Тексикам

Тексикам

Теноксикам

Инъекция үшін ерітінді дайындауға арналған 20 мг лиофилизацияланған ұнтақ, еріткішпен жиынтықта (инъекцияға арналған су, 2 мл)

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы, стероидты емес препараттар. Оксикамдар. Теноксикам.

АТХ коды М01АС02

- остеоартритте және ревматоидты артритте ауыруды және қабынуды жеңілдету;

- тірек-қимыл аппаратының жедел ауруларын, созылуды, шығуды және жұмсақ тіндердің басқа да зақымдануларын қысқа мерзімдік емдеу.

Қолдануды бастағанға дейін қажетті мәліметтер тізбесі

- пептидтік ойық жаралар және анамнезінде пептидтік ойық жараның, асқазан-ішектен қан кетудің болуы (дәлелденген ойық жараның немесе қан кетудің екі немесе одан да көп әр түрлі эпизодтары), ойық жаралы колит, Крон ауруы, жедел гастрит немесе алдыңғы ҚҚСП терапиясымен байланысты асқазан-ішектен қан кету немесе тесілу анамнезінің деректерінде болуы

- ибупрофен мен ацетилсалицил қышқылын қоса, теноксикамға, басқа да қабынуға қарсы стероидты емес препараттарға (бронх демікпесінің симптомдары, ринит, ангионевроздық ісіну немесе анамнездегі есекжем) аса жоғары сезімталдық, өйткені теноксикамға немесе кез келген қосымша затқа айқаспалы сезімталдық ықтималдығы бар

- ауыр жүрек, бауыр және бүйрек жеткіліксіздігі

- жүректің ауыр жеткіліксіздігі, бауыр және бүйрек жеткіліксіздігі

- жүктіліктің III триместрі және лактация кезеңі

- балалар мен 18 жасқа дейінгі жасөспірімдер

Қолдану кезіндегі қажетті сақтық шаралары

Жағымсыз әсерлерді өте аз уақыт кезеңі ішінде тиімді ең төмен дозаны пайдалана отырып, барынша азайтуға болады.

Тексикамды және, циклооксигеназа-2 селективті тежегіштерін қоса, қабынуға қарсы стероидты емес басқа препараттарды бір мезгілде тағайындауға жол бермеген жөн.

Жүрек-қантамыр және цереброваскулярлық әсерлер

Тексикам артериялық гипертензиясы анамнезінде бар немесе жүрек жеткіліксіздігі бар пациенттерге сақтықпен тағайындаған жөн, өйткені қабынуға қарсы стероидты препараттарды қолдану аясында ісінулердің және сұйықтық іркілуінің дамығаны жөнінде мәлімделді.

Тексикамды (әсіресе ұзақ уақыт бойы жоғары дозада) тағайындау миокард инфарктісі немесе инсульт сияқты артериялық тромбоздық асқынулар қаупінің аздап артуымен байланысты болуы мүмкін. Теноксикам үшін мұндай қауіпті жоққа шығару үшін деректер жеткіліксіз.

Бақыланбайтын артериялық гипертензиясы, жүректің іркілген жеткіліксіздігі, диагностикаланған жүректің ишемиялық ауруы, шеткері артериялардың ауруы және/немесе цереброваскулярлық аурулары бар пациенттерге Тексикамды жағдайды мұқият талқылағаннан кейін де, сонымен қатар препаратпен ұзақ емдеуді бастар алдында да, жүрек-қантамыр ауруларының дамуы қаупінің факторлары (артериялық гипертензия, гиперлипидемия, қант диабеті, шылым шегу сияқты) бар пациенттерге де тағайындау керек.

Жүрек-қантамыр, бауыр және бүйрек жеткіліксіздігі

Тексикамды тағайындау простагландиндердің түзілуінің дозаға байланысты азаюын туындатуы және бүйрек жеткіліксіздігін өршітуі мүмкін. Бұрыннан бүйрек аурулары бар пациенттерде және егде жастағы пациенттерде осындай реакциялардың қаупі өте үлкен болады. Мұндай пациенттерде бүйрек функциясын мұқият бақылау қажет.

