Артоксан суппозитории ректал. по 20 мг №5 (блистер)

Дәрілік түрі, дозалануы

Ректальді суппозиторийлер, 20 мг

Фармакотерапиялық тобы

Сүйек-бұлшықет жүйесі. Қабынуға қарсы / ревматизмге қарсы препараттар. Қабынуға қарсы және ревматизмге қарсы стероидты емес препараттар. Оксикамдар. Теноксикам.

АТX коды М01АС02

Қолданылуы

Артоксан келесіні симптоматикалық емдеу үшін көрсетілген

-остеоартритті, ревматоидты артритті, шорбуынданатын спондилитті

- жедел подагралық артритті, жедел қаңқа-бұлшықеттің ауырсынуын, операциядан кейінгі ауырсыну мен бастапқы дисменореяны

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- әсер етуші затқа немесе қосымша заттардың кез келгеніне аса жоғары сезімталдық

- салицилатқа немесе қабынуға қарсы стероидты емес басқа препараттарға (ҚҚСП) демікпе, ринит немесе есекжем сияқты реакциясы белгілі пациенттерге

- алдында ҚҚСП-мен жүргізілген дәрілік ем аясында анамнезінде асқазан-ішектен қан кету немесе тесілуі бар немесе осы аурулармен ауыратын пациенттерге

- анамнезінде рецидивті ойық жара ауруы немесе қан кетулері бар пациенттерге (ойық жара ауруы диагнозы қойылған немесе қан кетудің екі немесе одан да көп түрлі көріністерінің болуы)

- басқа ҚҚСП қабылдау жағдайындағыдай, жүректің, бүйректің және бауырдың ауыр жеткіліксіздігі бар пациенттерге

- жүктіліктің үшінші триместрі

- балалар мен 18 жасқа дейінгі жасөспірімдер

Қолдану кезінде қажетті сақтық шаралары

ҚҚСП бүйректе простагландиндердің синтезін тежей алады және бүйрек гемодинамикасы бар пациенттерде тұз/су теңгеріміне жағымсыз әсер етуі мүмкін. Анамнезінде бүйрек жеткіліксіздігі бар пациенттерді, диабет аясында бүйрек жеткіліксіздігі бар, бауыр циррозы, іркілісті жүрек жеткіліксіздігі, гиповолемиясы бар пациенттер немесе бүйрек жеткіліксіздігінің даму қаупін арттыратын дәрілік заттарды, мысалы, нефроуытты препараттарды, диуретиктерді және кортикостероидтарды Артоксан дәрілік препаратымен бір мезгілде қабылдайтын пациенттерді бақылаған жөн (қандағы мочевина азотының (ҚМА) мөлшерін, креатининді, ісінудің дамуын, салмақтың артуын мұқият бақылау керек). Пациенттердің бұл тобы тікелей хирургиялық араласым кезінде және операциядан кейінгі кезеңде қан жоғалту мүмкіндігіне байланысты ерекше қауіп тобында болады. Осылайша, бұл пациенттер операциядан кейінгі кезеңде және қалпына келу кезеңінде мұқият бақылануы керек.

Теноксикам плазма ақуыздарымен тығыз байланысатындықтан, плазмадағы альбумин деңгейінің айтарлықтай төмендеуі кезінде сақ болу және сақтық шараларын қабылдау керек.

Циклооксигеназа-2 (ЦОГ-2) селективті тежегіштерін қоса, ҚҚСП мен Артоксан дәрілік препаратын бір мезгілде пайдаланудан аулақ болу керек.

Симптомдарды бақылауға қажетті, ең қысқа уақыт ішінде ең төменгі тиімді дозаны қолдана отырып, жағымсыз әсерлерді мейлінше азайтуға болады. Асқазан-ішектен қан кету, ойық жара ауруы және тесілу:

Дамыған немесе дамымаған симптомдармен немесе анамнезінде асқазан-ішек қан кету бар пациенттерде теноксикамды қоса алғанда, ҚҚСП емдеу кезінде асқазан-ішектен қан кету, ойық жара ауруы немесе тесілу туралы хабарланған. Осы уақытқа дейін жүргізілген зерттеулерде ойық жара ауруы мен қан кетудің даму қаупі жоқ пациенттердің қосалқы тобы анықталмаған.

