Трентал

Трентал 400

Пентоксифиллин

Босап шығуы ұзаққа созылатын, үлбірлі қабықпен қапталған таблеткалар, 400 мг

Жүрек-қантамыр жүйесі. Шеткері вазодилататорлар. Пуриндер. Пентоксифиллин.

АТХ коды С04AD03

- шеткері артериялардың окклюзиялық ауруы (мезгіл-мезгіл ақсақтық немесе тыныштық күйіндегі ауырулар)

Қолданудың басталуына дейінгі қажетті мәліметтер тізбесі

- пентоксифиллинге, басқа метилксантиндерге (мысалы, кофеин, теобромин, теофиллин) немесе қосымша заттардың кез келгеніне аса жоғары сезімталдық

- ауқымды қан кетуі бар науқастар (қан кетудің күшею қатері)

- көз торқабығына кең аумақты қан құйылулар (қан кетудің күшею қатері)

- мидағы қан құйылулары бар пациенттер

- жедел миокард инфарктісі бар пациенттер

- жүрек ырғағының ауыр бұзылулары бар пациенттер

- 18 жасқа дейінгі жасөспірімдер және балалар

Сақтық шаралары

Анафилаксиялық (анафилактоидты) реакцияның алғашқы белгілерінде Трентал қабылдауды тоқтату және емдеуші дәрігерді хабардар ету керек.

Мына науқастарға ерекше мұқият мониторинг талап етіледі:

- мидағы қан құйылумен

- пролиферациялайтын диабеттік ретинопатиясы бар

- жүректің ауыр аритмияларымен

- миокард инфарктісімен

- гипотензиямен

- бүйрек функциясының бұзылуымен (креатинин клиренсі 30 мл/мин аз)

- бауыр функциясының ауыр бұзылуымен

- қан кетуге жоғары бейімділікпен

- пентоксифиллинмен және К дәруменінің тежегіштерімен немесе тромбоциттер агрегациясының тежегіштерімен бір мезгілде емделіп жүргендер

- пентоксифиллинмен және диабетке қарсы дәрілермен бір мезгілде емделіп жүргендер

- пентоксифиллинмен және ципрофлоксацинмен  бір мезгілде емделіп жүргендер

- пентоксифиллинмен және теофиллинмен бір мезгілде емделіп жүргендер

Қандағы инсулин және басқа диабетке қарсы пероральді дәрілердің глюкозаны төмендететін әсері күшеюі мүмкін. Демек, қант диабеті себебімен дәрі-дәрмекпен емделіп жүрген науқастарды мұқият бақылап отыру ұсынылады.

Пентоксифиллин және К дәрумені тежегіштерімен бір мезгілде емделген науқастарда маркетингтен кейінгі практикада қан ұюына қарсы белсенділіктің жоғарылау жағдайлары тіркелді. Бұл жағдайларда пентоксифиллинді қабылдау немесе дозаны өзгерту кезінде қан ұюына қарсы белсенділікке мониторинг жүргізу қажет.

Назарға алу керек

Трентал гипертензияға қарсы дәрілердің және гипотензиялық әсер көрсетуге қабілетті басқа препараттардың гипотензиялық әсерін күшейтуі мүмкін.

Трентал кеторолакпен бір мезгілде тағайындауға болмайды, өйткені біріктірілімді қабылдаған кезде қан кету және/немесе протромбин уақытының ұзару қаупі жоғары.

Пентоксифиллинді теофиллинмен бір мезгілде қабылдау кейбір науқастарда теофиллин концентрациясын арттыруы мүмкін. Демек, теофиллинге жағымсыз реакциялардың күшеюі және жиілеуі мүмкін.

Ципрофлоксацинмен бір мезгілде тағайындау кейбір науқастарда плазмадағы пентоксифиллин концентрациясын арттыруы мүмкін. Демек, біріктірілген тағайындауға байланысты жағымсыз реакциялардың күшеюі және жиілеуі мүмкін.