Қан сарысуында трансаминазалардың және бауыр функциясының басқа да көрсеткіштерінің жоғарылағаны жөнінде мәлімдемелер болды. Көптеген жағдайларда бұл үлкен емес және өткінші өзгерулер болды. Егер ауытқулар едәуір немесе тұрақты болса, Тексикам қабылдауды тоқтату және қалыпты мәндері қалпына келгенге дейін бауыр функциялары көрсеткіштерінің деңгейін бақылауды жалғастыру қажет. Тексикамды бауыр жеткіліксіздігі бар пациенттерге сақтықпен қолдану керек.

Қабынуға қарсы стероидты препараттарды қолдану сирек жағдайларда интерстициальді нефритті, гломерулонефритті, папиллярлы некрозды және нефроздық синдромды туындатуы мүмкін. Мұндай дәрілер пациенттерде бүйректегі перфузияны демеуде қосымша рөл атқаратын бүйректегі простагландиндердің синтезін басады және оның аясында қан көлемі және бүйректегі қан ағысы азаяды. Қабынуға қарсы стероидты емес препараттарды қолдану бүйрек жеткіліксіздігін өршітуі мүмкін, ол препарат қабылдауды тоқтатқаннан кейін бірден қайтады.

Бұрыннан бүйрек аурулары (соның ішінде бүйрек функциясы бұзылған қант диабеті бар пациенттер), нефроздық синдром, дегидратация, бауыр аурулары, жүректің іркілген жеткіліксіздігі бар, сондай-ақ олар диуретиктермен ем қабылдап жүрген немесе потенциалды нефроуыттылығы бар пациенттерде осындай реакциялардың үлкен қаупі бар. Мұндай пациенттерде бүйрек, бауыр және жүрек функцияларын мұқият бақылау қажет, ал доза пациенттердің басқа топтарына қарағанда, төмен болуы тиіс. Қабынуға қарсы стероидты емес препараттарды анамнезінде жүрек жеткіліксіздігі немесе артериялық гипертензиясы бар пациенттерге сақтықпен қолданған жөн, өйткені қабынуға қарсы стероидты емес препараттарды қабылдау аясында пайда болатын ісінулер теноксикамды қабылдаумен байланысты болуы мүмкін.

Дерматологиялық әсерлер

Қабынуға қарсы стероидты емес препараттарды қолданған кезде күрделі тері реакцияларының дамығаны жөнінде өте сирек мәлімделді, олардың кейбіреулері эксфолиативті дерматитті, Стивенс-Джонсон синдромын және уытты эпидермальді некролизді қоса, өліммен аяқталуы мүмкін. Осы реакциялардың дамуының өте үлкен қаупі емнің бас кезінде болады. Көптеген жағдайларда реакцияның басталуы емдеудің алғашқы айы ішінде жүреді. Тексикамды қабылдауды теріде бөртпелер, шырышты қабықта зақымданулар немесе аса жоғары сезімталдықтың кез келген басқа да белгілері пайда болған кезде тоқтатқан жөн.

Фертильділіктің бәсеңдеуі

Тексикамды қолдану әйелдің фертильділігін нашарлатуы мүмкін, сондықтан оны жүкті болғысы келген әйелдерге тағайындау ұсынылмайды.

Тексикамды жүкті бола алмай жүрген немесе бедеулігі диагностикаланған әйелдерге тағайындамаған жөн.

Асқазан-ішектік қан кету, ойық жараның түзілуі және тесілулер

Анамнезінде асқазан-ішек аурулары бар пациенттерге қабынуға қарсы стероидты емес препараттарды сақтықпен тағайындаған жөн. Асқазан-ішектік қан кету, ойық жара немесе өліммен аяқталу қаупі бар тесілу анамнезінде сақтандыратын симптомдары бар немесе онсыз, немесе бұдан бұрын ауыр асқазан-ішек аурулары бар емдеудің кез келген сатысында қолданылған қабынуға қарсы стероидты емес препараттардың барлығында тіркелді.