Егде жастағы адамдарда ҚҚСП-ға жағымсыз реакциялардың, әсіресе асқазан-ішектен қан кету мен өліммен аяқталған тесілудің жиілігі жоғары болады. АІЖ бұзылулары бар пациенттердің басқа пациенттерге қарағанда ойық жараның немесе қан кетудің туындауына төзімділігі анағұрлым төмен. ҚҚСП-мен байланысты өліммен аяқталған АІЖ ауруларының көбі егде жастағы және/немесе әлсіреген пациенттерде байқалды. Асқазан-ішектен қан кету, ойық жара ауруының немесе тесілудің даму қаупі анамнезінде әсіресе қан кетумен немесе тесілумен асқынған ойық жара ауруы бар, жоғары дозаларда ҚҚСП пайдаланатын пациенттерде немесе егде жастағы адамдарда жоғары болады. Пациенттердің осы тобына емдеуді ең төмен дозадан бастаған жөн және асқазан-ішек ауруларының туындау қаупін арттыратын аспирин немесе басқа препараттарды қабылдайтын пациенттер үшін профилактикалық препараттармен (мысалы, мизопростолмен немесе протонды помпа тежегіштерімен) біріктірілген ем көрсетілген.

ҚҚСП-ны сақтықпен қолдану керек, себебі олар анамнезінде ішектің қабыну аурулары (ойық жаралы колит, Крон ауруы) бар пациенттердің жағдайын ушықтыруы мүмкін. Асқазан-ішек уыттылығы тарихы бар пациенттер, әсіресе егде жастағы пациенттер, емдеудің басында қалыптан тыс абдоминальді симптомдар (әсіресе асқазан-ішектен қан кету) туралы хабарлауы керек.

Ойық жара ауруы немесе асқазан-ішектен қан кету туындаған кезде Артоксан дәрілік препаратымен емдеуді дереу тоқтату керек.

Артоксан дәрілік препаратын антикоагулянттар, пероральді кортикостероидтар, варфарин, серотонинді кері қармаудың селективті тежегіштері немесе аспирин секілді тромбозға қарсы препараттар сияқты ойық жара ауруының немесе қан кетудің туындау қаупін арттыруы мүмкін дәрілік препараттармен бір мезгілде қабылдайтын пациенттерде сақтық таныту керек.

Тері реакциялары

Терінің ауыр реакциялары туралы хабарланды, олардың кейбіреулері өліммен аяқталуы мүмкін, соның ішінде өте сирек кездесетін эксфолиативті дерматит, Стивенс-Джонсон синдромы және ҚҚСП қабылдаумен байланысты уытты эпидермальді некролиз (Лайелл синдромы). Емдеудің бастапқы кезеңінде пациенттер осы реакциялардың жоғары туындау қаупіне ұшырауы мүмкін; көп жағдайда реакциялардың туындауы емдеудің бірінші айында орын алады. Терінің ауыр реакциялары туындаған кезде кезде Артоксан дәрілік препаратын қолдануды дереу тоқтату керек.

Қан түзу жүйесінің тарапынан реакциялар

Теноксикам тромбоциттердің агрегациясын басады және гемостазға әсер етуі мүмкін. Артоксан дәрілік препараты қанның ұюына, қанның ұю уақытына, ішінара тромбопластин уақытына немесе белсенді тромбопластин уақытына айтарлықтай әсер етпейді.

Артоксан дәрілік препаратын пайдалану кезінде гемостазға әсер ететін коагуляция немесе дәрі-дәрмекпен емдеу бұзылулары бар пациенттерді бақылау керек.

Жүрек-қантамыр және цереброваскулярлық жүйеге әсері

Анамнезінде артериялық гипертензиясы бар және/немесе жеңілден орташа дәрежеге дейін іркілісті жүрек жеткіліксіздігіне шалдыққан пациенттерге тиісті мониторинг жүргізу ұсынылады, себебі сұйықтықтың іркілуі және ҚҚСП-мен байланысты ісінулер туралы хабарланған.

Клиникалық зерттеулер және эпидемиологиялық деректер ЦОГ-2 селективті тежегіштерін және кейбір ҚҚСП пайдалану (әсіресе жоғары дозаларда және ұзаққа созылған ем кезінде) бұл артериялық тромбоздық оқиғалардың (мысалы, миокард инфарктісі немесе инсульт) туындау қаупінің аздап артуымен байланысты болуы мүмкін екенін көрсетеді.

