді төмендеуі

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір капсуланың құрамында

белсенді заттар: тимоген® натрий 0.5 мг, аскорбин қышқылы 50 мг, бендазол гидрохлориді (дибазол) 20 мг,

қосымша заттар: лактоза моногидраты, кальций стеараты,

капсула қабығының құрамы: азорубин бояғыш (E122), күн батар түстес сары бояғыш (E110), титанның қостотығы (E171), желатин.

Ақ корпусы және қызыл сары қақпағы бар № 3 қатты желатинді капсулалар. Капсулалардың ішіндегісі – ақ түстен сары түске дейінгі иіссіз ұнтақ.

12 капсуладан ПВХ/ПХТФЭ/ПВХ (поливинилхлорид/полихлортрифтор-этилен/поливинилхлорид) немесе ПВХ/ ПВДХ/ПВХ (поливинилхлорид/поливинилиденхлорид/поливинилхлорид) үлбірден және лакталған баспалы алюминий фольгадан жасалған пішінді ұяшықты қаптамада.

Бір немесе екі немесе төрт пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Cytomed Oy, Финляндия,

55300 Рауха, Лааститие 1

«Цитомед» Медициналық-биологиялық ғылыми-өндірістік кешені» АҚ, Ресей, 194356, Санкт-Петербург қ., Орлово-Денисовский даңғ., 14 үй, 1 құрылым

Тел./факс: 8(800)505-03-01, www.cytomed.ru

«PARASAT PHARMA MEDICAL» ЖШС, Қазақстан Республикасы

050046, Алматы қ., Алатау ауданы, Шаңырақ-1 ықш. ауд., Өтемісұлы к-сі, 71Б үй

Тел. /факс: +7 (727) 364-52-05; +7 (702) 490-31-10

E-mail: zhenyagr78@mail.ru