Тексикамның жоғары дозаларын анамнезінде ойық жарасы бар пациенттерге, әсіресе ауыр қан кетулерде немесе тесілулерде, сондай-ақ егде жастағы пациенттерге қолданғанда асқазан-ішектік қан кетулердің туындау, ойық жараның немесе тесілулердің түзілу қаупі жоғары болады. Бұл пациенттер емді төмен дозадан бастауы тиіс. Мұндай пациенттер және ацетилсалицил қышқылының немесе басқа да дәрілік заттардың төмен дозаларын қатар қолдануды керек ететін пациенттер үшін ас қорыту жолдарының қаупін төмендету үшін қорғағыш заттармен (мысалы, мисопрололмен немесе протонды помпа тежегіштерімен) біріктіріп емделуі мүмкін.

Асқазан-ішек жолының уытты зақымдары бар пациенттер, әсіресе егде жастағылар асқазан-ішек жолы аймағында туындаған кез келген әдеттен тыс симптомдарды (әсіресе, асқазан-ішектен қан кету жөнінде) мәлімдеп отыруы тиіс. Бұл әсіресе емдеудің бастапқы кезеңдерінде маңызды.

Ойық жараның немесе қан кетулердің туындау қаупін арттыруы мүмкін препараттарды, мысалы, пероральді кортикостероидтарды, варфарин сияқты антикоагулянттарды, серотонинді қайталап сіңіретін селективті тежегіштерді немесе ацетилсалицил қышқылы сияқты антитромбоздық дәрілерді қатар қабылдап жүрген пациенттер препаратты қабылдаған кезде сақтық таныту қажет екендігінен хабардар болуы тиіс.

Тексикамды қабылдап жүрген пациенттерде асқазан-ішектен қан кету немесе ойық жара пайда болған жағдайда препаратпен емдеуді тоқтатқан жөн.

Тексикамды анамнезінде асқазан-ішек аурулары (спецификалық емес ойық жаралы колит, Крон ауруы) бар пациенттерге сақтықпен тағайындау керек, өйткені осы аурулар өршуі мүмкін.

Гематологиялық әсерлер

Теноксикам тромбоциттер агрегациясын төмендетеді және қан кету уақытын ұзартуы мүмкін. Мұны ауқымды хирургиялық араласудан өткен пациенттер жағдайында (мысалы, буындарды ауыстыру) және қан кету уақытын анықтау қажет болған кезде есте ұстаған жөн.

Офтальмологиялық әсерлер

Тексикам препаратымен емделген кезде көрудің бұзылулары байқалатын пациенттер емдеуді тоқтатуы және офтальмологиялық тексерілуден өтуі тиіс.

Респираторлық бұзылыстар

Тексикамды бронх демікпесінен зардап шегіп жүрген немесе бұлар анамнезінде бар пациенттерге сақтықпен тағайындау керек, өйткені теноксикам мұндай пациенттерде бронхтың түйілуін туындатуы мүмкін екендігі мәлімделген.

Жүйелі қызыл жегі және дәнекер тіннің аралас аурулары

Жүйелік қызыл жегісі және дәнекер тіннің аралас аурулары бар пациенттерде асептикалық менингиттің дамуының жоғары қаупі байқалуы мүмкін.

Антикоагулянттар: Төмен молекулалы гепаринмен бір мезгілде қолданғанда клиникалық тұрғыдан маңызды өзара әрекеттесулер байқалған жоқ.

Теноксикам сарысулық альбуминмен және, басқа да қабынуға қарсы стероиды емес препараттар сияқты, варфариннің және басқа да антикоагулянттардың әсерін күшейтуі мүмкін. Теноксикаммен антикоагулянттарды және пероральді гликемиялық препараттарды, әсіресе бастапқы кезеңде, бірге емдегенде пациенттерді мұқият бақылау ұсынылады.