Бақыланбайтын артериялық гипертензиясы, іркілісті жүрек жеткіліксіздігі, диагностикаланған ишемиялық жүрек ауруы, шеткері артериялар ауруы және/немесе цереброваскулярлық аурулары бар пациенттер Артоксан дәрілік препаратын мұқият қарап-тексеруден кейін ғана қолдануы керек. Жүрек-қантамыр ауруларының қауіп факторлары бар пациенттерді мұндай бағалау ұзаққа созылатын емдеуді бастамас бұрын жүзеге асырылуы тиіс (мысалы, гипертензия, гиперлипидемия, қант диабеті, шылым шегу).

Офтальмологиялық әсерлер

Теноксикаммен және басқа ҚҚСП-мен емдеу кезінде көру мүшелері тарапынан кейбір жағымсыз реакциялар анықталды. Сондықтан көру бұзылуы бар пациенттерде көзді қарап-тексеру ұсынылады.

Ыстық түсіретін әсері

Басқа қабынуға қарсы препараттар сияқты, Артоксан инфекцияның жалпы белгілерін бүркемелеуі мүмкін.

Зертханалық сынақтар

ҚҚСП бүйректе простагландиндердің синтезін тежейтіндіктен, олар бүйрек гемодинамикасына және тұз бен су теңгеріміне жағымсыз әсер етуі мүмкін. Анамнезінде бүйрек жеткіліксіздігі бар пациенттерді, диабет аясында бүйрек жеткіліксіздігі бар, бауыр циррозы, іркілісті жүрек жеткіліксіздігі, гиповолемиясы бар пациенттер немесе нефроуытты препараттар, диуретиктер және кортикостероидтар секілді бүйрек жеткіліксіздігінің даму қаупін ықтимал түрде арттыруы мүмкін осындай дәрілік заттарды Артоксан дәрілік препаратымен бір мезгілде қабылдайтын пациенттерді бақылаған жөн (қандағы мочевина азотының (ҚМА) мөлшерін, креатининді, ісінудің дамуын, салмақтың артуын мұқият бақылау керек).

Пациенттердің бұл тобы күрделі хирургиялық араласымдар кезінде және одан кейін және қалпына келтіру кезеңінде ауыр қан жоғалту қаупіне ұшырайды.

Теноксикам плазма ақуыздарымен тығыз байланысатындықтан, плазмадағы альбумин деңгейінің айтарлықтай төмендеуі кезінде сақтық шараларын сақтау керек.

Теноксикамды порфириясы, сондай-ақ бронх түйілудің туындау қаупіне байланысты демікпесі, синуситі, полипозы бар пациенттерде сақтықпен қолдану керек.

Педиатрияда қолданылуы

Клиникалық тәжірибенің жеткіліксіздігіне байланысты жасөспірімдер мен балалар үшін жарамды доза бойынша ұсынымдар жоқ. Аталған дәрілік препарат бұл жас тобында қолданылмайды.

Егде жастағы пациенттер

Егде жастағы пациенттерде асқазан-ішектен қан кету, ойық жара ауруы немесе өліммен аяқталуы ықтимал тесілудің туындау қаупі анағұрлым жоғары. Пациенттердің осы тобында емдеуді ең төмен дозадан бастаған жөн, аспиринді төмен дозаларда немесе асқазан-ішек жолы ауруларының туындау қаупін арттыратын басқа препараттарды қабылдап жүрген пациенттер үшін профилактикалық препараттармен (мысалы, мизопростолмен немесе протонды помпа тежегіштерімен) біріктірілген емді қолдану мүмкіндігі бар.

Бүйрек жеткіліксіздігі бар пациенттер

Бүйрек жеткіліксіздігі бар пациенттер жоғарыда көрсетілген дозаларда ректальді суппозиторийлерді қолдана алады. Дегенмен, бүйрек жеткіліксіздігі бар пациенттерге Артоксан дәрілік препаратын пайдаланғанда бүйрек функциясына мұқият мониторинг жүргізу ұсынылады. Бүйректің жедел жеткіліксіздігі бар пациенттерге қолдануға болмайды.

Бауыр жеткіліксіздігі бар пациенттер

Бауыр жеткіліксіздігі бар пациенттер жоғарыда көрсетілген дозаларда ректальді суппозиторийлерді қолдана алады. Дегенмен, Артоксан дәрілік препаратын бауыр жеткіліксіздігі бар пациенттер пайдаланған кезде бүйрек функциясына мұқият мониторинг жүргізу ұсынылады. Бауырдың жедел жеткіліксіздігі бар пациенттерге қолдануға болмайды.