Тромбоциттер агрегациясы тежегіштерінің потенциалды аддитивті әсері: қан кету қаупінің жоғарылауына байланысты тромбоциттер агрегациясы тежегіштерін (мысалы, клопидогрел, эптифибатид, тирофибан, эпопростенол, илопрост, абциксимаб, анагрелид, ҚҚСП, COX-2 селективті тежегіштерінен басқа, ацетилсалицилаттар [АСК/ЛАС], тиклопидин, дипиридамол) пентоксифиллинмен бір мезгілде сақтықпен қолдану керек.

Циметидинмен бір мезгілде қолдану плазмадағы пентоксифиллин мен белсенді метаболит I концентрациясын арттыруы мүмкін.

Педиатрияда қолдану

Тренталды балаларда қолдану тәжірибесі жоқ, сондықтан оны 18 жасқа дейінгі балалар мен жасөспірімдерге тағайындау ұсынылмайды.

Жүктілік немесе лактация кезінде

Трентал препаратын жүктілік кезінде қолдану тәжірибесі жеткіліксіз, сондықтан оны жүктілік кезінде қолдану ұсынылмайды.

Пентоксифиллин мардымсыз мөлшерде емшек сүтіне енеді. Жеткілікті тәжірибенің болмауына байланысты, дәрігерлерге бала емізетін әйелдерге Тренталмен емді тағайындамас бұрын ықтимал қауіп пен пайданы мұқият таразылау керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлікті басқару және/немесе қауіптілігі зор жұмыстарды орындау кезінде сақтық шараларын сақтау қажет.

Дозалау режимі

Әдеттегі доза тәулігіне 2-3 рет 1 таблетканы (400 мг) құрайды. Ең жоғары бір реттік доза - 400 мг. Ең жоғары тәуліктік доза - 1200 мг.

Таблеткаларды тамақтану кезінде немесе одан кейін дереу жеткілікті сұйықтық мөлшерімен (шамамен ½ стақан) бүтіндей жұту керек.

Ас қорыту және орталық жүйке жүйесіне жағымсыз әсерлері дозаға тәуелді болып табылады. Осы әсерлер пайда болса, дозаны тәулігіне 2 рет 1 таблеткаға (800 мг/тәулік) дейін төмендету ұсынылады. Көрсетілген төмендетілген дозада жағымсыз әсерлері басылмаса, Тренталды қабылдауды тоқтату керек.

Пациенттердің ерекше топтары

Балалар

Препаратты балаларда қолдану тәжірибесі жоқ.

Бауыр жеткіліксіздігі бар пациенттер

Бауыр функциясының ауыр бұзылуы бар науқастар жағдайында жеке жақпаушылығына байланысты дозаны төмендету қажет.

Бүйрек жеткіліксіздігі бар пациенттер

Бүйрек функциясының бұзылуы бар пациенттерге (креатинин клиренсі 30 мл/мин төмен) жеке жақпаушылығына байланысты дозаны шамамен 30-50% төмендету қажет болуы мүмкін.

Басқалары

Гипотензиясы бар пациенттерге және қан айналымы тұрақсыз пациенттерге, сондай-ақ қан қысымының төмендеуі салдарынан ерекше қауіпке ұшыраған науқастарға (мысалы, жүректің ауыр ишемиялық (коронарлық) ауруының ауыр түрі немесе ми тамырларының гемодинамикалық мәнді стеноздары бар науқастар) емдеуді шағын дозалармен бастау керек; бұндай жағдайларда доза біртіндеп арттырылуы тиіс.

Енгізу әдісі мен жолы

Пероральді.

Препарат әсері 2-4 апта ішінде байқалуы мүмкін болғандықтан, кем дегенде, 8 апта бойы емдеуді жалғастыру ұсынылады.