Серотонинді кері қармайтын селективті тежегіштер (СКҚСТ): Қан кету қаупін арттырады.

Гипертензияға қарсы препараттар: Тексикам, басқа да ҚҚСП сияқты, гипертензияға қарсы препараттардың тиімділігі төмендетеді.

Жүрек гликозидтері: Тексикам жүрек жеткіліксіздігін күшейтуі, шумақтық сүзіліс индексін төмендетуі және қан плазмасында жүрек гликозидтерінің деңгейін арттыруы мүмкін.

Циклоспорин: Тексикам, басқа ҚҚСП сияқты, нефроуыттылық қаупі жоғары болғандықтан циклоспоринмен бір мезгілде сақтықпен тағайындау керек.

Циметидин: Циметидинмен бір мезгілде қолданғанда клиникалық тұрғыдан маңызды өзара әрекеттесу байқалған жоқ.

Кортикостероидтар: асқазан-ішек ойық жараларының және қан кетудің даму қаупі жоғарылайды.

Диуретиктер: қабынуға қарсы стероиды емес препараттар калий, натрий иондарын, сондай-ақ сұйықтықты іркуге және диуретиктердің натриурездік әсерін күшейтіп, нефроуыттылық қаупін күшейтуге қабілетті. Сондықтан артериялық гипертензиясы немесе жүрек жеткіліксіздігі бар адамдарда теноксикам көрсетілген аурулардың барысын нашарлатуы мүмкін.

Литий: Тұрақты бақылау ұсынылады. Литий препараттарын қабылдаған кезде оның элиминациясының төмендеу нәтижесінде литиймен уыттану көріністері болуы мүмкін.

Метотрексат: элиминациясының төмендеуі нәтижесі ретінде метотрексатпен уыттану көріністері болуы мүмкін.

Мифепристон: Тексикамды мифепристонды қабылдағаннан кейін 8-12 күн ішінде қолданбаған жөн, өйткені қабынуға қарсы стероидты емес препараттар мифепристонның әсерін төмендетуге қабілетті.

Қабынуға қарсы стероидты емес препараттар, циклооксигеназа-2 селективті тежегіштері, салицилаттар: Жағымсыз әсерлері қаупінің күшеюіне байланысты қабынуға қарсы стероидты емес препараттардың екеуін немесе одан көбін (ацетилсалицил қышқылын қоса) бір мезгілде қабылдауға жол бермеген жөн.

Тексикамды салицилаттармен бір мезгілде қабылдамаған дұрыс, өйткені соңғылары ақуыздармен байланысқан кезде теноксикамның орнын алмастыруы және осылайша теноксикамның клиренсін және таралу көлемін арттыруы мүмкін. Жағымсыз әсерлері қаупінің (әсіресе ас қорыту жолы тарапынан) күшеюімен байланысты бір мезгілде қолдануға жол бермеген жөн.

Пеницилламиндер және парентеральді алтын препараттары: Пеницилламиндермен және парентеральді алтын препараттарымен бір мезгілде қолданғанда клиникалық тұрғыдан маңызды өзара әрекеттесулер байқалған жоқ.

Хинолонды антибиотиктер: бір мезгілде қабылдау кезінде құрысудың даму қаупі бар.

Такролимус: Такролимус қабылдап жүрген пациенттерге Тексикамды тағайындағанда нефроуыттылық қаупі ұлғаюы мүмкін.

Зидовудин: Тексикамды зидовудинмен бір мезгілде қолдану гематологиялық уыттылық қаупінің жоғарылауына әкеледі. Гемофилиядан зардап шегіп жүрген, АИТВ-инфекциясын жұқтырғандарды зидовудинмен және теноксикаммен бір мезгілде емдегенде гемартроздың және гематоманың жоғары қаупі бар.

Егер сізде белсенді заттарға немесе препараттың кез келген қосымша затына аса жоғары сезімталдық болса, Тексикамды қабылдамаңыз.