Басқа дәрілік препараттармен өзара әрекеттесуі

Ацетилсалицилаттар және салицилаттар

Салицилаттар плазма ақуыздарымен байланысатын жерден оларды бөлу арқылы теноксикамды қоса алғанда, ҚҚСП-ның клиренсі мен таралу көлемін арттырады. Жағымсыз әсерлердің туындау қаупінің жоғары болуына байланысты Артоксан дәрілік препаратын басқа ҚҚСП немесе салицилаттармен қатар пайдалану ұсынылмайды.

Антиагреганттар және серотонинді кері қармаудың селективті тежегіштері.

Антиагреганттар мен серотонинді кері қармаудың селективті тежегіштері (СКҚСТ) мен ҚҚСП бір мезгілде қабылдау асқазан-ішектен қан кету қаупін арттырады.

Метотрексат

Метотрексатты кейбір ҚҚСП-мен бір мезгілде қабылдау бүйрек өзекшелеріндегі метотрексат секрециясының төмендеуімен, плазмадағы жоғары концентрациямен және метотрексаттың айқын уыттылығымен байланысты болды. Сондықтан Артоксан дәрілік препаратын метотрексатпен бір мезгілде қолданғанда сақтық таныту керек.

Зидовудин

ЖИТС-ті емдеу кезінде пайдаланылатын зидовудин мен ҚҚСП-ны бір мезгілде қолданғанда ретикулоциттер арқылы эритроциттердің жоғары уыттылығы байқалады, бұл емдеу басталғаннан кейін бір аптадан соң ауыр анемиямен қатар жүреді. Қан көрсеткіштерін ҚҚСП емдеу басталғаннан кейін екі аптадан соң бақылау керек.

Мифепристон

ҚҚСП мифепристонның әсерін төмендете алатындықтан, Артоксан дәрілік препаратын мифепристонды қабылдағаннан кейін 8-12 күн ішінде қолдануға болмайды.

Литий

Артоксан дәрілік препараты мен литийді бір мезгілде қолдану плазмадағы литий деңгейінің жоғарылауына және оның уыттылығына әкелуі мүмкін, себебі Артоксан литийдің бүйрек клиренсін төмендетеді. Сондықтан қан плазмасындағы литий деңгейін мұқият бақылау керек.

Циклоспорин және такролимус

Циклоспорин мен ҚҚСП-ны бір мезгілде қолданған кезде сақ болу керек, себебі бұл нефроуыттылықтың пайда болу қаупін арттырады.

Хинолондар

Хинолондарды бір мезгілде қабылдайтын пациенттерде құрысулардың даму қаупі жоғары болуы мүмкін.

Диуретиктер және гипотензивті дәрілер

Жалпы барлық ҚҚСП жағдайындағыдай, Артоксанды калий сақтайтын диуретиктермен бір мезгілде тағайындауға болмайды. Дәрілердің осы екі класы арасында белгілі өзара әрекеттесу бар, бұл гиперкалиемия мен бүйрек жеткіліксіздігінің дамуына әкеп соғуы мүмкін.

Теноксикам мен фуросемид арасында клиникалық маңызды өзара әрекеттесу байқалмады. Алайда, Артоксан гидрохлоротиазидтің гипотензивті әсерін төмендетеді.

Басқа ҚҚСП сияқты, Артоксан альфа-адренергиялық блокаторлардың, АӨФ және АРБ тежегіштерінің гипертензияға қарсы әсерін төмендетуі мүмкін.

Ангиотензин-өзгертетін ферменттің (АӨФ) тежегіштерін және теноксикамды бір мезгілде қабылдайтын бүйрек функциясының бұзылулары бар пациенттерге сұйықтықтың талапқа сай мөлшерін алу қажет, сондай-ақ біріктірілген ем басталғаннан кейін және одан әрі мезгіл-мезгіл бүйрек функциясын бақылау қажет.

Теноксикам мен орталықтан әсер ететін альфа-агонист немесе кальций өзекшелерінің блокаторы арасындағы өзара әрекеттесу туралы хабарланған жоқ.

Атенолол мен теноксикамның клиникалық маңызды өзара әрекеттесуі болған жоқ. Клиникалық сынақтар барысында оймақгүлді бір мезгілде қолданатын пациенттерде өзара әрекеттесу байқалмады. Осы себепті Артоксан дәрілік препараты мен дигоксинді бір мезгілде қабылдағанда елеулі әсерлердің пайда болу қаупі жоқ.

Антацидтер және Н2-рецепторларының блокаторлары

Ұсынылған дозаларда антацидпен және циметидинмен теноксикамды бір мезгілде қолданғанда клиникалық маңызды өзара әрекеттесу анықталған жоқ.