Симптомдары: Тренталмен жедел артық дозалануының бастапқы симптомдары жүрек айнуы, бас айналу, тахикардия немесе артериялық қысымның төмендеуі болуы мүмкін. Бұдан бөлек, дене қызуының жоғарылауы, ажитация сияқты симптомдар (үрей және қорқыныш сезімімен қатар жүретін әрі қозғалыс мазасыздығына ұласатын қатты эмоциялық қозу, көбіне санадан тыс қимылдай беруді қажетсіну немесе мазасызданып сөйлеу), қан кернеулері, есін жоғалту, арефлексия, тонус-клонустық құрысулар және асқазан-ішек жолынан қан кету белгісі ретінде кофенің қоюы тәрізді құсу.

Емі: егер препарат жаңа ғана қабылданса, оны шығару (асқазанды шаю) немесе сіңуін бәсеңдету (мысалы, белсендірілген көмірді қабылдау) арқылы препараттың одан әрі сіңуіне жол бермеуге бағытталған шараларды қабылдау керек. Арнайы антидоты белгісіз.

Дәрілік препараттың бір немесе бірнеше дозасын өткізіп алу кезіндегі қажетті шаралар

Препараттың бір немесе бірнеше дозасын өткізіп алған жағдайда өз емдеуші дәрігеріңізге жүгінуді өтінеміз.

Дәрілік препаратты қолдану тәсілі бойынша қосымша сауалдар туындаған жағдайда кеңес алу үшін емдеуші дәрігерге жүгінуді өтінеміз.

Белгісіз:

- тромбоцитопения, лейкопения, нейтропения

Белгісіз:

- анафилаксиялық реакция, анафилактоидты реакция, ангионевроздық ісіну, бронх түйілуі, анафилаксиялық шок

Белгісіз:

- ажитация, ұйқының бұзылуы

Белгісіз:

- бас айналу, бас ауыруы, асептикалық менингит

Белгісіз:

- аритмия, тахикардия, стенокардия

Белгісіз:

- ысынулар, қан кету

Белгісіз:

- асқазан-ішек жолдарының бұзылуы, эпигастрий тұсындағы жайсыздық, іштің кебуі, жүрек айнуы, құсу, диарея, іш қату, сілекейдің шамадан тыс бөлінуі

Белгісіз:

- холестаз (бауырішілік)

Белгісіз:

- қышыну, эритема, есекжем, бөртпе

Белгісіз:

- трансаминазалардың жоғарылауы, артериялық қысымның төмендеуі

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

Бір таблетканың құрамында

белсенді зат - пентоксифиллин 400.00 мг,

қосымша заттар: гидроксиэтилцеллюлоза, поливинилпирролидон, тальк, магний стеараты

қабық: гидроксипропилметилцеллюлоза, титанның қостотығы Е171, тальк, полиэтиленгликоль 8000

Бір жағында «АТА» таңбасы өрнектеліп түсірілген және екінші жағы тегіс ақ түсті үлбірлі қабықпен қапталған ұзынша таблеткалар.

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынады.

2 пішінді ұяшықты қаптама медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

4 жыл

Жарамдылық мерзімі өткеннен кейін қолдануға болмайды!

Құрғақ жерде, 25 оС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Зентива Прайвит Лимитед

Орналасқан мекенжайы: Plot No.3501 to 3515, 6301 to 6313 & 16.00 meter road/c. GIDC Estate Ankleshwar - 393002, District – Bharuch

Email: communication.ZPL@zentiva.com

Tel.: +91 (2646) 668666

«Свикс Хэлcкеа» ЖШҚ

Мәскеу, 105064, Земляной вал көш., 9 үй, Ресей

Тел: +7 495 2290 661

e-mail: russia.info@swixxbiоpharma.com

"Swixx Biopharma (Свикс Биофарма)" ЖШС

Қазақстан Республикасы, 050012 Алматы қ., Жамбыл көшесі 100 үй

Тел.: +7 727 339 1790

e-mail: kazakhstan.info@swixxbiopharma.com