Жүктілік

Теноксикамды жүктілік және лактация кезеңінде қолдану қауіпсіздігі анықталмаған, сондықтан препаратты мұндай жағдайларда тағайындауға болмайды. Адамдарда ҚҚСД қолданудан туындаған туа біткен ауытқулардың пайда болуы туралы хабарланды, алайда олардың жиілігі төмен, ал олардың пайда болуының белгілі бір заңдылығы анықталған жоқ. ҚҚСД-ның шарананың жүрек-қантамыр жүйесіне белгілі әсеріне байланысты (артериялық түтікті жабу қаупі), ҚҚСД жүктіліктің үшінші триместрінде қолдануға болмайды. Босанудың басталуы кешеуілдеп, олардың ұзақтығы ұлғаюы мүмкін; ана мен балада қан кетудің жоғарылауы байқалады. ҚҚСД жүктіліктің алғашқы екі триместрінде және босану кезінде қолдану пациент үшін потенциалды пайда шаранаға төнетін потенциалды қауіптен асқан жағдайларда ғана мүмкін болады.

Лактация

ҚҚСД емшек сүтіне өте төмен концентрацияда енеді. Мүмкіндігінше емізу кезеңінде ҚҚСД қолданудан аулақ болу керек.

Теноксикамның адамның емшек сүтіне енуі туралы деректер жоқ; жануарларға жүргізілген зерттеулер айтарлықтай деңгейге қол жеткізуге болатындығын көрсетті.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын басқару немесе аса назар аударуды талап ететін қауіптілігі зор механизмдермен жұмыс істеу кезінде сақ болу керек, өйткені кейде препаратты қолдану бас айналуын, ұйқышылдықты, қажуды немесе анық көрмеуді туындатуы мүмкін.

Дозалау режимі

Жағымсыз әсерлер симптомдарды жою үшін қажетті ең аз уақыт кезеңі ішінде ең төмен тиімді дозаны пайдалана отырып, барынша азайтылуы мүмкін.

Ересектер

Доза тәулігіне 1 рет 20 мг құрайды.

Препараттың анағұрлым жоғары дозаларына жол бермеген жөн, өйткені олар әдетте өте жоғары емдік әсерге жетпейді және жағымсыз әсерлердің даму қаупі өте жоғары болады.

Тірек-қимыл аппаратының жедел бұзылуында емдеу кезеңінің ұзақтығы әдетте 7 күннен аспайды, бірақ ауыр жағдайларда емдеуді ең көбі 14 күнге дейін жалғастыруға болады.

Егде пациенттер

Егде жастағы пациенттер, қатар жүретін патологиясының (бауыр, бүйрек немесе жүрек-қантамыр жүйесі функциясының бұзылуы) болуымен және басқа дәрілік заттарды тиісінше қабылдауымен байланысты, күрделі жағымсыз реакциялардың жоғары қаупіне ұшырайды. Қабынуға қарсы стероидты емес дәрілерді (ҚҚСД) қолдану қажет болған кезде мүмкіндігінше ең үлкен қысқа уақыт кезеңі ішінде тиімді ең төмен дозаны қабылдағаны жөн. ҚҚСД емдеу кезінде асқазан-ішектік қан кетулер симптомдарын ерте анықтау мақсатында пациенттерді бақылауға алуды жүзеге асыру қажет.

Балалар

Тексикам препараты пациенттердің осы тобында оны қолдану жөніндегі деректердің жеткіліксіз болуына байланысты, балаларға қолдануға ұсынылмайды.

Бүйрек және бауыр функциясының жеткіліксіздігінде қолданылуы

Теноксикамның плазма ақуыздарымен байланысу дәрежесінің жоғары болуы себебінен, қан плазмасындағы альбумин концентрациясы едәуір төмендеген жағдайларда (мысалы, нефроздық синдромда) немесе билирубиннің жоғары концентрацияларында сақтық таныту қажет.

Бауыр функциясының бұзылуы бұрыннан бар пациенттерде қолдану жөнінде деректер нұсқау беру үшін жеткіліксіз.