Пробенецид

Пробенецидпен және теноксикаммен бір мезгілде емдеу теноксикамның плазмадағы концентрациясын арттыруы мүмкін. Алайда бұл бақылаудың клиникалық мәні анықталған жоқ.

Антикоагулянттар

Ұсынылған дозаларда варфаринді, фенпрокумонды және төмен молекулалы гепаринді бір мезгілде теноксикаммен қабылдау клиникалық маңызды өзара әрекеттесуді анықтаған жоқ. Алайда, басқа ҚҚСП жағдайындағыдай, ҚҚСП-мен бір мезгілде антикоагулянттарды пайдаланатын пациенттерді мұқият бақылауды жүзеге асырған жөн.

Диабетке қарсы пероральді дәрілер

Диабетке қарсы глиборнурид, глибенкламид пен толбутамидті және Артоксан дәрілік препаратын пероральді қабылдағаннан кейін клиникалық әсерлер өзгерген жоқ. Алайда, басқа ҚҚСП жағдайындағыдай, ҚҚСП-мен бір мезгілде пероральді диабетке қарсы дәрілерді қабылдайтын пациенттерге мұқият бақылау жүргізілуі керек.

Алкоголь

Теноксикаммен алкогольді тұтынғанда асқазанның шырышты қабығының зақымдану қаупі жоғары.

Артоксанды алтын тұздарымен немесе пеницилламинмен бір мезгілде қабылдаған пациенттердің кішігірім санында клиникалық маңызды өзара әрекеттесулердің тіпті шамалы саны да жоқ.

Арнайы ескертулер

Жүктілік немесе лактация кезінде

Жүктілік

Жүктілік кезіндегі теноксикамның әсері туралы клиникалық деректер жоқ.

Жануарларға жүргізілген зерттеулер жүктілікке/эмбрионның дамуына/ұрықтың дамуына/тууға немесе туғаннан кейінгі дамуға тікелей немесе жанама зиянды әсерін көрсетпейді.

Жүкті әйелдерге Артоксан дәрілік затын тағайындау кезінде сақтық танытқан жөн.

Жүктіліктің үшінші триместрінде Артоксан дәрілік затымен емдеуден аулақ болу керек.

Лактация

Бір реттік дозаны зерттеу нәтижелері теноксикамның өте төмен мөлшері (орташа дозаның 0,3% - дан азы) емшек сүтіне түсетінін көрсетті.

Бүгінгі күнге дейін Артоксан дәрілік затын пайдаланатын, бала емізіп жүрген аналардың балаларында жағымсыз әсерлер тіркелген жоқ; дегенмен, ықтимал жағымсыз әсерлерді елемеуге болмайды, егер күдік туындаса, баланы емшектен шығару немесе препаратты қабылдауды тоқтату керек.

Фертильділігі

Циклооксигеназа/простагландин синтезін тежейтін басқа дәрілік заттар жағдайындағыдай, теноксикамды қолдану фертильділікті нашарлатуы мүмкін, сондықтан жүкті болуға тырысып жүрген әйелдерге теноксикамды қолдану ұсынылмайды. Теноксикамды қолдануды тоқтату бала бітуде қиындықтарға тап болған немесе бедеулік тұрғысынан зерттеуден өткен әйелдерде қарастырылуы керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Емдеу кезеңінде жоғары зейін қоюды және психомоторлық реакциялардың жылдамдығын талап ететін, қауіптілігі зор қызмет түрлерімен айналысудан бас тарту қажет.

Қолдану жөніндегі нұсқаулар

Дозалау режимі

Жағымсыз әсерлерді мейлінше азайту үшін ең төменгі дозаларды анағұрлым қысқа уақыт ішінде қолдану қажет.

Жедел подаградан басқа, барлық көрсетілімдер кезінде күніне бір рет бір уақытта 20 мг ректальді суппозиторийлерді қабылдау керек.

Подаграның жедел ұстамалары кезінде ұсынылатын доза 2 күн бойы күніне бір рет 40 мг және келесі 5 күн бойы күн сайын 20 мг құрайды.

Созылмалы ауруларды теноксикаммен емдеу кезінде емдік әсері емнің басында пайда болады және уақыт өте келе артады. Созылмалы аурулар кезінде тәулігіне 20 мг дозадан асырмау керек. Кері жағдайда, жағымсыз әсерлердің жиілігі мен ауырлығы емдік тиімділіктің айтарлықтай артуынсыз ұлғаяды.