Енгізу жолы және тәсілі

Бұлшықет ішіне немесе вена ішіне енгізуге арналған.

Лиофилизатты қолданар алдында 2 мл еріткіште (инъекцияға арналған 2 мл стерильді суда) еріту керек. Дайындалған ерітінді дереу пайдаланылуы тиіс.

Емдеу курсының ұзақтығын дәрігер анықтайды.

Артық дозалану жағдайында қабылдануы қажет шаралар

Симптомдары - бас ауыруы, жүрек айнуы, құсу, эпигастриядағы ауыру, асқазан-ішектік қан кету, сирек диарея, бағдардан адасу, қозу, кома, ұйқышылдық, бас айналуы, құлақтың шуылдауы, естен тану, кейде құрысу. Ауыр улану кезінде белсенді бүйрек немесе бауыр жеткіліксіздігі болуы мүмкін.

Емі - симптоматикалық терапия. Несептің жақсы шығуын қамтамасыз ету керек. Бүйрек және бауыр функцияларын бақылау қажет. Пациенттер артық дозаланғаннан кейін 4 сағат бойы дәрігердің бақылауында болуы тиіс. Жиі және ұзақ ұстамалар кезінде диазепам енгізіледі. Препараттың әсерін Н2 - рецепторлары антагонистерінің көмегімен басуға болады. Пациенттің клиникалық жағдайына байланысты басқа да іс-шаралар көрсетілуі мүмкін.

Препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Препаратты қолдану дәрігердің бақылауымен жүргізілуі керек.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Өте жиі

- диспепсия, жүрек айнуы, құсу, іш ауыруы және жайсыздығы, іш қату, диарея, метеоризм, ас қорытудың бұзылуы, эпигастрий дистрофиясы, мелена, қан құсу, ойық жаралы стоматит, анорексия, колиттің өршуі және Крон ауруы

Жиі

- әсіресе егде пациенттерде өлімге әкелуі мүмкін пептидтік ойық жараның, тесілудің немесе асқазан-ішектен қан кетудің пайда болу қаупі

Жиі емес

- гастрит

- асептикалық менингит (әсіресе жүйелі қызыл жегі және дәнекер тіннің аралас ауруы сияқты аутоиммундық аурулары бар пациенттерде), желке бұлшықетінің сіресуі, бас ауыруы, жүрек айнуы, құсу, қызба немесе бағдардан айырылу, бас айналу, дімкәстік, қажығыштық және ұйқышылдық

Сирек

- жүрек қағуының жиілеуі, ентігу

- мұрыннан қан кету

- бас ауыруы, ұйқысыздық, депрессия, күйгелектік, ұйқының бұзылуы және бас айналуы

Өте сирек

- Стивенс-Джонсон синдромы мен уытты эпидермальді некролизді қоса, фотосезімталдық реакциялары, буллездік реакциялар

- панкреатит

Белгісіз

- ісіну, гипертония және жүрек жеткіліксіздігі

- артериялық тромбоздық құбылыстардың даму қаупінің жоғарылауы (мысалы, миокард инфарктісі немесе инсульт)

- көру қабілетінің бұзылуы (көру өткірлігінің төмендеуі және бұлыңғыр көру сияқты)

- асқазан-ішектен қан кетумен байланысты емес гемоглобиннің төмендеуі

- анемия, апластикалық және гемолитикалық анемия, тромбоцитопения және тромбоцитопениялық емес пурпура, лейкопения, нейтропения және эозинофилия

- агранулоцитоз

- бауыр дисфункциясы 1

- гепатит, сарғаю

- аса жоғары сезімталдық реакциялары 2

- дене салмағының төмендеуі немесе жоғарылауы, гипергликемия

- жалпы дімкәстік және құлақтың шыңылдауы

- гиперсомния, парестезия

- сананың шатасуы, елестеу

- интерстициальді нефрит, нефроздық синдром және бүйрек жеткіліксіздігі сияқты әр түрлі формаларда нефроуыттылық

- қандағы азот мочевинасының және креатининнің реверсиялық көтерілуі.