Ұзаққа созылған емдеу қажеттілігі кезінде демеуші ем үшін тәуліктік дозаны пероральді 10 мг-ға дейін төмендетуге тырысуға болады.

Енгізу жолы және тәсілі

Артоксан суппозиторийлерін ректальді қолданады.

Артық дозалану жағдайында қабылдануы қажет шаралар

Симптомдары: жағымсыз әсерлердің күшеюі байқалады.

Емі: спецификалық антидот жоқ. Егер теноксикаммен артық дозалануға күмән туындаса, симптоматикалық ем ұсынылады.

Дәрі-дәрмекті қалай қолдану керектігі туралы дәрігерден кеңес алу бойынша ұсыныстар

Препаратты қолдану туралы сұрақтарыңыз болса, дәрігерге хабарласу керек.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі

- бас айналу, бас ауыруы

- асқазандағы, эпигастрийдегі және іштегі жайсыздық, диспепсия, жүрек айнуы, қыжыл, АІЖ тесілуі

Жиі емес

- тәбеттің жоғалуы

- ұйқының бұзылуы

- вертиго

- пальпитация

- гематемезис, асқазан-ішектен қан кету (меленаны қоса алғанда), асқазан-ішектің ойық жарасы, іш қату, диарея, құсу, стоматит, гастрит, ауыздың құрғауы

- қышыну (тік ішекке енгізгеннен кейін анус аумағында), эритема, экзантема, бөртпе, есекжем

- шаршау, ісіну

- қан плазмасындағы бауыр ферменттері деңгейінің жоғарылауы, қан плазмасындағы мочевина азоты мен креатинин деңгейінің жоғарылауы

Өте сирек

- Стивенс-Джонсон синдромы, уытты эпидермальді некролиз, фотосезімталдық реакциялары

Белгісіз

- анемия, агранулоцитоз, лейкопения, тромбоцитопения

- ентігу, бронх демікпесі, анафилаксия, ангионевроздық ісіну сияқты аса жоғары сезімталдық реакциялары

- көрудің бұзылуы (көру өткірлігінің төмендеуі және көру жітілігінің бұзылуы сияқты)

- жүрек жеткіліксіздігі

- васкулит

- колит пен Крон ауруының өршуі

- гепатит

- ЦОГ/простагландиндер синтезінің тежегіштерімен, соның ішінде теноксикаммен ем алған әйелдерде бедеулік жағдайлары туралы бірлі-жарым хабарлар бар

- артериялық гипертензия (әсіресе жүрек-қантамыр жүйесіне әсер ететін препараттармен ем алатын пациенттерде)

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір суппозийторий құрамында

белсенді зат – теноксикам 20 мг,

қосымша зат – витепсол S55.

Сыртқы түрінің, иісінің, дәмінің сипаттамасы

Шамалы иісі бар сары түсті біртекті торпеда тәрізді суппозиторийлер.

Шығарылу түрі және қаптамасы

5 суппозиторийден пішінді ұяшықты қаптамада.

1 немесе 2 пішінді ұяшықты қаптамадан қазақ және орыс тілдеріндегі медициналық қолдану жөніндегі нұсқаулықпен бірге картон қорапшаға салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Сақтау шарттары

250 С- ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

«УОРЛД МЕДИЦИН ИЛАЧ САН. ВЕ ТИДЖ. А.Ш.», Түркия.

15 Теммуз Мах., Джами Йолу Джад. № 50, Гюнешли, Багджылар, Стамбул.

Тел: +90 (212) 474 70 50,

факс: +90 (212) 474 09 01,

е-mail: info@worldmedicine.com.tr

Тіркеу куәлігінің ұстаушысы

«УОРЛД МЕДИЦИН ИЛАЧ САН. ВЕ ТИДЖ. А.Ш.», Түркия.

15 Теммуз Мах., Джами Йолу Джад. № 50, Гюнешли, Багджылар, Стамбул.

Тел: +90 (212) 474 70 50,

факс: +90 (212) 474 09 01,

е-mail: info@worldmedicine.com.tr

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта)

«RIN Pharm» (РИН Фарм) ЖШС, Қазақстан Республикасы, Алматы қ., Сүйінбай данғ, 222 Б

Тел/факс: 8(7272)529090

е-mail: rin_pharma@mail.ru

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«RIN Pharm» (РИН Фарм) ЖШС, Алматы қ., Сүйінбай даңғ., 222 Б

Ұялы тел.: +7 701 786 33 98

е-mail: pvpharma@worldmedicine.kz