1. Көптеген басқа ҚҚСП қолдану жағдайындағыдай бауыр функциясының әр түрлі параметрлерінің өзгерістері байқалды; кейбір пациенттерде сарысулық трансаминазалар деңгейінің жоғарылауы мүмкін; осындай реакциялардың туындау жиілігінің төмен болуына қарамастан, бауыр функциясын талдау нәтижелерінің қалыптан елеулі немесе тұрақты ауытқуы, бауыр ауруының белгілері мен симптомдарының дамуы немесе жүйелі көріністердің (мысалы, эозинофилия, бөртпе) пайда болуы кезінде препаратты қолдануды тоқтату керек.

2. ҚҚСП емдеу кезінде мынадай аса жоғары сезімталдық реакциялары туралы хабарланды:

a) Спецификалық емес аллергиялық реакциялар және анафилаксия;

b) демікпені, демікпенің өршуін, бронх түйілуін немесе ентігуді қамтитын тыныс алу жолдарының жоғары реактивтілігі;

c) Бөртпенің әр типтерін қоса, тері аурулары. Ангионевроздық ісіну, қышыну және пурпура туралы хабарланды. Тырнақ зақымдануы, алопеция, эритема, есекжемнің сирек жағдайлары және фотосезімталдық реакциясы туралы хабарланды. Басқа ҚҚСП қолдану жағдайындағыдай эпидермальді некролизді, полиформалы эритеманы және Стивенс-Джонсон синдромын қоса, эксфолиативтік және буллездік дерматоздар туралы хабарланды. Везикулабуллезді реакциялар мен васкулиттердің пайда болуы туралы сирек хабарланды.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір құтының ішінде

белсенді зат – теноксикам 20 мг,

қосымша заттар: маннитол, натрий гидроксиді, трометамол, натрий метабисульфиті, динатрий эдетаты.

Бір ампула еріткіштің құрамында

2 мл инъекцияға арналған су.

Сарыдан жасыл-сары түске дейінгі лиофилизацияланған ұнтақ.

20 мг теноксикамға баламалы лиофилизат мөлшері бромбутилкаучукты тығындармен жабылған, пластикалық флип-топ қақпағы бар алюминий сақинамен тығындалған түссіз мөлдір шыны құтыларға (ЕФ бойынша I тип) салынады.

2 мл еріткіштен номиналды сыйымдылығы 2 мл түссіз мөлдір шыны ампулада (ЕФ бойынша I тип).

1 құты препараттан және 1 ампула еріткіштен медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 25°С-ден аспайтын температурада сақтау керек. Дайындалған ерітіндіні дереу қолданған жөн.

Балалардың қолы жетпейтін жерде сақтау керек!

Рецепт арқылы

ANFARM HELLAS S.A.

Бас кеңсенің мекенжайы: 4 Achaias Str & Trizinias, 145 64, Kifissia, Аттика, Греция.

Өндіріс аймағы: 61st km NAT. RD. Athens-Lamia, Schimatari Viotias, 32009, Греция.

Тел: +30 210 683 1632, +30 22620 58391

Факс: +30 210 683 65 40

E-mail: info@anfarm.com

ANFARM HELLAS S.A.

Бас кеңсенің мекенжайы: 4 Achaias Str & Trizinias, 145 64, Kifissia, Аттика, Греция.

Өндіріс аймағы: 61st km NAT. RD. Athens-Lamia, Schimatari Viotias, 32009, Греция.

Тел: +30 210 683 1632, +30 22620 58391

Факс: +30 210 683 65 40

E-mail: info@anfarm.com

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электрондық пошта)

"WELFAR-KAZAKHSTAN" (ВЭЛФАР-КАЗАХСТАН) ЖШС

Қазақстан Республикасы, Алматы қ., 2 Қастек к-сі, 14-үй.

Телефон/Факс: +7 727 352 71 36

E-mail: info@welfar.kz